Launmorðingi réttlætir sig.

 

Sá launmyrti var víst að undirbúa árásir.

 

Og spurningin er, mun Morgunblaðið taka undir þessa réttlætingu í leiðurum sínum eða næsta Reykjavíkurbréfi??

Sem og munu lögfræðingar morðingja krefjast sýknu, sem og lausnar hjá þegar dæmdum, í krafti þess að sá sem drepinn var, sá sem var myrtur, hafi haft eitthvað illt í hyggju.

 

Í heimi þar sem heimskan er sett í öndvegi þá komast menn bæði upp með svona réttlætingu, sem og að virtir fjölmiðlar birta bullið eins og hverja aðra frásögn.

Frá er sá tími þegar múlbundnir fréttaþulir í fjölmiðlum alræðisstjórna þurftu að lesa upp fjarstæður og rugl, í dag er máttur peninga slíkur að fríviljugir gera slíkt hið sama.

Morðingjarnir, bandamenn hryðjuverkamanna sem sannarlega slátra saklausum á hverjum degi, útrýma kristni úr vöggu sinni, þeir kaupa bara umfjöllun, eiga fjölmiðla, stjórna umræðunni.

Gera Írani ábyrga fyrir glæpi sína.

 

Það væri öllum hollt að horfa á heimildarmynd BBC um morðingjann í Ryadh, glæpi hans og miðaldaofstæki. 

Meðal afreka hans er bein fjármögnun á hryðjuverkum á Vesturlöndum, dráp, pyntingar og aftökur á sjíta minnihlutanum í Sádi Arabíu, og núna nýlega sáum við mynd af ungri stúlku, afmyndaða eftir pyntingar, hennar glæpur var að keyra bíl.

Kennsluefni í skólum hans er að kristna eigi að drepa.  Og sannarlega er það gert með fjármagni frá Ryadh.

 

Hinn launmyrti sjíti vann gegn voðaverkum krónprins Sáda.

Studdi trúbræður sína í Sádi Arabíu, vopnaði kúgaðan minnihluta í Yemen.

Og barðist við Íslamista í Sýrlandi, flesta þekkta undir nafni Ríkis Islams.

Sem og hann var andstæðingur bandamanna Sáda, Bandaríkjamanna.

 

Þeir myrtu hann og réttlæta morðið með gróusögum, ýkjusögum.

Eiga eiginlega aðeins eftir að kenna honum um að hafa falið gjöreyðingarvopnin sem fundust ekki Írak.

En þeir kenna honum um hryðjuverk Íslamaista, kenna honum um að fjármagna það sem Sádar hafa gert í áratugi.

Að fjármagna hatur, öfga og miðaldaofstæki.

 

Trúgjarnir sjá glæpi Sáda.

Og kenna Írönum um.

Þannig er heimurinn í dag.

 

Alræðisstjórnir eru fallnar.

En vinnubrögð þeirra lifa.

 

Þær töpuðu stríðinu við lýðræðið.

En unnu friðinn.

 

Það er, þau keyptu hann.

Kveðja að austan.

 

 

Soleimani var að undirbúa árásir

Athugasemdir

[Þorsteinn Sch Thorsteinsson, 7.1.2020 kl. 23:33]

Sæll Ómar, 

Þessi umfjöllun á mbl.is á margt sameiginlegt með Rothschild Reuters og Rothschild Associated  Press, og þetta hefur alls ekki verið greinagóð umfjöllun. Í þessu áróðursstríði sem að MBL tekur þátt í, þá er passað sérstaklega vel uppá að minnast ekki á, að hann Qasem Soleimani vann og starfaði með Bandaríkjamönnum í hinu svokallaða stríð gegn ISIS (Col. Lawrence Wilkerson: Qassem Soleimani Worked with U.S. in Fight Against Taliban & ISIS), því allt svoleiðis sem að hann var orðinn frægur fyrir í Íran, Sýrlandi og Írak má alls ekki minnast á núna hérna á vesturlöndum (General Qassem Soleiman saved Christian lives in Syria and Iraq). Því þarf eftir þessa árás að reyna demonize-a hann Qasem Soleimani niður til þess að réttlæta þannig þessa aftöku, ekki satt?

