Hrægammar.

 

Sem hafa það eina markmið að rústa og eyðileggja, og hirða allt sem hægt er að hirða frá bjargalausum þjóðum, eiga ekki að eiga banka í nokkru landi.

Og það er leitun á bananalýðveldi þar sem slíkt er leyft.

 

Hinir síljúgandi stjórnmálamenn, sem fylla sali Alþingis, gera annað af tvennu, þeir fagna þessum fjárglæpamönnum, því þó þeir hafi keypt löggjöf sem leyfir gjörðir þeirra, þá eru þeir samkvæmt öllum siðlögmálum hins vestræna kristna heims, glæpamenn sem engu eyra, eða menn spyrja, hvert er andlitið á bak við grímuna.

Eins og það sé eitthvað mottó að láta þjófinn sýna ásýnd sína.

 

Hinsvegar krefst enginn hinnar sjálfsögðu löggjafar, að fjárglæpamenn eigi ekki í bönkum þjóðarinnar.

Að þeir séu óæskilegir eigendur og þeim beri tafarlaust að selja eignarhlut sinn.

Eitthvað sem er sjálfsagt hjá siðuðum þjóðum.

 

Segir allt um stöðu Alþingis.

Segir allt um hverjum þingmenn lúta.

 

Og því miður segir það allt um hina sírændu þjóð.

Því það er ekki svo að hrægammar fari með atkvæði hennar.

 

Hún átti valið.

Og hún kaus.

 

Þetta.

Kveðja að austan.

Upplýsa um eignarhald á föstudaginn

Athugasemdir

[Pétur Örn Björnsson (IP-tala skráð) 22.3.2017 kl. 19:09]

Mæl heilastur félagi Ómar.

Hef alltaf reynt að verja þjóðina gegn því að menn ásaki hana um forheimskun.  En því miður verð ég nú að viðurkenna að böðullinn sjálfur er þjóðin sjálf ... að sætta sig við að búa við banana"lýðrræði"

[Erla Magna Alexandersdóttir, 22.3.2017 kl. 20:20]

það er erfitt að berjast eftirá- við almennigur fær alltaf frettir efit að búið er að gefa AXLARYRNI SPARIFE OKKAR  !!!

[Ómar Geirsson, 23.3.2017 kl. 09:01]

Blessuð Erla.

Eftirá barátta á sér eina skýringu.

Og hana má rekja til upphafsins.

Það er alveg ljóst að 70% þjóðarinnar hafnaði Sjálfstæðisflokknum, og um 30% hennar taldi sig vera að hafna ríkjandi flokkakerfi með því að kjósa Pírata, Bjarta framtíð og Viðreisn.

Við skulum ekki ræða forheimsku þeirra sem töldu að Viðreisn væri eitthvað annað en útibú frá Engey, en hvernig gat fólk dottið í hug að Björt framtíð eða Píratar væru eitthvað breytingarafl?

Hvaða fjölmiðlar hömpuðu Pírötum og Bjartri framtíð??  Hverjir eiga þá??  Hvaða hagsmuni vörðu þeir í ICEsave stríðum þjóðarinnar??

Björt framtíð er sköpunarverk ICEsave þjófanna, fjármagnað af þeim, og fjölmiðlar þeirra hafa frá fyrstu stundu hampað þeim einstaklingum sem sauðmeinlausir hafa gengið þar um dyr.  Björt framtíð er svona svipað apparat og Sovétmenn plöntuðu víða í Vestur Evrópu, fyrirbrigði sem er látið líta út fyrir að vera sauðmeinlaust, en er svo virkjað til óhæfuverka þegar þess gerist þörf.  Við sjáum til dæmis hvernig friðarhreyfingunni var beitt á sínum tíma gegn fálmkenndum varnarviðbrögðum vestrænna ríkja gagnvart hervæddri vígvél Varsjárbandalagsins, sem æfði skyndiárásir á vestræn ríki daginn út og inn.  Eins og friður felist í því að leggja niður vopn gegn einbeittum innrásarher.

Fólk berst ekki gegn hrægömmum með því að styðja útibú þeirra.

Og Píratarnir, sem þykjast ætla að berjast gegn kerfisbresti með því að beinlýðræða ákvörðunartökuferlið, til að spara auðmönnum þann kostnað að fjármagna fjórflokkinn, hvaða ógn stafar af þeim??  Þetta er eins og að vopna varnalið með trébyssum og segja því að fara gegn vélbyssum og skriðdrekum innrásarliðsins.  Með þeim rökum að ígildi þess að verjast innrás, sé að segjast ætla að verjast henni.  Að orðin verja, en ekki gjörðin.

Restin sem var á móti, kaus svo VG, blóðuga böðla Hæstráðendanna. hrægammanna og þeirra meðreiðarsveina.

Þess vegna er þjóðin alltaf að berjast eftirá, og það mun verða svo þar til hún tekst á við upphafið.

Þetta er ekki flókið, þarf ekki mikla vitsmuni til að skilja. 

En það þarf raunveruleikaskyn, eitthvað sem hvarf þegar neyðin hætti að vera daglegt brauð.

Já, og svo má ekki gleyma samkenndinni.

Og siðnum.

Að vita hvað má, og hvað má ekki.

Svo kannski er það ekki skrýtið að við séum alltaf að berjast eftirá.

Samkennd og siður, hvað er nú það???

En það þýðir ekki að gefast upp Erla.

Kveðja að austan.

[Ómar Geirsson, 23.3.2017 kl. 09:02]

Blessaður Pétur.

Það er nú kannski ekki rétt að segja að þjóðin sé böðullinn, en hann er í boði hennar.

Um það þarf ekki að deila.

Kveðja að austan.