Lára V Júlíusdóttir.

 

Sagði ekki orð þegar þúsundir barna voru borin út af heimilum sínum eftir Hrun.

Hún sagði ekki orð um þegar ríkisstjórn Samfylkingarinnar undir forystu Jóhönnu Sigurðardóttur endurreisti bankakerfið á sömu forsendum og kom því á hausinn í aðdraganda Hrunsins, hvað þá að hún mótmælti samkomulaginu við AGS um að hrægammar fengu veiðileyfi á heimili landsins og fyrirtæki.

Hún sagði ekki orð, hún þagði öll þessi ár.

 

Svo gerðist það að lepparnir og skrepparnir voru kosnir burt.

Tvö stærstu verkalýðsfélög landsins gáfu hinu samábyrgu í forystunni reisupassann, og í kjölfarið þurfti valdaklíkan að skipta um mann í brúnni hjá ASÍ.

Eitthvað sem hefði aldrei gerst ef fólkið í grasrótinni hefði ekki risið upp og sagt Nei við samtryggingu elítunnar og arðráni þjóðarinnar eftir Hrun.

ASÍ er seif en eftir standa rebellarnir hjá VR og Eflingu.

 

Þá er gripið til hinna dýpstu vopna.

Sem eiga sér algjörlega sögulega forsendu, Stasi hin Austurþýska leyniþjónusta átti morandi hreiður uppljóstrara og handbenda í vesturþýska stjórnkerfinu, en þeir sem náðu lengst inní valdakjarnann voru ekki afhjúpaðir nema þegar upplýsingarnar skiptu sköpum.  Eins og var tilfellið þegar upplýsingar var lekið um fyrirhugaðar  skammtímakjarnorkuflaugar Nató í Rínardalnum, þá  var upplýsingum lekið í meintar friðarhreyfingar þó ljóst væri að lekann mætti rekja, og upp komst um njósnara í kjölfarið.

Þekkt saga, þekkt vinnubrögð, þekktar afleiðingar.

 

Lára V. Júlíusdóttir skóp sér orð fyrir að verja lítilmagnann.

Og meinti örugglega vel á sínum tíma.

En aldrei kom orð frá henni eða öðrum trúnaðarfólki Samfylkingarinnar í verkalýðshreyfingunni varðandi ógnina sem stafaði frá Brussel eða hinu frjálsa flæði samnefnara hins lægsta sem var innprentað í regluverk Evrópusambandsins.

Og ef fólk vissi ekki betur, að eftir að Samfylkingin seldi samborgara sína, hvort sem það var ICEsave eða í vasa hrægamma, þá gat það alveg ályktað að tími Láru væri liðinn, hvort sem hún væri liðinn í bókstaflegri merkingu eða dregið sig í hlé sökum fleiri ára en færri.

Engan gat grunað að hið aumkunarverða fólk sem seldi þjóð sína, sendi út kall, og þá mætti Lára.

Hvað þá að hún skyldi mæta.

 

Morgunblaðið á mikla þökk fyrir að láta sjónarmið Sólveigu Önnu að koma fram í þessari umfjöllun sinni, sérstaklega í ljósi þess að ritstjóri blaðsins kaus að hatast útí rebellanna sem ógnuðu hinu þegjandi samkomulagi verkalýðshreyfingarinnar við hrægamma og leppa þeirra innan Samfylkingarinnar og Viðreisnar.

Það er þó ennþá til fjölmiðill í landinu sem er ekki algjörlega í vasa hrægamma og auðs.

Fjölmiðill sem afhjúpar þessa atlögu hins skítuga fjármagns að fólkinu sem reis upp.

Með því að láta staðreyndir tala.

 

Eftir stendur Lára V. Júlíusdóttir.

Sem átti æru og tiltrú.

 

Afhjúpun hennar er afhjúpun félagshyggjunnar, Samfylkingarinnar og góða fólksins.

Að Jóhönnu og Steingrími varð ekki á.

Þau þjónuðu, en aðeins flæði tímans afhjúpaði þau á undan þeim sem gátu leikið sig skinheilög aðeins lengur.

 

Eftir stóð, og eftir stendur að hinir minni bræður og systur voru aðeins tæki og tól í grímulausir valdabaráttu fólk sem fyrir svo margt löngu hafði selt sálu sína.

Valdabaráttu við hina gömlu borgarastétt sem vegna íhaldssemi sinnar var Þrándur í Götu hinna nýríku auðmanna.

 

Orkupakki 3 afhjúpaði kannski flesta af hinu aumkunarverðu fólki.

Það er það sem þegar hafði ekki sýnt sitt rétta eðli eftir Hrun. 

Jóhanna, Steingrímur, Össur, Katrín, sem og dvergarnir ótalmörgu í VG eða Samfylkingunni sem enginn kann að nefna sökum skorts þeirra á persónuleik og andlegu atgervi.

