Reglur hins innra markaðar.

 

Eru forsendur skipulagðar glæpastarfsemi á Íslandi.

Glæpastarfsemi sem nýtur verndar löggjafans vegna þess að lögreglunni er því sem næst gert ókleyft að afla sannanna sem standast kröfur um sönnunarfærslu um slíka starfsemi.

 

Í þessu samhengi megum við ekki gleyma að handrukkarar, hrottar og önnur illþýði eru ekki mikilvægustu vinnumenn glæpamannanna, heldur eru það stétt lögfræðinga sem þiggur gríðarlega þóknun að láta glæpakerfið ganga upp.

Það er ekki bara í málsvörninni, heldur líka í nálgun dómarar á sönnunarbyrði, sem og að angi lögfræðinga teygir sig inní regluverkið sem snýr að því umhverfi sem lög og regla hafa til að takast á við skipulagða glæpastarfsemi.

 

Allt þetta hefur síðan magnast upp með reglum hins innra markaðar, sem gerir peningaþvætti, mannsal og annað glæpatengt því sem næst ósnertanlegt.

Flóttamannatúrisminn er svo enn einn angi þessa innra frelsis.

Félagsleg undirboð svo annar.

 

Núna ætlar þetta hyski að leggja undir sig raforkumarkað þjóðarinnar.

Hann á að einkavæði og gróðavæða.

Eins og mannsal og eiturlyfjaviðskipti.

Skíturinn er sá sami, en liturinn á flibbanum mismunandi, frá hard core til hvítflibba.

 

Og ef ekki er spyrnt við fótum, þá glötum við öllu.

Orkunni, æskunni, sakleysinu.

 

Þess vegna er svo mikilvægt að segja Nei við Orkupakka 3.

Segja Nei við regluverkið sem fóðrar glæpastarfsemina.

Segja Nei við réttarkerfi þar sem borgarinn er krossfestur þegar hann fer út af sporinu en atvinnuglæpamenn því sem næst ósnertanlegir.  Nærtækt dæmi þess ömurleika er þegar foringi handrukkara, sem hefur ómælda þjáningu á ferilskrá sinni, fékk dæmdar bætur vegna manndráps sem hann bar ábyrgð á.  Í alvöru þjóðfélagi hefðu þeir sem báru ábyrgð á þeim dómi, sem og sýknu handrukkarans, verið settir inn fyrir meðsekt.

Segjum Nei við regluverk sem er samnefnari hins lægsta, hvort sem það er að ná niður launum með félagslegum undirboðum, reglum um lægsta tilboð, eða annað sem brýtur niður heilbrigt efnahagslíf og heilbrigðan vinnumarkað.

 

Því við erum fórnarlömbin.

Við erum blóðgjafi blóðsugunnar sem sýgur arð og auðlegð úr samfélagi okkar.

 

Við eigum ekki að láta bjóða okkur þetta.

Við eigum ekki að láta bjóða okkur samfélag þar sem tugir ef ekki hundruð barna okkar falla fyrir eiturlyfjadjöflinum sem er haldið að æsku okkar án þess að nokkuð sé reynt að hamla á móti.

Samfélag þar sem lögreglan veit, en getur ekkert gert.

Annað en að skrifa skýrslur.

 

Þetta var ekki svona.

Þetta er svona.

 

Á því eru skýringar.

Augljósar.

Kveðja að austan.

 

Leiðtogi sent tugi milljóna úr landi

Athugasemdir

[Símon Pétur frá Hákoti (IP-tala skráð) 28.5.2019 kl. 19:41]

Þakkir fyrir þennan magnaða

þrumupistil.

Nei,þetta var ekki svona,

en er orðið svona.

Til hvers eru stjórnvöld sem akta með glæpamönnum?

[Helga Kristjánsdóttir, 28.5.2019 kl. 20:04]

Hrikalegt að eldast með þessu líka regluverki.

[Ómar Geirsson, 28.5.2019 kl. 20:12]

Blessaður Símon.

Þú veist að þegar þófið er farið að svæfa, þá kemur upp sú löngun að skrifa eitthvað sem virkar á marga út úr kú miðað við hefðbundna nálgun og umræðu.

Og ekki er verra að einhverjum líkar eða kveikir á þeim snertifleti sem ég kasta upp.

Það er þröng nálgun að tala um stjórnvöld í þessu samhengi, þó þú settir þumalskrúfu á alla ráðherra, þá kæmu þeir ofan af Mosfellsheiði ef þeir væru spurðir um þessa tengingu.

Þetta er meira svona undirliggjandi í flóknu hagsmunaneti milli þess sem er löglegt, og oft ekki sérstaklega gróðavænlegt, og þess sem er ólöglegt, og hagnaðurinn oft gríðarlegur. 

Hvað verður um hagnaðinn???

Hvaða leikreglur draga úr honum, hvaða leikreglur auka hann.

Það er meira hægt að tala um afleiðingar af leikreglum og útfærslu þeirra, og þó hugsunin á bak við hið frjálsa flæði eigi sér bakland í hagkenningum frjálshyggjunnar, þá skaða ekki hliðarverkanirnar, sem er frjálst flæði glæpamanna um alla Evrópu.  Auk hagræðingarinnar að vera laus við landamæri.

