Er draumurinn að rætast??

 

"„Mér sýn­ist svona miðað við upp­leggið að þá get­um við verið bjart­sýn á að mikið af því sem við höf­um bar­ist fyr­ir og staðið fyr­ir, að það nái fram að ganga,“".

Segir Guðlaugur Þór í viðtali við Mbl.is í gær.

Loksins, eftir öll þessi ár sér þessi þrautreyndi þingmaður Sjálfstæðisflokksins mikið af því sem hann hefur barist fyrir nái fram að ganga.

 

Guðlaugur lætur lesandann geta í eyðurnar en það er ekki erfitt að ímynda sér hvað hann á við.

Hvað er það sem Sjálfstæðisflokkurinn náði aldrei í gegn í ríkisstjórnarsamstarfi sínu við Framsóknarflokkinn??, hvorki núna síðast eða í öll hin skiptin í lok síðustu aldar eða upphaf þessarar??

 

Skyldi það vera uppbygging heilbrigðiskerfisins, endurnýjun vegakerfisins, aukningu til löggæslu, sögulega sátt við aldraða og öryrkja, og svo framvegis.

Skyldi það vera kerfisbreytingar í anda frjálshyggjunnar, aukin uppboð í landbúnaði og sjávarútvegi, aukinn samruni við hina frjálsu markaði Evrópu, lægri skattheimta á fjármagn og þá sem eiga eitthvað, úthýsun opinberar þjónustu, sala ríkiseigna og svo framvegis.

Eða blanda af þessu tvennu. 

 

Kemur í ljós.

En munum að draumur eins getur verið martröð annars.

Kveðja að austan.

 

Myndun ríkisstjórnar á lokametrunum

Athugasemdir

[Pétur Örn Björnsson (IP-tala skráð) 8.1.2017 kl. 19:49]

Bankarnir voru rændir innan frá ... það vitum við öll ... næsti leikur er flestum augljós, nú á að ræna ríkið innan frá.

Svo illa er nú komið fyrir "sjálfstæðis"flokknum, þar á bæ kunna menn ekki lengur heiðarlegan og hefðbundinn framleiðslukapítalisma,

Nei, pilsfaldakapítalistar, silfurskeiða ræflar, sem kunna það eitt að ræna samborgara sína og láta ríkið borga sér launin til þess,

hrægamma ræflar.

[Ómar Geirsson, 8.1.2017 kl. 21:18]

Og hvað eru mörg err í því.

En ég las góðan pistil í dag hjá Ögmundi í Sunnudagsmogganum, þar sem hann benti á að kjósendur fengi það sem þeir kysu.

Hins vegar yrðu að gera þá kröfu til stjórnmálaflokka að þeir sýndu sitt rétta andlit fyrir kosningar, svo fólk vissi hvað það væri að kjósa.

Síðan var skotið nett á VG og Samfylkinguna, þeir flokkar hefðu sýnt andlit sitt þegar þeir voru í stjórn.

Svo er það spurning með Viðreisn og Bjarta framtíð, hófsamir miðjuflokkar eða harðsvíraðir hægri flokkar.

Og hvert er hið rétta andlit Sjálfstæðisflokksins?

Eitthvað grunar maður, en samt er sá varnagli að tíminn hefur ekki ljóstrað upp.

Þess vegna eru spennandi tímar framundan Pétur, tíminn þar sem hinir andlitslausu fá andlit, og skorið verður úr um palldóma okkar í garð Sjálfstæðisflokksins.

Veistu, ég held að þetta endi með ríkisstjórn íhalds og VG.

Svei mér þá.

Kveðja að austan.

[Pétur Örn Björnsson (IP-tala skráð) 8.1.2017 kl. 23:27]

Ég veit það ekki hvort þitt "svei mér þá" verði að veruleika.

Hið eina rétta í stöðunni væri að boðað yrði aftur til kosninga, það segir sig sjálft.

