Við erum ekkert að grínast.

 

Segir andlit sóttvarna Íslands.

 

Ef blaðamenn væru ekki mjög heimskir þá myndu þeir spyrja, af hverju leyfðir þú veirunni að dreifast um landið,

Af hverju erum við sýktasta land í heimi þegar þú sagðist ekki vera að djóka.

Jókerinn hefði sagt það sama, en hann var siðblint ómenni, en hann hefði vissulega hrósað sér af því að smita heila þjóð þannig að leitun væri að öðru eins.

 

Í hverju er þá grínið fólgið??

Útgöngubanni í samfélögum sem þið kallið óskilgreinda sóttkví.

Hvenær mun það enda??

Hvenær verður aftur sótt að Húnvetningum eða Vestmannaeyingum þegar næsta smitbylgja gengur yfir??

 

Eða húmorinn þegar þið gátuð ekki einu sinni séð til þess að það væri hægt að mæla smit í landinu vegna þess að þið voruð að verða uppiskroppa með pinna (því þið vanmátu veiruna), og þá hættuð þig bara að mæla, og eruð svo stoltir að því að þið hafið Evrópumet í fækkun smita.

Hvað heimskir getið þið verið að þegar faraldur sem á sér rætur aftur til 8. mars, að hann loki núna heilu bæjarfélagi, að þá sé allt í rénum, eins og dagatalið frá 8. til 24. sé ekki til.

Það er ekki hægt að toppa heimskuna, en sjálfsagt eru til grínarar sem gætu gert það.

Mér skilst að Gísli Marteinn sé á lausu.

 

Hert samkomubann hjá sýktustu þjóð Evrópu.

Eru það 20? einstaklingar sem mega ekki lengur hittast?

Nema pólitísku ræflarnir í Þýskalandi og Bretlandi sem tala um 2 einstaklinga, þeir eru ekki grínarar, þeir hlusta ekki á speki hinna íslensku sóttvarnarsérfræðinga.

Náð okkar þjóðar er mikil að eiga svona frammúrskarandi sérfræðinga sem halda haus, þegar aðrar þjóðir, milljóna þjóðir, tugmilljóna þjóðir halda að útgöngubann virki, þegar við vitum betur.

Vit okkar er miklu meira en hlutfallið frá 2 yfir i 20, við erum gáfuðust, við höldum sko blaðamannafundi.

 

Á meðan dreifist veiran út.

Eins og enginn sé morgundagurinn.

 

Og ég get svo svarið það.

Hún er ekki að grínast.

Kveðja að austan.

 

PS. Og ef eitthvað getur toppað heimskuna, þá eru það þessi orð landlæknis;

" „Við erum upplýst og dugleg þjóð. Við eigum frábærlega menntað og duglegt heilbrigðisstarfsfólk. Við erum með góða innviði og kunnum að standa saman þegar á þarf að halda. Ef við við getum ekki tekist á við þessa veiru hver þá?“".

Við erum ekki upplýst þjóð, þá værum við ekki með um 1.899 smit á milljón íbúa, þá værum við ekki svo hissa að þjóðir í nauðvörn hleypi ekki smituðustu þjóð í heimi í land á flugvöllum sínum líkt og nýjustu fréttir herma.

Ef við værum upplýst, og sóttvarnaryfirvöld okkar væru ekki Jókerar, þá værum við með smit eins og Taivan, með 9 smit per milljón íbúa.

Og þeir sem deyja í dag og næstu daga, væru á lífi.

En Jókerinn spáir reyndar ekkert í slík sannindi, telur það reyndar löst frekar en kost.

En hver hefði trúað að hann væri helsti ráðgjafi íslenskra sóttvarnaryfirvalda.

Ha ha, því líkt bull, en sá sem hlær, hann tók ekki með í reikninginn Hjarðhegðun heimskunnar.

„Við erum ekkert að grínast með þetta“

Athugasemdir

[Ómar Geirsson, 24.3.2020 kl. 17:36]

Ég pistlaði um fávitafrétt í dag, hvernig Mbl.is brást allri hugsun og leyfði fávita að tala um regluverk ESB á Ögurstundu.

Í þessum pistli tala ég um grínara, sem grínast með það að veiran sé í rénum, því þeir með skortinn á pinnum sínum, mæla færri smit.

Ég veit að þetta fólk vill vel, þess vegna kýs ég að kalla þau grínara, þó ég geri mér grein fyrir að ef veiran verður jafn banvæn hér og á Ítalíu, þá verður það sótt til saka sem vísvitandi morðingjar.

En ég bara trúi því ekki að svo verði, og þrátt fyrir allt hefur það gengið vel að passa upp á eldra fólk.  Og þó blessað barnalánið bregðist, þá er samfélagið að grípa til réttra aðgerða, æ fleiri loka, þó siðblinda fólks í teinóttum jakkafötum og ljótum drögtum sé á því stigi að það haldi að það dugi að það vinni heima, en láglaunafólkið mæti í hringiðju hins hugsanlega veirusmits.

Þar ber Ikea af eins og demantur innan um alla kolamolana sem líta á okkur hin sem skít.

En það var ekki erindið.

Forheimskir blaðamenn sem birta fréttir um  að smittilfellum fækki hér á landi, vitandi skýringuna, það er ef þeir væru ekki forheimskir, ættu að íhuga í eina mínútu af hverju fréttum um dauðsföllum fækkaði á Ítalíu.

