Er firringin algjör??

 

Eða er Víðir orðinn ga ga??

 

Hvernig vogar hann sér að ráðast á venjulegt fólk, sem reynir að lifa eðlilegu lífi, þegar sökin er hans?

Hvað gerir fólk með því að hittast, og horfa á börn sín spila fótbolta??

Ekkert.

Veiran var dauð.

Og Víðir sagðist ekki hafa gert neitt sem vakti hana til lífsins.

 

Ef hann laug, ef hann er lygari, hví ræðst hann á annað fólk??

Þetta fólk bauð ekki veiruna til landsins, það var hann sem gerði það, í púkki með Þórólfi og Ölmu.

 

Hví talar hann eins og véfrétt með því að benda á saklaust fólk, sem sannarlega er ekki smitað, hvað þá börn þess, en gengst ekki í mínútu við sinni eigin ábyrgð??

Og lokar á smitleiðirnar sem ógna eðlilegu lífi fólks sem og þá atburði sem börn þess koma saman.

 

Hann er sekur.

Ekki fólkið sem hann bendir á.

 

Það er hans að bæta úr.

Ekki annarra.

 

Og að því gefnu að vírusinn hafi ekki ráðist á og étið upp heilasellur blaðamanna Morgunblaðsins, þá er ömurlegt að lesa svona kóun hinnar algjöru heimsku.

Ekki er spurt.

Ekki er bent á hinn seka.

 

Aðeins lapið upp orð hinna vanhæfu.

Fólksins sem ber ábyrgðina.

 

Svo hló maður yfir Zombíu myndunum.

Þar sem vírus átti að hafa étið upp heilann og breytt fólki í uppvakninga.

 

En hvað annað getur skýrt þessa heimsku??

Þessa frétt án athugasemda, án spurninga.

Það er að maður gengur út frá eðlilegri dómgreind og lágmarks skynsemi.

 

Kannski er Kóvid ekki lungnasjúkdómur.

Kannski er hann heilasjúkdómur.

 

Eða hvað skýrir hina algjöru firringu??

Kveðja að austan.

Hefði verið best ef foreldrar væru eftir heima

Athugasemdir

[Grímur (IP-tala skráð) 2.7.2020 kl. 19:32]

Þeir hafa allavega ekki fallið í þá gryfju að heimta að allir séu með grímur

enda eru nú fjölmörg dæmi að koma í ljós í Svíþjóð og Danmörku um að grímur sem keyptar hafa verið séu langt frá því að uppfylla þær gæðakröfur sem þær æattu að gera

Þ.e.a.s. EC merkingin var einfaldlega fölsuð og það uppgötvaðist ekki fyrr en þær voru prófaðar af óháðum aðila

[Ómar Geirsson, 2.7.2020 kl. 21:23]

Það er gott að það sé ekki gryfja þarna úti full að vatni sem þeir hafa ekki dottið í heiðarlegri tilraun til að drekkja sér.

Hérlendis hefur veiran smitað með snertismiti, annars hefði grímulaust þjóðfélag ekki náð að sigra hana.

En ég er að pistla um ga ga fólkið sem eyðilagði þann sigur, flutti inn veiruna, og ógnar núna öllu mannlífi.

Án þess að kunna skammast sín.

Og hjörðin lætur bjóða sér þessa vitleysu, án þess að nokkur spyr; AF HVERJU Í ANDSKOTANUM HÆTTIÐ ÞIÐ EKKI INNFLUTNINGI Á SMITINU ÁÐUR EN ÞIÐ HNEPPIÐ ALLT MANNLÍF Í FJÖTRA.

Reyndar var það ekki ég sem hástafaði, hlýtur að koma að handan.

En í alvöru Grímur, gríma er ekki málið.

Kveðja að austan.

[Jón Ingi Kristjánsson (IP-tala skráð) 2.7.2020 kl. 22:23]

Vel mælt Ómar eins og þín er von og vísa, en ekki má gleyma ábyrgð stjórnmálamanna í þessum málum sem og öðrum málum.

Kv. JIK.

[Ómar Geirsson, 2.7.2020 kl. 22:35]

Blessaður Jón Ingi.

Sá sem var á undan þessum átti að vera sá síðasti í dag, og þar var þetta sagt;

"Af hverju hefur hann ekki manndóm í sér að ráðast beint að óráðshjalinu sem kom fram í viðtalinu við dómsmálaráðherra í kvöldfréttum sjónvarps í gær??

Er það virðing við Barnasáttmála Sameinuðu þjóðanna sem heldur aftur af honum, eða er það óttinn við valdið??

Að hann verði settur af ef hann slái ekki taktinn í óvitaskapnum??".

Svo kom hótunin gagnvart fótboltamótunum, að þar væri sök að finna.

Þá náttúrulega sprakk ég og hélt áfram.

Það gengur ekki að allir þegi

Kveðja að austan.

[Símon Pétur frá Hákoti (IP-tala skráð) 2.7.2020 kl. 22:59]

Hef engu við þennan pistil að bæta.

Forheimskun þríeykisins er svo algjör,

að það hefur misst alla tiltrú almennings.

Það samþykkti innflutning á smitum

og þjösnast nú helst á íslenskum almenningi

sem vann það þrekvirki í að gera landið smitlaust.

[Ómar Geirsson, 3.7.2020 kl. 08:36]

Og það er engu við þennan útdrátt þinn að bæta Símon Pétur.