Síðan þróast lagatæknileg atriði glæpunum í vil, sbr að melludólgar mannsalsins eru því sem næst ósnertanlegir, en fórnarlömbin glæpavædd því þau hafa ekki dvalarleyfi, atvinnuleyfi, vegabréf og svo framvegis. 

Og svo framvegis og svo framvegis sem ég nenni ekki að rekja hér.

En afleiðing þessa alls er hið svokallaða gráa svæði, hið vanheilaga bandalag hins löglega og hins ólöglega, þar sem elítan lánar sitt skinheilaga andlit við þvottun og löghelgun hins ólöglega.

Eitthvað sem hefur alltaf verið til staðar, en er miklu meir áberandi í dag, sbr næstum því ósnertanleiki glæpamanna og glæpafyrirtækja en refsigleðin lendir á samlokuþjófum og burðardýrum, sem og þeim sem reyna að spila framhjá kerfinu, eins og að flytja inn á markað sem þegar er undir stjórn.  Þá er látið vita, og fíknó slær sig til riddara, en stöðvar í raun ekki neitt.

Og svo framvegis og svo framvegis.

En daginn sem menn skilja þessi orð mín; "Það er ekki bara í málsvörninni, heldur líka í nálgun dómarar á sönnunarbyrði, sem og að angi lögfræðinga teygir sig inní regluverkið sem snýr að því umhverfi sem lög og regla hafa til að takast á við skipulagða glæpastarfsemi.  .... Í alvöru þjóðfélagi hefðu þeir sem báru ábyrgð á þeim dómi, sem og sýknu handrukkarans, verið settir inn fyrir meðsekt.", skilja samsektina, þá verður aftur upplit í baráttunni við skipulagða glæpastarfsemi.

En til þess að svo verði þá þarf fyrst að klippa á þræðina sem mynda hið vanheilaga bandalag.

Og það er ærið verk.

Kveðja að austan.

[Magnús Sigurðsson, 28.5.2019 kl. 20:38]

Sannkölluð eldmessa Ómar. Það er reyndar svo og hefur lengi verið að lög eru ekki til annars sett en að hægt sé að fara í kringum réttlætið. Það er svo langt síðan lögin um réttlætið urðu til og þau þurfti reyndar aldrei að búa til á alþingi þau voru skrifuð í hjörtu fólksins.

Nú er fjöldaframleitt lögfrótt fólk í fávisku fabrikkum ríkisins til að afvegaleiða réttlætið og ekki annað talið við hæfi ef sett eru ný lög á löggjafasamkuntunni að þau séu sett af fólki sem hafi menntum úr fávisku fabrikkunum.

Svo eru uppköstum af óskapnaðnum send út til helstu glæpasamtaka landsins til umsagnar. Þetta er hin raunverulega skipulega glæpastarfsemi, svo ekki sé minnst á allan innflutta óskapnaðinn sem þetta hyski hefur á samviskunni.

Það ergilegasta við þetta allt saman að innfluttur óskapnaður hefur stóraukist á okkar vakt. Rétt eins Helga segir það er "hrikalegt að eldast með þessu líka regluverki".

[Ómar Geirsson, 28.5.2019 kl. 23:43]

Takk fyrir innlitið Helga og Magnús.

"Það er reyndar svo og hefur lengi verið að lög eru ekki til annars sett en að hægt sé að fara í kringum réttlætið. Það er svo langt síðan lögin um réttlætið urðu til og þau þurfti reyndar aldrei að búa til á alþingi þau voru skrifuð í hjörtu fólksins".

Það er skrifað í mitt hjarta að það sé glæpur, að þegar löggan veit hvað er í gangi, að það sé ekki stöðvað.

Skýrslan er einn stór áfellisdómur yfir þeim sem ábyrgðina bera.

Kveðja að austan.

[Aztec, 30.5.2019 kl. 12:12]

Það undarlega er að Útlendingastofnun, sem hefur aðganga að lögregluskýrslum veitir þessum glæpamönnum dvalarleyfi æ ofan í æ. Og islamistar sem smygla sér inn í landið og þykjast vera hommar til að fá hæli eru lægstir allra. Og eyðileggja fyrir öllum öðrum, sem í raun eru ofsóttir.

Það er ekki nefnt í fréttinni um hvaða a-evrópskt ríki þessir þrír glæpahópar eru frá, en ég gizka á Albaníu, þar sem vel að merkja meirihlutinn eru múslímar (islamistar) þótt það á yfirborðinu sé orðið vestrænt lýðræðisríki. Hins vegar eru starfsmenn í byggingariðnaði flestir Pólverjar að mér skilst.

[Ómar Geirsson, 30.5.2019 kl. 12:46]

Blessaður Aztec.

Ætli það sé ekki aðgerðarleysið, að þykjast vita, en gera ekki neitt sem stingur, og kveikir meðal annars efni þessa pistils.

Kveðja að austan.