Kópavogur tekur af skarið.

 

Svo eftir er tekið.

Þeirra skilaboð eru skýr fyrir komandi kjarasamninga;

"Við hækkuðum laun okkar of mikið, við skömmumst okkar, við leiðréttum, við tölum ekki."!

 

Ráðherrar og alþingismenn tala hins vegar.

Fundu bankastjóra sem þeir gátu skammast útí.

En að sýna fordæmi hvarflaði ekki að þeim.

 

Aðeins einn einstaklingur hefur sýnt ærlega framkomu frá hækkun Kjararáðs, og það er Guðni forseti.

Hann gaf líknarfélagi kauphækkun sína.

Sýndi þar og sannaði að hann hefur þroska til að gegna embætti sínu.

 

Kópavogsbær hefur líka sýnt þann þroska.

Og þar með er þroskinn upp talinn.

 

Keilur lýðskrumsins, að fordæma, en sýna ekki fordæmi, segir allt sem segja þarf um fólkið sem stjórnar þjóðinni.

Jafnt í stjórn, sem stjórnarandstöðu.

Í raun er þetta ekki fullorðið fólk.

 

Það gasprar, það röflar.

En gerir ekki neitt.

 

Ekkert til að sætta þjóðina.

Ekkert til að byggja brýr.

 

En það talar.

Kveðja að austan.

Lækka laun bæjarfulltrúa um 15%

Athugasemdir

[Helga Kristjánsdóttir, 13.2.2019 kl. 21:10]

Gott að vita að bærinn er einróma um þaö í samsettri stjórn þriggja flokka (held ég muni það rétt).

[Vagn (IP-tala skráð) 13.2.2019 kl. 21:34]

Eða:

"Við höfum aðrar tekjur og hækkuðum óvart laun okkar svo mikið að óæskilegt félagshyggjufólk gæti sótt í embættin okkar, við leiðréttum það snarlega, ekki hafa hátt um þetta."!

Ráðherrar og alþingismenn tala hins vegar. Segja það sem þarf til að friða fávísan lýðinn. Lýðurinn man ekkert stundinni lengur og verður jafn fljótur að gleyma þeirra hækkunum og hann gleymdi hversu oft lýðurinn fékk hækkanir en kjararáð beið nokkur ár. 100% hækkun lágmarkslauna kallar fyrr eða síðar á leiðréttingar. Krónutöluhækkanir kalla fyrr eða síðar á leiðréttingar. Krónutöluhækkanir eru fyrir hálfvita sem kunna ekki að reikna prósentur.

Aðeins einn einstaklingur hefur sýnt ærlega framkomu frá hækkun Kjararáðs, og það er hinn útgjalda og skattlausi hátekjumaður Guðni forseti. Hann gefur líknarfélagi lítið brot launa sinna. Sýndi þar og sannaði að hann er ekki glataður í pólitískum leikaraskap og getur jarmað eins og ær með þeim bestu.

Keilur lýðskrumsins, að fordæma með rangfærslum hálfsannleik og ýkjum, segir allt sem segja þarf um fólkið sem skrifar bloggfærslur.

Í raun er þetta ekki fullorðið fólk.

Það gasprar, það röflar. Og allir aðrir eiga að breyta sinni hegðun.

Segja sig hafa einu leiðina til að sætta þjóðina.

Segjast hafa fundið óvininn og hann er allir hinir.

Vilja byggja brýr fyrir sig og nánustu jámenn sína.

En það talar og sannfærir engan sem getur tuggið og gengið samtímis.

[Ómar Geirsson, 13.2.2019 kl. 21:46]

Það er aldeilis Vagn.

Þú ert greinilega ekki í góðum félagsskap les ég.

En svona er þetta, gömul saga og ný.

Félagsskapurinn er misgóður en það mat fer þó eftir því hver á lítur.

Ég kann ágætlega við hann.

Kveðja að austan.

[Ómar Geirsson, 13.2.2019 kl. 21:49]

Blessuð Helga.

Já, ég held að þetta sé samróma, og það allra flokka.

Svona annar tónn en heyrist frá öðrum valdasetrum.

Gjört en ekki hamrað.

Það er tilbreyting í slíku hátterni.

Kveðja að austan.

[Vagn (IP-tala skráð) 13.2.2019 kl. 22:10]

Það er vinsælt þessa dagana að vilja ekki borga launamönnum eins og taxtar segja til um. Ég er alveg sáttur við að vera ekki í þeim félagsskap en furða mig á hversu vel þér líður þar.

[Ómar Geirsson, 14.2.2019 kl. 06:55]

He, he,.

Kveðja að austan,.