Hvað er rangt hjá Sigmundi??

 

Þegar þessi grein er lesinn.

Ég bara spyr.

 

En ég lýsti á sínum tíma yfir undrun minni á hverju Steingrímur baðst afsökunar, taldi að fyrst hann á annað borð gerði svo, þá væri annað nærtækara.

Læt reyndar skens um einkasamtöl og gleðskap eiga sig, en aðalatriðið er þetta:

"... og reyna svo að koma sama manni í fang­elsi með póli­tísk­um rétt­ar­höld­um, á því að af­henda er­lend­um hrægamm­a­sjóðum ís­lensku bank­ana á sama tíma og þúsund­ir fjöl­skyldna misstu heim­ili sín, á því að hafa reynt að láta ís­lensk­an al­menn­ing taka á sig skuld­ir fall­inna einka­banka í and­stöðu við lög, á því að nýta ekki þau tæki­færi sem gáf­ust til að end­ur­reisa ís­lenskt efna­hags­líf en státa sig í staðinn af hrósi er­lendra fjár­mála­stofn­ana."

Það er beðið eftir þessari afsökunarbeiðni.

Og Steingrímur yrði meiri á eftir.

Kveðja að austan.

Segir þingforseta svala hefndarþorsta

Athugasemdir

[Símon Pétur frá Hákoti (IP-tala skráð) 21.1.2019 kl. 08:45]

Steingrímur J. er forhert skítseiði.

[Ómar Geirsson, 21.1.2019 kl. 08:58]

Ussum sussum og svei Símon minn frá Hákoti.

Svona segja ekki vel aldir menn með rætur í jarðvegi lands og þjóðar.

Jafnvel þó þeir hafi átt heima á mölinni í einhverjar kynslóðir.

Kveðja að austan.

[thin (IP-tala skráð) 21.1.2019 kl. 09:09]

Skrýtið að halda að þingforseti einn taki ákvörðun um þetta.

Hitt er hinsvegar ennþá skrýtnara að maður sem sá óvini sína í hverju horni, taldi víst að verið væri að njósna um sig þegar hann var forsætisráðherra. Talaði um að búið væri að hakka tölvuna sína o.sv.frv., sem maður hélt að væri orðinn hysterískur, skuli láta ná sér á upptöku með haugsuguna í gangi. Þetta hlýtur að vera afar heimskur maður sem virðist ekkert læra.

[Símon Pétur frá Hákoti (IP-tala skráð) 21.1.2019 kl. 09:15]

Nú viltu mildara orðalag?:

Steingrímur J. er raupari,

lyginn og illa innrættur.

Hann er lítilmenni, sem setur upp aumingjaglott

þegar hann níðist á fólki, í krafti valds síns.

Einelti hans er vel þekkt, en þekktast 

þegar hann lagðu Lilju Mósesdóttur í einelti.

Steingrímur J. er forhert skítseiði.

[Ómar Geirsson, 21.1.2019 kl. 09:38]

Sussum svei og aftur sussum svei og svei attan Símon minn frá Hákoti.

Svona tala bara götustrákar hefði amma mín heitin sagt, enda sveitakona í fjölmarga ættliði.

Að framleiða fúkyrði er lítið mál, en að yrkja góða vísu eins og Bólu Hjálmar, það er ekki öllum gefið.  Enda lifir vísan, ekki fúkyrðaflaumurinn, handverk en ekki fjöldaframleiðslan.

Kveðja að austan.

[Ómar Geirsson, 21.1.2019 kl. 09:40]

Blessaður thin.

Ætli það sé ekki bara vegna þess að maður sem ógnar fjárhagslegum hagsmunum hrægamma á keypta óvini í hverju horni.

Og burtséð frá ýmsum vanköntum Sigmundar þá er það bara einföld staðreynd að hann einn þorði í þá.

Tók hag þjóðar fram yfir hag auðs.

Og ósköp hefur fennt yfir vinstri taug þína að þú skulir tala máli þess síðarnefnda.

Kveðja að austan.

[Símon Pétur frá Hákoti (IP-tala skráð) 21.1.2019 kl. 09:43]

Vel má vera að svo sé sannleikurinn orðinn skrumskældur, teygður og togaður, að í hugum einhverra sé hann talinn fúkyrði. 

