Ég kýs ófrið.

 

Og ólgu um allan heim.

Og ég heiti Donald Trump.

 

Svona efnislega var utanríkisstefna Donalds Trump í kosningabaráttu hans, og núna er komið að efndum.

Ófriðarbál skal kveikja.

Því margt má segja um Trump, en ekki að hann skorti viljann til að efna kosningaloforð sín.

 

Hversu óendanlega sorglegt þetta er fyrir framtíð barna okkar skal ekki fjölyrt hér.

Aðeins að benda á að beint lýðræði er ávalt bein ávísun á endalok þess.

 

Þegar engar hömlur eða flækjustig eru til að sigta út mestu vitleysinganna, þá komast menn eins og Trump til valda. Í besta falli með yfirgengilegu bulli, í versta falli með ófriðartali.

Þannig urðu endalok lýðræðisins i Aþenu, þess borgríkis sem þekktust er fyrir að vera vagga lýðræðisins.  Þar spruttu upp fyrstu nafngreindu lýðskrumararnir, frændur Trumps í anda, og ófriðarbálið sem þeir kveiktu varð borginni að falli.

 

Sagan kann síðan engin dæmi um að beint lýðræði hafi heppnast, lýðskrumarinn er yfirleitt óhæfur, ef ekki þá verður hann hinn sterki leiðtogi sem leggur niður lýðræðið, verður einvaldur.

Þetta vissu feður Bandaríkjanna og hönnuðu því stjórnkerfi byggt á fulltrúalýðræði og valddreifingu.

Stjórnkerfi sem hefur staðist tímans tönn, en stóðst ekki hið fjármagnaða lýðskrum hinna ofurríku.

 

Þetta ætti fólk að hafa í hug þegar það heyrir raddir hér og þar um aukið lýðræði, og þá er vísað í beint lýðræði.

Áður en menn ná að snúa sér við þá verður auðurinn búinn að kaupa það upp, og fer öllu sínu fram, án nokkurra hindrana frá almenningi.

Þetta veit auðurinn en spurningin er hvað margir að þeim sem vinna fyrir hann, viti þetta?

Eru þeir nytsamir sakleysingar, eða kaldrifjaðir málaliðar??

 

Næst þegar fólk heyrist minnst á stjórnarskráarmálið, eða kröfuna um persónukosningu til Alþingis, ætti það að spyrja sig þessarar spurningar.

Og spyrja sig síðan, hversu vænt þykir það um lýðræðið, hversu vænt þykir það um samfélag sitt, hversu vænt þykir það um heiminn, og það líf sem hann elur.

Því það búa margir Trump meðal vor.

Kveðja að austan.

Enn á ný veldur Trump ólgu

Athugasemdir

[Helgi (IP-tala skráð) 6.12.2017 kl. 09:40]

Sæll.

Þetta er voðalega innihaldslaust hjá þér. Hvernig væri að þú skoðaðir aðeins lýðfræðilega sögu borgarinnar? Skiptir hún ekki máli? Ef litið er til sögunnar, hvort hafa gyðingar eða múslimar búið lengur í borginni?

Hvernig komust múslimar á þetta svæði? Hvaða gögn eru til um íbúasamsetningu ekki bara Jerúsalem heldur Palestínu í gegnum aldirnar? 

Ef þú hefðir áhuga á að skoða þetta mál ofan í kjölinn myndir þú kynna þetta fyrir þínum lesendum í stað þess að endurtaka einhverjar innihaldslausar klisjur frá elítunni sem ekkert veit.

Hvað sagði elítan okkur varðandi Icesave? Hvað sagði elítan okkur varðandi Brexit? Er virkilega ástæða til þess að hlusta á fjölmiðlamenn og þá sem þeir vilja ræða við segja okkur eitthvað alveg óígrundað? Er ekki hægt að gera betur?

Ekki fara niður á þetta lága plan - gerðu betur :-) Ég hef kynnt mér þessi mál og allar þessar upplýsingar er hægt að finna ef menn nenna að leggja sig fram.

