Auðugir hafa það gott.

 

Uhumm, mjög gott.

Mjög gott.

Mjööög gott.

 

Líka á Íslandi.

Eru að fá eina ríkisstjórn.

Í skóinn. 

Samt eru ekki komin jólin.

 

Ætli þetta sé skýring þess að formaður breska íhaldsflokksins er að gera upp við frjálshyggju flokksins.

Að það þurfi fleiri að hafa það gott en auðkýfingar.

 

Veit ekki.

Grunar það samt.

Kveðja að austan.

Auðugir hafa það gott

Athugasemdir

[Egill Vondi (IP-tala skráð) 9.1.2017 kl. 18:13]

Auðugir hafa það gott.

Einmitt það...

Annað í fréttum:

• Hávaxnir sjá betur til í bíó.

• Sterkir geta borið meiri mat heim þegar þeir fara að versla fótgangandi.

• Það heyrist betur í þeim sem hafa háværa rödd.

• Ungabörn eru ekki eins stór og fullorðnir. 

• Hátt sett fólk er yfirleitt með betri laun en aðrir.

• Sofandi menn taka ekki eins vel eftir og vakandi menn.

Hvaða stórfrétt ætli Íslenskir fréttamenn segi okkur næst?

[Ómar Geirsson, 9.1.2017 kl. 19:11]

Blessaður Egill Vondi.

Ég hef oft verið að spá í hvort þið strákgreyin séuð með svona umbunarkerfi eins og skátarnir í gamla daga, fyrir ákveðin fjölda verka, eins og að hjálpa gömlum konum yfir götu, þá fengu þeir medalíu, og unnu sig þannig upp innan hópsins.

Er svona gátlisti í Valhöll þar sem menn láta merkja við fyrir ákveðin fjölda aulahúmora.  "Ég er búinn að standa vaktina svona og svona oft".  "Þarna og þarna þá hélt ég sko upp vörnum".

Smá forvitni í mér, oft að spá hvað drífur ykkur áfram?

Kveðja að austan.

[Egill Vondi (IP-tala skráð) 9.1.2017 kl. 21:11]

Ómar, ég er ekki í Sjálfstæðisflokknum né í neinum öðrum flokk, og ekki stend ég neina vakt. Færslan að ofan var til þess að gefa í skyn að mér fannst lítið til fréttarinar koma, enda segir hún ekkert sem við vitum ekki nú þegar.

[Ómar Geirsson, 9.1.2017 kl. 21:34]

Blessaður Egill Vondi.

Þegar æ stærri hluti almennings í vestrænum löndum lætur í ljós áhyggjur um að eiga ekki fyrir nauðsynlegum útgjöldum um hver mánaðarmót, þá er það frétt að lúxusvarningur slær öll sölumet.

Sem reyndar var ekki fyrst eftir kreppuna, þá hefði margur slíkur framleiðandi farið beinustu leiðina á hausinn ef ekki hefði komið til hvað getum við sagt?, varnareftirspurn frá nýríkum í Rússlandi og síöflugri efri millistétt í Austur Asíu.

Í fréttinni hér að ofan, sem þú hefðir alveg getað lesið, hefðir þú nennt að lesa annað en fyrirsögnina, kemur fram að söluaukning á Rolls var 28% í Evrópu.

Hins vegar var spurning mín aðeins eðlileg forvitni því mig hefur í töluverðan tíma langað að vita af hverju nafnleysingjar dúkka reglulega upp þegar eitthvað er hnýtt í auðhyggjuna.

Hvað drífur menn áfram?

En á því eru greinilega fleiri en ein augljós skýring.

Kveðja að austan.

[Egill Vondi (IP-tala skráð) 9.1.2017 kl. 21:49]

Ég las fréttina þegar ég birtist hér í fyrsta sinn, og hún kom mér ekki á óvart - hnattvæðingin er svona úr garði gerð. Ég tel að þú hafir miskilið kaldhæðnina.

Aukinhelduer er fólk sem hefur ekki áskrift á Blog.is jafn ólíkt og allir aðrir, og ég heiti Egill í raun svo ég er ekki beint nafnlaus.

[Ómar Geirsson, 9.1.2017 kl. 22:48]

Blessaður Egill.

Gaman að heyra í þér.

Kveðja að austan,.