Hver heggur á hnútinn??

 

Leggur til að Orkupakki 3 sé settur í salt á meðan sumarið er notað til að ná þverpólitískri sátt á Alþingi um fyrirvara sem geirnegla að Ísland taki ekki upp yfirþjóðlegt regluverk Evrópusambandsins um orkumarkaðinn. 

Um slíkt þarf vissulega að semja um í sameiginlegu EES nefndinni en þetta er eina leiðin fyrir Alþingi að ná sátt við þjóð sína.

Og fá frið um EES samninginn, því verði orkupakkinn samþykktur í óbreyttri mynd, þá verður stríð þar til ESS samningurinn verður lagður að velli.

 

Það eru ólíðandi vinnubrögð og ætti að varða við lög, að regluverk sem snýst annars vegar um " one on conditions for access to the network for cross-border exchange of electricity ((EC) No 714/2009)" og hins vegar um "one on the establishment of the Agency for the Cooperation of Energy Regulators ACER ((EC) No 713/2009)." sé sagt snúast um neytendavernd og gegnsæi í birtingu ársreikninga orkufyrirtækja.

Það er ekkert það fífl til í þessum heim sem trúir þessu og þegar raunveruleikinn rennur upp fyrir fólki, þá verður uppreisn gegn Alþingi því með lygum á ekki land að byggja.

 

Fyrir utan þá heimsku að ætla sér að samþykkja regluverk og setja síðan lög sem eiga að koma í veg fyrir að viðkomandi regluverki gildi, þá eru slík lög aðeins gálgafrestur.  Ísland er orkueyja sem mun tengjast hinum sameiginlega orkumarkaði því hér er nóg af grænni orku sem lífsþörf er fyrir í Evrópu. 

Vissulega skyldar regluverkið okkur ekki að tengjast, en það er markmið þess að útrýma orkueyjum og koma á einum sameiginlegum raforkumarkaði, og við getum ekki hindrað orkufyrirtæki að leggja hingað sæstreng.  Í þessu samhengi þarf að hafa hugfast að það er markaðurinn sem ákveður tengingar, það er hann sem kemur með tillögur um hvað fer inná kerfisáætlanir, og einstök ríki geta ekki neitað slíkum tengingum ef vilji er til að leggja þær.

 

Fyrir íslenskan almenning og íslensk fyrirtæki verður það ekkert grín þegar landið hefur tengst, þá leitar orkan þangað þar sem verðin eru hærri þar til jafnvægi næst.

Það eru falleg orð um að samkeppni lækki verðin en það er ekki raunin þar sem orkuverð er þegar í lægri kantinum.

 

Í þessu samhengi er gott að rifja upp það sem gerðist í Montana í Norðvestur hluta Bandaríkjanna, um og uppúr aldamótin 2000.  Það er meira að segja sérstakt heiti yfir það; Montana orkuævintýrið, og til dæmis í fréttaskýringu í þættinum 60 mínútur sem gerð var 2003 má lesa meðal annars þetta;

"For nearly 90 years, the Montana Power Company exemplified the very best of American capitalism. It provided cheap, reliable electricity for the people of Montana, excellent benefits for thousands of employees and generous, reliable dividends for its stockholders. ...

The only people not satisfied with the arrangement were the executives at Montana Power. In 1997, their lobbyist pushed a bill through the state legislature to deregulate the price of electricity and open up the market to competition. It was supposed to be good for the consumers, who could decide who they were going to buy their power from at the lowest possible prices. ...

It did not take long before things started to unravel. No sooner had Montana Power sold its dams and power plants, than deregulated electricity prices shot through the roof - and Pennsylvania Power and Light began selling its cheap Montana electricity out of state to the highest bidder. ...

Electricity prices in Montana doubled, then redoubled, and doubled again - refineries, lumber mills, and the last working copper mine in Butte was forced to suspend operations because they could not afford their electricity bills. ".

 

Þetta var vegna þess að það var orkuskortur í Kaliforníu svo verðin til almennings og fyrirtækja í Montana rauk uppúr öllu valdi.  En takið eftir að það eru sömu frasarnir notaðir til að réttlæta þetta, samkeppni góð fyrir neytendur og svo framvegis, en svo situr almenningur í súpunni en einkafyrirtæki mala gull á fákeppniseinokuninni.

