Við erum brandarafólk.

 

Við fengum meir að segja gaur úr verkfræðideild til að segja okkur, að við værum mest og best í heimi.

Við hægðum á smiti og þess vegna yrðu þau svona kringum 1.200.

Samt á veiran að ná hámarki um miðjan apríl sagði stelpan sem fyrir utan kyn sitt, fékk starfið því hún var sæt og seig niður úr þyrlu.

 

Morgunblaðið, eða sá hluti þess sem ennþá er ekki róbóti, sagði frá því i gær að leikskólastjórar skyldu ekki bréf sóttvarnaryfirvalda um eðlilega starfsemi leikskóla, nýbúin að fá ordur um að láta forgangshópa ganga fyrir.

Mogganum varð það á að láta ekki hinn tölvustýrða róbóta heimskunnar taka viðtal við fólkið sem ver þjóðina fyrir útbreiðslu kórónuveirunnar, þess vegna varð blaðinu á að afhjúpa heimsku sóttvarnaryfirvalda.

 

En við skulum ekki draga það í efa að maðurinn i turninum, sem hefur vottorð uppá að hann var einu sinni með lífsmarki, ekki trénuð Entur eins og Tolkien lýsti svo vel í sinni sögu um baráttu mennskunnar við örlagadóminn, að hann lesi skrif róbótanna.

Og skilji ekkert í því að þegar sýnatökupinnar fundust, að þá hafi smittilvikum fjölgað.

Segir nokkra brandara og verði dæmdur af sögunni sem fífl.

 

Hvað rekur fólk til að sýkja þjóð sína vitandi vits, má um deila og ræða.

Líklegast treystu þau því að sóttin væri meinlaus nema fyrir fólkið sem átti hvort sem er að hagræða þannig að það fengi ekki að lifa nema ættingjar og vinir borguðu kostnaðinn.

Helstefna sem ritstjóri Morgunblaðsins hefur lengi verið svag fyrir.

 

En við skiljum ekki þessa stefnu sóttvarnaryfirvalda sögðu stjórnendur leikskóla í viðtali við þann hluta Morgunblaðsins sem ekki er ennþá sóttvarnarútbreiðsluvélmenni.

Viljinn, sjálfstæður fréttamiðill, hallur undir hægri en ekki forritaður til að styðja útbreiðslu drepsóttarinnar, afhjúpaði forheimsku þeirra sem verja þjóðina í dag.

 

""Nicholas A. Christakis, prófessor við Yale háskóla í Bandaríkjunum og einn áhrifamesti vísindamaður heims, undrast þá ákvörðun íslenskra sóttvarnayfirvalda að hvetja foreldra til að senda börn sín í grunn- og leikskóla hér á landi þótt Kórónaveiran breiðist nú hratt hér á landi og annars staðar.

Chris McClure, Bandaríkjamaður sem búsettur er hér á landi og lauk nýverið doktorsnámi í lýðheilsufræðum við Háskóla Íslands, fjallar um hvatningu sóttvarnalæknis á Twitter-síðu sinni í dag. McClure er með meistaragráðu í faraldsfræði frá Yale-háskóla og hefur sérhæft sig í rannsóknum á inflúensu, telur ákvörðun íslenskra yfirvalda óábyrga og í algjöru ósamræmi við tilmæli heilbrigðisyfirvalda í öðrum löndum.

Christakis tekur undir þetta á Twitter-þræði landa síns og telur hvatninguna byggða á slæmri ráðgjöf.

Hann segir: „Af hverju heldur Ísland að það sé eitthvað öðruvísi en Ítalía, svo dæmi sé tekið?“ spyr hann".".

 

Róbótar heimskunnar segja síðan fréttir frá leikskólum sem eru lokaðir, vegna þess að annað hvort sýktust börn eða starfsmenn.

Hvert er þá skjólið fyrir fólkið sem ver okkur hin, þegar það getur ekki lengur treyst á skjól fyrir börn sín??

Líkt og stjórnendur leikskóla bentu þeim hluta Morgunblaðsins, sem er ekki enbnþá róbót í sparnaðarskyni, í frétt sinni í gær.

 

Eða fíflin sem mættu úr Háskólanum og sögðu frá því að fyrst við hefðum ekki pinna til að mæla (munum að það var vegna þess að sóttvarnarlæknir sagði að ef ekkert yrði gert þá yrðu heildarsmit um 300) að þá yrði heildarfjöldi smita um 1.200, samt yrði toppurinn eftir nokkrar vikur.

Jafnvel fífl og fávitar, hvort sem þau vinna hjá Ríkisútvarpinu eða Morgunblaðinu, hvort sem þeim hefur skipt út fyrir jákvæða róbóta, sjá að það tekur aðeins 2-3 daga að ná þessu lágmarki.

