Að skamma fyllibyttur er í góðu lagi.

 

Ég hef sjálfur þurft stundum ærlega á slíku að halda.

Og hef oft skammast mín i þynnku minni.

 

Það er heldur ekki gott að vinna með fólki sem virti fá mörk í baknagi á samstarfsfólki sínu.

En þegar vinnustaðurinn er Alþingi þjóðarinnar þá þarf fólk að læra að lifa með því, bæði þeir sem voru gripnir í bólinu, sem og þeir sem fengu að heyra það sem þeim var ekki ætlað að heyra.

 

Og ekki hvað síst þurfa þeir sem eru kannski sárir að vera ekki það stórt númer að lenda ekki í nagkvörninni, að sætta sig við að þeir búi í lýðræðisþjóðfélagi, þar sem þingmenn sitja í umboði kjósenda sinna.

Hlerað fyllerísröfl útí bæ réttlætir ekki dónaskap þeirra, eða það sem virðist vera aðför að lýðræðinu það er að beita andlegu ofbeldi til að hrekja samþingmenn sína af þingi.

 

Dónaskapurinn er lágkúra, og þú afsakar ekki þá lágkúru með því að vísa í að "þeir byrjuðu".

Þvert á móti, þá er fyllri ástæða til að sýna af sér siðaða hegðun.

Og aumur má þingforseti vera ef hann lætur slíkt viðgangast átölulaust.

 

En hins vegar á þingforseti að slíta þingfundi ef hann verður vitni að því í þingsal, að vegið sé að öðrum þingmönnum á þann hátt sem lýst er í þessari frétt.

Slíta þingfundi og boða formenn þingflokka á sinn fund.

Alla formenn, ekki bara hjá þeim þingflokkum þar sem eineltispúkar og dónar hafa hreiðrað um sig.

 

Og á þeim fundi á þingforseti að útskýra afdráttarlaust hvaða reglur gilda um samskipti þingmanna í þingsal.

Afdráttarlaust.

 

Einelti og dónaskapur er nefnilega ekki val einstakra þingmanna.

Og virði þeir ekki ábendingar þar um, þá á að víta þá og vísa þeim af þingfundi.

Það er nefnilega skrílræði að láta skrílshátt viðgangast.

 

Þetta er svo einfalt að það er ótrúlegt að það þurfi að benda á þetta.

Ótrúlegra en það að til skuli vera fólk sem áttar sig ekki á muninum á hegðun utan þingsals, og innan.

 

Og þó einstakir þingmenn átti sig ekki á þessu.

Þá á forseti þingsins að fatta þetta.

 

Annars er hann ekki hæfur.

Kveðja að austan.

Hnýtt í Bergþór og Gunnar Braga

Athugasemdir

[Símon Pétur frá Hákoti (IP-tala skráð) 24.1.2019 kl. 15:40]

Vitaskuld er það skandall að Steingrímur ávíti ekki þingmenn sem veitast að öðrum í þingsal.

En hann miðar þar væntanlega við sína eigin ofbeldisfullu lund,

hann sem barði þingmann á sínum tíma, ætti að skammast sín.

Og þó það væri ekki nema fyrir það eitt, því af nógu er að taka af syndaregistri hans.

ætti hann aldrei að hafa orðið forseti þingsins.

Í skjóli hverra situr hann eiginlega sem þingforseti?

[Ómar Geirsson, 24.1.2019 kl. 16:09]

Blessaður Símon Pétur.

Steingrímur er með skap, en hann er enginn ofbeldismaður.  Nema kannski þegar hann lagði Lilju í einelti, en það er plagsiður sem var og er lenska, en mætti alveg hverfa í nánustu framtíð.

Við skulum bara segja að þá var hann karl sem þoldi ekki mótlæti frá konu.

En var svo heppinn að vera ekki hleraður.

Annars finnst mér Steingrímur ágætur, hann er með vissan virðuleika, og þarf bara að sleppa honum lausum, í stað þess að halda í fortíðarrebeléglætengansegjamérfyrirverkumsveitastráks komplexa sína. 

Og ef útí það er farið, þá er ekkert mannaval þarna á þingi til að vera forseti.

Nema kannski Sigríður Andersen, hún héldi sko örugglega uppi aga, og léti engan komast upp með neitt múður.  En Sigríður er víst upptekin.

Og sveitarstrákur sem féll í stafi þegar ríkt fólk kom og bauð honum völd, það hefur svo sem gerst áður, bæði í raunveruleikanum sem og í bókmenntum.

Steingrímur er fínn og skemmtilegur karl, en jafnvel hvítþvegin ofurmenni láta á sjá þegar þeir svíkja hugjónir sínar og lífsskoðanir, það er sálin sem byrjar að brotna innanfrá.

En burt séð frá þessu öllu saman, skyldi Steingrímur svíkja í annað sinn þegar ríkisstjórnarsamstarfið hangir á að auðmenn fái að söðla undir sig orkuauðlindir þjóðarinnar??

Eða þorir hann að segja Nei við ESB reglugerðarbáknið??

Fróðlegt, en ef svo er, þá á hann aðeins þriðju svikin eftir.

