Þeir fiska sem róa.

 

Á þau mið sem afla er að fá.

 

Það er nefnilega ekki nóg að róa og róa, og koma alltaf tómhentur í land.

Það má vel vera að fiskurinn sé vitlaus þegar hann færir sig til, en það breytir því ekki að ef hann gerir svo, þá þarf að elta hann á hin nýju mið.

Og leggja veiðarfærin þar, en ekki þar sem hann var.

 

Fiskurinn nefnilega ræður.

Ekki veiðimaðurinn.

Kveðja að austan.

Framboðslistinn samþykktur í Valhöll

Athugasemdir

[Þorsteinn Briem, 22.2.2018 kl. 20:49]

Enn ein lögfræðidúkkulísan í Sjálfstæðisflokknum.

[Símon Jónsson frá Koti (IP-tala skráð) 22.2.2018 kl. 22:35]

Mig grunar að Vigga mokfiski fyrir Miðflokkinn.

Sjálfstæðisflokkurinn stingur sína reyndustu í bakið.  Gulla armurinn sást ekki fyrir og hjó hinn arminn af.  Það fer illa í marga sem áður kusu flokkinn.

Sjálfstæðisflokkurinn hefur nú klofið sjálfan sig endanlega í herðar niður. 

Miðflokkurinn verður valkostur þeirra sem voru hoggnir frá.

[Símon Jónsson frá Koti (IP-tala skráð) 23.2.2018 kl. 04:15]

Það sem er að gerast er að íhalsflokkar víða um hinn vestræna heim eru að klofna frá frjálshyggjuhluta hægri flokka.  Í  báðum örmum Sjálfstæðisflokksins má finna fulltrúa beggja þessara hugmyndafræða, en þó er einkenni beggja arma eonbeittur brotavilji til að notfætæra sér ríkisvaldið til að hlaða undir eigin rassgöt.  Hvílíkur samsafnaður af kremlískum alræðiskommum.

[Símon Jónsson frá Koti (IP-tala skráð) 23.2.2018 kl. 04:23]

25% flokkur?  Nei í mesta lagi 15% flokkur sem ekkert venjulegt og heiðarlegt fólk vill samsama aig við.  Vandinn er fjármálaráðherrann sem rakar að sér og sínum auð, ekki með heiðarlegri vinnu og dugnaði, heldur sjálftöku úr ríkissjóði og í krafti ríkisvaldains, sjálfskömmtun við "endurreisn" fjármálakerfiains.  Ógeðslegt?  Já, það er rétta orðuð srm Styrmir notaði um siðvilluna.

[Ómar Geirsson, 23.2.2018 kl. 07:31]

Takk fyrir innlitið Steini.

Eftir Meetoo þá talar maður ekki svona um sætar stelpur.

Kveðja að austan.

[Ómar Geirsson, 23.2.2018 kl. 07:48]

Blessaður Símon frá Koti.

Ég held að djúpar rætur þínar í ökrum sem voru yrktir (eða hvernig í fjandanum beygir maður sögnina að yrkja, sbr að yrkja jörð?) í sveita síns andlits fái þig ekki alveg til að skilja svona einfalda veiðisögu.

Þetta snýst ekki um arma, jafnvel ekki hina fjölmörgu sem kolkrabba skríða, þetta snýst ekki um reynslu hinna þrásetnu, þetta snýst um að fiska.

Það er að fiska atkvæði.

Og með fullri virðingu fyrir borgarstjórnarflokki Sjálfstæðisflokksins undanfarin fjöldamörg ár, þá hefur hann ekki komið með bröndu að landi, rétt náð að halda utan um fastafylgi flokksins.

Kjartan er löngu kominn fram yfir síðasta söludag, og Áslaug er hægriöfgamanneskja, og við erum ekki í Ameríku.  Fylgi hennar er fylgi sem er hvort sem er Sjálfstæðisflokksins, en hún er fráfæla á venjulegt fólk.

Eyþór kann þetta, og við munum upplifa þá byltingu að á næsta kjörtímabili verður sett í holur, malbik en ekki bíldekk.

Og allir Símon minn, allir sem skrifræði ekki þola, hvar sem þeir eru svo sem staddir í hinni pólitísku litgreiningu, þeir styðja atlögu Eyþórs að holum í malbiki, að hraðahindrunum sem ætlað er að valda fólki tjóni, og öðrum þeim óáran sem kjaftgleiðir stjórnmálamenn hafa talið köllun sína.

En hafa ekki fundið þá köllun að þjóna.

Það er ekki flóknara en það.

Varðandi hagræðingarViggu að þá mun vissulega höfða eitthvað til rasista/fasistafylgisins, en vandi hennar er sá að hún er í fyrsta lagi ekki ein um þá nálgun, sem og að sá markhópur hýsir marga fátæka, sem hafa ekki ennþá gleymt hagræðingu hennar.  Sem meðal annars fólst í því að klípa af því sem ekkert var.

Hins vegar ef Sigmundur Davíð hættir þessu væli um hversu vel tókst til með stöðugleika framlagið, og launar Bjarna bjarnargreiðann, þá verður fjör.

Nema náttúrulega að Sigmundur sé sáttur við að vera stimplaður blaðrari.

Þá hlustar enginn á hann.

Og ekki heldur á hagræðingarViggu.

Kveðja að austan.