Hinir aumkunarverðu.

 

Fátt er aumkunarverðara en þingmenn Sjálfstæðisflokksins sem keppa núna hver um annan að útskýra afhverju þeir sviku sín helgustu vé, fullveldi þjóðarinnar og yfirráð hennar yfir auðlindum sínum.

Einhver hefði haft vit á það þegja í stað þess að réttlæta það sem ekki er hægt að réttlæta.

Páll Magnússon er ekki í þeim hópi.

 

"Og nú er ég spurður af hverju ég hafi skipt um skoðun á 3. orkupakk­an­um og sé ekki leng­ur and­víg­ur inn­leiðingu hans. Svarið er: Ég hef ekki skipt um skoðun. For­send­ur fyr­ir inn­leiðingu orkupakk­ans á Íslandi hafa breyst; þær eru ekki leng­ur hinar sömu og ég var and­víg­ur. Í fyrsta lagi er nú búið þannig um hnút­ana að stjórn­ar­skrár­vand­inn er ekki leng­ur til staðar – að mati sömu var­færnu fræðimann­anna og ég fylgdi að mál­um þegar þeir sögðu að hann væri fyr­ir hendi. Í öðru lagi er nú hafið yfir all­an vafa að það verður eng­inn sæ­streng­ur lagður til raf­orku­flutn­ings án þess að Alþingi taki um það sér­staka ákvörðun. Í þriðja lagi er nú al­veg á hreinu að á meðan eng­inn er sæ­streng­ur­inn hef­ur raf­orkupóli­tík í Evr­ópu, á borð við þá sem snýr t.d. að verðlagn­ingu, ekk­ert gildi og enga þýðingu á Íslandi. Með öðrum orðum: inn­leiðing 3. orkupakk­ans leiðir ekki af sér hærra raf­orku­verð til not­enda á Íslandi.".

 

Þetta skrifar Páll í Moggann í dag, og er svo ósvífinn að vitna í Vörð Íslands í ICEsave deilunni, Stefán Má Stefánsson prófessor, að hann hafi gefið Páli syndaaflausn.

En Stefán sagði þetta og færði fyrir því rök sem enginn hefur treyst sér að andmæla.

"Engin heimild er til þess að taka í lög ákvæði sem ekki fá staðist íslenska stjórnarskrá þó að svo standi á að ekki reyni á umrædd lagaákvæði í svipinn. Verður því að telja rökrétt og raunar óhjákvæmilegt að tekin sé afstaða til stjórnskipulegra álitaefna sem tengjast þriðja orkupakkanum nú þegar og það áður en Alþingi samþykkir þriðja orkupakkann. ......

„Það breytir því þó ekki að innleiðing þriðja orkupakkans þarf að standast stjórnarskrána. Í því sambandi verður að hafa hugfast að lagasetning sem brýtur gegn stjórnarskránni getur haft skaðlegar afleiðingar í för með sér, og skiptir þá í sjálfu sér ekki máli hvort slíkar afleiðingar koma fram strax við samþykkt laganna eða á síðari tímapunkti“.".

En hann bendir á að það sé hægt að flýja vandann á meðan ekki er lagður sæstrengur, en hann bendir á um leið, að slíkt sé ekki á forræði íslenskra stjórnvalda, ekki ef ESA höfðar mál gegn íslenskum stjórnvöldum og krefst þess að þau aflétti markaðshindrunum á hinum frjálsa evrópska raforkumarkaði.

Eins bendir hann á að þegar stjórnskipulegum fyrirvörum er aflétt, þá höfum við ekkert að segja um þróun tilskipana ESB um orkumál, en vitað er um hina endanlegur niðurstöðu, orkumarkaðurinn á að vera einn, á markaðsforsendum, og lúta boðvaldi yfirþjóðlegs valds, það er ESB.

 

Svo skrif Páls eru lygin ein, til þess eins að réttlæta sjálfan sig.

En vonandi ekki til að blekkja kjósendur sína.

 

Ef svo er þá er hann í harðri samkeppni við að toppa hina íslensku lágkúru, meistarann sjálfan, þann sem er aumkunarverðastur af öllum sem tilkall til þess gera.