Vissulega komst jafnvægi á og verðið lækkaði aftur, það er var ekki eins stjarnfræðilega hátt, en við tók langt ströggl hjá talsmönnum almennings við lobbýista orkufyrirtækjanna að ná aftur valdi á orkumarkaðinum, almenning til hagsbóta en ekki gullgreftinum.  Smátt og smátt var afregluvæðingunni snúið til baka, sett lög sem áttu að reyna að tryggja orkuöryggi í ríkinu og ná niður verðinu. 

 

Í skýrslu sem ég fann á netinu þegar ég rifjaði upp þessa sögu því þetta hefur áður verið í umræðunni, þá fann ég þessa lýsingu á hvernig varnarbaráttunni lauk;

"The sale signaled the return of the dams to utility ownership -- about 15 years after they were sold by Montana Power Company during Montanas experiment with deregulation. To pay for the acquisition, NorthWestern Energy customers are paying a rate increase amounting to about 5% or $4.20 per month for a typical residential customer. “The dams that are so much a part of Montana’s environment and heritage are now dedicated to serve our Montana customers, at prices based on the cost of providing service, not on the western power market. Fifty years from now, as these assets are paid down, our children and grandchildren will appreciate the farsighted leadership of Montana PSC Chairman Gallagher and his colleagues, who made this possible,” said Bob Rowe, NorthWestern Energys CEO.".

Montana ríkið keypti sem sagt hluta af því til baka sem þeirra Landsvirkjun hafði selt í kjölfar afregluvæðingarinnar. 

Til að tryggja orkuöryggi og sanngjarnt verð heima fyrir.

 

Fyrir utan að tungumálið er annað, þá eru frasarnir nákvæmlega þeir sömu, nákvæmlega sömu hagsmunir keyra áfram afregluvæðinguna því það er það sem orkupakkar Evrópusambandsins gera gagnvart íslensku regluverkinu, og þó nöfnin á hinum keyptu stjórnmálamönnum séu önnur, þá er tilgangurinn sá sami.

Að koma almenningseign sem skilar neytendum ódýra orku, sem tryggir stöðugt orkuframboð, í hendur á einkaaðilum og þeim síðan gert kleyft að mala gull á kostnað okkar hinna.

Það er að sem felst í markaðsvæðingu orkunnar á einum sameiginlegum markaði Evrópusambandsins.

Að halda öðru fram er hrein blekking.

 

Og þeir sem blekktu í Montana á sínum tíma, þeir vissu allan tímann að þeir voru að blekkja, þeir urðu bara ríkari fyrir vikið.

Ekki bara fyrirtækin, heldur líka lobbýistarnir og stjórnmálamennirnir sem tóku þátt í leiknum.

 

Um þetta snúast íslensk stjórnmál í dag.

Að verða ríkur af þeim.

 

En við eigum ekki að borga brúsann.

Það get ég svo svarið.

 

Og ég er ekki einn um það.

Kveðja að austan.

 

 

 

Þinglok ekki fyrir dyrum

Athugasemdir

[Símon Pétur frá Hákoti (IP-tala skráð) 3.6.2019 kl. 12:12]

Hörkugóður pistill.

En mig langar að kvarta hér smá, nú hefur Halldór Jónsson blokkerað mig.

[Óskar Helgi Helgason (IP-tala skráð) 3.6.2019 kl. 12:37]

Sæll Ómar æfinlega - sem og aðrir gestir, þínir !

Ómar !

Ekki: í Guðanna bænum, EKKI treysta á nokkra siðbót af hálfu alþingis / hvorki:: gagnvart III. Orkupakkanum, né neinu öðru, YFIRLEITT.

Ekki STAKT orð að marka - gjálfur og loforða Gylliboð þessa liðs, á nokkra vegu Austfirðingur góður - þeim er ekki treystandi, fyrir næsta húshorn / HVAÐ ÞÁ: HIÐ ÞAR NÆSTA Ómar minn.

Símon Pétur frá Hákoti !