Fræddu þína lesendur og leyfðu þeim síðan að draga ályktanir. Þú fylgir bara línunni og gagnrýnir Trump. Auðvitað má gagnrýna hann er margir láta eins og allt sem frá honum komi sé slæmt sem það er auðvitað ekki frekar en með Obama, þar var ekki allt slæmt. 

[Tómas Ibsen Halldórsson, 6.12.2017 kl. 10:19]

"Palestína" sem ekki er þjóð, hafnaði því að verða þjóðríki á sama tíma og Ísrael var endurreyst sem þjóðríki í Júdeu. Jerúsalem hefur aldrei verið höfuðborg þeirra ekki þjóðríkis, en hefur verið höfuðborg Ísraels/Júdeu frá tímum Davíðs konungs fyrir um 4000 árum.

Ófriður getur ekki orðið meiri þó að Bandaríska sendiráðið verði í Jerúsalem. Friðarhorfur verða ekki verri þar sem "Palestínumenn" hafa ekki og vilja ekki frið við Ísrael.

Það er sorglegt hversu fréttaflutningur Morgunblaðsins [mbl.is] er orðið háð pólitískum rétttrúnaði, apa vitleysuna eftir "fréttamiðlum" sem eru allir bundnir pólitískri rétthugsun.

Ég er sammála athugasemdum Helga hér fyrir ofan.

[Ómar Geirsson, 6.12.2017 kl. 12:22]

Blessaðir félagar.

Alltaf gaman að fá ykkur í heimsókn.

Margt er nú hér sagt en eiginlega ekki neitt um Palestínu og Jerúsalem.

Í byrjun dreg ég saman innihald utanríkisstefnu Trump, hrósa honum svo reyndar fyrir staðfestuna, og svo fer restin af pistlinum í að fjalla um eitt aðaláhugamál Styrmis Gunnarssonar, beint lýðræði, og vankanta þess. 

Legg reyndar út frá Trump.

En hvað um það, hér er margt fróðlegt sagt, og vonandi þeim til gagns sem líta við í athugasemdarkerfið.

Hafið það sem best.

Kveðja að austan.

[Sigurður M Grétarsson, 6.12.2017 kl. 13:14]

Tómas Ibsen. Ísraelsríki var stofnað árið 1948 og það ríki hefur engin tengsl við  hið forna ríki Ísraels. Jerúsalem hefur því aldrei verið lögleg höfuðborg Ísraels og verður það ekki þó Bandaríkin ákveði að viðurkenna það, ekki frekar en einhver hefði ákveðið að viðurkenna París sem höfuðborg 3 ríkis Hitlers hefði hann ákveðið að hafa það þannig.

Jerúalem og þá er ég að tala um alla Jerúsalem en ekki bara austurhlutann er hluti af ólöglegu hernámssvæði Ísreala sem þeir eiga ekkiet tilkall til. Þeir hernámu vesturhlutan í stríðinu 1948 til 1949 og austurhlutan í sex daga stríðinu árið 1967. 

Það eru Ísraelar en ekki Palestínumenn sem hafa staðið í vegi fyrir friði á þessum slóðum. Það hefa þeir gert með hernámi sínu og grimmilegri kúgun á íbúum hernámssvæðanna. Það eru landránsbyggður þeirra á Vesturbakkanum og austur Jerúsalem sem er fylgt eftir með þjóðernishreinsunum með brottflutningu þess fólks sem bjó þar fyrir eða að taka ræktarland af þeim til að rýma fyrir þessum landránsbuggðum. Ísraler hafa aldrei ljáð máls á neinu sem geta flokkast sem sanngjarnir friðarsamningar heldur hafa þeir aðeins boðið þeim afarkosti sem í besta falli geta flokkast sem niðurlægjandi uppgjafarskilmálar. Í áranna ráðs hafa Ísraelar einnig framið mörg fjöldamorð á Palestínumönnum og bara árið 2014 drápu þeir vel yfir 2.000 manna á Gasa þar með talið 1.500 óbreytta borgara og voru yfir 500 af þeim börn. Þeir hafa haldið því fram að þetta mannfall hafi verið vegna þess að þetta fólk  hafi verið notað sem mannlegir skyldir af Hamas en þeir hafa ekki getað sannað þá fullyrðingu sína og mannúðarsamtök og SÞ sem eru með menn á svæðinu hafa ekki fundið sannanir fyrir því. Það má samt vel vera að það hafi samt sem áður gerst í einhverjum tilfellum en það eru þá undantekningartilfelli. Það er því ljóst að megin þorri þeirra óbreyttu borgara sem hafa fallið í árásum Ísrala bæði árið 2014 og í fyrri árásum voru einfaldlega skotmörk Ísraela í vísvitandi fjöldamorðum þeirra á óbreyttum borgurum.