Steingrím Joð Sigfússon sem seldi þjóð sína í skuldaþrælkun ICEsave, gerði upp heimili alþýðunnar þegar skuldir auðmanna voru afskrifaðar, og afhenti hrægömmum hið nýreista bankakerfi.

Steingrímur toppar samt, og kemst á topp tíu á lista þeirra í heiminum sem hafa svikið sín helgustu vé án þess að skammast sín.

 

En það bætir ekki hlut Páls, hann á að hafa vit á að þegja.

Nógu aumkunarverður er hann samt.

 

Þó gæti hann bætt úr með því að játa að hann sé eins og Þórdís Kolbrún fylgjandi lagningu sæstrengs og þeim markaðsviðskiptum sem fylgja í kjölfarið.

Einkavæðingu, margföldun raforkuverðs, rústun þess innlends iðnaðar sem treystir á lágt raforkuverð, gígantígskrar tilfærslu úr vasa almennings í vasa auðs.

Sjónarmið út af fyrir sig, en allavega ekki logið.

 

Því það er ekki þessi frjálshyggja sem er aumkunarverð, hún er afstaða.

Það er lygin að kannast ekki við hana sem er aumkunarverð.

Og aumast að öllu að kannast ekki við gjörðir sínar.

 

Allt sem Páll segir er rangt.

Orkupakki 3 þýðir akkúrat allt það sem hann afneitar.

 

Hans eina von er að afneita þrisvar.

Og iðrast svo, og ljúga ekki framar.

Kallast upprisa.

 

Til þess eru jú páskarnir.

Kveðja að austan.

Athugasemdir

[Sigurður Kristján Hjaltested, 20.4.2019 kl. 17:11]

Snilldar pistill Ómar og ekki hægt að orða þetta betur um öfugsnúninginn hann Pál. Ætti að skammast sín ásamt öllu þessu hyski sem styður þessa lágkúru sem þessi orkupakki er.

['Oskar Kristinsson (IP-tala skráð) 20.4.2019 kl. 17:31]

Innilegar þakkir fyrir þessa greinargerð, eins og talað út úr mínum munni.Það er enginn í þessu stjórnarliði með heilli H'A.

Er eitthvað til ráða fyrir skóflupakkið? Mjög mörgum Íslendingum líður illa út af þessum Óþverragerningum.

'Oskar Kristinsson

[Eggert Guðmundsson, 20.4.2019 kl. 17:57]

Sæll Ómar- Sannarlega tek ég undir hvert orð í þessum pistli. Það er orðið aumkunarvert hvernig ávalt er reynt að reyna að réttlætja svikráðin, og það í nafni betri Neytandaverndar fyrir íslendina.

Ánægður er ég með þig að nota þetta tækifæri að minnast á þann sem situr í efsta sæti lágkúrullistans, og að mínu mati og flestra þá getur enginn toppað í lágúrunni. sjá má í link hér að neðan

https://eyjan.dv.is/eyjan/2018/04/19/asthildur-brjalud-ut-i-steingrim-j-getur-verid-ad-thu-sert-algjorlega-blindur-a-afleidingar-thinna-eigin-gjorda/

[Magnús Sigurðsson, 20.4.2019 kl. 18:07]

Þakka þér fyrir magnaðan pistill Ómar, tek undir hvert einasta orð.

En af því að ég les ekki Pál nema út úr neyð, frekar en aðra landráða pésa, þá langar mig til að vita hvort hann hafi haft einhverjar hugmyndir uppi um það hvernig 3.orkupakkinn gagnaðist almenningi á Íslandi? 

[Helga Kristjánsdóttir, 20.4.2019 kl. 18:38]

Eg hugsaði Páli þegjandi þörfina þegar hann skipti um skoðun,um leið vonaði ég að Jón Gunnarsson fylgdi honum ekki. En að öðruleiti er mér nákvæmlega sama hvaða flokki þeir tilheyra,en eftir samþykkt Sjálfstæðisflokks um að varðveita fullveldið,hvernig sem það var nú orðað, er hluti þingmanna ekki á vinsældalista okkar.takk fyrir Ómar þú kannt að orða hlutina....kallað í mat.mb kv. 

