Jæja, eru ekki allir kátir??

 

Veldisaukningin á smitunum er byrjuð og enginn veit hvernig ástandið verður í næstu viku, en sporin frá Ítalíu hræða.

Hitt er vitað að á blaðamannafundinum sem verður á eftir, munu menn byrja fundinn á að þakka hvorum öðrum fyrir þennan mikla árangur.

Árangur sem má alfarið skrifa á tregðuna við að skera á smitleiðir í tíma.

 

Í dag þurfa Íslendingar sem koma frá útlöndum, fara sjálfkrafa í 14 daga sóttkví.

Þarft verk en af hverju var það ekki gert strax og ljóst var að hættulegur veirufaraldur var að breiðast út um heimsbyggðina??

Hver er munurinn á að hafa gert það í dag, eða í lok febrúar þegar ljóst var að Ítalía var miklu smitaðri en opinberar tölur gáfu upp.

 

Sem og, af hverju er landið ennþá opið fyrir ferðafólk frá smitsvæðum??

Í gær mátti lesa þessa frétt frá Taivan; "Taiwan announced Wednesday it will close its borders to foreigners as part of stepped-up measures to slow the spread of the new coronavirus."

Þó eru þarlendir með aðeins 108 smit skráð, og þar er innifalið smiti frá Demantsprinsessunni.

 

Við eigum nefnilega ekki að vera kát.

Það er ennþá vitlaust gefið.

 

Veirunni í vil.

Kveðja að austan.

„Við erum komin af stað upp brekkuna“

Athugasemdir

[Ómar Geirsson, 19.3.2020 kl. 14:51]

Til að átta sig betur á alvarleik mála, sem hvorki íslensk sóttvarnaryfirvöld eða hjarðhegðun heimskunnar virðast gera, og hvað felst í því að sporin frá Ítalíu hræða, má vitna í þessa frétt frá DR:

https://www.dr.dk/nyheder/udland/haeren-koerer-i-konvoj-med-ligkister-ud-af-italiensk

Þar sem lest 15 herbíla sást keyra út úr ítalska bænum Bergamo, íbúafjöldi 122.000, hlaðnir líkkistum af föllnum bæjarbúum.

Það er ennþá til það firrt fólk sem þylur upp tölfræðina á bak við mannfallið, svo og svo margir með undirliggjandi sjúkdóma og meðalaldurinn þessi og hinn.

Líklegast til að réttlæta sitt eigið aðgerðaleysi og aumingjaskap.

Til að koma ábyrgðina yfir á fórnarlömbin sem þetta fólk var kosið til að vernda, var á launum til að vernda.

Síðan hvenær var það dauðasök að vera með of háan blóðþrýsting??

Og eitt enn, heilbrigðiskerfið þarna var ekkert síðra en hjá okkur, nema síður sé því leitun er af landi þar sem frjálshyggjan hefur ollið eins miklum skaða á almenna heilbrigðiskerfinu og hér á Íslandi, sem lýsir sér í einum miðstýrðum spítala, undirmönnun og alltaf fá gjörgæslurúm.

Og fólkið þarna suður frá kunni alveg aðal íslensku sóttvörnina, að spritta sig.

Það er samt að fara sína hinstu för

Í herbíl.

Kveðja að austan.