En Stasi fórnaði aldrei öllum, jafnvel í ýtrustu neyð, og vitað er að ennþá er fólk í æðstu embættum í Þýskalandi sem þjónaði á árum áður öðrum húsbónda en hinu Þýska Sambandslýðveldi.

Og á Íslandi er ASÍ ekki beint laust við slíkt fólk.

 

Það var samt óþarfi að afhjúpa Láru.

Hún hefur margt gott og þarft verkið unnið.

Þögn hennar eftir Hrun gat átt sér margar aðrar skýringar en þjónkun Samfylkingarinnar við innlenda og erlenda hrægamma.

Til dæmis tryggði við gegnar hugsjónir án þess að vilja fara gegn fólkinu sem sveik.

 

Það er það sárasta við þessa frétt.

Að fólkið sem maður trúði og treysti, að það var ekki traustsins vert.

Ekkert af því.

 

Allt fals og feik.

 

Fals og feik.

Skráð á bautastein íslenskra jafnaðarmanna.

 

Smánin er þeirra arfleið.

Kveðja að austan.

 

 

„Ég hótaði honum ekki eða ógnaði með neinum hætti“

Athugasemdir

[Esja frá Kjalarnesi (IP-tala skráð) 21.9.2019 kl. 22:30]

Er það í lagi að starfsmenn verkalýðsfélaga þurfi að óttast atvinnumissi við formannsskipti af því að starfsmennirnir leyfðu sér að taka afstöðu til frambjóðenda?

[Ómar Geirsson, 21.9.2019 kl. 23:28]

Ja Esja, hvað á ég að segja, ég ráðlegg þér bara að lesa fréttina og tjá þig svo.

Mundu samt að rógurinn er vopn samtryggingarinnar, þess vegna er þessi frétt Moggans svo mikið ljós í svartnætti samtímans, að það sé ennþá skrifað út frá staðreyndum en ekki hagsmunum auðsöfnunar hinna Örfáu.

Kveðja að austan.

[Esja frá Kjalarnesi (IP-tala skráð) 22.9.2019 kl. 00:23]

Ég hef lesið það um málið sem er aðgengilegt öllum og eftir þann lestur situr efst spurning mín frá því fyrr í kvöld.

Hin hliðin á spurningunni er hvort starfsmenn verkalýðsfélaga eigi að neita sér um að taka afstöðu í formannskosningum af ótta við að gjalda þess síðar?

[Gunnar Heiðarsson, 22.9.2019 kl. 07:28]

Sæl Esja.

Kjósi starfsfólk verkalýðsfélaga að taka afstöðu með einum frambjóðanda gegn öðrum, sem því ar að sjálfsögðu heimilt, verður það auðvitað að vera tilbúið að taka því að þeirra örlög innan þess verklýðsfélags fari á sama veg og niðurstaða kosningarinnar. Sér í lagi ef viðkomandi starfsmaður beitir sér og er virkur í þeirri kosningabaráttu.

Þetta þekkir fráfarandi starfsmaður Eflingar, hefur áður lennt í nákvæmlega sömu stöðu hjá öðru verkalýðsfélagi, fyrir rúmum einum og hálfum áratug.

[Esja frá Kjalarnesi (IP-tala skráð) 22.9.2019 kl. 09:33]

Sæll, Gunnar. Ég verð að vera ósammála því að "[þá verði] það auðvitað að vera tilbúið að taka því að þeirra örlög innan þess verkalýðsfélags fari á sama veg og niðurstaða kosningarinnar." Í kosningunum var kosið milli framjóðenda til formanns, en ekki í önnur störf. Það lá ekki fyrir fyrir kosningar að starfsöryggi annarra starfsmanna héngi á því hver yrði kosinn formaður.

Verkalýðsfélög hafa það hlutverk að tryggja starfsöryggi fólks og að missi fólk vinnuna þá liggi til þess málefnalegar ástæður. Það má örugglega efast um að launafólk almennt vilji eiga atvinnuöryggi sitt undir því komið hvort yfirmanninum "langi til að vinna með því eða ekki."

[Gunnar Heiðarsson, 22.9.2019 kl. 18:25]

Taki einhver starfsmaður afstöðu með einum frambjóðanda gegn öðrum, sér í lagi ef sá starfsmaður er virkur í framboði þess er hann styður, verður hann að standa með þeiirri ákvörðun sinni. Þetta er einfallt og ætti ekki að vefjast fyrir nokkrum manni sem hefur lágmarks skynsemi í hugsun.

