Undanhald samkvæmt áætlun.

 

Svo ég vitni í frægt kvæði Steins Steinars.

Spurningin bara hvort Benni frændi flýi svo hratt að hann nái að bíta í skottið á sjálfum sér.

Leggi eitthvað raunhæft til, þó það sé ekki í þágu vildarvina.

 

Það er eiginlega hans eina flóttaleið.

Kveðja að austan.

Tíu þúsund kallinn ekki á förum

Athugasemdir

[Halldór Egill Guðnason, 23.6.2017 kl. 13:59]

Nú er neyðarlínupíratinn tekinn á þetta.: "Þetta var bara djók" 

Landsmenn eru hinsvegar ekki móttækilegir fyrir svona aulahúmör, eins og sést vel á viðbrögðunum við þessari dellu.

Svona í smá framhjáhlaupi.: Mikið væri gaman ef landsmenn tækju sig til og greiddu sem mest með reiðufé næstu daga og vikur? Gerir almenningur sér almennt grein fyrir þeim svimandi háu upphæðum sem kortafyrirtækin hala inn á færslugjöldum? Það leyfir Tuðarinn sér að efast um.

Góðar stundir, með kveðju að sunnan.

[Kolbrún Hilmars, 23.6.2017 kl. 14:09]

Kortafyrirtækin hala inn milljarða á færslugjöldum og posaleigum.  Almenningur sér ekki þær upphæðir en "nýtur" þess í vöruverði. 

[Pétur Örn Björnsson (IP-tala skráð) 23.6.2017 kl. 14:11]

Nú spyrja sumir þjóðhollir íhaldsmenn þess

hvernig Benedikt geti verið sætt í ráðherraembættinu ... úpps ... sem "Sjálfstæðis"flokkurinn leiddi hann til?

Nánast allur þingflokkurinn var reyndar á móti því að fara í stjórn með Viðreisn og BF,

samt, já samt  lúffaði hann allur fyrir sérhagsmunum formannsins, frænda Benedikts og plastkorta manna og ESB hjáleigumanna.  

Því stendur val "Sjálfstæðis"flokksins eingöngu um það hvort þeir vilji láta Bjarna eyðileggja endanlega flokkinn, eða segja skilið við Bensa og brusselsku viðrinin í Viðreisn og BF sem ráðast ítrekað -og að því er virðist í skipulagðri aðför- að lögeyri landsins.  Mikil er ábyrgð Valhallar mannna í dag, þeir veittu "gönuhlaupamönnum" kraft til að höggva ítrekað í sama knérunninn í aðförinni að sjálfstæði lands og þjóðar, engir aðrir bera þá þungu ábyrgð en þeir.  Er þeim þá sætt í embættum?  Þessi stjórn er orðin óvinsælli en Jókustjórnin, Icesavestjórnin.  Segir það Valhallar mönnum ekkert?  Hollráð mitt er að Valhallarmenn byrji á að sprengja þessa stjórn hjáleigumannaen feli sig ekki á bakvið Bensa eins og vesalingar og gungur.

[Ómar Geirsson, 23.6.2017 kl. 18:06]

Blessaður Halldór.

Það kæmi nú vel við vondan og ef maður fer að hugsa út í það, þá man maður ekki afhverju maður byrjaði að nota plastkort, líklegast var þetta þrillinn að vita ekki hvort posinn gæfi straum eða ekki, og ef ekki, þá gat maður ekki borgað.

Svo er það bara vaninn, líkt og hjá reykingarmanninum, kannski smá fíkn líka.

Samfélag okkar hefði gott af því að vera ekki svona fyrirsjáanlegt, að fólk geti breytt vana, ef því er misboðið.

En svo má aftur ræða hvort þessi tillaga Benna frænda hafi verið í þágu kortafyrirtækja, eða hvort það sé hluti af þeirri heimsmynd þar sem allt okkar atferli er fyrirfram njörvað niður, og lúti algjöri stjórn Stóra bróður, svona líkt og í 1984, þeirri mergjuðu framtíðarsýn Orwells.

Allavega eigum við að staldra við eftir að við eigum að fá merki í eyrun, og okkur skipað í röð dilkanna.

Því við erum fólk, ekki skepnur.

Eða neysludýr eins og frjálshyggjan reynir að telja okkur í trú um.

Kveðja að austan.

[Ómar Geirsson, 23.6.2017 kl. 18:07]

Blessuðu Kolbrún.

Það er margs sem við njótum í boði hinna Örfáu.

Og kjósum með bros á vör.

Kveðja að austan.

[Ómar Geirsson, 23.6.2017 kl. 18:09]

Það er nú það Pétur.

En einkahlutafélög stjórnast ekki af almenningsálitinu, heldur arðinum sem streymir í vasann.

Og bakhjarlarnir, þeir sem fjármagna, þeim er alveg sama þó blekking þeirra þurrkast út.

Þeir hafa bara fjárfest í annarri.

Þess vegna breytist ekkert, ekki á meðan fólk vill blekkjast.

Kveðja að austan.