Boris reis uppfrá dauðum.

 

Ekki vegna kraftaverks, heldur vegna nútímalæknavísinda.

Og hann þakkar lífgjöfina með því að kveða upp endanlegan dóm yfir samlöndum sínum.

Kannski hugsanlega að hann trúi að mótefni sýkingarinnar verji hann í næsta skiptið.

Eða hvað útskýrir siðleysið og fáviskuna??

 

Veiran spratt ekki uppúr sjálfu sér.

Hún barst til Bretlands með fólki frá sýktum löndum.

Og núna á að endurtaka leikinn.

 

Liðinn er sá tími þegar bresk stjórnvöld lögðu allt undir að verja líf óbreyttra borgara.

Samt féllu um 30.000 óbreyttir borgarar í þeim hildarleik.

Veiran hefur þegar drepið yfir tvöfalda þá tölu þó skrifræðið fegri skráðar tölur.

Og í stað þess að slást, að verja strönd, hæðir og hóla, þorp, bæi og borgir, þá er gefist upp og landið opnað fyrir hinum banvæna óvini.

 

Af sem áður var.

Kveðja að austan.

Undantekningar frá sóttkví frá og með mánudegi

Athugasemdir

[Kolbrún Hilmars, 2.7.2020 kl. 13:12]

Viðskiptahagsmunir ráða.  Ekki endilega vöruskipti eða fjármál, heldur ferðamannabransinn og hreyfingar á ódýru vinnuafli.

[Ómar Geirsson, 2.7.2020 kl. 13:40]

Blessuð Kolbrún.

Ég veit svo sem ekki alveg hvað ræður, en ég veit að þegar lönd eru varin, þá þarf stundum að loka landamærum.

Jafnvel þó það loki á ferðamannastraum.

Sorgin með Boris er sú, að hann þurfti ekki að lepja upp heimsku skrifræðisins í Brussel, sem telur frjálst flæði vera heilaga kú, jafnvel þó drepsóttir nýti sér það flæði.

Vekur uppi spurningu um aðra stefnu hans.

Kveðja að austan.