[Esja frá Kjalarnesi (IP-tala skráð) 22.9.2019 kl. 18:38]

Sæll, Gunnar, þótt þú beinir orðum þínum ekki beint til mín þá leyfi ég mér að bregðast við þeim. Eru þetta reglur Eflingar og voru þær þekktar fyrir kosningar? Máttu starfsmennirnir vita að með því að taka afstöðu til frambjóðenda brutu þeir af sér?

[Ómar Geirsson, 22.9.2019 kl. 21:26]

Blessaður Esja minn.

Hártoganir eru list þegar vel tekst til, en þú nærð vart að vera iðnaðarmaður, lestu nú bara í rólegheitum hvað þú segir hér að ofan.

Sólveig skýrir mál sitt vel, og Mogginn á heiður skilinn fyrir þá góðu blaðamennsku að láta þau orð komast óbrengluð til skila.

Og hreint út sagt, þá væri Sólveig ekki hæf, eða þá það sem verra er, gervirebell ef hún eftir byltingu sína, setur traust sitt á trúnaðarfólk þess fólks sem hún velti úr sessi.

Sólveig hefur sætt rógsherferð frá fyrsta degi og þeir sem taka þátt í henni eru stuðningsfólk samtryggingarinnar í einni eða annarri mynd.  Þér er guðvelkomið að vera í slíkum félagsskap, en Lára V gerði sig út fyrir að vera það ekki.

En það er bara svo að hörðustu stuðningsmenn auðsöfnunar 1% og þrælahagkerfis glóbalismans er fólkið sem kennir sig við félagshyggju.

Þeirra er smánin.

Kveðja að austan.

[Esja frá Kjalarnesi (IP-tala skráð) 22.9.2019 kl. 22:00]

Ég ætla ekki að flokka þig, ágæti Ómar, hvorki sem iðnaðarmann í skoðunum né sérfræðing og þá enn síður að setja þig á bás með stuðningsmönnum eins né neins. En ég virði rétt þinn til að mynda þér skoðanir og halda þeim fram, en um leið andmæli ég skoðun þinni sem hér er til umræðu.

[Þorsteinn Siglaugsson, 22.9.2019 kl. 22:08]

Það hlálega við þetta mál er að þeir sem hæst gjamma um vonsku atvinnurekenda gagnvart starfsmönnum eru hálfu verri sjálfir. En auðvitað finnast alltaf einhver sorgleg nátttröll til að koma þeim til varnar og ráðast á þá sem taka að sér að verja þá sem brotið er á.

[Ómar Geirsson, 22.9.2019 kl. 22:57]

Óþarfi að fara í fýlu yfir því kæri Esja, það er ekki öllum gefið að vera listamenn í hártogunum.

Kveðja að austan.

[Ómar Geirsson, 22.9.2019 kl. 22:59]

Þú bregst ekki frekar en fyrri daginn Þorsteinn, og það væri hreint miður ef svo væri.

Hvað væri svona bloggsíða ef ekki væri dyggir lesendur að baki??, ég bara spyr.

Kveðja að austan.

[Esja frá Kjalarnesi (IP-tala skráð) 22.9.2019 kl. 23:10]

Ágæti Ómar, hver er það sem þú heldur að sé í fýlu?

Þótt gaman sé að spjalla við þig þá er líka skynsamlegt að skilja hvenær samtalið er orðið tilgangslaust og segja þetta gott í bili.

Góðar kveðjur á Austurland.

[Símon Pétur frá Hákoti (IP-tala skráð) 22.9.2019 kl. 23:15]

Bara ein saklaus athugasemd:

Esja er kvenkyns orð kæri Ómar.

[Ómar Geirsson, 23.9.2019 kl. 07:48]

Nei Símon Pétur minn, þetta er biblíunafn úr Gamla testamentinu, aðeins íslensk útgáfa þess.

Esja minn, það er rétt hjá þér, þú ert líklegast ekki einu sinni með sveinspróf í hártogunum, þú brýtur grundvallarregluna um þegar einhver segir við þig, pabbi minn er sko með miklu stærra typpi en þinn, að svara ekki til baka, huu, nei pabbi minn er sko sko með miklu stærra typpi en þinn.  Þetta lærðu flestir meðan þeir léku sér ennþá í sandi og töldu hann jafnvel vera næringarríkt steinefni.

Veit reyndar ekki hvaða samtal við áttum, en Gunnar reyndi að eiga við þig samtal af sinni alkunnu kurteisi.

Ég er hins vegar ekki kurteis nema náttúrulega hefði ég útskýrt fyrir þig mjög kurteislega að þó það sé viss afstaða að öll dýr eigi að vera vinir, þá er það samt hálfvitaháttur að setja páfagaukinn í sama búrið og kött þegar haldið er í skoðun til dýralæknis.  Eða kannski hefði ég verið aðeins kurteisari og sagt, að það væri ekki praktískt.

