Peningaþvætti Seðlabanka Íslands.

 

Og ríkisstjórnar Íslands mun seinna meir verið skráð í sögubækur sem dæmi algjör yfirráð fjárglæpamanna á vestrænu hagkerfi.

Og gæsagangur stuðningsmanna borgarlegu flokkanna við ránið og ruplið rannsakaður eins og annar eldri gæsagangur múgsefjunarinnar sem sviptir vitiborið fólk ráði og rænu, og fær það til að ganga fyrir björg á eftir foringjum sínum.

 

Hvernig gat þetta gerst??

Hvernig geta fjárglæpamenn rænt heila þjóð svona fyrir opnum tjöldum, án þess að nokkur æmti eða skræmti?  Þannig að einmana maðurinn sem sást á frægri ljósmynd af fjöldafundi múgsefjunar þriðja ríkisins, virkar fjölmennur miðað við íslensku mótspyrnuna.

 

 

En víkjum fyrst að byrjuninni og spáum í af hverju þetta samhljóða frumvarp um aflandskrónur er peningaþvætti í sinni fegurstu mynd.  Wikipedia er eins og oft áður með kjarna skilgreiningarinnar á peningaþvætti.

Money laundering is the process of transforming the proceeds of crime, corruption or kleptomania into ostensibly legitimate money or other assets.

 

Ljósfælið fé er gert löglegt með einhverjum málamyndagjörningi löglegra aðila.

Íslensku aflandskrónurnar eru dæmi um slíka ljósfælna starfsemi.

 

Nú myndi einhver segja að aflandskrónurnar séu að mestu í eigu erlendra hrægammasjóða, og vitna þá einhver opinber gögn því til stuðnings.  Því er til að svara að leppar eru jafngamlir fyrsta peningaþvættinu, og hrægammasjóðir eru ágætis yfirvarp hinnar ljósfælnu starfsemi. 

En fyrst og síðast þá er eðli peningaþvottar að lauma sér inní eitthvað sem virðist vera löglegt á yfirborðinu.  Smáfyrirtækin sem því íslenska eiturlyfjagróðann eru með líka með löglega innkomu svo dæmi sé tekið. 

Mestu skiptir er að sjá hina innlendu aðila sem fljóta með innan um hinar stærri upphæðir.

 

Kjarninn gerði ágæta úttekt á hinum sýnilega hluta þess peningaþvættis sem Seðlabankinn hefur þegar komist upp með. 

 

794 innlendir aðilar komu með peninga inn í íslenskt hagkerfi í gegnum útboð fjárfestingarleið Seðlabanka Íslands. Peningar þeirra námu 35 prósent þeirrar fjárhæðar sem alls komu inn í landið með þessari leið, en hún tryggði um 20 prósent afslátt á eignum sem keyptar voru fyrir peninganna á Íslandi. Alls fengu þessir aðilar 72 milljarða króna fyrir þann gjaldeyri sem þeir skiptu í íslenskar krónur samkvæmt skilmálum útboða fjárfestingarleiðarinnar. Afslátturinn, eða virðisaukningin, sem þeir fengu með þessu umfram það ef þeir hefðu skipt gjaldeyrinum á skráðu gengi Seðlabankans er um 17 milljarðar króna. Seðlabankinn segir að sér sé ekki heimilt að greina frá nöfnum þátttakenda í gjaldeyrisútboðum sínum vegna þagnarskylduákvæðis í lögum um Seðlabanka Íslands.

 

Blaðamaður Kjarnans tekur það skýrt fram að vinnumennirnir í Seðlabankanum uppljóstra ekki um hið meinta erlenda eignarhald, hve mikið af því hverfur á eyjum í breska skattaskjólinu kennt við Tortóla.

Það sama gildir í dag, eignarhaldið liggur ekki fyrir, það er aðeins vitað að það er verið að þvo pening fyrir innlenda aflandseigendur.

