Frjálst flæði fjármagns þjónar tvennum tilgangi.

 

Það gerir mattador peningum, það er fjármunum sem búnir erum til með einni Enter færslu í fjármálakerfinu, kleyft að fara um heimsbyggðina eins og engisprettufaraldur og sjúga til sín raunverðmæti með ýmsum fjármálasjónhverfingum sem kallaðar eru stöðutökur, vaxtamunaviðskipti, kaupa skuldir á hrakvirðir, eða hvað þetta heitir allt saman.

Litla birtingarmynd þess sjáum við á Íslandi í dag þegar litla ljóta glæpaklíkan okkar leyfði hrægömmum að eignast Arion banka.

 

Síðan þjónar hið frjálsa flæði glæpamönnum af ýmsum tagi, bæði gamladags sem græða á hefðbundinni mafíustarfsemi, eins og vændi, mannsali, eiturlyfjasölu, fjárkúgun eða vörusvindli, sem og fjárglæpamönnum sem nýta sér hið frjálsa flæði til fjárflutninga af ýmsu tagi.

Á Íslandi þekkjum við gaurana, séníin sem komu  eigna- og hlutbréfaverðum uppúr öllu valdi með innbyrðisviðskiptum, fluttu svo gróðann úr landi, en skildu skuldir sínar eftir á eignalausum kennistölum.

Hvert var til dæmis gjaldþrot eignarhaldsfélags Engeyjarættarinnar sem átti bensínsölukeðjuna kennda við N4??  Nokkur hundruð milljónir, nokkrir milljarðar, nokkrir tugir milljarðar?

 

Það þarf engan að undra, að nokkrir virðulegir bankar, sem nota bene eru ekki í eigu virðulegra manna, sjái hag sinn í að þjónusta peningaþvætti glæpamanna, eigendur þeirra borguðu jú ekstra fyrir hinn meinta virðuleika, og hann er hugsaður til að kerfið spyrji ekki óþægilegra spurninga.

Það þarf engan að undra því það er sama fólkið beggja vegna borðsins.

Með stjórnmálastéttina í vasanum, ef hún er þá hreinlega ekki hluti af glæpaklíkunni.

 

Þannig er heimurinn í dag.

Þannig er Íslandi í dag.

 

Það þarf ekki forskeytið "rússneskir" til að aðgreina glæpamenn, slíkt er einfaldlega rasismi. 

En kannski er það nauðsyn fyrir blaðamenn hinna "frjálsu" fjölmiðla í eigu auðsins, svo þeir fái að birta svona frétt. 

Svo almenningur fái það á tilfinninguna að þetta sé að gerast einhvers staðar nógu langt í burtu, jafnvel í galaxy far far away svo ég vitni í myndina einu.

 

En við þurfum ekki að fara svo langt.

Okkur dugar að opna gluggann og kíkja út.

 

Jafnvel með lokuðu augun komust við ekki hjá því að sjá.

Kveðja að austan.

Nýttu alþjóðlega banka í peningaþvætti

Athugasemdir

[Guðmundur Ásgeirsson, 21.3.2017 kl. 13:41]

Frjálst flæði fjármagns er hægt að nota í tvennum tilgangi.

Annars vegar til að færa það fjármagn milli landa svo hægt sé að nota það til að greiða fyrir löglega vöru, þjónustu og vinnuafl sem eru í frjálsu flæði. Þetta er það frjálsa flæði sem fjórfrelsi EES-heimilar. Tilgangur fjármagnsfrelsisins er að gera hin þrjú frelsin möguleg því það þarf jú óhjákvæmilega að borga fyrir vöru, þjónustu og vinnuafl.

Hins vegar er hægt að nota það til hreinna fjármagnsflutninga án þess að andlag þeirra sé liður í hinum þremur þáttum fjórfrelsins. Það eru slík viðskipti sem er hérna um að ræða, þar sem sýndarviðskipti eiga sér stað "á pappír" án þess að hafa neina snertingu við raunhagkerfið. Slíkt fjármagnsflæði samrýmist ekki tilgangi EES-fjórfrelsisins.

Góðar stundir.

[Ómar Geirsson, 21.3.2017 kl. 18:02]

Blessaður Guðmundur.

Fyrirsögn þessa pistils var um hverju þetta frjálsa flæði þjónar, en ekki um hina opinberu réttlætingu þess.

Maðurinn hefur stundað viðskipti frá því að elstu menn muna, og þau voru orðin alþjóðleg þegar á nýsteinöld.  Eins er það þekkt að fólk hefur labbað yfir landamæri án þess að nokkuð hafi verið abbast við því, bæði til að stunda viðskipti, eða setjast að til að sjá sér og sínum farboða. 

Forsendur viðskipta er að menn annað hvort skiptast á vörum, eða greiða fyrir vöru með gjaldmiðli sem báðir aðilar viðurkenna.  Forsenda þess að fólk geti verið á faraldsfæti er að landamæri eru opin en ekki lokuð.

Forsendan er ekki hið svokallað frjálsa flæði fjármagns, það er nútíma uppfinning, eða réttara sagt nútímalögleiðing á því sem kallað var að fara ránshendi um lönd hér á árum áður.  Englendingar fluttu til dæmis mikið af verðmætum úr Frakklandi á 14. og 15. öld, en þeir þurftu herleiðangra til þess kennda við 100 ára stríðið, því engin frjáls þjóð leyfir einhliða verðmætaflutninga úr landi, án þess að skipti komi á öðrum verðmætum.

Þetta er ekkert flóknara Guðmundur, maður þarf að vera innvinklaður í þá hagsmuni sem græða á hinu frjálsa flæði til að tengja það við einhvera viðskiptalega nauðsyn.

Og bábiljan um að hið frjálsa flæði fjármagns sé forsenda hins frjálsa flæði vöru og vinnuafls, féll um sjálft sig þegar það þurfti einmitt skorður á þetta óhefta flæði til að ESB náði tökum á bankakerfi sínu.  Óheftir fjármagnsflutningar voru ekki heimilaðir í nokkur ár eftir evrópska bankahrunið 2009, og mér er til efs að þeir séu alfarið frjálsir í dag.

Og ástæðan er einföld, það þolir ekkert kerfi síleka.

En viðskiptin héldu áfram, og vinnuaflið færðist til.

Því viðskiptin voru leyfð, og landamærin voru opin.

Kveðja að austan.