Ég hefði hinsvegar ekki verið jafn þolinmóður ef mótsvar þitt hefði verið að spyrja mig um hvort slíkt væri skriflegt.

Það er nú svo Esja minn.

Kveðja að austan.

[Ómar Geirsson, 23.9.2019 kl. 07:58]

Já og takk fyrir innlitið Gunnar, samtrygging þeirra sem reyndu að selja þjóð sína í skuldahlekki, og náðu núna í einu höggi að markaðsvæða orkuauðlindir þjóðarinnar og afhenda forræðið erlendu skrifræðisvaldi, er slík að allar leiðir þeirra sem vilja eiga landið sitt í friði fyrir auðbröskurum og dindlum þeirra, liggja núna til þeirrar Rómar að lemja á nef hennar í hvert skipti sem hún gægist út úr skúmaskotum sínum.

Þursinn er vissulega marghöfða, en skrokkurinn er einn.

Samtrygging Samflokksins í þágu auðsöfnunar Örfárra.

Á þessu þurfa menn að kveikja.

Kveðja að austan.

[Bjarni Gunnlaugur (IP-tala skráð) 23.9.2019 kl. 09:11]

Held að Gunnar fari nú nokkuð nærri hinu rétta hér að ofan.

Það á að vera hægt að hafa fólk í vinnu óháð pólitískum eða öðrum skoðunum þess og sömuleiðis á það að hafa rétt á sinni vinnu svo lengi sem viðkomandi skoðanir hafa ekki áhrif á störf þess. 

Skrifstofufólk hjá Eflingu getur haft allar heimsins skoðanir svo lengi sem þær skoðanir hafa ekki áhrif á störf þess. 

Ef það ákveður að styðja einn frambjóðanda gegn öðrum í stjórn þá er það komið yfir á hið gráa svæði að nýr formaður sem það hefur barist gegn áður, getur ekki annað en efast um heilindi þess í starfi fyrir sig. 

Á hinn bóginn þá lítur það verulega illa út fyrir formann verkalýðsfélags ef hann vill hreinsa til í starfsmannaliðinu af því að honum líkar ekki persónulega við þá eða skoðanir þeirra sem störfunum gegna, ekki ef þeir sinna sínum störfum vel. 

Þannig eru það ástæðurnar á bak við brottreksturinn sem öllu skipta. 

Svo má deila endalaust um það hvort auka eigi frelsi atvinnurekenda að losa sig við starfsmenn sem þeim líkar af einhverjum ástæðum ekki við. En sjálf stjórnarskráin stendur nú þar talsvert í vegi. 

(hér er rætt út frá almennum skynsemissjónarmiðum en ekki lagatæknilegum)

[Stefán Örn Valdimarsson (IP-tala skráð) 23.9.2019 kl. 10:04]

Það væri nú gaman að heyra fúkyrðaflauminn úr munni Sólveigar Önnu ef einhver stóri og ljóti atvinnurekandinn myndi segja upp einhverjum að umbjóðendum hennar á þeirri forsendu að hann líkaði ekki starfsmaðurinn eða skoðanir hans.  

[Ómar Geirsson, 23.9.2019 kl. 10:22]

Blessaður Bjarni.

Ég held að Gunnar hafi líka nálgast málið á þessum grunni, en ljóst er að einn einstaklingur, þó formaður sé, kemur engu í verk í fjandsamlegu umhverfi, og það er barnaskapur, að halda að einhver önnur lögmál gili í verkalýðshreyfingunni.

Hins vegar er það réttileg ábending að það þurfi ekki að taka Jakobína á málið, eða bölvuðu bolsévikana sem sviku öll heilög vé mennskunnar, en það er til millivegur sem er að koma heiðarlega fram, og láta þá sem víkja ekki þurfa að bera skarðan hlut frá borði.  --Þegar ég les þetta þá held ég að ég sé farinn að hljóma eins og fornbók. 

En það er önnur saga sem verður ekki sögð hér.

Kveðja að austan.

[Ómar Geirsson, 23.9.2019 kl. 10:24]

Blessaður Stefán.

Þá vona ég að einhver bjóði henni sápu til að tannbursta sig uppúr, fúkyrðaflaumur verður best læknaður með því.

Hinsvegar kemur það efnislega ekkert við þessu máli, og svo drengir mínir, ég er að blogga um hina ósýnilegu þræði samtryggingarinnar.

Það vill svo bara til að málefni Eflingar afhjúpaði einn þráðinn.

Hafiði ekki heyrt að orkan og sjálfstæðið er í húfi????!!!!!??

Kveðja að austan.

[Ómar Geirsson, 23.9.2019 kl. 10:25]

Ps.

Frekari athugasemdum er ekki svarað næstu daga, sökum fjarvista í Víkinni minni fögru.

Eigið góða viku.

Kveðja að austan.