Afleitt mjög: sé okkar ágæti Verkfræðingur suður í Kópavogi að setja eitthvert = merki við þínum skrifum, sem og Steina Briem (Þorsteins Briem), en eins og við vitum, hefur hann gert sig mjög heimakominn á síðu Halldórs að undanförnu / sem og margra annarra svo sem, víðs vegar á blog punkti is (hér: á Mbl. vefnum) Símon minn.

Skrifaðu Halldóri einfaldlega - til skýringa þíns máls, ég held að ég sé með rétta netfangið til pilts sem er : [e-mail].

Prófaðu það: allavegana, Símon Pétur, trúi ekki öðru, en Verkfræðing urinn endurskoði sína ákvörðun, gagnvart þér.

Með beztu kveðjum - sem jafnan, af Suðurlandi / 

 

[Símon Pétur frá Hákoti (IP-tala skráð) 3.6.2019 kl. 13:00]

Takk fyrir góð orð og góð ráð þín Óskar Helgi.  

En þar sem Halldór kaus að blokkera mig, þá er það hans ákvörðun og mun ég ekkert aðhafast til að breyta því.  Hans er að afblokka, kjósi hann svo.

[Ómar Geirsson, 3.6.2019 kl. 13:32]

Takk fyrir innlitið félagar.

Er að skreppa í Víkina mína, verð fjarverandi netheimum í nokkra daga.

Ég veit skýringuna á blokkeringum Halldórs, ég gaf honum ráð um hvernig hægt væri að stjórna athugasemdarkerfinu en þegar hann var að biðja mig um frekari skýringar í morgun, þá var ég á kafi í undirbúningi, sá ekki athugasemdirnar fyrr en of seint.  Því ég var líka kominn út.

Ég held að Halldór verfræðingur sé að reyna losa sig við óværu sem lagðist af of miklum þunga á athugasemdarkerfi hans, og þá hafi einhver ráðlagt honum að fara þessa leið, eða hann hafi slysast til þess sjálfur.

Allavega þá er síða hans lokuð í dag nema með sérstöku leyfi.

Vonandi birtir til en ef ekki þá var gaman að spjalla við karlinn þegar þannig stóð á.

Á meðan er það kveðjan suður, að austan.

[Pétur Örn Björnsson (IP-tala skráð) 3.6.2019 kl. 16:07]

Hafðu miklar og góðar þakkir fyrir þennan pistil þinn Ómar.  Já, vítin eru til að varast þau.  Það er dapurlegt að verða vitni að því, að íslenskir þingmenn stefni forhertir að viðlíka spillingu og lágkúru og hér greinir frá. Í þágu sjálfra sín og dæmdra fjárglæpamanna líkt og í Enron skandalnum, sem var svipaðs eðlis.  Að almannahagsmunir verði hér fótum troðnir.

[Helga Kristjánsdóttir, 3.6.2019 kl. 16:44]

Ómar segir m.a.eitthvað á þessa leið; þegar raunveruleikinn rennur upp fyrir fólki,þá verður uppreisn gegn Alþingi.Af veikum mætti og hálf nervös við viðbrögð skrifaði ég barnalega vegna ofstopa hræringa minna um Ísland að við ættum að umkringja Alþingi og hefta för þingmanna(láta þá sverja að ýta á nei,takkann),en blessuðum síðuhafa leist ekkert á.En Ómar er karl í krapinu (mitt hól) og allir taka mark á honum,mér er svo létt;Mb.Kv.

[Magnús Sigurðsson, 3.6.2019 kl. 17:46]

Sæll Ómar og takk fyrir þennan pistil, skeleggur að vanda.

Af því að þú ert kominn á slóð uppskriftar orkupakkans, sjálfs ENRON orkusölu svindlsins um síðustu aldarmót, þá leifi ég mér að benda á hann Jónas félaga okkar, en hann hafði fyrir því að íslenska hvernig svona svindl fór fram í Bandaríkjum Norður Ameríku. Svona blekkingamál er nógu erfitt að skilja á íslensku svo ekki sé talað um á ensku.

https://jonasg-egi.blog.is/blog/jonasg-egi/entry/2231074/

Góða ferð í víkina.