[Ómar Geirsson, 21.1.2019 kl. 09:58]

Símon minn.

Núna skal ég segja þér dæmisögu,.

Hér í sveitarfélaginu, þó ekki byggðinni minni, er maður einn sem gegn tíðina hefur farið oft höndum um eigur annarra, þannig að þær hafa rýrnað, en hann sparað sér útgjöld á móti.

Það vita þetta allir.

En þegar fólk býður honum góðan daginn, þá segir það ekki; "góðan daginn þjófur".

Sumt er nefnilega ekki sagt, allra síst á opinberum vettvangi.

Varðandi þetta með fúkyrðaflauminn, þá skil ég ekki að þú skulir hafa tekið það til þín, enda hvergi slíkur flaumur merkjanlegur hjá þér.

Ég var einfaldlega að benda á hvað auðvelt væri að framleiða slíkan flaum, en erfiðara að tjá sig þannig að eftir er tekið.

Og fyrir utanaðkomandi sem kíkja á svona síður, þá gera menn ekki mun á skammaryrðum að gefnu tilefni, eða ekki gefnu tilefni.

Flestir einfaldlega forðast slíkan lestur.

Og þar með getur gott innslagið fallið milli garða svo ég vitni í tungutak feðra minna, smábænda og vinnufólks.

Kveðja að austan.

[Símon Pétur frá Hákoti (IP-tala skráð) 21.1.2019 kl. 13:17]

Steingrímur hefur aldrei beðið afsökunar á illvirkjum sínum. 

Gagnrýni Sigmundar er réttmæt.

Steingrímur stundar nornaveiðar og galdrabrennur.

Bjarni og Sigurður Ingi gleðjast með Samfylkingu og Pírötum meðan Steingrímur stundar loddarahátt sinn sem hann væri æðsti dómari í rannsóknarrétti.

Þetta er skítleg pólitík í anda Steingríms.

Punktur.

[Ómar Geirsson, 21.1.2019 kl. 14:02]

En hann yrði maður að meiri ef hann gerði það.

En ég sé Símon að þú tekur undir spurningu fyrirsagnar minnar, hvað er rangt við grein Sigmundar.  Sem og að þú bætir við þætti sumra skinheilagra sem halda sig til hlés.

Ekkert sem hér er sagt að ofan fellur milli garða.

Og hananú.

Kveðja að austan.

Ps.  hananú er svona mín útgáfa af punktur.

[Jónas Gunnlaugsson, 21.1.2019 kl. 14:15]

Jæja piltar, þið eruð hver öðrum betri, og Ómar Geirsson, þakka þér fyrir kennsluna.

Gamli púkinn í okkur læðist að.

Við köllum þetta ekki ælunefnd. Er rangt af mér að setja þessa setningu?

Þingmenn skipa strax nefnd til að skoða KREPPUFLÉTTUNA hans Tómasar Jefferssonar,

slóð

Kreppufléttan, endurtekið

slóð

Þar á að skoða hvort það var löglegt að beita fléttunni, til að ná eignum fólkins.

000

Thomas Jefferson sagði,

"Ef Ameríska þjóðin lætur einkabanka stýra mntútgáfunni,

peningaprentuninni, þá munu bankarnir og fyrirtæki þeim tengd, 

ræna þjóðina allri velmegun, "það er fasteignum og lífsviðurværi," 

í fyrstu með verðbólgu, og síðan með verðhjöðnun, 

og þá munu afkomendur okkar verða heimilislaus 

 "og á vergangi í landinu.""

Egilsstaðir, 21.01.2019  Jónas Gunnlaugsson

 

[Brynjar (IP-tala skráð) 21.1.2019 kl. 15:06]

Sigmundur er ávalt saklaust fórnarlamb, sama hvað gerist.  Hér reynir hann að snúa vörn í sókn og notar gamla trkkið " svo skal böl bæta með því að benda á eitthvað annað ".  Síðuhafi spilar með og nú snýst málið um Steingrím J.  Afsakanir Sigmundar í þessu máli eru orðnar margar t.d.  Það eru allir að gera þetta, hljóðupptakan er fölsuð, Bára er útsendari ESB sem vilja hafa áhrif á Sigmund vegna orkupakkans, Bára var útsendari Stundarinnar og hans Jóhannesar og sv fr.