 

En afhverju er aflandskrónurnar ljósfælið??

Eru þetta ekki bara löglegir fjármunir sem heiðarlegir bissness menn öfluðu í sveita síns andlits og þurftu að finna sé afland til að geyma þar sem þeir vissu sem er að bankar þeirra voru reistir á brauðfótum?  Spurning sem er mandra sem gæsagangastuðningsveit fjárglæpamannanna kyrjar öllum stundum þessa dagana.

Byrjum að vitna í ríkisskattstjóra og harðorðan áfellisdóm hans yfir aflandsvæðingu fjármálakerfisins.

 

Ríkisskattstjóri spyr sig hvers vegna fjármagnseigendur hafi ákveði að færa eignir inn í aflandsfélög og „sveipa þær huliðshjúpi með flóknum blekkingum og öðrum ráðstöfunum“. . „Þetta vekur hugrenningar um hvort útrásin margfræga hafi þurft á slíkri leynd að halda og hvort samhliða viðskiptagerningum hafi hún falist í því að koma fjármagni undan skattlagningu eða verið af öðrum hvötum,“ segir í leiðara.

 

Sem hann bendir réttilega á seinna í grein sinni að helstu aðvörunarorðin hefðu komið frá skattayfirvöldum, ekki íslenskum stjórnmálamönnum, eða stjórnkerfinu sem þeir ráða.

 

Hvert umfang hinnar ljósfælnu starfsemi er þá má vitna í Fréttatímann;

 

Panamaskjölin hafa dregið athygli að samfélagslegum skaða sem leiddi af útstreymi fjár frá Íslandi á árunum fyrir Hrun. Skaðinn er ekki aðeins tapaðar skatttekjur. Talið er að óframtaldar eignir og tekjur frá aldamótum til 2008 hafi numið um 1050 til 1800 milljörðum króna. Tapaðar skatttekjur af þeirri upphæð geta verið um 200 til 250 milljarðar króna. Það er mat skattasérfræðinga að um helming skattaundanskota á árunum fyrir Hrun megi rekja til skattaskjóla og útstreymis fjármagns út úr íslenska krónuhagkerfinu.

 

Þessar tölur eru mat, þar sem ítarleg rannsókn á umfangi fjárglæpanna liggur ekki fyrir sökum þess að íslenskir stjórnmálamenn dansa með gerendum, en ekki þjóðinni, eru í raun vinnumenn líkt og stjórnmálamenn í eiturlyfjaríkjum Mið Ameríku.  Þeir fara ekki gegn hendinni sem fæðir þá, heldur hirða þakklátir molana sem að þeim er rétt.

 

Þúsund til tvö þúsund milljarðar eru miklir fjármunir, líka í stærstu hagkerfum hins vestræna heims. 

Í okkar litla hagkerfi eru þeir ígildi alræðisvalds.

Og þessir fjármunir eru ekki áunnir í svita og strita hins heiðarlega bissnessmanns líkt og þeir sem gæsaganginn stunda halda fram.

 

Margir hafa lýst svikamyllunni sem íslenska efnahagsundrið byggðist á.

Enginn betur en Ragnar Önundarson gerði í frægri grein í Morgunblaðinu í árdaga íslenska fjármálaundursins kennt við Útrás og Úrásarvíkinga.

Greinin varð reyndar ekki fræg fyrr en eftir Hrunið, og margir sögðust þá hafa sömu Lilju kveðið, en sögðu það bara óvart eftir á.

 

Með sömu skarpskyggni lýsti Ragnar peningaþvætti Seðlabankans svo ekki verður betur gert.  Í pistli á feisbókarsíðu sinni undir yfirskriftinni, "Viltu vinna milljarð".

Þegar framtíð þjóðar er í húfi, að ekki sé minnst á æru okkar sem heiðarlegs fólks að láta ekki ósómann viðgangast án mótmæla, þá ætla ég að vitna beint í Ragnar, löng lesning, en hvert orð þess virði að vera lesið. 