Það er enginn meirihluti á bak við þessa stjórn, enda þótt hún lafi á lygilegum einum.

Að "sjálfstæðis"flokkurinn kjósi sér að prumpa falskri öfugmælaútgáfu af sjálfum sér

til að blekkja kjósendur "viðrekstrar" og verðlauna svo "viðrekstrar" útgáfuna af sjálfum sér

með því að mynda stjórn með henni, lýsir svo miklum og einbeittum svikavilja að það mun aldrei enda vel.

Hér er skollin á daunillt svikalogn þar sem Proppé verður að lokum slátrað sem bjöllusauð. 

[Dr Samúel Jónsson (IP-tala skráð) 8.1.2017 kl. 23:48]

Slaka á drengir, bráðum verður Panama-Bjarna steypt af stóli.  Hver verður þá sigurvegarinn?  Engeyjar-Benedikt og Óttar Proppé.  Síðan hefst innlimun landsins í ESB.

[Ómar Geirsson, 8.1.2017 kl. 23:53]

Það má vel vera Pétur, en nýjar kosningar eru til lítils á meðan aðeins Einn flokkur er í framboði, auðflokkurinn sem styður þjófræðið.

Með ráðum og dáðum.

Það er nefnilega þetta sem ég hef aldrei skilið þegar fólk talar um nýjar kosningar, en því ber ekki gæfa til að stofna flokk sem ekki er i vasa auðsins.

Nýjar kosningar í dag yrðu líklegast vatn á myllu Pírata, og þá fyrst hittir andskotinn ömmu sína.  Eða hreinlega að Sjálfstæðisflokkurinn þurfi ekki næst að bjóða fram þrefalt, það er sjálfan sig, Benna frænda og atvinnurekanda hópinn sem kallaði sig Segjum Já við ICEsave.  Fólk myndi hreinlega fá nóg af ruglinu og leita í öryggið, þó innst inni viti það að það sé falskt.

Nei, í alvöru talað þá held ég að það versta sem kæmi fyrir þjóðina væru kosningar á morgun eða hinn.  Það yrði hinn algjöri sigur Eins flokksins.

Ég veit ekki hvort Engeyjarstjórnin nái að fara það hægt í að sjóða þjóðina, að hún taki ekki eftir feigð sinni fyrr en allt er um seinan, en ég veit allavega að þá verður lang skemmtilegast fyrir skemla eins og mig að blogga.  Jafnframt því að yrði einhver grundvöllur til að segja eitthvað vitrænt um hvað fór úrskeiðis, af hverju rændi auðurinn hinu Nýja Íslandi, sem við svo mörg trúðum á haustið 2008.

Og ef Engeyjarstjórnin verður of gráðug, þá fellur hún.

En í millitíðinni munu kannski verða fundarfært, kannski 12 manns eða svo hjá fyrsta boðaða fundi Hreyfingar lífsins, eða Samstöðu um  lífið.

Það þarf svo lítið til að kveikja ljósið Pétur.

En það þarf samt eitthvað.

Kveðja að austan.

[Pétur Örn Björnsson (IP-tala skráð) 9.1.2017 kl. 00:08]

Það má vera að þjóðin hafi enn ekki fengið nóg, margir sögðu eftir hrunið "það hrundi ekki nóg."

Það ástand sem ég skynja er að a.m.k. hálf þjóðin er nú á varðbergi gagnvart næstu birtingarmynd hrunsins.

Með kveðju að sunnan

[Anna Sigríður Guðmundsdóttir, 9.1.2017 kl. 01:09]

Ómar. Þegar Ísland hefur verið að fullu innlimað í ESB, þá verður ekkert samstarfsþjóðanna ESB eftir. Svona eins og staðan raunverulega er í dag.

Guðlaugur Þór var látinn loka Sankti Jósefsspítala fyrir vælukjóana á klíkulækna-Landsspítalanum, sem kvarta nú hástöfum yfir skorti á hjúkrunarplássum sem eru ómygluð. Veit ekki betur en að Sankti Jósefsspítali í Hafnarfirði sé alveg myglufrír og vönduð bygging?