[Sigurður Kristján Hjaltested, 20.4.2019 kl. 21:06]

Þetta lýsir best þeim aumkunarverðasta formanni sem sjálfstæiðismenn

hafa haft,(af síðu Gunnars Rögnvaldssonar)fyrir ári síðan,

****

Þar sagði Bjarni Benediktsson formaður Sjálfstæðisflokksins þetta:

"Virðulegi forseti. Bara til að afgreiða þessa síðustu spurningu skýrt: Auðvitað styðjum við EES-samninginn, aðild okkar að honum og betri framkvæmd hans. Um það höfum við haft forgöngu hér í þinginu að ræða og gefið út sérstakar skýrslur í því efni og reyndar utanríkisráðherra með sérstaka áherslu á framkvæmd EES-samningsins.

Það sem ég á svo erfitt með að skilja er áhugi hv. þingmanns og sumra hér á þinginu á að komast undir boðvald samevrópskra stofnana. Hvað í ósköpunum liggur mönnum á að komast undir sameiginlega raforkustofnun Evrópu á okkar einangraða landi með okkar eigið raforkukerfi? Hvers vegna í ósköpunum hafa menn áhuga á því að komast undir boðvald þessara stofnana? (ÞorstV grípur fram í: Við erum þegar undir því.) Já, vegna þess að við erum þegar undir því? Eru það rök, hv. forseti? Eru það rök að þar sem Evrópusambandinu hefur þegar tekist að koma Íslandi undir einhverja samevrópska stofnun sé ástæða til að ganga lengra?

Mér finnst vera svo mikið grundvallaratriði (Forseti hringir.) að við skilgreinum hvað séu innrimarkaðsmál sem við viljum sinna sérstaklega undir EES-samningnum og hvað séu mál sem tengjast ekki beint innri markaðnum. Hérna erum við með kristaltært dæmi um það, raforkumál Íslands eru ekki innri-markaðsmál. Síðan eru atriði í löggjöfinni sem við erum þegar búin að innleiða(Forseti hringir.) sem er sjálfsagt að halda áfram að aðlaga að samningnum. (Gripið fram í: Og þið hafið ekki gert.)"

Þarf að segja eitthvað meira um þennan gæðing....???

[Ómar Geirsson, 20.4.2019 kl. 21:11]

Blessaður Sigurður.

Ég var nú reyndar að vona að Páll sæi að sér líkt og Pétur forðum, og myndi rísa upp sem talsmaður sjálfstæðis og þjóðar núna í fyrramálið, á degi upprisunnar.

Sjáum til en aumara verður yfirklórið varla en hjá honum.

Kveðja að austan.

[Ómar Geirsson, 20.4.2019 kl. 21:20]

Blessaður Óskar.

Þegar ég var yngri, það ungur að ég las mér til fróðleiks, þá rakst maður á orðalagið, að eitthvað væri görúgt, og þá vísað í að einhver forneskja gæti skýrt.

Ég upplifi þessa einörðu samstöðu á þingi á þann hátt að ekki sé hægt að skýra hana með rökum, eða hagsmunum þjóðar og lands.

En hvað er til ráða er önnur saga, en uppgjöf er samt ekki ráð eða valkostur.

Mín reynsla úr ICEsave baráttunni var sú að ef maður hélt haus, þá héldu fleiri haus, og eftir því sem blekkingarvefurinn raknaði, þá fjölgaði okkur.

Hvort það dugi núna veit ég ekki, en ég þekki ekkert annað ráð.

Kveðja að austan.

[Ómar Geirsson, 20.4.2019 kl. 21:29]

Blessaður Eggert.

Það féllu út orð hjá mér á hvaða topp tíu lista Steingrímur væri, en ég bætti úr því núna.  Það er oft svo að þegar hugurinn hugsar að þá ná puttarnir ekki alltaf að fylgja eftir.

Grein Ásthildar er mögnuð, og ætti að vera til á hverju heimili.

Því það eru alltof margir sem afneita raunveruleikanum, og láta eins og Steingrímur og Jóhanna hafi verið að bjarga einhverju í erfiðum aðstæðum.  Og við hin látum þau komast upp með það raus.

En það er enginn innlendur sem toppar Steingrím í að svíkja sín helgustu vé, það er á hvaða hátt hann gerði það.  Og hann er öruggur á topp tíu listanum um svik allra tíma.

