Eru ICEsave bjánarnir ennþá lifandi.

 

Þessir sem reiknuðu það út fyrir Steingrím, að forsenda hagvaxtar væru ókleyfar skuldir.

Eða að ofurskattlagning væri ávísun á tekjuaukningu.

 

Er þetta skýring þess, að þrátt fyrir allan áróðurinn sem hver einasti sjálfstæðismaður sem tjáði sig opinberlega, hvort sem það var með greinarskrifum í Morgunblaðinu, eða hér á Moggablogginu (alvöru sjálfstæðismenn tjá sig ekki annars staðar), að skattar voru ekki lækkaðir, nema með aðstoð smásjáar, í tíð formanns Sjálfstæðisflokksins, sem var þó fjármálaráðherra.

Var Steingrímur sem sagt ekki skattahækkunarsinni, algjör bjáni ef út í það er farið, heldur fórnarlamb embættismanna sem reikna tekjur út frá að skattstofn sé algjörlega óháður þeim kostnaði sem bætt er á hann.

Og gera þetta aftur og aftur, eins og þeim sé borgað fyrir.

 

Það hvarflar að manni að um sé að ræða leifar af sellu frá kaldastríðinu, sem var þjálfuð að Sovétinu til að valda innra tjóni á efnahag vestrænna ríkja.

En ég hélt að hefði átt að gerast með því að sprengja upp raforkuverk, og aðra innviði.

 

Eða hvað getur skýrt, Steingrím, Bjarna og Benedikt.

Ég er reyndar svo heppinn að vera laus við sjálfsstyrkingu sjálfstæðismanna, þeir peppa hvorn annan upp á æ takmarkaðri umræðuvettvangi, líkt og dýrin í Afríku, sem hafa orðið innlyksa í þurrkum, og æ fleiri vatnsból þurrkast upp.  Hinir flokkstryggu sem verja skattastefnu Steingríms og Benna frænda, enda kannski eins og grasbítarnir sem fengu aðeins vatn í tjörn sem var yfirfull af krókódílum.

Ekki að ég sé að fara skamma þá, amma sagði mér að maður ætti aldrei að bögga fólk sem ætti bágt, en kannski mun þeirra innri samvisku sjá um skammirnar.

 

En það er erfitt að skilja þessa þjónkun.

Þessa algjörlega niðurlægingu hins sjálfstæða manns.

 

Vonandi er þeirra huggun að Benni frændi sé hluti að Engeyjarættinni, og þrátt fyrir allt, þá þjónar hann henni.

Eins og Bjarni formaður, og eins og allir hinir flokkstryggu.

 

Það eru svo bara menn eins og Davíð uppí Móum sem hæðast.

En hann hæðist líka að ESB.

Og hann er afturhald að sögn hinna frjálslyndu.

 

Svo Benni frændi, Steingrímur og Bjarni formaður, þeir vita kannski sínu viti.

Að skattur og skattur, og ennþá meiri skattur.

Er ekki birtingarmynd sósíalista sem lögðu 110% skatt á Astrid Lindgren, heldur þjóðlegir íhaldsmenn sem kunna á Exel.

Og ekki lýgur Exelinn.

 

Hver efast um það??

Kveðja að austan.

Tölurnar koma Benedikt ekki á óvart

Athugasemdir

[böðvar (IP-tala skráð) 12.5.2017 kl. 20:34]

Sæll omar

ég held að sumir hafi ekki samvisku, þeir virðast vakna alveg jafnvel 

alla daga og þó er syndalistinn ansi langur hjá sumum þeirra. Slíkir 

menn geta ekki haft samvisku, en það er bara getgáta, hvað veit maður

kveðja böðvar

[Ómar Geirsson, 13.5.2017 kl. 00:26]

Hún hrjáir ekki alla böðvar, það eitt er víst.

Kveðja að austan.

[Gunnar Heiðarsson, 13.5.2017 kl. 09:06]

Samhliða því að færa hluta af vask skatti á ferðaþjónustu í efra þrep, er lækkun þess þreps. Þetta er samtvinnað þó fáir nefni þá lækkun.

