Af hverju hleypur hann ekki gegn spillingu?

 

Og sjálftöku þess fólks sem gerir út Engey ehf.

Þetta eru hvort sem er aðeins örfáir ættlaukar að viðhalda ítökum eldgamals fjármálveldis á fallandi fæti.

Sem lugu og blekktu sig til valda.

 

Reyndar er engin afsökun fyrir fíflin sem kusu Benna frænda og útbúið sem hann kallaði Viðreisn, þó reynt sé að leita að heimskari fólki sem kaus á móti kerfinu, og kaus Viðreisn, en það er engin afsökun fyrir restina að þjóðinni að sætta sig við þá blekkingu sem í raun var valdarán einnar auðfjölskyldu yfir stjórnkerfi landsins.

Að hlaupa síðan til stuðnings fórnarlamba niðurskurðarins er síðan ekki einu sinni kattarþvottur, heldur aðeins dæmi um firringu valdhafa sem ekki getur sett sig í spor náungans.

Skilur ekki af hverju heimurinn er eins og hann er, því sjálfur er hann alsæll með stöðu sína og laun.

 

Guðni er vissulega engin rebel, hann vann fyrir ICEsave þjófanna, og var heppinn að hér á landi giltu ekki bresk lög.

En hann hefur ekki vottorð uppá að vera bjáni, allavega ekki skjalfest.

 

Og áratugur niðurskurðar í þágu fjármagns, er áratugur þar sem lausnir og þekking eru þurrkuð út í nafni niðurskurðar og hagræðingar, og gjörspilltir, siðblindir stjórnmálamenn voga sér síðan að benda á undirmannað heilbrigðiskerfi í algjörri niðurníðslu, og segja að það þurfi að skerpa verklagsreglur.

Og afleiðingarnar eru þær sem við öll þekkjum, þó aumkunarvert sjálfstæðisfólk reyni endalaust að réttlæta ósómann.

 

Eitthvað sem forseti vor á að gera sér grein fyrir og skilja.

Hann var allavega kosinn út á eitthvað sem fólk túlkaði að hann væri ekki samdauna gjörspillingunni og sjálftökunni.

Hvað þá að hann gæfi sig út að kóa með niðurrifi Engeyinganna.

Eða afleiðinganna af því niðurrifi.

 

Og hafi hann ekki kjarkinn til að berjast gegn, þá gæti hann allavega verið heima hjá sér og lesið bók.

Kannski bók sem segir honum frá því að sjálfsvíg eða annar sjálfsskaði, er eitthvað sem hægt er að takast á við, líkt og krabbamein eða offitu.

Það þarf aðeins heilbrigðiskerfi sem er í stakk búið að takast við þessa sjúkdóma sem og aðra.

Þetta er ekkert vúdú, ekkert frekar en lækning við krabbameini.

 

Spurningin er bara í hvað þjóðarauðurinn er notaður.

Hvort hann er til dæmis til að flytja fjármuni úr landi, til dæmis til að byggja sumarvillur í Flórída, eða hvort hann sé auður sem við notum til að bæta og fegra mannlífið.

Og takast á við þau vandamál sem þjóðin glímir við.

Til dæmis til að lækna og líkna.

 

Sé það ekki gert, þá er full ástæða til að benda á að það sé ekki gert.

Og fáir eru betur til þess fallnir en sá sem þjóðin treysti til að vera sameiningartákn hennar.

 

Það tákn persónugerir ekki vandann með því að safna fyrir því sem við öll greiddum skatt til að yrði gert en var ekki gert.

Heldur fordæmir það þá sem ábyrgðina bera.

 

Fjölmiðlafíkn, eða fjölmiðlasirkus fær þar engu um breytt

Þetta er spurningin um að vera.

Kveðja að austan.

 

 

Forsetinn hleypur fyrir PIETA

Athugasemdir

[Pétur Örn Björnsson (IP-tala skráð) 18.8.2017 kl. 23:53]

Forsetar eru víða trúðar, hirðfífl í sitthvorum sokknum og skrifa undir "uppreist æru" barnaníðings.  

Skinhelgin er versta syndin.  Því af henni spretta allar hinar ... þess vegna minnast engir höfðingjar,

hvorki trúarlegir né veraldlegir, á hana.  

[Óskar Helgi Helgason (IP-tala skráð) 19.8.2017 kl. 00:26]

Sæll Ómar - sem og aðrir gestir, þínir !

Vel mælt: af beggja ykkar hálfu, Ómar og Pétur Örn.

Í skefjalausri baráttu minni - við ránsbæli Lífeyrissjóða Mafíunnar, hver hófst í Janúar s.l. vænti ég þess, að Guðni Th. Jóhannesson kæmi mér, sem og þeim öðrum, sem ÞORA að kljást við þau illfygli til einhverrar liðveizlu en, ......... hann lyppaðist niður eins og vesalingur, þegar ég reiknaði með drengilegu atfylgi hans.

Ég geri það af hrekk einum: þar með, að senda kontór hans suður í Reykjavík afrit minna Tölvupósts klöguskjala, þé ekki væri nema, til að minna hann sjálfan á, hvers lags gunga og væskill hann raunverulega er, þegar um brýn hagsmunamaál borgaranna í þessu landi, er að ræða.

Örnólf ritara hans - hefi ég ekki ennþá kallað til skrafs, en vera má, að þegar í mínar Mongólsku taugar fer að síga, að ég muni gera það, og benda honum á, að hann þarfnaðist röskari og mennilegri yfirboðara þar syðra / sem starfsfólk skrifstofunnar almennt, ættu þau ekki að koðna niður í yfirgengilega vesöld:: Guðna Th. Jóhannes sonar, sjálfs.

Hafið beztu þakkir: Ómar síðuhafi / sem og Pétur Örn og þið önnur, sem hafið kjark og þor, til þess að benda á þennan þátt íslenzks ósóma, sem situr Bessastaði Gríms heitins Thomsen (1820 - 1896) frænda míns nú: um stundir.

Með beztu kveðjum: sem endranær - af Suðurlandi /       

 

[Ómar Geirsson, 19.8.2017 kl. 11:00]

Takk fyrir innlitið félagar.

Já það er vandlifað í þessum heimi, hér telur forseti vor sig hlaupa í þágu góðs málefnis, sem hann gerir örugglega, svo skömmum við hann blóðugum skömmum.

Ætlumst líklegast til of mikils.

En það væri nú samt gaman ef það myndi aftur gusta um Bessastaði.

Kveðja að austan.

[Pétur Örn Björnsson (IP-tala skráð) 19.8.2017 kl. 14:02]

Það er svo mikil ládeyða yfir Guðna að það hvílir yfir honum helgislepjulogn fjölmiðla.  Þó hef ég sagt það áður, að ég sé viss um að Guðni muni fyrr en síðar verða farsæll forseti lands og þjóðar ... en þá þarf hann að fá gust, storm á sig og sá stormur mun koma sem ætíð gerir eftir ládeyðu.

[Óskar Helgi Helgason (IP-tala skráð) 19.8.2017 kl. 22:08]

Sælir - á ný !

Pétur Örn !

Þú skalt ALLS EKKI reikna með: að Guðni Th. Jóhannesson sýni einhver straumhvörf, til batnandi hátta.

Hefði þess verið að vænta - þá hefði það átt að vera löngu fram komið.

Hann  er EINFALDLEGA: ómerkileg fótaþurrka Íslenzku Mafíunnar, Pétur minn !

Því - er nú Andskotans verr.

Með sömu kveðjum: sem seinustu /