En þó menn hafir ekki skóstærð til að feta slóð meistarans, þá geta þeir samt verið aumkunarverðir fyrir því, og aum er staða þjóðlegs íhalds í Sjálfstæðisflokknum í dag.

Það er eins og enginn leiði það, eða hafi kjark til að leiða það.

Þannig að þó flokkurinn kenni sig við sjálfstæði, þá er þetta ekki sjálfstætt fólk.

Og það er miður.

Kveðja að austan.

[Símon Pétur frá Hákoti (IP-tala skráð) 20.4.2019 kl. 21:31]

Hvernig má það vera að svo virðist vera að meirihluti þingmanna sé tilbúinn til að ganga gegn meirihluta vilja þjóðarinnar?

Er samsekt og samtrygging þingmanna, óháð flokkum, að þeir líti á svikráð gagnvart þjóðinni sem eitthvað sem þeir jafni sín á milli?  Samtryggð og samsek svikráð.  Sé svo, eru þeir ekki aðeins aumkvunarverðir, nær væri að kalla þá þingmenn hina fyrirlitlegu.

[Ómar Geirsson, 20.4.2019 kl. 21:44]

Blessaður Magnús.

Ég sá nú bara eldklerkinn minnast á Pál í bloggpistli sínum í dag, og það vakti forvitni mína, hvað Páll fyndi sér til afsökunar,.

Og í sjálfu sér telur hann aðeins það til að þar sem það er ekki sæstrengur, að þá séu allar áhyggjur óþarfar.

Svona svipað og að þekktir íslamistar bæðu um leyfi til að flytja inn eldflaugavörpur og fá að staðsetja þær í næsta húsi við Keflavíkurflugvöll, að þá væri það alveg í lagi ef þeir lofuðu að geyma þær í kassanum.  Því þá væri engin hætta því ekki skjóta þær sér sjálfar á næstu flugvél á meðan þær eru í kassanum.

Sem er alveg rétt eins langt og það nær.

En svarar ekki þeirri spurningu af hverju við ættum að leyfa þeim slíkan innflutning?? Eða hvaða hag við höfum af því??

Páll sér ekki haginn eða minnist ekki á hann einu orði, en segir að það sé ekkert að óttast, það er allt í kassanum ennþá.

En hve lengi, þar er efinn.

Og til hvers ert þú flytja inní löggjöfina tifandi tímasprengju, sem þú hefur ekki hugmynd um hvenær springur, ef þú sérð ekki neinn ávinninginn??

Og þar sem ég hef ekki hugmyndaflug til að hæðast að Páli, eins og hann hæðist að kjósendum sínum, þá ætla ég að leyfa honum að eiga lokaorðið;

"Og nú spyr ég sjálf­an mig: skipti ég um skoðun? Svarið er aft­ur nei. Öllum efa­semd­um mín­um var mætt. Og ég er spurður: stang­ast þetta ekki á við álykt­un síðasta lands­fund­ar Sjálf­stæðis­flokks­ins um þessi mál? Enn er svarið nei. Sú álykt­un var svohljóðandi: „Sjálf­stæðis­flokk­ur­inn hafn­ar frek­ara framsali á yf­ir­ráðum yfir ís­lensk­um orku­markaði til stofn­ana Evr­ópu­sam­bands­ins.“ Ekk­ert af þeim þing­mál­um sem nú liggja fyr­ir um 3. orkupakk­ann fel­ur í sér að gengið sé gegn þess­ari álykt­un. Af sam­töl­um mín­um við sjálf­stæðis­fólk á fyrr­nefnd­um lands­fundi réð ég að flest­ir höfðu áhyggj­ur af 3. orkupakk­an­um af sömu eða svipuðum ástæðum og ég rakti hér að fram­an. Þær áhyggj­ur eru óþarfar.".

Jæja, kannski næstum því lokaorðið.

Aumingja Páll.

Kveðja að austan.

[Ómar Geirsson, 20.4.2019 kl. 21:53]

Blessuð Helga.

Það er rétt, þetta kemur flokkum ekki sem slíkum við, heldur eru þetta því sem næst allsherjar svik stjórnmálastéttarinnar eins og hún leggur sig.