Það má alveg taka umræðuna um Steingrím J.   Ég hélt að kröfuhafar  ( hrægammar ) eignist gjaldþrota fyrirtæki sem þeir eiga kröfur í.  Ekki nema að einhver kaupi af þeim kröfurnar.  Átti Ríkissjóður pening á þessum tíma til að kaupa þessar kröfur ?.  Ég hreinlega veit það ekki en veit þó að sú umræða hefur ekkert með núverandi mál Sigmundar að gera.

[Símon Pétur frá Hákoti (IP-tala skráð) 21.1.2019 kl. 15:09]

Kjarni málsins Ómar, er að ég vel sterk orð, vegna illvirkja Steingríms.

Því þetta er allt hárrétt sem Sigmundur segir,

og þ.m.t. þegar Steingrímur reyndi að koma Geir H. Haarde í fangelsi:

"... og reyna svo að koma sama manni í fang­elsi með póli­tísk­um rétt­ar­höld­um,

á því að af­henda er­lend­um hrægamm­a­sjóðum ís­lensku bank­ana á sama tíma og þúsund­ir fjöl­skyldna misstu heim­ili sín,

á því að hafa reynt að láta ís­lensk­an al­menn­ing taka á sig skuld­ir fall­inna einka­banka í and­stöðu við lög,

á því að nýta ekki þau tæki­færi sem gáf­ust til að end­ur­reisa ís­lenskt efna­hags­líf en státa sig í staðinn af hrósi er­lendra fjár­mála­stofn­ana."

Hið undarlega er svo núna, að þingmenn og ráðherrar forystu án flokks

virðast styðja þann hinn sama Steingrím sem allra mest og hafa sett hann í hásæti dómstóls götunnar.

Þvílíkir vesalingar, gungur og druslur sem þingmenn og ráðherrar forystu án flokks eru.  

[Ómar Geirsson, 21.1.2019 kl. 17:34]

Blessaður Brynjar.

Það fór svo aldrei að ég upplifði ekki mann sem trúir því í alvöru að Oswald hafi skotið Kennedy, og hann hafi svo óvart verið skotinn af öðrum auðnuleysingja.

Það þarf samt meiri trúarvilja til að trúa að samkynhneið kona, sem var öryrki með athyglisbrest og öll merki um áfallastreytu, hafi verið tilbúin með upptökutæki til að taka upp það sem hún sagði vera samræður Sigmundar við óþekkt fólk.  Í heila fjóra tíma, svo hafi hún í græskuleysi sínu sent það á nokkra fjölmiðla, og síðan nýtt sér örörkubætur sínar til að skreppa til útlanda í nokkra daga.

Vissulega er það þekkt staðreynd að útí hinum stóra heimi er það búbót fyrir fátækt fólk, iðulega tengist það háskólastúdentum eða öryrkjum, að það sitji þar sem vænlegt er að afla sér aukatekjur fyrir slúður, þó iðulega sé það í verktöku fyrir einhverja aðila sem gera það út, og sú útgerð fer eftir hagsmunum eða öðru sem telur ávinning í að róa á gruggug mið í von um afla, hvort sem það er til fjárkúgunar, afhjúpunar eða annað sem getur skaða meint fórnarlamb.

En samkynhneigð öryrki, þar er fullmikið í leiktjöld lagt.  Allavega held ég að sá mikli meistari Potemkin hefði gert það á trúverðugri hátt, enda var hann meistari blekkinganna.

Varðandi seinni hlutann sem þú segir hér Brynjar; þá held ég aðeins að vonin um Féta tékka geti skýrt þá réttlætingu sem þú notar til að verja svik Steingríms við þjóð sína og hugsjónir.

En þér til upplýsingar þá vil ég benda þér á að Fétir tékkar fara aldrei til þeirra sem réttlæta ósóma, þeir fara aðeins til þeirra sem ábyrgðina bera.

Svo hættu þessu drengur, það er ljótt að gera svona lítið úr sjálfum sér.

Kveðja að austan.

[Ómar Geirsson, 21.1.2019 kl. 17:44]

Blessaður Jónas.

Sem slíkt er þetta réttmæt ábending hjá Jefferson, en þetta var aldrei tilfellið í USA, í raun virkar bandaríski seðlabankinn eins og seðlabankar í öðrum löndum sem eru í ríkiseigu.

