"Það eru að koma nýjir fjármunir inní landið".

 

Segir forsætisráðherra Bjarni Ben, sem er á síflótta undan fyrri yfirlýsingum sínum.

Ekki verður séð að hann kannist lengur við þessi orð sín í viðtali við Mbl.is frá því á sunnudagskvöldið, enda langt um liðið og Bjarni ekki þekktur fyrir að muna fyrr orð.  

""Bjarni Bene­dikts­son for­sæt­is­ráðherra fagn­ar því að er­lend­ir fjár­fest­ar ákveði að festa fé í ís­lenskri fjár­mála­stofn­un. „Þetta sýn­ir ótví­rætt traust á aðstæðum hér­lend­is og það eru sann­ar­lega góðar frétt­ir ef hingað vilja koma öfl­ug­ir er­lend­ir aðilar sem eru til­bún­ir að ger­ast lang­tíma­fjár­fest­ar í ís­lensk­um fjár­mála­fyr­ir­tækj­um,“".

 

Núna segir Bjarni, "Hann sagðist hafa viljað fagna í upp­hafi viku því skrefi að það horfi til þess í fyrsta skipti frá hruni að nú fá­ist banki með framtíðar­eign­ar­hald. „Hér er beint til mín spurn­ingu hvort ég sé sátt­ur við ein­staka eig­end­ur,“ sagði Bjarni og bætti því við að það væri alrangt að hann hefði fagnað því að ein­hverj­ir ákveðnir aðilar hefðu gerst kjöl­festu­fjár­fest­ar.".

Ef rétt er núna þá vekur það alvarlegar spurningar um menntakerfið í Garðabæ, bæði grunnskóla og menntaskóla, eðlilegur málskilningur virðist ekki vera kenndur þar á bæ fyrst að útskrifaður nemandi þar getur haldið því fram að "það eru sann­ar­lega góðar frétt­ir ef hingað vilja koma öfl­ug­ir er­lend­ir aðilar sem eru til­bún­ir að ger­ast lang­tíma­fjár­fest­ar í ís­lensk­um fjár­mála­fyr­ir­tækj­um" þýði að hann sé ekki að tala um þessa tiltekna aðila sem keyptu eignarhlutina af Arion banka.  Heldur einhverja allt aðra óskilgreinda aðila og þá svona almennt séð.

 

En ef Bjarni heldur sig við að nýir fjármunir séu að koma inní landið, þá standa spjót á Morgunblaðið að standa við frétt sína frá því í morgun þar sem bent var á að eðli þessarar leikfléttu vogunarsjóðanna var að losa um fjármagn, allt að 70 milljarða.

Eiginlega er Bjarni að saka Morgunblaðið um lygar, víst séu fjármunir að koma inní landið.

Nú eru orð Bjarna opinber, hann getur ekki flúið frá þeim.

Og vonandi hefur Morgunblaðið kjarkinn til að standa við frétt sína.  Að það verði ekki þöggun að bráð.

 

Morgundagurinn er því spennandi.

Þá verður loksins skorið úr um sannsögli forsætisráðherra vors, manns sem hefur fengið þann óþægilega stimpil á sig að vera raðlygari, hvort sem það er með röngu eða réttu.

Ekki að það skipti miklu máli, sjálfstæðisfólk bakkar upp sinn formann.

Og íslenska þjóðin er ýmsu vön.

 

En sem lesandi Morgunblaðsins frá 10 ára aldri, þá skiptir það máli fyrir okkur, hina tryggu lesendur, sem höfum tekið Morgunblaðinu eins og það er, en alltaf litið á það sem kjölfestu í íslenskri þjóðmálaumræðu, hvort Morgunblaðið fari með fleipur, eða það sem verra er, láti þagga niður í sér í þágu hagsmuna flokks eða eiganda.

Nema hvorutveggja sé.

Þá er eins og allt sem var, hafi orðið græðginni og siðleysinu að bráð.

Og engu sé að treysta lengur.

 

Trúi því ekki fyrr en á reynir.

Og hananú.