"..Íranski hers­höfðing­inn Qa­sem So­leimani var að und­ir­búa árás­ir sem átti að fremja nokkr­um dög­um eft­ir að hann var drep­inn í banda­rískri dróna­árás í Bagdad.." Fjölmiðlar og stjórnmálamenn í Bandaríkjunum hafa óskað eftir traustum sönnum og gögnum fyrir þessum ásökunum frá stjórnvöldum í Bandaríkjunum varðandi með að "Qa­sem So­leimani var að und­ir­búa árás­ir", en þeim hefur öllum verið synjað um traustar sannanir í þessu máli.    

Þá er líka sérstaklega vel passað uppá það að minnast ekki á, að hann Soleimani hafi verið með Írönskum embættismönnum á leiðinni að hefja friðarviðræður við Saudi Araba þarna í Írak (Iran Soleimani was in Iraq to discuss relations with Saudi), þar sem að fimm Írakar ásamt honum Soleimani voru allir teknir af lífi í þessari áraás Bandaríkjamanna.

Í dag þá sjá yfirvöld í Bandaríkjum sig knúna til að koma með nýjar- og óþekktar sögur um Qasem Soleimani (eða lygar um hann). Það er eins og það má alls ekki tala um þessa fimm Íraka er Bandaríkjamenn myrtu í þessari árás, hvað þá minnast einu orði á Írakann commander Abu Mahdi al-Muhandis er Bandaríkjamenn myrtu einnig í þessari árás, og/eða hvers vegna Írakar eru núna að reka Bandaríkjamenn burt.

KV. 

[Ómar Geirsson, 8.1.2020 kl. 09:53]

Blessaður Þorsteinn.

Þetta eru allt stórar spurningar en ég verð að játa að ég hef ekki trú á fréttinni um að hann hafi verið í friðarerindum í Írak, það þarf meiri brennistein að rigna áður en Íran og Sádar slíðra sverðin, aðeins sameiginlegur óvinur gæti komið á slíkum friði.

En þetta er kjarninn; "Því þarf eftir þessa árás að reyna demonize-a hann Qasem Soleimani niður til þess að réttlæta þannig þessa aftöku, ekki satt?".

Samt skrýtið að nota sömu slitnu plötuna og spiluð var þegar ráðist var á Írak á sínum tíma, sérstaklega í ljósi þess að þar var hún röng, og síðan eru öflin sem fóðra hryðjuverk í bandalagi við Bandaríkjamenn, trúverðugleikinn er því enginn.

Kveðja að austan.

[Þorsteinn Sch Thorsteinsson, 8.1.2020 kl. 11:51]

Sæll Ómar, 

Þetta með að blekkja þá svona og/eða með að bjóða þeim í þessar friðar- og samningaviðræður virkaði greinilega til þess að taka hann Soleimani karlinn af lífi ("Iraqi prime minister: Trump used diplomatic cover to lure Soleimani to his death"). Það verður örugglega mjög erfitt næst að reyna bjóða Írökum í einhverjar svona friðar - og samningaviðræður aftur. Nú og auk þess þar sem að þeir hafa komið í veg fyrir að fulltrúi þeirra fái að tala á vettvangi Sameinuðu þjóðanna (US Blocks Iran's Foreign Minister From Addressing UN Security Council), því það á greinilega að reyna þagga allt þetta mál niður. En auðvita taka menn frekar mark Trump og hans ríkisstjórn, heldur en Írökum sem eru svona líka umkringdir, ekki satt? Menn eru þegar farnir að trúa þessum lygum frá ríkisstjórn Trumps (eða Mike Pence varaforseta BNA) með að Írakar eiga að hafa skipulagt og/eða framkvæmt hryðjuverkin á Tvíburaturnanna þann 11. september 2001.       

KV.

Sjá hérna einnig:   

"Iraqi Prime Minister Says Soleimani Was in Iraq to Discuss De-escalating Tensions"

Maybe US will send a drone and have a shot at me: Malaysian PM slams America

"Iraqi PM Says Soleimani Was on a Peace Mission When He Was Killed, Trump Lied About ‘Imminent Attacks’