Það hefur verið reiknað út að tilfærslan innan ferðaþjónustunnar muni færa ríkissjóð um 16 milljarða króna. Þetta er samkvæmt nýjustu útreikningum en fyrir c.a. viku síðan sögðu "sérfræðingarnir" þessa tölu mun hærri. Því má vera að hún eigi eftir að lækka enn frekar, sér í lagi þegar tekið er með í reikninginn þær stór auknu framkvæmdir sem eru í þessum geira, með tilheyrandi endurgreiðslum á vaski.

Hver nákvæmlega tekjuaukningin verður á eftir að koma í ljós, en það sem máli skiptir er hvort lækkun efra þreps skili sömu eða svipaðri tekjulækkun hjá ríkissjóð.

Ef við gefum okkur að tekjuaukningin af ferðaþjónustunni skili 16 milljörðum og sú sama upphæð skili sér í skattalækkun til allra þeirra sem kaupa vöru og þjónustu í efra þrepi, líka ferðamanna, eru kaupin bara nokkuð góð.

[Ómar Geirsson, 13.5.2017 kl. 11:23]

Blessaður Gunnar.

Rökvillan er að skattstofn er misteyginn, og auka skattheimtu á eitthvað sem þegar er komið á ystu mörk verðlagningarinnar, getur valdið hruni skattstofnsins.

Ekki minnkun, heldur hruni.

Eftir fjármálakreppuna 2008 þá fækkaði ferðamönnum í helstu ferðamannalöndum Evrópu, og innan þeirra var leitnin í ódýrari þjónustu. 

Aðeins 2 lönd skáru sig úr, það var Tyrkland og Ísland, bæði lönd með sjálfstæðan gjaldmiðil sem aðlagaði sig strax að kreppunni.  Þar fjölgaði ferðamönnum.

Hegðun ferðamanna er um margt hjarðhegðun, ef einhverjir 3 ákveða að breyta ferðaplönum sínum vegna dýrtíðar, þá er ákaflega líklegt að margir aðrir 3 taki sömu ákvörðun, því þeir hafa aðgang að sömu upplýsingunum.

Það er verið að leika sér að fjöregginu, í stað þess að einhenda sér í að lækka kostnað í greininni.

Og gleymum því aldrei Magnús, að fólk lifir ekki á því að fara útí búð og kaupa ódýrt inn, það lifir á því að hafa atvinnu sem það fær borgað fyrir. 

Og ef allt er eðlilegt í þjóðfélaginu, það er það sé ekki undirlagt ræningjum, að þá er beint samband á milli virðisauka framleiðslunnar og kaupmáttarins í launaumslaginu.

Við megum ekki vanvirða það samband.

Kveðja að austan.

[Helgi (IP-tala skráð) 14.5.2017 kl. 10:33]

Sæll.

Hér mælist Ómari vel.

Ísland varð ekki allt í einu fallegt eftir hrun. Ferðamenn hafa úr mörgum áfangastöðum að velja. Eitt af því sem menn hugleiða er kostnaður. Ef hækka á kostnað við að koma hingað getur það hæglega valdið því að ferðamenn kjósa að fara annað, eins og mér sýnist Ómar vera að benda réttilega á.

Græðgi stjórnmálamanna virðast fá takmörk eiga sér - þeir fá aldrei nóg af skattfé til að sólunda. Á meðan við búum við ríkisrekið heilbrigðiskerfi er nauðsynlegt að hið opinbera standi sig í stykkinu varðandi það. Maður veit ekki alveg hvað maður á að halda þegar LSH er fjársveltur í góðæri. Hvernig verður þetta þegar næsta hrun verður?

Það er ekki langt í næsta hrun og þá mun erlendum ferðamönnum fækka verulega og tekjur ríkisins af komu þeirra dragast verulega saman. Hvað verður þá t.d. um LSH?

Það er ekki í lagi að mismuna atvinnugreinum, þær eiga allar að búa við sama skattaumhverfi. Það ætti því að lækka þær allar í sama þrep og ferðaþjónustan býr við í dag - ekki hækka skatta. Hið opinbera á ekki að vera í liði með einni eða neinni atvinnugrein.

Raunar þarf að skera hraustlega niður í opinbera geiranum í mörg ár í röð.

[Ómar Geirsson, 14.5.2017 kl. 10:57]

Það er svona Helgi, í stormasömu sambandi, að það koma alltaf góðar stundir inná milli.

Kveðja að austan.