Ástæða þess að Ísraelar vilja ekki frið er sú að þegar búið er að semja og skipta upp landin geta þeir ekki komist upp með sífellt meira rán á landi Palestínumenna og þeim þjóðernisrheinsunum sem nauðsynlegar eru til að þennja þessar landránsbyggðir sínar út.

Það að Bandaríkin viðurkenni Jerúslalem sem höfuðburgg hins grimma hernámsveldis Ísrael er hrein og klár stríðsyfirlýsing gagnvart Palestínumönnum og þar með hinum Islamska heimi. Það er ekkert sem getur réttlætt þá ákvörðun.

[Ómar Geirsson, 6.12.2017 kl. 13:21]

Alltaf gott að fá fleiri sjónarmið Sigurður.

Flott orð sem Björg Vilhelms notaði í Moggaviðtalinu nýlega, landránsmenn, í stað landnemar og þá vísað í hið svokallaða landnám fólks á þegar of þéttbýlu svæði.

Takk fyrir innlitið.

Kveðja að austan.

[Tómas Ibsen Halldórsson, 6.12.2017 kl. 15:18]

Sæll Sigurður M. Eftir að hafa verið flæmdir frá heimalandi sínu fyrir hart nær tvö þúsund árum síðan hafa Gyðingar verið dreifðir um nær heim allan. Gyðingar hafa alltaf þekkt upphaf sitt hvar sem þeir voru niður komnir. Það var svo eftir helförina að SÞ úthlutuðu Gyðingum Ísraelsland sem var að mestu "no mans land" og áttu Íslendingar þar drjúgan þátt í að koma því í kring. Í sexdaga stríðinu 1967 unnu Gyðingar Jerúsalem og mun stærra svæði af Jórdönum ekki "Palestínumönnum". "Palestínumenn" hafa aldrei stjórnað eða haft tilkall til Jerúsalem þar sem "Palestína" er ekki til sem þjóð eða ríki.

Að halda því fram að Ísrael hafi staðið í vegi fyrir friði eru hrein öfugmæli Sigurður. Ég minni á gott dæmi frá forsetatíð Clintons þegar Arafat neitaði að semja við Ehud Barak þáverandi forsætisráðherra Ísraels, en Barak er sá forsætisráðherra sem lengst hefur gengið í að þóknast "Palestínumönnum" og viljað gefa eftir allt í nafni friðar. Arafat stormaði út af fundi þeirra Clintons og Baraks, þessi atburður varð fréttnæmur um allan heim.

Aríel Sharon lét rýma byggðir Gyðinga á Gaza til að liðka fyrir friði, en eftir það hófust hryðjuverk einkum frá Gaza sem aldrei fyrr.

"Palestínumenn" eru uppteknir við að ala börn sín upp í hatri á Gyðingum. Þeim væri nær að nota þá fjármuni sem dælt er í þá til að byggja upp innviði og atvinnugreinar þeim til framdráttar og leggja sig fram um að lifa í sátt og samlindi við nágrana sína. Aðferðir þeirra eins og þær eru í dag munu aldrei skila neinu, hvorki friði né nokkru öðru en hörmungum hjá þeim sjálfum.

