Raunveruleikaskyn ráðamanna okkar.

 

Er líkt og þau séu öll fædd á hlaupári, og stað þess að vera komin á aldur, jafnvel fullorðinsaldur, þá hljóma þau lítt eldri en 10 ára eða svo.

 

 

Engin ráðherra eða ráðamaður hefur tekið samtal við þjóðina um að af hverju stjórnvöld telji það mikilvægara að flytja inn veirur í stað þess að vernda líf eldra fólks, og fólks með undirliggjandi sjúkdóma.

Enginn hefur þorað að taka slaginn við hina veruleikafirrtu foreldra sem fara með börnin sín í vetrafrí í skíðaparadís ítölsku Alpanna, og koma svo heim með vírus sem gæti dregið afa þeirra og ömmur til dauða.

Enginn hefur haft kjark til að mæta þeim peningaöflum sem meta fjárhagslega hagsmuni fram yfir líf og limi samlanda sinna.

Hvort sem það er þrýstingurinn á að leyfa flug til sóttvarnarsvæða Ítalíu, eða eyðileggja varnir þjóðarinnar gagnvart útbreiðslu á fjölónæmum sýklum og bakteríum. 

Hjá þessum skynlausu skepnum er gróði mannslífi æðra, og þær virðast ráða öllu.

 

Í daga talar formaður Sjálfstæðisflokksins, fjármálaráðherra þjóðarinnar, útlítandi eins og hann sé eldri en 10 ára, um bankasölu, ætlar að taka skref í þá átt í næstu viku.

Eins og fólk sé að ræða bankasölu þessa dagana.

Veit hann ekki að stór hluti hennar skiptist í tvennt, þeir sem gráta það að kórónaveiran kemur í veg fyrir sögulegan meistaratitil Liverpool, og þeirra sem gera grín að þeim, "þið verðið aldrei meistarar".

Sem er svona gálgahúmor til að mæta hinu grafalvarlegu ástandi sem hlýst af útbreiðslu kórónuveirunnar um alla Evrópu.

 

Þar sem flest smittilvik eru rakin til Ítalíu, ekki Kína.

Og enginn gerir neitt til að hindra þau.

 

Ef aðeins fótboltinn væri í húfi þá mætti kannski skilja þessa samræðu Bjarna við þjóð sína.

En í ljósi þess að dánarhlutfall eldra fólks er á bilinu 10-20% þá er það ekki beint taktískt.

Nær væri að ræða af hverju sé ekki gripið til varna, ekki bara vegna allra þeirra lífa sem eru í húfi, heldur líka vegna þess að leiðin til að berjast við smitleiðir veirunnar er þekkt, og hefur verið beitt með góðum árangri í Kína.

 

Að gera það ekki er kaldranalegt, en kannski ekki svo mjög heimskulegt, hjá þeim sem hugsa í debet og kredit.

En þó íslensk stjórnvöld ákveði að bjóða smitið velkomið, þá eru þau eyland hvað það varðar, úti í hinum stóra heimi er efnahagslífið undir og fjármálamarkaðir hafa þegar sýnt niðursveiflur sem eru áður óþekktar þegar ekki er hægt að rekja hrunið til undirliggjandi erfiðleika á fjármálamörkuðum.

Menn eru bara nógu skynugir til að skilja hvað lokun Kína þýðir, og hvað það þýðir að ferðalög fólks séu heft, hvort sem það er með beinum aðgerðum, eða upplýsingum um hættu á smiti á ferðamannastöðum.

Í raun blasir við gjaldþrot hjá einni af mikilvægustu atvinnugrein heimsins.

 

Fyrirtæki fara á hausinn, fólk fær ekki greidd laun sín, þeir sem lána, fá ekki lánin endurgreidd, þeir geta heldur ekki greitt sínum lánardrottnum.

Dómónínáhrif sem leiða til heimskreppu.

Nema að eitthvað sé gert til að bregðast við.

Frysting lána, skammtímafjárhagsaðstoð á meðan fyrirtæki aðlaga sig að breyttum forsendum og svo framvegis.