Verðbólga versus verðhjöðnun er flóknara fyrirbrigði en svo að það sé hægt að skýra það á svona einfaldan hátt.

Hins vegar hefur kreppa í kjölfar þenslu verið búbót fyrir fjármagn, jafnvel svo að hið Svarta fjármagn hefur gert út aðför að þeim hagfræðingum sem mæla með þensluhvetjandi aðgerðum til að örva hagkerfið þegar kreppa er fyrirsjáanleg.

Og það er margt fólk sem lætur blekkjast, eða eins og ég sagði í Örpistli mínum hér á undan, um heim á heljarþröm; "Og þessir Örfáu, sem eiga allt, þeir eiga líka fjölmiðlanna, og ekki hvað síst áróðurstæki sem blekkja hrekklausa út í hið óendanlega.", að þá er fullt að fólki sem lætur andskotann og hugmyndafræði hans stjórna sér.

Og við náum ekki að sameinast gegn Ógninni sem ógnar lífi og framtíð barna okkar.

Það er meinið Jónas.

Kveðja að austan.

[Ómar Geirsson, 21.1.2019 kl. 17:46]

Kjarni málsins er sá Símon, að rök og rökfesta tjá stek orð, ekki orðin ein og sér.

Þetta vissi Bólu Hjálmar.

Kveðja að austan.

[Brynjar (IP-tala skráð) 21.1.2019 kl. 22:59]

Sæll Ómar.  Svo það er sendiboðinn sem er sekur ekki fólkið sem viðhafði þennan ósóma þegar það átti að vera í vinnunni.

Aldrei hef ég kosið Steingrím J né VG og mun eflaust aldrei gera en það sem gerðist eftir hrun hefur bara ekkert með Klausturmálið að gera.

Hvar var ég að verja einhvarn ósóma ?

Nú hef ég ekki komið á þessa síðu áður hjá þér Ómar og veit því jafn lítið um þig og þú um mig.  Svarið frá þér til mín olli mér vonbrigðum og mér finnst það hrokafullt.  

Engu að síður, góðar kveðjur

Brynjar

[Jónas Gunnlaugsson, 21.1.2019 kl. 23:58]

þakka kennsluna Ómar, mér skilst að Federal Reserve seðlabanki Bandaríkjana sé í eigu, eða 80% stjórnað af SádiArabiu, og svo er The Bank of International Setlement í Basel I Sviss oft sagður grunnurinn. Kenedy lét setja út í þjóðfélagið svokallaðan silfur dollar, frá Ríkinu, svo var hann drepinn. Johnson var láti stöðva þá dreyfingu frá Ríkinu. Nú er sagt að Trump stefni í að láta Federal Reserve fara á hausinn, og að Ríkið eigi gjaldeyrissköpunina. Þakka þér aftur þín góðu skrif.

Egilsstaðir, 21.01.2019  Jónas Gunnlaugsson

[Ómar Geirsson, 22.1.2019 kl. 09:17]

Blessaður Jónas.

Það eru skýringar á því að bandaríski seðlabankinn er í einkaeigu fjármálastofnana, og meginskýring þess er að á þeim tíma þegar þessi ákvörðun var tekinn, þá óttuðust menn ofurvald ríkisins.  Bandaríska byltingin var jú gerð gegn tiltölulega miðstýrðu aristókrataveldi.  Og í kjölfarið voru margar ákvarðanir teknar sem áttu að tryggja valddreifingu á þann hátt að ekkert einstakt afl yrði það sterkt að það gæti kúgað hin.

Þess vegna var meðal annars þessi ákvörðun tekin og hreint út þá hefur enginn samsæriskenningarsmiður getað sýnt fram á að sá bandaríski hafi á nokkurn hátt starfað öðruvísi en aðrir seðlabankar vestrænna ríkja.  Hagkenningar hans hafa verið þær sem eru ráðandi á hverjum tíma.

Þú segir fréttir að Saudar séu búnir að eignast 80% af fjármálakerfi bandaríkjanna, en ef þú hefur svona miklar áhyggjur af þeim, þá skaltu líka átta þig á að pótintáti þeirra er húsbóndi í Hvíta húsinu í dag.  Og svo aumt er ósjálfstæðið að það er meira að segja reynt að afneita morði einræðisherra Saudi Arabíu á bandarískum blaðamanni.