[Jóhann Kristinsson, 6.12.2017 kl. 16:56]

Auðvitað eiga betúínar sem kalla sig palastinumenn í dag engan rétt á að Jerúsalem sé þeirra höfuðborg.

Vonandi gengur Trompið frá þessu á morgun, ef ekki,þá einhvern tíman áður en forsetatíð hans rennur út. Það er kominn tími til að ganga frá þessu fyrir fullt og allt.

Kveðja frá Houston

[Ómar Geirsson, 6.12.2017 kl. 17:37]

He, he Jóhann, efast þú um staðfestu Trumps?, eða hefur þú áhyggjur að hann verði settur í spennutreyju áður en hann nær að framkvæma allt sem hann lofaði??

En smá leiðrétting, Bedúínar eru þannig séð hirðingjar en Vesturbakkinn er landbúnaðarsvæði.  Bedúínarnir fengu sitt eigið ríki, Transjórdaníu.

Kveðja að austan.

[L. (IP-tala skráð) 7.12.2017 kl. 01:43]

Síðasti forseti BNA sem ekki var undirgefin Ísrael var JFK.

Arftaki hans LBJ hótaði herrétti ef áhöfn USS Liberty tjáði sig um árás Ísraela á USS Liberty.

Staðreyndin er að Ísrael hefur alltaf fengið sitt fram.

Vissulega hefur það tekið tíma.

Vissulega er spurt hvaðan þessi þolinmæði á sér rætur, hvaðan hún er sprottin og hver er drifkrafturinn að baki áætlun sem hefur tekið eina og hálfa öld að rætast?

Njósnir Ísraela hafa alltaf verið teknir vettlingatökum miðað við önnur ríki.

" Blue pill or red pill " ?

[Sigurður M Grétarsson, 8.12.2017 kl. 12:36]

Tómas Ipsen. Það var ekki nema lítill hluti gyðinga sem flóði heimalandið fyrir tvö þúsund árum og það var aðellega yfirstjéttin. Hinir bjuggu þar áfram og skiptu felstir um trú og nú eru flestir afkomendur þeirra meðal Palestínumanna. Megin þorri gyðinga í heiminum í dag eru afkomendur þjóðflokks frá austur Evrópu sem tók upp gyðingatrú á áttundu öld og eiga því enga tengingu við miðaustulönd. Það er kjaftæði að það land sem gyðingar fóru til að lokinni heimstyrjöldini hafi veirð "no mans land" því á þessu svæði bjuggu yfir milljón Arabar sem Sóinistar hörktu flesta á brott í grimmilegum þjóðarishreinsunum árið 1948 þegar þeir síðan rændu landi þeirra og eyddu bæjum þeirra og þorpum. Þó Palestínumenn hafi ekki veri sérstakt ríki þá áttu einfalega þeir sem bjuggu þarna landið og þar sem Jerúsalem var inni á þeirra landi og að mestu byggð þeirra fólki þá áttu þeir hana. 

Ísraelar hafa aldrei boðið Palestínumönnum neitt sem getur kallast sanngjarnir friðarsamningar. Tilboð Baraks var þeirra besta tilboð en það getur í besta falli kallast "niðurlægjandi uppgjafarskilmnálar" Það gerðf ekki einu sinni ráð fyrir að Ísrael skilaði öllu hernumdu svæði frá sex daga stríðinu hvað þá að þeir skiluðu einhverju af því landi sem þeir rændu frá Palestínumönnum í stríðinu 1948 til 1949. Ísralar ætluðu að halda eftir þeim landránsbyggðum sem þeir höfðu þegar byggi á Vesturbakkanum og í austur Jerúsalem og þessar byggðir skera land Palestínumenna það mikið í sundur að það hefði verið útilokað fyrir þá að byggja sarfhæft ríki með slíkum sundurskorningi. Það var heldur ekki gert ráð fyrir því í því tilboði að palestínskir flóttamenn erlendis ættu að fá að snúa aftur til þeirra svæða sem þeir voru hraktir frá af hryuðjuverkasveitum Síonista. Ennig var gert ráð fyrir því í tilboði Baraks að Ísrelar myndu stjórna öllum ytri landamærum ríkis Palestínumanna þannig að þeir áttu ekki einu sinni að fá að stjórna landamærum sínum. Og svo gerði tilboðið ráð fyrir því að Palestínumenn mættu ekki eiga vopn og þannig átti að skiloja þá eftir vopnlausa við hlið vel vopnaðs Ísraels og það gengur ekki að vera vopnlaus við hliðina á jafn blóðþyrstum villimönnum og Ísrael er.