Og hlusti þau á nýja spá, þá setja þau áður óþekkt met í heimsku, og já, róbótar sem eru forritaðir til að taka undir Hjarðhegðun heimskunnar, þeir springa, því enginn algóritmi ræður við slík frávik.

 

Samt hlusta þau sem sóru að þau myndu verja lífið sem þau ólu.

Þegar á reyndi var Hjarðhegðun heimskunnar sterkari en hvötin að gefa af sér líf og vernda það.

Slíkur er máttur kórónuveirunnar.

 

Hún afhjúpar úrkynjun samfélags sem trúði að ekkert væri þess virði að berjast fyrir.

Orkuauðlindin, dýrin sem hafa fylgt okkur frá landnámi, náunginn, samfélag okkar.

Á meðan veskið héldi áfram að bólgna út svo ég vitni í Karl Blöndal blaðamann Morgunblaðsins sem útskýrði af hverju að fólkið sem sírændi okkur, fengi áfram umboð til að stjórna samfélagi okkar.

 

Núna deyja foreldrar okkar.

Fréttir frá París og Róm, sem og USA, benda til þess að drepsóttin sé að þróa stökkbreytingu sem muni drepa börnin okkar líka.

 

Í nafni heimskunnar og Hjarðhegðunarinnar erum við sátt.

Okkur var sagt að við sjálf þyrftum ekkert að óttast.

 

En trúið mér.

Það er lygi.

Kveðja að austan.

 

88 til viðbótar greinst með veiruna

Athugasemdir

[Ómar Geirsson, 27.3.2020 kl. 16:25]

Þessa athugasemd setti ég inn við fyrri pistil, hún er svona bakland þess sem leikskólakennarar benda á.

Og undirstrikar heimskuna að það sé hægt að drepsótt með því að eltast við skottið á henni.

"Í fyrri pistlum hef ég vitnað í einn þekktasta vísindamann heims á þessu sviði Michael Osterholm, þar sem hann bendir á að einkennalaust fólk geti verið með lungun full af kórónuveirunni og smitað nærumhverfi meðútöndun sinni.  Þetta fólk mælist ekki, en það smitar.

Einkennalaust fólk getur ekki smitað sagði sóttvarnarlæknir og varð svo að éta eitthvað ofaní sig þegar Kári sagði að þetta væri ekki alveg rétt.

Hér er linkur á grein í Nature sem fjallar einmitt um þessa staðreynd.

https://www.nature.com/articles/d41586-020-00822-x

Þar segir meðal annars þetta; "But can people with mild or no symptoms infect others? In a preprint study posted on 8 March, a German-based team showed that some people with COVID-19 had high levels of the virus in throat swabs early in their illness, when their symptoms were mild⁴.That means the pathogen could easily be released through coughs or sneezes — a process known as viral shedding — and spread to others, the researchers say.".

Og hver er rökrétt niðurstaða greinarhöfunda;

"If the findings hold water, urgent measures are needed to curb mild and asymptomatic cases that are fuelling the pandemic, researchers say. They call for closing schools, cancelling public gatherings and generally keeping people at home and out of public spaces.

“Implementing strong social-distancing measures is the only way to stop the virus from spreading,” says Chowell.".

Hjarðhegðun heimskunnar híar á fólk sem reynir að benda á að hvað er sagt út í hinum stóra heimi og það sé ekki vanþekking sem stýri aðgerðum stórþjóða eins og Þjóðverja sem setja á strangt samkomubann og að líklegast eigi þær eftir að stíga skrefið til fulls, að loka eins og gert var í Hubei, það sé í raun það eina sem virkar.

Þetta eru rök læknanna á norðausturhorni landsins og á þá er ekki einu sinni hlustað, ekki einu sinni rætt við þá til að kynna sér sjónarmið þeirra. Og í ljósi alvarleikans á Ítalíu þar sem dánarhlutfallið er 44% af skráðum málum sem er lokið þá er óskiljanlegt að ósýkt svæði skuli ekki vera lokað þegar beiðni kemur þar um.

Síðan getum við spurt okkur, er lengur hægt að tala um Hjarðhegðun heimskunnar hjá fólki sem híar í ljósi alvarleikans.  Allar staðreyndir benda til þess að stefna sóttvarnaryfirvalda er röng, þar sem skorið var á smitleiðir í tíma, er vandinn miklu minni að umfangi en hjá okkur, og þegar við hann var ekki ráðið, þá er aðeins ein leið, sú leið sem var farin í Kína, sú eina sem virkar í sóttvörnum. 

Samt híar fólk og hefur mannslíf í flimtingum.

Er lengur hægt að afsaka hegðun þeirra með orðinu heimska.