Trump mun ekkert gera sem riðlar núverandi kerfi því Trump er ekki einræðisherra.  En ef hann heldur áfram eftir þroskabraut fasista, þá mun hann hugsanlega leggja til atlögu við lýðræðið, þá með stuðningi hersins, en til þess þarf hann einhverja atburðarrás sem túlkuð verður sem neyðarástand, til að fá almenning með sér, sem og stuðning hinna innri stjórnenda landsins.

Er ekki að sjá það gerast því þrátt fyrir allt stendur lýðræðið föstum fótum í stofnunum samfélagsins þarna vestra.

Svo að lokum Jónas, ef þú vilt halda fátæku vinnandi fólki, fátæku, og um leið hindra alla grósku og vöxt í samfélaginu, þá tengir þú gjaldmiðil þjóða við skortmálma eins og gull og silfur, en ef þú vilt það ekki, þá tengir þú verðgildi þeirra við verðmætasköpun viðkomandi samfélags.

Það er bara þannig.

Kveðja að austan.

 

 

 

[Ómar Geirsson, 22.1.2019 kl. 10:36]

Blessaður Brynjar.

Fyrst við erum komnir á trúnó, þó ég sjái ekki alveg samhengið hvað mér kemur það við að þú hafir aldrei kosið Steingrím Joð, þá skal ég trúa þér fyrir því að ég kaus hann nokkrum sinnum á sínum tíma, og fyrst eftir Hrunið hélt ég að hann yrði framtíðarleiðtogi þjóðarinnar í viðnámi hennar gegn þrælkunartilraunum hins alþjóðlega fjármagns.  En það fór eins og það fór.

Síðan finnst mér þú skarpur að fatta hrokann, en ekki eins skarpur á þín eigin orð; "Síðuhafi spilar með og nú snýst málið um Steingrím J.", við hverju bjóstu eiginlega??  Pistill minn er ákafleg einfaldur, vísar í fyrri skrif þar sem ég lét í ljós undrun mína yfir því að loksins þegar Steingrímur Joð baðst afsökunar, þá var það ekki á sínum eigin gjörðum, heldur annarra.  Þegar sá pistill var skrifaður þá var Sigmundur ennþá timbraður og var vart farinn að verja sig á annan hátt en þann en að láta sér detta í hug innbrot í síma og að aðrir hefðu líka talað illa um annað fólk, bæði drukknir og ódrukknir.  Þannig að ef maður á að halda sig við rökfærslu þína, þá var hann að spila með minni rökfærslu. 

En flestir ættu að hafa þá skynsemi til að bera að sjá að skrif okkar eru ótengd, nema ég nýti þessa frétt til að hamra eftir afsökunarbeiðni Steingríms.  Sem ég hef gert áður, mjög oft áður.

Varðandi meintan ósóma, þá eru þessi orð þín "Ég hélt að kröfuhafar  ( hrægammar ) eignist gjaldþrota fyrirtæki sem þeir eiga kröfur í.  Ekki nema að einhver kaupi af þeim kröfurnar.  Átti Ríkissjóður pening á þessum tíma til að kaupa þessar kröfur ?." aum tilraun til að réttlæta þau illvirki sem áttu sér stað eftir Hrun þegar hrægammar fengu veiðileyfi á íslenskan almenning og íslenskt samfélag. Þessi rökfærsla kemur því sem gerðist nákvæmlega ekkert við, og fyrirgefðu, ég get ekki að því gert að ég hæðist að svona tilraunum.

Varðandi réttlætingu þína á þeim ósóma sem gægjur og hlerun eru, þá hélt ég að ég hefði útskýrt það nægjanlega skýrt af hverju ég drægi trúverðugleika Báru í efa en það má alveg bæta í þá skýringu.

Það er þannig að þegar efnahagsböðlar og aðrir vinnumenn hins skítuga fjármagns leggja út snörur sínar eða skipuleggja atburðarrás sem ætluð er til að hafa áhrif á umræðu, hvort sem það er til að dreifa villandi upplýsingu, eins og í loftslagsumræðunni, eða koma höggi á andstæðinga gróðabralls umbjóðenda sinna, að þá eru þeir ekki svo vitlausir að ljúga til um atburði eða gera eitthvað sem hægt er að afsanna með góðu móti.