Og ansi er ég hræddur um að Jón Gunnarson sé þar á meðal.

En á samt erfiðast með að sjá hann í þessum hópi því sæstrengurinn er til höfuðs stóriðjunni, og hún var til skamms tíma helsta áhugamál Jóns, eða þar til hann ákvað að gerast kommúnisti og ofurskattleggja hluta bíleiganda í nafni veggjalda.

Hugmyndafræðin á bak við orkupakkann er reyndar Stalínísk og í anda sovéskrar 5 ára áætlunarinnar þar sem allt átti að lúta einni stjórn.

Og þegar menn verða einu sinni kommúnistar, þá er erfitt að hætta því.

Svo já, líklegast er Jón Gunnarsson líka orðinn ESB sinni.

Svona er þetta Helga, ég þurfti líka að horfast í augun á mínu fólki eftir Hrunið 2009, en ég hélt haus og sveik ekki mín helgu vé.

En það voru ekki margir úr mínu ranni sem það gerðu.

En skömmin var þeirra og er enn.

En það er ekki fótspor sem venjulegt sjálfstæðisfólk mun feta.

Það er heilla en það.

Og í því liggur vonin.

Kveðja að austan.

 

 

 

[Símon Pétur frá Hákoti (IP-tala skráð) 20.4.2019 kl. 21:59]

Bæti svo við fyrri athugasemd mína:

Hjartans þakkir fyrir pistilinn Ómar.

[Ómar Geirsson, 20.4.2019 kl. 22:00]

Blessaður Sigurður í annað sinn.

Þó ég sé dálítið langt frá því að vera sjálfstæðismaður, þá er það svo að ég get alveg tekið undir skynsemisorð forystufólks þeirra.  Og ég man eftir þessum orðum Bjarna, og taldi hann mæla vel.

Og það má Bjarni eiga, að hann gerir slíkt oft þó maður sé ekki alltaf sammála honum eins og gengur og gerist.

En rökin standa fyrir sínu ennþá dag í dag.

Og það er skylda okkar að halda þeim á lofti, þó Bjarni hafi kosið að umsnúast.

Þar að baki búa ekki rök, heldur hagsmunir, hvort það séu fjárhagslegir hagsmunir skyldmenna hans, annarra flokkseiganda eða hann sé á þeirri ögurstundu að þurfa að afhjúpa ESB stuðning sinn.

Skiptir ekki öllu, látum hann kljást við sín eigin rök.

Það verður fróðlegur slagur.

Kveðja að austan.

[Ómar Geirsson, 20.4.2019 kl. 22:23]

Blessaður Símon Pétur.

Hinir aumkunarverðu er þeir sem sögðu annað, en hafa ekki kjarkinn til standa með sannfæringu sinni, og reyna síðan að afsaka það kjarkleysi með bulli og vitleysu.

Afstaða ungu þingmannanna eins og Þórdísar Kolbrúnar eða Áslaugar Örnu er hins vegar virðingarverðari því markaðsvæðing orkunnar er þeirra sýn á auðlindir, þar hatast þær við sameign þjóðar, líkt og þær hatast við velmegun og velferð fjöldans.

Auðurinn á að drottna yfir öllu í skjóli markaðarins og þær eru ánægðar með samþjöppun hans og hvernig örfá þúsund eiga næstum því allan auð heimsins.

Þær eru samkvæmar sjálfum sér þegar þær styðja frjálshyggju hins frjálsa flæðis en það fyrirlitlega er að þær skuli ljúga til um rökin, og hafi ekki kjark til að segja hug sinn um nauðsyn þess að innleiða tilskipun ESB svo hægt sé að flýta fyrir einkavæðingarferlinu á Landsvirkjun og selja orkuna hæstbjóðenda.

Er þetta ekki svona öfugt lýðskrum, að segja aðeins það sem kjósendur vilja heyra, en ekki það sem þær hugsa??

Síðan veit ég ekki hvort það sé fyrirlitlegt hjá sönnum ESB sinnum í Samfylkingunni og Viðreisn að grípa gæsina og ganga gegn þjóðarvilja, fyrst að aðrir flokkar eru til í sömu vegferð?

Er það ekki bara skiljanlegt?