Enn verra þótti mér þegar Guðlaugur Þór var látinn hneykslast á því á alþingi, að sumir vildu kannski, og fyndist jafnvel í lagi, að láta loka einkavæðingar-spillingarvinafélaginu trúarbragða-blekkingar-skottulæknastýrða, sem í daglegu tali er kallað SÁÁ-sjúkrahús á Vogi.

Hættulegasta blekkingar-svikasjúkrahús Íslands er SÁÁ á Vogi.

Þar fara ekki fram neinar alvöru vandaðar sjúkdómsgreiningar, né nauðsynlegar meðferðir í samræmi við vandaðar greiningar fagfólks. Og ekki fær sjúkt fólk á SÁÁ neina nauðsynlega uppbyggjandi sálfræðiþjónustu á þessu skottulækninga-sjúkrahúsi yfirlæknamafíunnar sem þar stýrir verkum.

Guðlaugur Þór? Hver og hvað er hann eiginlega látinn vera, í þessari biluðu lækna/sjúkrahúsa-glæpapólitík?

M.b.kv.

[Ómar Geirsson, 9.1.2017 kl. 08:36]

Nei Pétur, þjóðin hefur ekki fengið nóg, hún væri þá ekki leiksoppi.

Kvart og kvein eru sálræn viðbrögð þess sem innst inni er það sáttur að hann vill ekki breyta.  Kannski vegna þess að hann treystir sér ekki til að breyta, eða hann óttast breytingar.

En ég ítreka að á meðan aðeins Einn flokkur er í framboði, þá höfum við ekkert við kosningar að gera.

Það styrkir aðeins Ein-flokinn, en foraðið sem hann er í þessa stundina, að láta sér detta í hug að mynda stjórn um hrein svik, það gefur þjóðinni tíma.

Tíma til að hætta kvarti og kveini.

Kveðja að austan.

[Ómar Geirsson, 9.1.2017 kl. 08:44]

Blessuð Anna.

Blessuð Anna, það eru skiptar skoðanir á starfsemi SÁÁ, ætla ekki að blanda mér í það en veit hins vegar að margir eiga samtökunum líf sitt að launa, og ekki þá bara áfengissjúklingar.

Hitt held ég að margir ágallarnir sem bent er á, megi rekja beint rekja til hagræðingarpúkans sem vill tryggja að þjóðin fái sem minnst fyrir mest fé.  En það er önnur saga.

Um hitt þarf ekki að deila, lokun vel rekinna spítala var liður í þeirri áætlun frjálshyggjukrakkanna að skemma sem flesta innvið samfélagsþjónustunnar svo svigrúm myndaðist fyrir einkarekna starfsemi.

Samkvæmt kjörorðinu, að þeir ríku, sem við vinnum fyrir, fá sitt, almenningur það sem hann á skilið, því það var jú hann sem færði okkur völdin til að skemma, og vildarvinir okkar græða á öllu saman.

Og þetta er ekki bara bundið við Ísland, Vesturlönd eru sviðin jörð eftir Svörtu pestina.

Kveðja að austan.

[Pétur Örn Björnsson (IP-tala skráð) 9.1.2017 kl. 19:59]

Sagði það og segi:  

"Það ástand sem ég skynja er að a.m.k. hálf þjóðin er nú á varðbergi gagnvart næstu birtingarmynd hrunsins."

Og já, sem þú segir:  "Það gefur þjóðinni tíma."

[Ómar Geirsson, 9.1.2017 kl. 20:11]

Hvernig kemur hún í veg fyrir næsta Hrun með því að kjósa alltaf sama flokkinn??

Hvaða varðberg er það?

Kveðja að austan.

[Pétur Örn Björnsson (IP-tala skráð) 9.1.2017 kl. 20:38]

Tíminn Ómar minn.  Í uppfyllingu tímans munum við rísa upp frá dauðum.

