Ha?, ha?, er þetta djók?

 

Er þegar búið að innlima hinn nýja formann VR í kerfið??

Eða var notuð sérstak tækni, kennd við að snúa uppá punginn á viðkomandi, notuð til að láta hann senda þessa auðmjúku yfirlýsingu.

Eins og tíðkaðist mjög í þeirri ágætu skáldsögu, 1984, eftir Orwell.

Er hnakkaskotið næst á dagskrá??

 

Allavega, eftir alla niðurlæginguna, allt downtalið í hundfúlum meðstjórnendum Ragnars, þá er ljóst að ef alvara er að baki, þá er 1. mai ávarp formanns VR, bæði hans fyrsta, og um leið hans síðasta.

Sú kerfisíska sem kemur fram í þessari óskiljanlegu yfirlýsingu, getur aðeins varið samin á skrifstofu ASÍ, af þar til kölluðum sérfræðingum, eða sérfræðingi, sem hefur áratugareynslu að tala óskiljanlegt mál.

Allavega óskiljanlegt í eyrum alþýðunnar sem sambandið kennir sig við.

En til að gæta alls vafa, þá er hugsanlegt að þessi yfirlýsing hafi fyrst verið samin á pólsku, og Gúgli frændi hafi síðan verið látinn um þýðinguna.

 

Allavega er ljóst að um stjörnuhrap er að ræða.

Og það skært.

 

Eða eins og skáldið sagði í den.

Íslands ógæfu verður allt að vopni.

Kveðja að austan.

Málið allt stormur í vatnsglasi

Athugasemdir

[Halldór Egill Guðnason, 5.5.2017 kl. 00:30]

Alveg eins og Þistilfjarðarkúvendingurinn verður skrifaður í Íslandssögunni, sem einn auðsveipasti þjónn hrægammanna, gegn almennum borgurum, kemur ASÍ þar næst á eftir. Innan vébanda forystu ASÍ leynast hörðustu andstæðingar þess að verðtrygging sé afnumin. Innan vébanda ASÍ hafa eiturnöðrur grafið sér ból, með einörðum stuðningi fjármagnseigenda. 

Ætla nýkjörnum formanni VR ekkert illt, enda skeleggur talsmaður fyrir hlutum, sem gagnast geta alþýðufólki. Eigum við ekki að segja að þetta hafi aðeins verið stormur í vatnsglasi, þar til annað kemur í ljós? 

Ekki veitir af, að hrista stólana undan sjálftökuliðinu í verkalýðsfélögunum, sem nærast á aðildargjöldum "umbjóðenda" sinna. Það er risastór flór, fullur af mygluðum skít, sem þar þarf að moka. Til þess duga engar skóflur. Til þeirrar hreinsunar þarf ekkert minna en stórvirkar vinnuvélar!

 Góðar stundir, með kveðju að sunnan.

[Ómar Geirsson, 5.5.2017 kl. 06:54]

Blessaður Halldór.

Við ætlum Ragnari ekki illt, enda dreg ég stórlega í efa að slíkt búi í persónu hans.

En hann lenti í glímu við aðila sem vilja ekki alltaf vel, þegar völd þeirra og áhrif eru annars vegar.

Og þeir höfðu hann undir strax í fyrstu glímunni.

Trúverðugleiki þolir ekki margar svona byltur.

Kveðja að austan.