Bandamenn fagna launmorðinu.

 

Sem Morgunblaðið af sinni alkunnri kurteisi kallar víg líkt og þegar kappar drápu hvorn annan á söguöld Íslendingasagnanna.

 

Þessir bandamenn eiga ekkert skylt við bandalagsþjóðirnar sem lögðu skrímsli nasismans að velli, eða þá sem snéru bökum saman við að fella annað skrímsli, og það nýrra, Ríki Íslams, heldur eru bandamenn hinir nýju þeir Donald Trump Bandaríkjaforseti, viðskiptafélagi hans, Múhameð Bin Salman krónprins Sádi Arabíu og miðaldamorðingjarnir sem spruttu út úr Wahhabismanum sem er ríkistrú Sáda.

Fyrir Donald er þetta bisness, og það arðsamur, fyrir Salman er þetta tilbúinn blóraböggull fyrir öll voðaverk Sáda og fyrir Ríki Íslams er þetta kærkomin grið frá aðgerðum Kúrda, Írana og jú Bandaríkjanna sem næstum höfðu gengið frá samtökunum dauðum.

 

Hafi menn einhvern tímann efast um snilld Donald Trumps, þá þarf ekki frekari vitnanna við, hann getur gert utanríkismál öflugasta ríkis heims, að viðskiptatækifæri fyrir sjálfan sig.

Og fer léttara með að sannfæra stuðningsfólk sitt en sjálfur frelsaranum tókst með sína, því Jesú dugði ekki kraftaverkin, heldur þurfti hann krossfestinguna og upprisuna til að lærisveinar hans í raun fóru að taka mark á honum. 

Áður virtist hann hafa verið bara svona skaffari.

 

Hvernig Donald Trump fer að þessu má guð vita.

En hann fer að þessu.

 

Herinn setur sig ekki upp á móti.

Þeir sem græða á átökum eða styrjaldarástandi, standa þétt að baki Trump.

Og fjöldinn vitnar þrátt fyrir að varla er liðin vika síðan Íslamistar voru efstir á blaði yfir óvini hins hvíta kristna miðaldra manns.

 

Trump er síðan húmoristi, hann vill fá friðarverlaun fyrir að æsa til ófriðar.

Sem og að gefa hryðjuverkafólki frið og næði til að safna kröftum og skipuleggja frekari ódæði gagnvart kristnu fólki, hvort sem það erum við hin réttdræpu á Vesturlöndum (opinbert námsefni í skólum Sáda), eða það sem ennþá hefur þraukað í vöggu kristninnar í Miðausturlöndum.

 

Þetta er ekki öllum gefið.

Eiginlega engum.

Kveðja að austan.

Ríki íslams fagnar vígi Soleimani

Athugasemdir

[Símon Pétur frá Hákoti (IP-tala skráð) 10.1.2020 kl. 22:04]

Þú átt þakkir skyldar Ómar

fyrir staðfestu þína

að reyna að uppfræða aðra mogga bloggara.

Vonandi lesa þeir viðhengda frétt og pistil þinn

og reyna a.m.k. að átta sig á þeirri lágmarksvitneskju að Íranir/Persar eru alls ekki Arabar.  

[Símon Pétur frá Hákoti (IP-tala skráð) 10.1.2020 kl. 22:16]

Svo ruglaðir eru þeir sumir mogga bloggararnir orðnir að þeir virðast ekki heldur vita að það er Isis/Ríki Íslams sem staðið hefur að morðum á kristnu fólki, kúrdum, alavítum og írönum.

Fáfræði sumra mogga bloggara hefur komið mér, vægast sagt, verulega á óvart.

[Ómar Geirsson, 11.1.2020 kl. 10:50]

Blessaður Símon Pétur.

Arabar eru ekkert verri en við, en hugmyndaheimur þeirra er annar, hefur þróast út frá allt öðrum aðstæðum, og er á annarri tímalínu en okkar.  Þeirra vandi í dag er öfgaheimur trúarinnar, ekki trúin sem slík, heldur þær öfgar sem spunnar eru út frá henni.

Persarnir glíma við sama vanda, þeir lúta stjórn miðaldaklerka sem rífast við nútímann með ofbeldi.  Þeir mættu alveg missa sig líkt og andlegu félagar þeirra í Ryhad.

Af einhverjum ástæðum héldu Persar tryggði við Ali, tengdason Múhameðs, kannski var það þeirra andóf gegn arabísku innrásarmönnunum, veit það ekki.  En þó Íran sé eina stóra ríkið þar sem sjítar eru í meirihluta, þá eru þeir alls ekki allir sjítar þessa heims, og þegar ég er að tala um morð á sjítum, þá eru þau eðli málsins vegna ekki í Íran, þó Islamistar hafi sprengt nokkrar sprengjur þar.  Skelfilegustu fjöldamorðin á sjítum eru í Írak, en Fenjaarabarnir þar eru að mestu sjíta trúar.  Eins hafa skæðar árásir verið gerðar í Pakistan, og í minna mæli í Afganistan.

Þó mér þykir vænt um félaga mína hérna á Moggablogginu, þá er ég nú samt ekki að blogga fyrir þá.  Ég veit eiginlega ekki af hverju ég er að skrifa þessa pistla, þetta á enga skýra tilvísun í íslenska stjórnmálaumræðu en sumt er bara þannig eðlis að það þarf að skrifast.  Nema náttúrulega Moggapistillinn minn á undan þessum var náttúrulega að sá er vinur sem til vamms segir.

En ég held að þeir sem kvarta sáran yfir fáfræði Ruv, eða falsfréttum ýmiskonar, séu í raun ekki svona fáfróðir.  Þetta er vísvitandi áróður fyrir hjörðina sem á að halda í myrkri fáfræðinnar og blekkinga.

En á endanum snýst þetta allt um trúverðugleika Símon Pétur.

Hvað mig varðar þá hef ég alltaf haldið tryggð við hann og verið sjálfum mér samkvæmur.

Þess vegna get ég til dæmis ekki stutt framboð Ragnars og félaga, við þurfum ekki eitt vitleysingaframboðið í viðbót.  Þar skiptir engu máli hið marga skynsamlega sem sagt er, þú sérð eðlið og innrætið á lausnunum sem eru boðaðar.  Þess vegna voru kommúnistar ekki gott fólk, þeir bentu á ágalla, en lögðu til skelfingu og kúgun sem lausn.

Sá sem leggur til innköllun á kvótanum og síðan hina svörtu frjálshyggju, kvótann til hæstbjóðanda, getur hugsanlega verið hreinn bjáni, en að öllum líkindum er hann verri en það, snýr að sið og innræti.

Svipaðar spurningar vakna þegar menn vanvirða öll fórnarlömb Islamista með því að klína þeim á blásaklausa í Teheran.

Svari þeim hver fyrir sig, en ég hef allavega svarað þeim hvað mig varðar.

Forheimskan og að feta í fótspor andskotans er líklegust leiðin til fylgis í dag, en það er samt ekki leiðin.

Og á því megum við aldrei missa sjónar.

Takk fyrir stuðning þinn kæri Símon Pétur, hvort sem þú segir til vamms eða hrós.

Það mun birta til á ný.

Kveðja að austan.

[Símon Pétur frá Hákoti (IP-tala skráð) 11.1.2020 kl. 11:50]

Þakka mjög gott svar þitt í athugasemd.