Og þá spái ég því að hann verði þá eins og hringavomur í sögnum Tolkiens.

Takk fyrir innlitið Símon.

Kveðja að austan.

[Óskar Helgi Helgason (IP-tala skráð) 24.1.2019 kl. 17:46]

Sælir - Ómar, Símon Pétur frá Hákoti: líka sem og aðrir !

Steingrímur J. Sigfússon:: al ræmdur stórþjófurinn (minni ykkur á húsnæðiskostnaðar brask Steingríms, milli Þistilfjarðar og Reykja víkur::: allar götur frá Vorinu 1983) sem hefur ÓÁ-reittur getað sópað til sín Tugum Milljóna Króna, á þessum liðlega 35 árum - og komizt upp með það, Á KOSTNAÐ ALMANNAFJÁR, þessi illvirki, hefur ekki minnstu efni á, að hnýta neitt í Miðflokks lið Sigmundar Davíðs, sem er nú ekki beysnara að siðferði, en Steingrímur J. sjálfur svo sem, eins og kunnugt er, fremur en liðsmenn annarra flokka í landinu (undanskilja má Íslenzku þjóðfylkinguna og Frelsisflokkinn, sem ENN hafa ekki öðlazt nein þingsæti, né aðrar vegtyllur).

Það er eins - Ómar og Símon Pétur, að forherðing alþingismanna til spillingar og alls lags terrorisma á hendur landsmönnum hafi fremur aukist en hitt, eftir úrskurði Kjararáðs til sífelldra hækkana á launum þing- og embættismanna ýmissa á undanförnum árum, fremur en á hinn veginn.

Án gamans félagar.

Almenningur: VERÐUR að setja hömlur á þetta þjófa pack við Austurvöll suður í Reykjavík / á einhvern þann veginn sem til dygðu, ella verða sjálfur undir í þeirri harðvítugu baráttu um auðlindir lands og sjávar, sem yfirstandandi er í dag / og fer bara harðnandi, á komandi árum og áratugum !!!

Með beztu kveðjum - engu að síður, af Suðurlandi /

[Grímur (IP-tala skráð) 24.1.2019 kl. 17:48]

Viðkvæmnin á Alþingi er komin út fyrir velsæmismörk. Mér finnst einsog Þórunn hafi verið umhverfisráðherra þegar hún í miðju viðtali við fréttamann kallaði yfir götuna og bauð enhverjum frænda sínum að "hoppa upp í rassgatið á sér"

Ef Siðanefnd á rétt á sér á einhvern hátt þá ætti hún líka að taka til skoðunar dónaskap hennar Heglu Völu á Þingvöllum og fullyrðingar Pírata um að Ási hafi gerst brotlegur við lög.

[Ómar Geirsson, 24.1.2019 kl. 19:24]

Þetta er eins og það er Óskar Helgi, en þú veist að ég get lítt spjallað við þig þegar kallar nafngreint fólk þjóf, hvað þá stórþjóf.

En það er kraftur í drápu þinni.

Kveðja að austan.

[Ómar Geirsson, 24.1.2019 kl. 19:29]

Blessaður Grímur.

Siðanefnd á að sjálfsögðu að taka fyrir brot á siðareglum þings og þingmanna.

En þú setur ekki ákveðna hegðun í siðareglur eftir á, og ef hún ályktar gegn illmælgi í einkasamtölum, þá er sú ályktun marklaus nema ef allir þeir þingmenn sem hafa einhvern tímann talað illa um annað fólk, þó ekki annað sé en að láta í ljós réttmætt álit á neikvæðri hegðun, standi upp, og játi.

Og ef það sannast á þá sem ekki játa, að þá verða þeir víttir.

Bæði sem illmælgismenn og lygarar.

Hvað heldur þú að yrðu margir eftir??

Kveðja að austan.

[Óskar Helgi Helgason (IP-tala skráð) 24.1.2019 kl. 21:32]

Sælir - sem fyrr !

Ómar síðuhafi !

Þakka þér fyrir: hárréttan skilning þinn, minna meininga.

Ef eitthvað er - er ég óþarflega hógvær í orðavali, miðað við marg- gefin tilefnin að þessu sinni, sýnist mér.

Með sömu kveðjum sem þeim: hverjar, á undan fóru / 

[Ómar Geirsson, 24.1.2019 kl. 22:13]

Örugglega Óskar, örugglega.

En ef eitthvað er þá ertu kyngimagnaðastur þegar þú talar um hópa eða heildir, því til dæmis þá hrjáir hógværðin þig ekki að ráði, og andinn fer á flug.

En fólk bara les þetta eina orð, og spáir ekki í annað, hvort sem það er hin rauveruleg meining, hin magnaða hvatning eða mergjaða tungutak.

Og þetta jafnvel getur komið niður á mér og því sem ég er að reyna að segja.

Slagur minn við vindmyllur er nógu erfiður samt, og ekki alltaf gaman að fara gegn straumnum.

En Óskar minn, þú ert alltaf auðfúsugestur.

Það er ekki málið.

Kveðja að austan.