Miðaldaríki sem fóðrar íslamska öfga.

 

Tilkynnir núna að það ætli að veita konum meiri frelsi í lífi sínu.

Þær þurfi ekki að spyrja karlmenn leyfi um allt.

Bara næstum því allt.

 

Á sama tíma og þeir sem benda á hina hugmyndafræðilegu óværu sem þetta miðaldaríki fjármagnar á Vesturlöndum eru kallaðir hægriöfgamenn, rasistar sem ástundi hatursorðræðu, þá eru veraldlegar ríkisstjórnir í Mið Austurlöndum hraktar frá völdum, hver á fætur annarri.

Og liðsmenn dauðans, haturs og ofbeldis, beint fjármagnaðir af Arabíuskaganum, fylla uppí tómarúmið með tilheyrandi hörmungum fyrir íbúa viðkomandi landa.

Aðeins í Egyptalandi tókst að snúa þessa öfgamenn niður, bjarga landinu fyrir horn, í bili að minnsta kosti.

 

Þetta miðaldaríki er nánasti bandamaður vestrænna stjórnmálamanna.

Og í nánu samstarfi við þá að miðaldavæða hinn múslimíska heim.

 

Blóðið, ofbeldið, hryllingurinn er allur í okkar boði.

Það erum við sem höfum kosið þá stjórnmálamenn sem hafa ekki þann lágmarks siðferðislegan þroska til að þekkja ófreskju þegar þeir taka í hendurnar á henni.

Og það erum við sem sitjum uppi með afleiðingarnar, flóttamannabylgjuna sem við ráðum ekki við.

 

Lausnin felst ekki í að loka landamærum og láta þjáningar hinna saklausu, sem nota bene þjást vegna okkar gjörða, deyja út í auðninni.

Þó það væri ekki nema vegna þess að það fyrsta sem hinir einkavinavædduvildarvinarflokkar frjálshyggjunnar gerður, var að skera niður við trog alla öryggisþjónustu á vegum ríkisins, svo vildarvinirnir gætu fyllt uppí tómið með öryggisfyrirtækjum sínum.

Við höfum ekkert til að verjast með ef þessu fólki dytti í hug að bíta frá sér.  Þjófar, í nafni frjálshyggjunnar hafa stjórnað okkur í 30 ár, og rúið áður rík samfélög okkar inn að beini.

 

Síðan haga manneskjur sér svo ekki, þær hjálpa á neyðarstundu, en skella ekki í lás.

Og jú, við erum manneskjur þó stjórnmálamenn frjálshyggjunnar, varðmenn vildarvinanna, reyni að telja okkur í trú um að svo sé ekki.

 

Lausnin er að við tökum okkur taki og losum okkur við óværuna, sníkinn sem lagst hefur á þjóðarlíkama okkar.

Og síðan stillum við til friðar með því að stöðva miðaldaríkið í að koma öllu í bál og brand.

Við stöðvum fjárflæði þess og við stöðvum þá sem breiða út hugmyndafræði þess.  Líka á Vesturlöndum.

 

Byltingin gegn Mammon og þeim sem hann blóta,  er þegar hafin.

Vörn hans er að bjóða uppá ýmiskonar handbendi í felubúningi.

Í Bandaríkjunum var maður í trúðsbúningi boðinn fram, í Frakklandi var hönnuð miðjuímynd um harðsvíraðan fjármálamann, á Íslandi voru búnir til flokkar, nóg af þeim.  Svo þegar móðurflokknum var hafnað, þá voru flokksskrípin kölluð til eftir þörfum.

Og síðan er kynnt undir þau átök sem eiga að fella lýðræðið, og vestræna velmegun um leið.  Enda hefur auðurinn aldrei getað fyrirgefið bandalag kristilegra íhaldsmanna og jafnaðarmanna og ávöxt þess, velferðarkerfið.

 

Þetta eru skammtímalausnir, fólk lætur ekki platast nema einu seinni í hverju landi.

En þá er spurningin hvort að fasískir eða hálffasískir flokkar taki yfir stjórnkerfið.

Kemur í ljós, ef öllum er sama, þá verður svo.

 

En við skulum ekki vanmeta lífið, og hvöt þess til að vilja lifa af.

Við skulum ekki vanmeta siðinn sem segir okkur að sérhvert líf hafi rétt til lífs.

Eða skynsemi okkar til að skilja af hverju við eigum að líta eftir náunga okkar, að hans örlög séu samofin okkar.

 

Mannkynið hefur áður sigrast á illvígum drepsóttum.

Svarta pestin ætti ekki að vera nein undantekning þar á.

 

Í augnablikinu ræður hún öllu.

Hannar atburðarrásina, stjórnar öllu því sem við gerum.

 

En á morgun, á morgun.

Hefur eitthvað breyst.

Kveðja að austan.

 

 

Leyft að vinna án leyfis frá körlum

Athugasemdir

[Jónas Gunnlaugsson, 7.5.2017 kl. 09:20]

Gangi þér allt í haginn Ómar Geirsson.