Kveðja að austan.

 

 

Sigurður Ingi og Bjarni tókust á

Athugasemdir

[Kolbrún Hilmars, 23.3.2017 kl. 14:13]

Að vera sjálfum sér nægur, þótti lengi gott.  En nú eru breyttir tímar.  Nú þykir viðeigandi að senda "gamla" fjármagnið úr landi (stóreignir lífeyrissjóða landsmanna) og fagna svo "nýju" fjármagni í þess stað.  Svona heimilisbókhald myndi ég ekki reka sjálf, því gamla fjármagnið er fast í hendi - en hið nýja ekki.

[Pétur Örn Björnsson (IP-tala skráð) 23.3.2017 kl. 18:04]

Gamli moggaritstjórinn Styrmir þegir.  Hann fjallar nú um allt nema þetta.  Þegir um raðlygarann formann sinn. Það segir allt sem segja þarf um rottugengið. 

[Erla Magna Alexandersdóttir, 23.3.2017 kl. 19:56]

er það virkilega svo að fjármálafyrirtæki erlend sem fá skotleyfi á ÍSLENSK HEIMILI með leifi BANKANNA - okurvextirnir streymi til erlendra terrorista eða gömlu ISLENSKU BANKARÆNINGJA SE ÍSLENSKIR HAGSMUNIR !!??

 BOTNINN Í TUNNUNNI ER Í BORGARFIRÐI- GÓÐA  ???

[Helga Kristjánsdóttir, 24.3.2017 kl. 00:52]

 Kolbrún þú lýsir þessu svo nákvæmlega sem mér er ómögulegt,eftir annasaman dag.

[Ómar Geirsson, 24.3.2017 kl. 07:06]

Blessaður Pétur Örn.

Svona svo því sé haldið til haga þá tók ég fram að formaðurinn hefði fengið þann stimpil á sig að vera raðlygari, en gaf að öðru leiti ekkert út á það.

Ég hef svona meira talað um síljúgandi stjórnmálamenn, sem ættu þá að vera streymislygarar, því það er ekkert lát á lygum þeirra.

Röð er frekar eitthvað sem svona bil er á milli punkta, eitthvað sem gerist aftur og aftur.

Hitt er svona frekar eitthvað sem aldrei er lát á.

En það er ekkert einræði í landinu, fólki hlýtur að líka þetta vel fyrst síljúgandi stjórnmálamenn hafa farið með öll landinu frá Hruni, með því eina markmiði að gera ránsmönnum kleyft að fara ránshendi um allt samfélagið.

En þó skal því haldið til haga, að þó við höfum undirgengist fjórfrelsi ESB um samnefnara hins lægsta, að hér er sagt að samræði þrautpíndra farandverkafólks í ferðaþjónustunni með vinnuveitendum sínum sé með fullu samþykki, enda sexý menn á ferð, en úti í ESB er talað fullum fetum um nauðganir, svo ennþá getum við sem þjóð lagst lægra í þjónkun okkar við Svörtu pestina.

Eða kannski er það bara tímaspursmál hvenær við náum þeirri lægð hins frjálsa flæðis.

Sjáum til.

Kveðja að austan.

[Ómar Geirsson, 24.3.2017 kl. 08:29]

Blessaður stöllur þrjár.

Það eina sem skýrir hið mikla fagn að fá hræætur og líkræningja til landsins, í þeim eina tilgangi að sjúga fjármuni úr hagkerfinu beint í sina vasa, er hagurinn sem leitar í vasa hinna fagnandi.

Það sama gildir um vaxtaokrið, nema þar eru lífeyrissjóðirnir og verkalýðshreyfingin samsekari en sjálfur andskotinn.

Og botninn Erla er niður á Austurvelli, en ekki vestur í Borgarfirði.  Það er nefnilega búið að flytjann, og þjóðin sá um þann flutning með atkvæðum sínum.

Miðað við heildina, þá eru þetta aðeins Örfáir sem maka krókinn á okkar kostnað.

Gleymum því ekki.

Kveðja að austan.