Margoft, mörgum sinnum.

 

Viltu "vinna" milljarð ? Viltu svo "vinninginn heim" ? Þá er þetta aðferðin:

1. Þú stofnar "eignarhaldsfélagið" Rán ehf. og tekur milljarð að láni hjá kunningja þínum í bankanum eftir að hafa borgað "bónus" til hans með "þóknun skv. gjaldskrá".

2. Þú stofnar "aflandsfélag" Highway Robbery Inc. í Panama eða Tortóla með aðstoð kunningja þíns í bankanum og millifærir það sem eftir er af milljarðinum þangað.

3. Þú sérð enga leið til að eignarhaldsfélagið geti borgað afborganir og vexti og það fer í þrot. Bankinn afskrifar lánið þegjandi og hljóðalaust þrátt fyrir að hafa allar upplýsingar um hvað varð um peningana og hvert þeir fóru. Þú borgaðir svo góðan "bónus" að þeir fara ekki að vera með nein leiðindi.

4. Til öryggis stofnarðu fleiri aflandsfélög með aðstoð erlends banka og millifærir áfram nokkrum sinnum í þeirri von að það "snjói í sporin". Allt kostar þetta og þú þarft nú sjálfur að lifa eins og aðrir, svo nú "áttu" bara 900 millur.

5. Þú bíður í nokkur ár en svo sérðu tilboð Seðlabankans um að taka þátt í gjaldeyrisútboði. Þú tekur því og færð þriðjungs ábót á "vinninginn" og átt allt í einu 1.200 milljónir. Seðlabankinn tryggir þèr nafnleynd svo ekki sé unnt að lesa saman nöfn þáttakenda við afskriftalistana.

6. Þú kaupir þér teinótt jakkaföt og gerist "fjárfestir". Ásamt félögum þínum kaupir þú banka af ríkinu, sem gleðst yfir vel heppnaðri einkavæðingu og lýsir yfir sigri og fagnar að samkeppni virðist komin í bankaþjónustu. 

 

Þetta eru illa fengnir fjármunir, þeir eru ávöxtur svikamyllu, og Alþingi Íslands, og seðlabanki þjóðarinnar eru í dag að endanlega að þvo þessa peninga.

Að gera þá löglega, svo fjárglæpamennirnir geti ráðstafað þeim að vild sinni, til dæmis sbr lið 6., að kaupa hina nýju banka sem ríkisstjórn hinna góðu verka mun fljótlega afhenda þeim til kaups.

 

Nú kynni einhver sem er samdauna spillingunni, segja, að þó rétt sé, að um peningaþvott sé að ræða, þá er það óhjákvæmilegur fylgifiskur þess frelsis að fá að flytja gjaldeyri úr landi sem er jú hið formlega markmið þessa frumvarps um peningaþvættis aflandskróna.

Svo mikill er heilaþvotturinn að menn þurfa ekki að vera samdauna spillingunni til að trúa bábiljunni.  Í raun má þakka fyrir að fjárglæpamennirnir skuli ekki leiðinni fá fólk til að trúa að forsenda þess að sólin komi upp á mörgum sé að þúsund ungmenn ljái hjarta sitt á altari auðsins, líkt og prestar Azteka náðu að sannfæra trúgjarna á sínum tíma.

Margt má segja, en bendum á tvennt.

 

Það fyrra er að frjálst flæði gjaldmiðils er rót efnahagshruna. Meira að segja ESB þurfti að setja höft á hið frjálsa flæði til að bjarga evrunni, fjármagnsflóttinn lét ekki staðar numið við Miðjarðahafslöndin, bæði Belgía og Frakkland voru að falla þegar höftin voru sett. 

Kreppurnar í Mið og Suður Ameríku eða í SuðAustur Asíu má líka rekja til hins frjálsa flæðis.