Vg er bara VG, flokkur sem seldi sálu sína, á ekki sál, hjá þeim snýst þetta bara um að halda ríkisstjórninni saman, ekkert annað.

Píratarnir afhjúpa sig vissulega, en var það ekki bara blint fólk sem sá einhvern andófshjúp á þeim flokki??

Um Framsókn þarf ekki að ræða, mig minnir að einhvern tímann hafi verið til flokkur með því nafni, en þeir sem ganga fyrir björg, gleymast fljótt, nema þá að þeir hafi gert það á þann eftirminnilegan hátt, að nafn þeirra lifi í þjóðsögunni.  Tíminn mun skera úr um það hvað Framsókn varðar.

Eftir stendur hagsmunabandalagið í Sjálfstæðisflokknum, hagsmunir auðs og stjórnmála og núna ætla menn sér að verða ríkir, og þá er 5. herdeildin í röðum sjálfstæðissinna afhjúpuð.  Til dæmis er þögn Björns Bjarnasonar í ICEsave deilunni miklu skiljanlegri í dag, en hún var þá þegar hann taldist til áhrifavalda í Heimssýn. 

En þetta hagsmunabandalag skýrir málflutning Guðlaugs, og margra sem alltaf hafa metið fjárstuðning í prófkjörum meira en einhverja pólitíska sannfæringu, enda hafandi fáar aðrar en frama sinn og metorð.

Eina spurningin er kannski Óli Björn Kárason, maður átti kannski von á öðru frá honum, en ég veit ekki.

Kannski var það bara sjálfsblekking.

En svona er þetta bara.

Kveðja að austan.

[Símon Pétur frá Hákoti (IP-tala skráð) 20.4.2019 kl. 22:39]

Það er vægast sagt athyglisvert að þingmenn "Sjálfstæðisflokksins" skuli nota dymbilvikuna til að opinbera fyrirfram svikráð sín við landsfundarályktun eigin flokks.  Mikið fyrirlitlegra gerist það ekki.  Júdas hengdi sig þó í bíómyndinni á RÚV um Jesús Krist og sýndi þar með að hann hafði samvisku og iðraðist.  Maður spyr sig samvisku þeirra sem opinbera fyrirfram svikráð við eigin flokk og við eigin þjóð.

[Ómar Geirsson, 20.4.2019 kl. 23:05]

Blessaður Símon.

Sem kristinn maður þá benti ég þeim á leið kristninnar, sem var að iðrast og rísa upp. 

Júdas var hins vegar hundheiðinn andskoti sem lét þann í neðra afvegleiða sig og sá enga aðra leið í iðrun sinni en að hengja sig.

En þingmönnum Sjálfstæðisflokksins er samt viss vorkunn, það er þeirra bakland sem rís upp umvörpun, og þeir sjá að tryggðin Bjarna er þeirra HaraKiri, og eðlilegt að menn reyna að fresta þeim endalokum.

Það er hins vegar umhugsunarefni að þingmenn annarra flokka séu ekki að skrifa sínar syndaaflausnir, hvar er bakland Framsóknar eða VinstriGrænna, af hverju standa spjótin á óbreytta þingmenn Sjálfstæðisflokksins, en fáa aðra??

En það er eins og ég hef alltaf sagt, það voru kristilegir íhaldsmenn sem kváðu frjálshyggjuófögnuðinn þann fyrri í kútinn  svo hann var í felum í rúm 60 ár, og það er þeir sem verða brjóstvörn mennskunnar gagnvart atlögum afturgöngunnar sem núna ríður röftum með svipaða hugmyndafræði.

Við hefðum aldrei haft sigur í ICEsave deilunni ef hinn almenni sjálfstæðismaður hefði ekki snúist gegn vilja forystu sinnar, og það er eins núna, í staðfestu íhaldsmanna liggur von þjóðarinnar.

Og þetta vita skaðræðisöflin, því yfirfylla þau fjölmiðla af fölskum játningum fólks sem þóttist vera á móti, en er það ekki lengur því stjórnvöld eru svo klók að ætla að innleiða orkutilskipunina án þess að ætla á nokkurn hátt að fara eftir henni. 

Og þau ætla hinn almenna flokksmann það heimskan að hann trúi svona bulli.

Sem hann er ekki, en hvort það dugi til, veit tíminn einn.