Vissulega mun  faraldurinn ganga yfir á Norður Ítalíu, og dauðsföllum fækka sem þar eru skráð.  En þá er bara restin  á Ítalíu eftir, landsvæði sem sýktust miklu seinna en í Norður Ítalíu.

Þau smit eru eftir og tikka inn á miklu fjölmennara svæði.

Sem og að það hefur þegar verið sýnt framá að opinberar tölur um dauðsföll eru ekki réttar, því heilbrigðiskerfið er hægt að virka, og fólk deyr, án þess að það sé skráð sem fórnarlömb kórónuveirunnar.

En í dag þá jókst aftur mannfallið á Ítalíu.

Munum það þegar við lesum fréttir eða pistla fífla sem gera lítið úr alvarleik dauðaveirunnar.

Hún drepur, en sem betur fer þá ræðst hún ekki á alla sem sýkjast af Covid veirunni.

En það er engin huggun fyrir þann sem fær hana.

Kveðja að austan.

[Halldór Jónsson, 24.3.2020 kl. 20:50]

Og órannsakðir skiklríkjalausir hælisleitendur koma áfram til dvalar vikulega á okkar útveg . Erum við brjálaðir?

[Ómar Geirsson, 24.3.2020 kl. 22:35]

Eiginlega mætti halda það Halldór.

En veistu, samkvæmt helstu sérfræðingum þjóðarinnar þá smita þeir ekki því þeir eru ekki íslenskir ríkisborgarar.

Heppin við.

Kveðja að austan.

[Jón Steinar Ragnarsson, 25.3.2020 kl. 06:54]

Hef aldrei séð nokkurn jafn hræddan við flensu og þig. Eiginlega alveg hrokkinn af hjörunum.

Það munu flestir smitast af þessu þegar upp er staðið, þú sennilega lika, spurningin er einungis hve hratt þetta gerist. Aðgerðir snúast um að hægja á smiti en ekki koma í veg fyrir það. Nú eru 0.0017%, allt gamalmenni, á spítala ut af þessu. Þú þarft kannski aðstoð með resept upp á róandi. 

[Ómar Geirsson, 25.3.2020 kl. 08:40]

Blessaður Jón Steinar.

Dauðahræðslan á sér nokkrar birtingarmyndir, sumir fara ekki út úr húsi og vilja helst engan hitta, slíkt gildir ekki um mig, en ég er komin í útgöngubann í bili því það var greinilegt í gær að flensan var að banka upp.  Ekki veit ég heldur hvort það eigi við um þig.

Önnur birtingarmynd, sem ég hef töluvert rekist á síðustu daga, er angistin sem brýst út á ýmsan hátt, til dæmis að halda að það sé skylduáskrift á bloggpistla mína og þeir eigi að lesast á masókískum forsendum, eða menn afneita staðreyndum, bulla um flensur eða eitthvað smithlutfall sem þeir fundu uppá sjálfir.

Ég veit ekki alveg hver lækningin á slíkri angist er, kannski bara nógu margar raunsögur svo menn verði ánæmir og átti sig á að þeirra tími kemur þegar hann kemur.

Hér kemur ein svona búggí tilvitnun sem er eins og skrímslið undir rúminu; "Doctors in the northern regions of the country have been forced to make decisions usually reserved for wartime triage tents: deciding who lives or dies when the number of respirators is outnumbered by the patients who need them. Morgues are running out of space to hold corpses. Medical staff are collapsing from exhaustion during shifts lasting as long as 36 hours. The country’s economy has ground to a halt.".

En húhh, eru þetta ekki bara gamalmenni; "Among the deaths: a 34-year-old man in Rome with no existing health conditions (according to reports) who died after being hospitalized for 4 days in sub‐intensive care. He had developed a fever after returning from Barcelona, Spain.
a 48-year-old woman who worked as a supermarket cashier in Brescia and died at home after developing a high fever at the beginning of this week. 
a 47-year-old Army of Carabinieri emergency number command center operator in Bergamo who had been hospitalized in intensive care".

Bööö, en 0,00017%; "Italy: in the city of Bergamo, there were 108 more deaths in the first 15 days of March this year compared to 2019 (164 deaths in 2020 vs. 56 deaths in 2019) according to the mayor of the city Giorgio Gori. During this period, 31 deaths were attributed to the coronavirus (less than 30% of the additional deaths this year) 

"There are significant numbers of people who have died but whose death hasn't been attributed to the coronavirus because they died at home or in a nursing home and so they weren't swabbed," said the mayor ".

Dugi þessi shockmeðferð ekki til að lækna dauðaangist þína Jón Steinar, prófaðu þá að horfa á þessi videó, passaður þig að þau eru dálítið krípý svona eins og í Scary movie.

https://www.youtube.com/watch?v=vn5oS47fLZ4

https://www.youtube.com/watch?time_continue=123&v=_J60fQr0GWo&feature=emb_logo

En dónt worry, bí happý, þetta er örugglega allt sviðsett til að fá auknar fjárveitingar í kerfið.  Líkkisturnar eru sjálfsagt leikmunir frá einhverju áhugamannaleikhúsi og það sést strax að fólkið sem talar svona lélega ensku, að þetta eru örugglega áhugaleikara frá sama leikhúsi.

Við látum þetta ekki spilla matarlystinni þegar við borðum eggið núna í morgunsárið.

Kveðja að austan.