Veit ekki.".

Kveðja að austan.

[Bjarni Gunnlaugur (IP-tala skráð) 27.3.2020 kl. 16:57]

Sóttvarnarlæknir virðist reyndar vera meistari þversagnanna. 

Gæti orðið fróðlegt fyrir einhvern með áhuga á slíku að grafa þær upp þegar mestu lætin eru um garð gengin. 

Í dag sagði hann að notkun blóðplasma úr fólki sem hefði náð sér af vírusnum til að hjálpa við lækningu, væri gömul aðferð.  Örfáum setningum seinna sagði hann of litla reynslu af aðferðinni til að þau myndu hugsa sér að nota hana.  

Nú eða að hér sé fylgst svo vel með vírusnum að einungis örlítill hluti væri utan sýnatakna (oft nefnt þetta á umliðnum dögum) en í dag taldi hann að þegar faraldurinn væri "genginn yfir" með þessum væntanlega innan við 18% greindra þá gæti bara alveg verið að það stór hluti þjóðarinnar (væntanlega rúmlega 40%) hefði fengið vírusinn án einkenna og þar af leiðandi sæist sóttin ekki meir. 

En ekki skal ég þó lasta það sem vel hefur verið gert, gæti hafa orðið verra.  En miðað við hvílika lindarheila við eigum víst að hafa í framlínunni í þessum málum á maður þá ekki að krefjast nálgunar við það besta eins og t.d. í Singapúr? 

Ekki síst í ljósi þess að veiran kom hér inn nánast í beinni útsendingu, við sluppum við sérstök "slys" varðandi útbreiðslu hennar, hér eru aðstæður frabærlega góðar til að einangra veiruna og við höfðum (þ.e. sérfræðingarnir) tíma til að læra eitthvað um veiruna og viðbrögð við henni áður en hún kom hér og eða náði sér eitthvað á strik. 

Endanlegur mælikvarði á árangurinn verður þó ekki fjöldi pinna potuðum í kok eða hrósyrða sjálfsdáleiddra fylgjenda "sérfræðinganna" heldur fjöldi dauðsfalla per milljón íbúa (má eins hafa viðmiðið 330.000 fyrir þá sem eiga erfitt með tölur) í samanburði við þar sem best gekk að verja fólk smiti. 

[Ómar Geirsson, 27.3.2020 kl. 17:34]

Blessaður Bjarni.

Þetta er hinn endanlegi mælikvarði.

"Endanlegur mælikvarði á árangurinn verður þó ekki fjöldi pinna potuðum í kok eða hrósyrða sjálfsdáleiddra fylgjenda "sérfræðinganna" heldur fjöldi dauðsfalla per milljón íbúa (má eins hafa viðmiðið 330.000 fyrir þá sem eiga erfitt með tölur) í samanburði við þar sem best gekk að verja fólk smiti. ".

En þegar fíflin sögðu að það væri að draga úr sóttinni vegna þess að þau áttu ekki til pinna, þá var mér öllu lokið, en svo sá ég að smithræðslan er svo mikil, að róbótar flytja okkur fréttirnar af þversögninni.

Þar með er allt nöldur til lítils, '

Nema til þess að nöldra.

Kveðja að austan.

[Ágúst Kárason, 28.3.2020 kl. 05:54]

Já það var ótrúlegt hvað plágan dró sig til hlés þegar pinnarnir voru búnir.  Núna þegar hún er að komast á skrið aftur (eftir að pinnarnir fundust) þá sýnist mér að við ætlum að stefna í nokkur Guiness höfðatölu heimsmet. Er ekki réttast að sóttvarnarlæknir tali persónulega við gamla fólkið á stöðunum sem hann vill ekki loka til að útskýra fyrir þeim að einhverntíman verða allir menn að deyja einsog Vilhjálmur Vilhjálms söng svo vel, hann gæti jafnvel sungið það fyrir fólkið svona til að ýta enn frekar undir mikilvægi þess að halda svæðunum opnum.    

[Ómar Geirsson, 28.3.2020 kl. 14:21]

Blessaður Ágúst.

Það er eiginlega viðhorfið og í raun er bara verið að hægja á svo heilbrigðiskerfið fari ekki á hliðina og geti þá ekki einu sinni sinnt fólkinu sem ekki er á dauðalistanum, þessum með eldra fólkinu og fólkinu með undirliggjandi veikindin.

Það er gengið út frá því að það muni ekki finnast lækning og því þurfi þetta að hafa sinn gang með tilheyrandi mannfalli. 

Má vera rétt, en það sjúka er að það er ekki látið reyna þekkingu 21. aldarinnar.

Menn leika í raun guði sem þeir hafa ekki rétt til.

Kveðja að austan.