Vissulega fóru Ísraelar frá Gasa en þeir halda enn eftir megnunu af hernámssvæðum sínu og á meðan svo er þá heldur vopnuð andspyrna Palestínumanna áfram Gleymum því ekki að í þessari deilu eru það Ísraelar sem eru árásaraðilinn en Palestínumenn eru að verja sig og berjast fyrir frelsi sínu og sjálfstæði auk þess að fá landið sitt aftur.

Hatur palestínskra barna á Ísraelum er ekki til komið vegna einhvers sem þeim er kennt í skólanum. Það haut er komið til vegna þeirra grimmdarverka gegn þeim og þairra nánustu sem þau verða ítrekað vör við af hálfu Ísraela. Ég efast um að það sé kennt meira hatur gegn Ísraelum í palestínskum skólum heldur en á hinn veginn. Hatur Ísraela á Palestínumönnum er mikið.

[Ómar Geirsson, 8.12.2017 kl. 16:21]

Takk fyrir innlitið L.

Blessaður Sigurður.

Ekki ætla ég að skipta mér að tjáskiptum þínum við Tómas en ég get ekki annað en forvitnast um heimildir þínar varðandi sagnfræðilegar fullyrðingar þínar.

Ég veit ekki annað en að við vitum ákaflega fátt um þjóðflokka í Austur Evrópu á áttunda öld, því engar skriflegar heimildir eru til um nema þegar þeir bönkuðu upp á einhver menningarríki sem réðu yfir ritmáli. Hins vegar veit ég að til þess að þeir hafi getað tekið gyðingatrú, þá hefði annað að tvennu að koma til, að einhver gyðingar hafi stundað hjá þeim trúboð, og hvaða ættu þeir að koma??, eða þeir bönkuðu upp hjá gyðingaþjóð, og tóku trú hennar.  Mér vitanlega voru öll gyðingaríki fallin á þessum tíma og ef gyðingatrúboð hefði átt að vera til staðar, þá hefði það þurft einhvern uppruna sem gerði út trúboðið??  Bara smá forvitni um tilvísun í heimildir sem þú styðst við.

Síðan verð ég að fá að vita hvaðan þú hefur þá fullyrðingu þína um að aðeins yfirstéttin hafi flúið, en lýðurinn orðið eftir.  Það er ekki svo mjög langt síðan, kannski 10-15 ár sem ég las ýtarlega grein um uppreisnir gyðinga gegn Rómarveldi.  Uppreisnin sem eyddi Jerúsalem var aðeins ein af mörgum.  Og Rómverjar brugðust mjög harkalega við þessum uppreisnum.  Á meðan friður ríkti milli þeirra og gyðingasamfélagsins, þá voru gyðingar mjög fjölmennir á yfirráðasvæði þeirra, talið að um 20% íbúanna í Austurrómverskaríkinu hafi verið gyðingatrúar.  Til dæmis eftir að gyðingar drápu alla þá Grikki og Rómverja sem þeir náðu í á Kýpur, en talið er að gyðingar hafi þá verið í meirihluta á eyjunni, að þá voru þeir annað hvort drepnir eða hraktir á braut, þar féllu tugi þúsunda. Og tugir þúsunda á flótta.

Það sem ég er að benda á er að gyðingar nútímans koma víðar að úr Rómarveldi en frá því svæði sem við köllum Palestínu í dag.  Og mér vitanlega eru engar heimildir um að þeir komi frá Austur Evrópu.

Og er ég töluvert lesinn.

Svo hvar er heimildin sem mér yfirsást.

Kveðja að austan.