Slíkt eru vinnubrögð amatöra, og hið skítuga fjármagn ræður ekki amatöra í vinnu.

Ef þú veist að þingmaður sem leggur til dæmis útá við mikið uppúr hefðbundnum fjölskyldugildum, en lifir tvöföldu lífi, að þá lætur þú vakta klámbúllur eða hommastaði ef þú telur líkur á að hann sé laumuhommi, hugsanleg ástarhreiður ef hann er í framhjáhaldi.  Slík vöktun hefur í gegnum tíðina verið ágæt tekjulind fyrir fátækt fólk sem hefur nægan tíma, til dæmis námsmenn eða öryrkja.  Þegar uppum kemst um kauða þá ber enginn á móti því að hann sé samkynhneigður eða haldi grimmt framhjá, en sú staðreynd breytir ekki vinnubrögðunum eða hvort þú getir haft skoðun á þeim, og fordæmt þau.

Hvert fara drykkfeldir þingmenn???, og það segir allt sem segja þarf um ótrúverðugleikann, að það var slökkt á upptökutækjunum þegar annarra flokka kvikindi en meint target blönduðu sér í gleðskapinn.

En trúgjarnir hafa fullan rétt á að vera trúgjarnir, en samt eftir að Róbert og King voru skotnir og ameríska mannréttindabaráttan var kæfð í blóði, þá er ekki lengur hægt að tala um trúgirni, heldur hreina og klára heimsku.

Að lokum þetta Brynjar.  Ég get ekki sagt að ég taki það eitthvað nærri mér að þú hafir orðið fyrir vonbrigðum með andsvar mitt, en ef þér leiðist að taka svona móttökur nærri þér, þá ætla ég að ráðleggja þér heilt með því að benda þér á að menn ráða dálítið sjálfir því viðmóti sem þeir mæta hér í netheimum.

Fákinn Hörundsár er ekki góður reiðskjóti þeirra sem mæta með kjaftinn að vopni.

Sá Ósvífni er betri.

Kveðja að austan.

[Brynjar (IP-tala skráð) 22.1.2019 kl. 11:16]

Ég er ekkert sár og alveg óslaðaður.

Aum tilraun til að réttlæta segir þú.  Samkvæmt lögum eignast kröfuhafar " líkið " af gjaldþrota fyrirtæki.  Ég velti því upp í framhaldinu hvort það hafi verið til paningar á þessum tímapunkti til að kaupa þessar kröfur. Ég tók þarna enga afstöðu um það hvort þaÐ hefði átt að kaupa kröfurnar eða ekki.

Um Sigmund verðum við örugglega ekki sammála.  Það er líka í fínu lagi.  Ef þú telur mig heimskan fyrir það að trúa ekki samsæriskenningum Sigmundar Davíðs að þá er það þinn réttur.

Að lokum þakka þér svarið og gangi þér vel.

Brynjar

[Ómar Geirsson, 22.1.2019 kl. 12:06]

Alltí góðu Brynjar.

Varðandi heimskuna þá var ég bara að benda á röð atburða í Bandaríkjunum, svo blessaður taktu það ekki til þín.

Vernd samfélagsins gagnvart yfirgangi erlendra og innlendra hrægamma, snérist ekkert um það að kaupa réttmætar kröfur á þrotabú hinna föllnu banka. 

Það snérist um að halda þeim frá hinu nýja og hið nýja bankakerfi bæði hegðaði sér á siðaðan hátt, og kæmi þeim afslætti sem það fékk á kröfum gömlu bankanna yfir til viðskiptavina sinna.

Að endurreisnin væri á forsendum þjóðarinnar, ekki fjárfesta sem keyptu kröfurnar í gömlu bönkunum á hrakvirði.  Ég held að hreinlega engum hafi dottið í hug að ríkið sjálft hefði átt að fara á braskaramarkaðinn, en ef þér er alvara með þessa skoðun þína þá skal ég í anda minnar nýuppgötvuðu ljúfmennsku alveg hætt að bögga þig með hana.

Gangi þér einnig í haginn.

Kveðja að austan.