Því fyrr sem eitthvað er gert, því líklegra til viðspyrnu, og jafnvel gert þann gæfumun að greinin lifi af heimsfaraldur kórónuveirunnar.

 

En blessuð fávísu börnin, sem buðu og bjóða smitið velkomið samkvæmt reglugerðinni um hið frjálsa flæði, sem brutu vísvitandi niður sóttvarnargirðingar þjóðarinnar gagnvar fjölónæmum sýklum, sem rændu þjóðinni orkunni sinni, þó ennþá eigi eftir að staðfesta ránið, þau gera ekkert af þessu.

Þau ætla bara að selja bankana, eru að fara að leita af kaupendum.

Á meðan hlutabréfavísitölur heimsins eru í frjálsu falli, og enginn veit hvar botninn liggur.

 

Taktíst??

Fávíst??

 

Jæja, það er allavega hægt að segja eitt.

Það er ekki logið uppá þessi blessuð börn.

 

Þau eru jafnvel ofjarlar Baróns Munchausen.

Og þó gat hann logið mörgu.

Kveðja að austan.

 

 

Býst við skrefum í átt að bankasölu á næstu vikum

Athugasemdir

[Halldór Egill Guðnason, 1.3.2020 kl. 03:03]

 Ég er Sjálfstæðismaður. Hef ávallt verið og verð til dauðadags. 

 Þegar formaður Sjálfstæðisflokksins stígur fram með hugmyndir um sölu eigna minna, í miðri vírusvá, minnkar ekkert sjálfstæðisvilji minn, en ....

 Formaður Sjálfstæðisflokksins, sem “by the way” lætur lítið eftir sér hafa um vírusinn eða önnur óþægileg mál, byrjar að gaspra um bankasölur, þegar allar hagtölur eru eldrauðar og markaðir á leið til andskotans, setur mig í rogastans yfir heimsku hans. Hafði ekki mikið álit á honum fyrir, en nú keyrir um þverbak. Maðurinn skeytir engu um samfélagið og hans helsta markmið er að skara eld að eigin köku, ættmenna sinna og vina. 

 Að skella fram þessum frasa, í miðri víruskrísu, er svo heimskulegt, að það dæmir formann Sjálfstæðisflokksins míns til fjandans. Farið hefur fé betra, en Guð forði okkur frá Loga geimgengli, eða öðrum álíka bjálfum.

 Valið verður einfalt í næstu kosningum.

 Góðar stundir, með kveðju að sunnan og fyrirgefðu langlokuna.

(það er ekki alltaf netsamband)

[Símon Pétur frá Hákoti (IP-tala skráð) 1.3.2020 kl. 03:53]

Pistillinn og Halldór Egill segja allt sem segja þarf.  Mikil er skömm Sjálfstæðisflokksins.

Í skjóli hans

og allra flokksmanna hans situr Bjarni.

[Magnús Sigurðsson, 1.3.2020 kl. 05:22]

Góður pistill Ómar, og athugasemdir.

Með kveðju úr efra.

[Ómar Geirsson, 1.3.2020 kl. 13:40]

Takk fyrir innlitið félagar.

Las magnaðan pistil eftir Jón Bjarnason, og reyndi að vekja athygli á honum.

Þar má lesa þennan sannleik;

"Látið er að því liggja að það sé á ábyrgð þeirra einstaklinga sem taka þá persónulegu áhættu að fara í þessar hópferðir m.a. inn á sýkt svæði.   

En þetta fólk kemur aftur til landsins og þá eru þessar ferðir ekki lengur einkamál þeirra. Heimkomið eru allir  aðrir undir, vinnufélagarnir, öll félagsleg samskipti, börnin í skólunum, en líka þeir sem eru aldraðir og með skert ónæmiskerfi. Ábyrgðin er svo sett á Almannavarnir, sóttvarna og heilbrigðiseftirlit ".

Hvernig er hægt að horfa framhjá þessum sannleik??

Kveðja að austan.