Það virðist sem Súnítar Ráði fjármálakerfinu, stóru fréttastofunum, og þá stjórnmálamönnunum.

slóð

Er verið að stofna heimsríki, NWO, New World Order, af fjármálakerfinu, sem er 80% í eign Sáda, Súníta, og þá Islam.

Egilsstaðir, 07.05.2017  Jónas Gunnlaugsson

[Pétur D. (IP-tala skráð) 7.5.2017 kl. 14:25]

Já, Saudi-Arabía færðist frá 7. til 8. aldarinnar í einu skrefi! Sammála þér að það ætti enginn að hafa svona misyndismenn, Saudi-Araba fyrir viðskiptavini. Og ég hefði viljað ferðabann fyrir alla frá Saudi-Arabíu og Pakistan til vesturlanda, auk annarra múslímskra ríkja. En athugaðu hvílíkar hörmungar gerðust með því að skarðræðiskerlingin Merkel gerði með því að opna landamærin fyrir jihadistum, meða það fólk sem var í raunofsótt voru kristnir sem komust hvorki lönd né leið frá Sýrlandi og Iraq. Það var hamrað á því sl. tvö árin að þessar milljónir sem hafa verið að gera innrás í Evrópu og eru enn að, eru amk. 70% huglausir karlmenn sem ættu að vera heima hjá sér og berjast gegn IS. En það er ekki þeirra hlutverk, þeir voru sendir af islömskum öfgamönnum til að koma á sharia-lögum á Vesturlöndum. Þeir eru ekki flóttamenn því að þeir eru ekki að flýja neitt.

Hér á Íslandi eru allir fjölmiðlar, Mogginn, DV og 365-miðlar undirlagðir þöggun um allt sem skiptir máli og einungis handfylli af bloggurum skrifa um hörmungarnar, meðan Facebokk logar í upplýsingum um allt það sem íslenzkir fjölmiðlar þegja um. 

Að mínu áliti á ekki að veita neinum hæli hér á landi nema hann sé ofsóttur. Það þýðir: Synjum um hæli fyrir alla múslíma, því að það er enginn sem er að ofsækja þá. Og ef Frakkar kjósa Macron í dag, þá er þeim ekki við bjargandi. Þá hefur Frakkland tapazt og um leið hafa ESB + Kelargi-sinnarnir + islamistarnir unnið. Hér er grein um hvers konar "nytsamt fífl" Macron er.

https://www.gatestoneinstitute.org/10310/emmanuel-macron-islamism

[Pétur D. (IP-tala skráð) 7.5.2017 kl. 14:38]

Afsakaður stafavillur. Því miður er enginn "Edit"-hnappur. 

[Ómar Geirsson, 7.5.2017 kl. 17:36]

Jamm og jæja Pétur, við erum ekki alveg sammála um þetta.

Ég ætla ekki að gera lítið úr þjáningum kristinna og annarra minnihluta trúarhópa á þeim svæðum sem Íslamistar hafa gert strandhögg, en að mínu viti eru ennþá flest fórnarlömb þeirra þeirra eigin trúbræður.

Síðan má svo sem kalla alla sem ekki berjast við vopnaða vel þjálfaða geðvillinga, hugleysingja, en sem betur fer þá deildu Bandaríkjamenn ekki þessari skoðun þegar þeir komu Vestur Evrópu til hjálpar í seinna stríði.

Og gleymdu því ekki að það er engin borgarstyrjöld í gangi í Sýrlandi, ekki frekar en var í Afganistan þegar Sovétríkin réðust á landið, fyrr en hið skítuga fjármagn, sem þú tekur ofan fyrir á hverjum degi, gerði hið vanheilaga bandalag við Saudana,um að fjármagna innrás erlendra vígamanna inní landið.

Þetta eru staðreyndir sem þú átt svo auðvelt að afla þér upplýsinga um.

Það þarf ekki alltaf að trúa áróðursvélum Göbbelista, jafnvel þó Göbbel sé dauður, allavega gerður Bandaríkjamenn það ekki á sínum tíma.

Og hafi þeir ævarandi þökk fyrir.

Kveðja að austan.

[Ómar Geirsson, 7.5.2017 kl. 17:38]

Takk fyrir innlitið Jónas.

Við deilum heldur ekki alveg sömu sýn á hlutverk Trumps, og þó ég viti að íbúar Arabíuskaga eigi mikið í Vestri, þá eru ítök þeirra ekki svona mikil.

En þeir eiga hins vegar í góðu samstarfi.

Kveðja að austan.

[Pétur D. (IP-tala skráð) 7.5.2017 kl. 19:15]

Og nú í dag hafa islamistarnir í Frakklandi unnið forsetakosningarnar í Frakklandi. Andskotans bleyður þessir Frakkar. Svo þegar þeir eru sokknir ofan í sjálfskapaðan djúpan skít, þá verða Bretar sennilega að bjarga þeim eina ferðina enn, í þriðja skipti. Bretar höfðu alla vega hugrekki til að hafna skítadreifingunni.