Og hið frjálsa flæði var forsenda hinna 1000-2000 milljarða sem hurfu úr íslensku hagkerfi á veisluárunum fyrir Hrun.

Saga sem mun endurtaka sig um leið og næsta frjálsa flæði verður lögfest.

 

Seinna eru rök hinnar hagsýnu húsmóðir, þeirrar persónu á hverru heimili sem lætur fæði og klæði barna sinna ganga fyrir.

Hún veit að heimilið getur ekki látið meira flæða út en kemur inn, hið seinna er ávísun á beina skuldasöfnun.

Heimili sem hefur 10% tekna sinna í afgang, getur ekki látið hærra hlutfall flæða út, jafnvel þó heimilisfaðirinn hafi lært allar kennisetningar frjálshyggjunnar um hið frjálsa flæði fjármuna, það kemur alltaf af skuldadögunum.

Það sama gildir um þjóðríki, það flæðir ekki meiri gjaldeyri út en kemur inn, og stærstum hluta þess sem kemur inn er þegar ráðstafað í nauðsynleg aðföng svo hægt sé að reka atvinnulífið sem og heimili landsins. 

Ótrúlega augljóst samhengi sem svo mörgum er hulið.

Það flæðir aldrei meir út en kemur inn, sama hve frjálst flæðið er.

 

Rök peningaþvættisins eru því fals eitt.

Að ekki sé minnst á að verðlausar aflandskrónur fá því aðeins verðgildi, að til staðar séu gjörspilltir stjórnmálamenn sem nýta innkomu þjóðarinnar til að breyta hinu verðlausa í beinharðan gjaldeyri.

Skiptir ekki máli þó talað sé um einhver afföll, jafnvel þó hin meintu afföll séu blásin út, þá er afföll af engu, ekkert, og afföll af engu sem er gefið verðgildið 10 úr sameiginlegum sjóðum landsmanna, er heldur ekkert. 

Ef eftir standa 8, þá er gjöfin 8.

 

Blekking, fals, svik.

Engin önnur orð ná að lýsa hinni þaulskipulagða peningaþvætti, sem frumvarpið um aflandskrónur er.

Og við sem þjóð æmtum hvorki eða skræmtum.

 

Við sem einstaklingar störum uppí loftið, þegjandi, það er þau okkar sem taka ekki þátt í gæsagang múgsefjunar fjárglæpanna.

Við munum ekki fá birta af okkur mynd í tímaritinu Sögunni, eins og maðurinn sem hafði kjark til að lyfta ekki hendi þegar múgurinn ákallaði foringja sinn.

 

Við þegjum og þegjum.

Eins og við eigum ekki börn, eins og við eigum ekki líf sem þarf að verja.

 

Og kosningarnar næsta haust munu engu breyta.

Því fjárglæpamennirnir munu útvega Andófinu nýja leikendur í stað þeirra sem úreltir þykja.

Og gæsagangurinn mun styðja sitt fólk.

 

Og svo gera menn grín af Dúdú fuglinum.

Fólk ætti að líta sé nær.

Kveðja að austan.

 

 

 

 

Frumvarp um aflandskrónur samþykkt

Athugasemdir

[Dr. Símon Jónsson (IP-tala skráð) 23.5.2016 kl. 11:23]

Blessaður Ómar Geirsson

Nú er svo komið að ríkisvaldið og stórtækir fjárglæpamenn leppa hvorn annan til alræðis.  Fréttastofa ríkisins og fréttamiðlar fjárglæpamannanna tala nú einni röddu og hvetja þjóðina til að kjósa Guðna Thorlacius Jóhannesson og búa um leið til sýndarslag á milli tveggja turna, Davíðs og Guðna.  Hvorugur þeirra mun standa með almannahagsmunum, það er fullreynt.  Greinar þeirra og hegðun öll hingað til fyrirbyggja að svo verði.  

Eina von almennings til að eiga hauk í horni á Bessastöðum er að Sturla Jónsson verði kosinn forseti Íslands.  Þar er að finna  hinn eina sanna og sjálfstæða mann sem í framboði er til forseta.