[Júlíus Valsson, 3.6.2019 kl. 21:23]

Undirlægjuháttur ríkisstjórnarinnar gagnvart ESB í auðlinda- og orkumálum ógildir EES-samninginn í augum íslensku þjóðarinnar fyrr eða síðar, líklega fyrr. 

[Benedikt Halldórsson, 3.6.2019 kl. 21:49]

Frábær pistill og fróðlegur, takk.

[Símon Pétur frá Hákoti (IP-tala skráð) 3.6.2019 kl. 21:54]

Rétt Júlíus. 

Ríkisstjórnarflokkarnir vinna greinilega hörðum höndum að því að rústa EES samningnum.

Þegar allur almenningur áttar sig á þeim hækkunum á raforkuverði til heimila sem mun verða með tilkomu 3. orkupakkans,

ásamt blygðunarlausu arðráni elítunnar á orkuauðlindum þjóðarinnar,

þá mun þrýstingurinn kjósenda verða slíkur gegn viðurstyggðinni, að eina færa leiðin verður að segja upp EES samningnum.

[Halldór Jónsson, 4.6.2019 kl. 02:10]

Takk fyrir Montana söguna,lýsandi dæmi. Og takk fyrir hjálpina Ómar, ég er ekki kominn til botns í þessu en ég er að reyna að ná tökum á þessu

[Helga Kristjánsdóttir, 4.6.2019 kl. 04:57]

Talandi um Enron; Er mér svo minnisstætt hve það var mikið í umræðunni á blogginu hér fyrst eftir hrun. Íslenskur verkfræðingur vann á þeim tíma hjá Enron og er viðtal við hann í tímaritinu ,Frjáls verslun. Hann sagði mér þegar hann kom í stutta heimsókn og við keyrðum framhjá Kaupþingi á Hlemmi; hann benti þangað og sagði efnislega;Stjórnendurnir hér aðhöfðust samskonar svindl og Enron.      

[Ómar Geirsson, 7.6.2019 kl. 07:15]

Takk fyrir innlitið góða fólk hér að ofan.

Það var sól og blíða í Víkinni minni þó veðrið hafi aðeins misskilið á köflum hvernig slíkt veðurlag er útfært.  Þó ekki vegna fíflagangs og forheimsku líkt plagsiða er í nútíma stjórnmálum, heldur klár misskilningur varðandi skýjafar, hitastig og vindstyrk.  Sól engu að síður og hafgolan missterk.

Það er líka sól í athugasemdarkerfinu sé ég, margir sem standa vaktina og bakka upp þessa umræðu um regluverkið kennt við Orkupakka 3.

Og eitthvað er að leggjast með þjóðinni, sé ekki alveg hvernig gott íhald snýr út úr málflutningi Arnar Þórs Jónssonar, án þess að afhjúpa að það er ekki lengur gott íhald, eða íhald yfir höfuð. 

Segi svo vantrúaðir að bænir og trúin á hið góða skili sér ekki, á einhvern hátt, einhvers staðar.

Efist menn samt, þá hverfur allur efi þegar menn standa á brún Ímadals og horfa yfir Ímastaði og Víkina mína fyrir neðan.  Því þar er nefnilega beintenging við almættið, reyndar aðeins aðra leiðina, en að er í vinnslu að reyna að laga sambandið svo það virki í báðar áttir.

Jamm, svona leikur einveran mann þegar Hreindýr eru eini félagsskapurinn og ekki einu sinni ein rolla á svæðinu.

Magnús, Jónas baráttujaxl á mikinn heiður fyrir elju sína, og hjá honum má margt gullkornið lesa.  Ég hjó eftir því hvernig viðbrögðin í Washington voru þegar markaðsmisnotkunin var augljós. 

Köld hagsmunagæsla hjá varaforsetanum, einfeldni hjá forsetanum.

Draugagangur umræðunnar sem blossar upp aftur og aftur.

En það er nóg að gera, Mbl.is sá til þess með stórgóðu viðtali við Arnar Þór sem allir ættu að lesa.

Á meðan er það barnalánið og kveðjan að austan.