Kveðja að austan.

[Jón Valur Jensson, 21.4.2019 kl. 01:02]

Hjartanlega þakka ég þér þessa kröftugu hugvekju, Ómar!

Borðleggjandi er þetta mál, m.a. eins og þú presenterear það hér með sínum rökum. Já, rétt hjá þér líka að grípa til iðrunar-themans úr kristni.

Og þetta er vert að gleymist ekki:

"Við hefðum aldrei haft sigur í ICEsave deilunni ef hinn almenni sjálfstæðismaður hefði ekki snúist gegn vilja forystu sinnar, og það er eins núna, í staðfestu íhaldsmanna liggur von þjóðarinnar."

Já, baráttan stendur enn og heldur áfram, við gefumst hvergi upp þrátt fyrir að páfagaukarnir raði sér þægir á pallinn til að bera vitni!!

[Magnús Sigurðsson, 21.4.2019 kl. 05:38]

Takk fyrir svarið Ómar. Já aumingja Páll þvælir rakalaust.

[Bjarni Gunnlaugur Bjarnason, 21.4.2019 kl. 08:00]

Takk fyrir góðan pistil, mér varð fyrir að hugsa eins og Magnús hér að ofan, Páll gleymdi alveg að nefna af hverju hann ÆTTI að samþykkja pakkann. Bar einungis við lélegum rökum fyrir því af hverju hann teldi HÆTTULAUST að samþykkja.

Er hvötin svona sterk að samþykkja það sem manni er rétt frá ríkisstjórn og embættismannakerfi eða liggja aðrir fiskar undir steini? 

[Jón Valur Jensson, 21.4.2019 kl. 09:16]

Auðblekktur Páll vill "einskis nýt" *)

ESB-lög nú keyra í gegn

um Alþing. Í spaugi? Ég spyrja hlýt:

Er spilling á ferð?----eitt allsherjar cheat?

Hvern einasta samþingmann æðrast ég lít, **)

þótt andstaða þjóðar sé víðtæk og megn.

En haldist þeim aldrei á ólögum þeim,

af Alþingi sendir með sneypuna heim!

 

*) "Orkupakki 3 mun engu breyta fyrir Íslendinga"!!!

**) Hér er átt við félaga Páls Magnússonar, auðsveipa þingmenn Valhallarvaldsins.

 

[Jón Valur Jensson, 21.4.2019 kl. 09:45]

.

.

Þingmenn, sem njóta´ ekki þjóðar trúar,

þýlyndir reynast, sem aumir molbúar,

Alþingi bjóða´ upp á algera steypu,

ekki það minnkar þeirra sneypu!

[Ómar Geirsson, 21.4.2019 kl. 10:54]

Góðan daginn Jón Valur og gleðilega hátíð.

Iðrun, bót, fyrirgefning, þessi þrenning kristninnar hefur sjaldan eða aldrei haft meira vægi en í dag og næstu misseri.

Því það þýðir ekki annað en að tefla fram sið gegn siðlausum markaði, mennsku gegn ómennsku, og boðið eina, að þú skulir elska náungann eins og sjálfan þig, og þig sjálfan og náungann eins og guð þinn.

Viska sem að lokum verður bjargræði mannsins gegn Helinu sem við blasir.

Takk fyrir vísukornin, kraftaskáld hafa alltaf verið þyrnir í augum valdsins.

Kveðja að austan.

[Ómar Geirsson, 21.4.2019 kl. 10:56]

Blessaður Bjarni.

Gunnar Rögnvaldsson spurðu um þessa fiska og líklegast verður þeim spurningum ekki svarað af þeim sem vita, það er hinum umsnúnu.

En þarf þá bara ekki þjóðin að velta við þessum steinum og skoða fiskana??

Kveðja að austan.

[Ómar Geirsson, 21.4.2019 kl. 11:18]

Og ef einhver skyldi ennþá vera að lesa, og hefur misst af síðasta pistli Bjarna Jónssonar sem er gúrúinn í þessari umræðu sökum þekkingar sinnar og fróðleiks, þá er hér linkur á pistil Bjarna.

https://bjarnijonsson.blog.is/blog/bjarnijonsson/entry/2233434/

Kveðja að austan.