[Ómar Geirsson, 9.1.2017 kl. 20:43]

Hef ekki hugmynd um upprisuna Pétur, en ég veit hins vegar að sameiginlegur taktur í mars helfararinnar, endar aðeins þar sem að var stefnt.

Í helinu.

Og ég er ekki aðventisti, hugga mig ekki við upphafningu hinna heilögu, en hitt helv´. pakkið má helið súpa.

Kveðja að austan.

[Pétur Örn Björnsson (IP-tala skráð) 9.1.2017 kl. 20:56]

Við færumst nær.  

Það vekur skjálfta.  

Augu byrja að sjá.  

Eða liggja blóðug út á ská.

Ég veit ekki enn

í hvaða erindi

við erum í Völuspá

en erindi nr. 60

finnst mér fegurst.

[Pétur Örn Björnsson (IP-tala skráð) 9.1.2017 kl. 21:02]

Renni nú yfir Hávamál:

Ríki sitt

skyli ráðsnotra hver

í hófi hafa.

Þá hann það finnur

er með fræknum kemur

að engi er einna hvatastr.

Orða þeirra

er maður öðrum segir

oft hann gjöld um getur.

[Ómar Geirsson, 9.1.2017 kl. 21:37]

Amen.

En þú festir ekki Fernisúlf á nýjan leik með því að kjósa alltaf aftur og aftur sama flokkinn.

Og það endar ekki vel að láta hann ganga lausann.

Kveðja að austan.

[Pétur Örn Björnsson (IP-tala skráð) 9.1.2017 kl. 21:58]

Líkast til var ég ekki nógu nákvæmur í orðalagi í einni af fyrri athugasemdum, réttara væri að segja:

Hinir dauðu, kjósendur Einflokksins, munu upp rísa og sjá þá ljósið.  Það er a.m.k. eins Amens virði.  

[Ómar Geirsson, 9.1.2017 kl. 22:47]

Já eða jafnvel þriggja, sonarins, föðurins og heilags anda.  Hver svo sem hann er.

En stjórnin er komin, Bjarni brosti jafn breitt og Kim il enda tóku aðeins 2 til máls, annar  til að fara með vísur.

Hvað sem þetta fólk er, þá er það ekki sjálfstætt fólk í sjálfstæðum flokki.

En þeir mega grafa sína gröf mína vegna.

En það gagnar lítt ef höndin sem grefur er á sama búknum, tvíhöfða þurs er alltaf eitt, jafnvel þó hann verði þríhöfða.

Hvað sem öðru líður þá liggja víglínurnar fyrir.

Og nú er verk að vinna.

Ætla sjálfur að prófa á að byrja að þegja, eftir að ég klambra einhverju saman í fyrramálið, eða uppúr því.

Heimur á heljarþröm hefur þann kost að allavega þá liggur verkefnið skýrt fyrir.

En núna þarf að stara út í sjóndeildarhringinn til að koma auga á riddarann á hvíta hestinum.

Forspáin sagði að hann myndi mæta, en hann er ekki beint augljós fyrir framan nefið á manni.

Kannski er hann í útlandinu, eða inní hverjum og einum.

Allavega, ég græt ekki skýrar víglínur Pétur.

Heyrumst.

Kveðja að austan.

[Pétur Örn Björnsson (IP-tala skráð) 9.1.2017 kl. 23:15]

Nei, við grátum ekki skýrar víglínur.

Það sagði ég Ögmundi margsinnis að ég vildi heldur alvöru djöfla en skinhelga andskota.

Hann hékk á roðinu með skinhelgu andskotunum, allt þar til fyrri helferðarstjórnina leið.

Þá hafði sú stjórn endurreist allt hið sauruga bankakerfi.

Nú hefst helreiðin á ný.  En framhlaðningsmenn gefast ekki upp.  Baráttan er eilíf.

Kveðja að sunnan