Er kerfiskallinum ekki viðbjargandi??

 

Lífsnauðsynlegt lyf fæst ekki vegna þess að það er verið að skipta út fylgiseðli!!

Var sá gamli svo bráðdrepandi að það megi ekki afhenda lyf með honum þar til sá nýi er tilbúinn? 

Eða redda sér á alheimstungunni, það er ekki þannig að allt hafi verið á íslensku hér áður fyrr.

 

Nei skriffinnaískan þekkir ekki mannlegar þjáningar eða mannleg óþægindi,.

Ekki vegna þess að hún er tilfinningalaus.

Hún þekkir bara ekki menn yfir höfuð.

 

Hún þekkir aðeins pappír með óteljandi orðum.

Sem mynda reglur og reglugerðir, formast í eyðublöð og ennþá fleiri eyðublöð.

Til að flækja, til að tefja, til að gera allt yfir höfuð óskiljanlegt.

 

Kerfiskallinn er bara svona.

Spurningin er bara, hvenær tók hann yfir samfélagið.

Hver leyfði honum það?

Var hann einhvern tímann kosinn??

 

Eða er það hann sem er að halda uppá afmæli sitt þessa dagana??

Skyldi þó ekki vera.

Kveðja að austan.

Lífsnauðsynlegt lyf ófáanlegt

Athugasemdir

[Anna Sigríður Guðmundsdóttir, 3.5.2017 kl. 09:36]

Ómar. Ætli sé kannski verið að skipta út lyfjum sem virka vel, fyrir samheitalyf með lélega verkun og gagnslausar lyfleysur sem Sjúkratryggingar Íslands niðurgreiða til fúsklyfjaframleiðandans og apótekarans? Annað eins hefur nú gerst á Íslandi. Eru jafnvel til sölu á lægra verði sem hljómar vel í auglýsingum, en virkar hættulega illa og alvarlega ófyrirsjáanlegum afleiðingum.

Eftirliti er ábatavant á Íslandi í þessum málaflokki eins og fleirum. Falskt og ófinnanlegt eftirlitsöryggi, og kerfisglæpa"eftirlitið" treystir á að enginn geri alvarlegar athugasemdir? Eða að einhver jafnvel frétta flytji út fyrir landssteinana, staðreyndir um slíka hættulega lyfjafúskara samvinnuglæpi.

Sem betur fer er hægt að kvarta út fyrir landssteinana ef ekki fæst viðtal við yfirábyrgðar embættismenn/konur málaflokksins á Íslandi. Lyfjaeftirlitið og landlæknisembættið eiga ekki að vera bara mannlausar og óábyrgar skrifstofur á framfærslu skattpíndra, lífeyrisrændra og þjónustusvikinna þræla og sjúklinga.

Það er ekki á spillingarinnar slæmar landkynningar Íslands bætandi.

Í Sænska sjónvarpinu var í vetur viðtal við konu sem er öryrki og hjólhýsabúi á tjaldstæði í Laugardalnum. Allt orðið svo "miklu betra" en um og eftir bankarán á Íslandi, segja stóru embættanna menn í útlöndunum, og í sama þætti er það afsannað með viðtal við fólk í raunverleikans Íslandi. Þetta var í þætti sænska ríkissjónvarpsins sem heitir uppdrag granskning. Fróðlegt fyrir umheiminn? Skömm Íslands!

Nú er hægt að senda þeim upplýsingar um lyfjafúskið, í viðbót við húsnæðisokursvika fúskið. Hvaða fólk hefur áhuga á að búa í eða heimsækja svona glæpaland, sem ekki er einu sinni með vandaða og hættulausa lyfjaumsýslu? Sem skiptir þó svo miklu máli þegar kemur að lífsmöguleikum og heilsuvelferð?

Ég skil ekki stjórnsýsluna á Íslandi.

M.b.kv.

[Ómar Geirsson, 3.5.2017 kl. 09:49]

Blessuð Anna.

Ég þekki það ekki, í fréttinni er aðeins talað um að það sé verið að skipta út fylgiseðil, og það er tilefni þessa pistils, mér ofbauð skýringin.

En þetta er góður punktur hjá þér, það má aldrei gleyma að frjálshyggjan, er samnefnari hins lægsta, krafa hennar um lægsta verð er krafan um lægstu gæði ef svo má að orði komast.

Það er sá raunveruleiki sem býr að baki hinum montna stjórnmálamanni sem hrósar sér fyrir sparnað.

Lögmál heimskunnar í sinni tærustu mynd.

Svarta pestin, eins og ég kalla frjálshyggjuna, því hún er ekkert annað en drepsótt sem leggst á samfélög fólks, mun samt líða undir lok eins og svarti dauði forðum daga, því það er þannig með drepsóttir, annað hvort drepum við þær, eða þær drepa okkur.

Og sá tími er kominn að við eigum ekki val.

Frjálshyggjunni þarf að eyða.

Og þá mun birta til á ný.

Kveðja að austan.

[Anna Sigríður Guðmundsdóttir, 3.5.2017 kl. 10:17]

Ómar. Já, það vantaði líklega lyfjasölu-lyfjaframleiðslu-eftirlits-fylgiseðilinn? Gott dæmi um hálfsannleiksfrétt, sem með útúrsnúningum er ekki hægt að kalla hreina og skipulagða blekkingu og lygafrétt? 

þetta er blind græðgi. Stundum kallað siðblinda á fínu Háskoluðu tungumáli hámenntaspillingarinnar. Illa farið með menntun og vísindi sem eru í grunninn góð, ef þau er ekki misnotuð af klíkumönnuðum valdaembættanna glæparisum, sem hóta öllum og kúga. Og hafa því miður hingað til komist upp með það mafíuverklag.

Það verklag gengur ekki lengur.

M.b.kv.