Gróðafléttan.

 

Leikfléttan reyndist þá snúast um nokkra dollara eftir allt saman.

Málamyndakaup sem snérust um að losa um fjármuni, núna þegar litla ljóta klíkan er búin að losa um öll höft á fjárflutningum úr landi.

Og spurningin er, datt einhverjum eitthvað annað í hug??

 

Sem og önnur spurning, mun grafalvarlegri.

Hvað er að því fólki??, sem dásamaði þetta innstreymi af fjármagni til landsins, að hér væru komnir alvöru aðilar sem hygðust fjárfesta í íslensku fjármálakerfi svo ég vitni í djúpvitringinn, forsætisráðherra vorn.

Ozzy Osbourne hefði getað fagnað svona komu Bjarnabófanna til að gæta gullkistu þjóðarinnar, en hann er líka með viðurkenningarskjal um að hafa haldið lífi í þessum 5 heilasellum sem dópið náði ekki að granda á hans viltu árum, sem voru reyndar allt hans líf.

 

En hver annar talar um vogunarsjóði sem alvöru langtímafjárfesta og aðkoma þeirra sé traustyfirlýsing á íslenskt fjármálakerfi. 

Sjóðir sem ekki bara eru þekktir fyrir stöðutöku sína gegn fyrirtækjum eða heilum þjóðfélögum, heldur ekki hvað síst fyrir ræna náinn. Það er ef þeir eru ekki maðurinn með ljáinn, þá eru þeir líkræninginn sem vílar sér ekki fyrir að veita særðum banasár, til að hirða verðmætin af líki hans.

Það þætti allavega galinn læknir sem benti á náfölan sjúkling sinn, og segði, að hann væri á batavegi, annars væri þessi hettuklæddi þarna ekki mættur með ljáinn sinn,.

Nei Ozzy greyjið léti þetta ekki einu sinni út úr sér.

 

En það gerir gróðasálin, hvort sem hún er í stjórnarráðinu eða hjá viðskiptaráði, eða hvar sem hún hefur plantað sér niður.

Og hún er ekkert vitlaus.

Ekki frekar en þeir ágætu stjórnmálamenn Mið Ameríku sem kannast ekkert við eiturlyf og eiturlyfjahringi, en eiga óvart nokkrar krónur í fjárgeymslum í Sviss.

 

Enda skyldi engan undra að einn sjóðurinn er nýbúinn að greiða sekt vegna mútugreiðslna í Afríku, nema að það undri að hann skuli hafa verið nappaður.

Líklegast er það hinu þróaða réttarkerfi Afríku að þakka.

 

Hér verða þeir ekki nappaðir.

Onei, onei.

 

Hér er fagnað.

Hér er gleði.

 

Við höfum sko fengið alvöru langtímafjárfesta.

Eða þannig.

Kveðja að austan.

Salan losar milljarðatugi

Athugasemdir

[Jónas Gunnlaugsson, 22.3.2017 kl. 14:14]

Ég sé engan tala,skrifa um, umtalað svindl, Goldman Sachs.

000

"Sadly, though, my guess is that Goldman will find a way

 to steer clear of the entire shooting match at all costs to avoid disclosing its business practices

 – the same way it paid a $550 million fine last year

to settle charges of securities fraud related to mortgage investments.

Incidentally, the SEC was very proud of its pound of flesh and the $550 million penalty

 

– apparently they didn t realize that Goldman booked more than $13 billion in the process.

Apparently, the pigs still wear lipstick and the regulators still haven t got a clue just who s running the show these days."  

000

Egilsstaðir, 22.03.2017  Jónas Gunnlaugsson

Nú kynna stjórnvöld, hve snjöll fjármálafyrirtækin, hafa verið að nota fjármálaflétturnar til að ná öllu af fyrirtækjum og heimilum, með hinum ýmsu KREPPUFLÉTTUM. Nú verður gaman að fá samþykki dómstólana, fyrir kreppufléttunum.

 

[Ómar Geirsson, 23.3.2017 kl. 10:45]

Blessaður Jónas, og takk fyrir innlitið.

Það er rétt að það ræða fáir Goldman.

Enda er fátt rætt af viti í þeirri merkingu að nálgast sé kjarni hvers máls.

Þetta er svona svipað og þegar fólk kvartar endalaust yfir lekanum innanhús, en enginn fer uppá þak til að þétta lekann.

Því ef það hefði verið gert, þá hefðu menn komist að því að það gleymdist að setja þakið.

Við rífumst um afleiðingarnar, en ekki kerfið sem skóp þær.

Kveðja að austan.