Ef það á að skella öllu í lás, þá byrja menn á landamærunum, og vinna svo niður smitið sem þeir hafa flutt inn.

Held að þetta sé ekki einu sinni flókið fyrir uppvakninga.

Kveðja að austan.

[Tómas Ibsen Halldórsson, 3.7.2020 kl. 12:24]

Það var löngu búið að ákveða að annar áfangi í þessu sögulega spili elítunnar (á heimsvísu) í að stjórna fólki, gjörðum þeirra, hvað það má og má ekki, auk þess að eyðileggja efnahag þjóðríkja, fyrirtækja (smárra og stórra)og heimila.

Grímur, hvað grímur varðar þá er það nú svo að þessi árans kórónuveira er svo lítil að hún smýgur í gegnum grímurnar svo þær hafa lítið að segja. Hitt er svo það sem ýmsir læknar hafa bent á, þ.e. þeir sem þora að tala um hlutina eins og þeir eru, að súrefnismagn og -gæði eru takmörkuð sem getur leitt til svima og haft áhrif á ónæmiskerfi líkamans.

Vandamálið er að fólk trúir öllu sem kemur frá fjölmiðlum en lætur gagnrýna hugsun lönd og leið. Það er svo margt ósamræmi sem á sér stað og fólk lokar augunum fyrir.

[Esja frá Kjalarnesi (IP-tala skráð) 3.7.2020 kl. 12:54]

Ragn­ar Freyr Ingvars­son, um­sjón­ar­lækn­ir á göngu­deild COVID-19 á Land­spít­al­an­um, er fámáll en skýrmæltur: "Við vor­um ekki höfð með í ráðum þegar ákveðið var að opna landa­mær­in og það er eng­in sér­stök stemn­ing hér á meðal starfs­fólks að fara að glíma við þetta vanda­mál strax aft­ur.”[...] Ég held að það sé ímynd­un eða ósk­hyggja að hægt sé að knýja áfram ferðaþjón­ustu hér á landi ein­mitt núna. Það er fjar­stæðukennt og dýru verði keypt.“

Fréttin öll https://www.mbl.is/frettir/innlent/2020/07/03/madur_finnur_ekki_sama_andann_i_thetta_skiptid/

[Ómar Geirsson, 3.7.2020 kl. 16:06]

Blessaður Tómas.

Ég átti ekki alveg von á innslagi frá þér, í því samhengi sem ég hef skrifað pistla mína, og þú bættir við rök mín.

Ég hef ekki hugmynd um skýringuna, en það virðist eins og einhver púki þarna úti hafi fengið fólk til að trúa að drápsveira hafi eitthvað með stjórnmál, lífsafstöðu eða annað að gera.

Og þá er stóri puttinn alltaf notaður til að benda á hina meintu hina, líkt og Nafni minn sem vildi svo margt sagt hafa, en segir ekki orð, nema hann geti tengt pistla sína við skemilinn Trump.

Núna síðast las ég fávitapistil frá ágætum verkfræðingi, sem burtséð frá öllu, óháð skoðunum hans og öðru, er skynsemisvera.  En er svo heimskur í dag að það mætti efast að hann hafi ekki heyrt getið um eldinn.

Ábending þín er réttmæt, hvernig svo sem við skiljum hana.

Ég hef áður sagt, ég skil ekki fólk sem tengir drápsveiru, eða varnir gegn henni við pólitík, og bendir á hina.

Dauðinn þekkir ekki slíka flokka, og ef við viljum verjast honum, þá sláumst við hann.

Þar á milli er ekkert val.

Kveðja að austan.

[Ómar Geirsson, 3.7.2020 kl. 16:20]

Blessaður Esja.

Orð þín og tilvitnun styrkja rök mín um að Kovid ræðst ekki aðeins á lungun, hið alvarlega er árásin á heilan, sem breytir skynsemisverum í hjörð uppvakninga sem enga dómgreind hafa, eða nokkurt vit gagnvart þeim staðreyndum sem við blasa.

Það sem kom mér á óvart, var að það þarna er fólk úti sem las pistla mína.

Aftur, eftir þann fyrsta, og þann annan sem var mjög litaður af þeim verkjum sem klemmd taug veldur og klippir út alla hreyfingu og styrk þess fótar sem taugaklemman lokar á.

Samt les fólk..

Þorir reyndar ekki að tjá sig, en les þá sem þess þora, sem reyndar eru miklar ýkjur hvað mig varðar, les þá sem orða hugsanir þess.

Vitna aftur í Símon Pétur hér að ofan.

Ef fólk er ekki fyrir mörg orð, þá nær athugasemd hans um allt sem ég sagt vildi hafa.

Hins vegar aumka ég mig yfir Kokkinn sem fór í eldhúsið í stað þess að mæta afglöpunum og heimskunni, á ekki að skipta máli að Sjálfstæðisflokkurinn geri út þá trenda þessa dagana, og Katrín greyið sé happý, ef einhver nennir að tala við hana í útlenskum fjölmiðlum.

Hippókratis sá þetta kannski ekki alveg fyrir, það er firringu Katrínar og óvitaskap krakkans sem Sjálfstæðisflokkurinn skipaði sem dómsmálaráðherra, en hann samdi ekki eiðinn fyrir sjálfhverfa stjórnmálamenn, heldur fólk eins og Ragnar, kokkinn í eldhúsinu.

Hann hlýtur að eiga mjög erfitt þessa dagana.

Kveðja að austan.