Því legg ég áherslu á það að fólk kjósi Sturlu Jónsson.

Virðingarfyllst

Dr. Símon Jónsson 

[Dr. Símon Jónsson (IP-tala skráð) 23.5.2016 kl. 11:36]

Blessaður aftur Ómar Geirsson

Meginmáli mínu gleymdi ég og það er að núverandi stjórnarflokkar, þeir sem kenna sig við sjálfstæði og framsókn

eru á fullu gasi á leiðinni til Brussel.  Þeir vinna eftir plani AGS og ESB um að Ísland skuli innlima í alríkið

og það á nákvæmlega sama hátt og Jóhanna og Steingrímur og Árni Páll og Katrín Jakobsdóttir.

Ekkert þeirra hefur viljað að upplýst yrði um eigendur aflanskróna.

En þeir sem eru falskastir af öllum eruþeir sem tala tungum tveimur:

Aflandseigna-stór-eignamennirnir Sigmundur Davíð Gunnlaugsson og Bjarni Benediktsson eru rýtingar í bak þjóðarinnar.

Virðingarfyllst

Dr. Símon Jónsson

[Pétur Örn Björnsson (IP-tala skráð) 23.5.2016 kl. 12:04]

Takk fyrir góðan pistil Ómar.  Það er ástæða að vekja hér athygli á skrifum Lilju Mósedóttur á fésbókinni á laugardag.  Enginn fjölmiðill hefur séð ástæðu til að vitna til þeirra.  Þeir láta sem hún sé ekki til, því orð hennar eru svo skelfilega sönn:

Lilja Mósesdóttir

May 21 at 9:41am · 

 

Það er algjörlega óásættanlegt að „losa höftin“ með því að láta íslenskan almenning taka á sig stórfelda lífskjaraskerðingu til að hámarka verðmæti eigna sem hrægammar keyptu með miklum afslætti á brunaútsölu eftir hrun. Stjórnvöld sem ekki skattleggja allar innistæðulausar bólueignir (eignir kröfuhafa og aflandskrónueigna) við „losun hafta“, eins og ég lagði m.a. til í nóvember 2008, eru ekki að gæta hagsmuna almennings og heldur ekki að leysa snjóhengjuvandann varanlega. Skattlagning er ekki brot á eignarrétti hrægamma og því eina færa leiðin til að losa okkur undan oki þeirra. Gæti stjórnvöld ekki hagsmuna almennings með skattlagningu snjóhengjunnar kemur til kasta forseta Íslands að senda lög um losun hafta í þjóðaratkvæðagreiðslur. Það er því mikilvægt að kjósa forseta sem mun senda slík lög í þjóðaratkvæðagreiðslu eins og gert var í Icesave málinu.

 

 
Hrægömmum sem keyptu eftir hrun verðlitlar kröfur á föllnu bankana og verðlausar aflandskrónueignir tókst með aðstoð AGS, ríkisstjórnarflokkanna eftir hrun, seðlabankans og innlendra sérfræðinga að tryggja sér hagstæðustu leiðina við „losun hafta“. Ávinningur íslenska stjórnkerfisins er klapp á bakið frá „alþjóðasamfélaginu“ fyrir að standa vörð um hagsmuni hrægamma og ríkulegir bónusar til sérfræðinga hrægammanna. Samstarfsaðilar hrægammanna á Íslandi og fjölmiðlar þeirra lögðu mikið á sig í aðdraganda síðustu kosninga til að tryggja kjör flokka sem ekki ógnuðu hagsmunum þeirra. Það tókst og hrægammarnir fengu 400-500 milljörðum meira í sinn hlut við uppgjör föllnu bankanna, þar sem þeim var aðeins gert að greiða stöðugleikaframlag en ekki stöðugleikaskatt.

 

 
Frá hruni hefur skuldsetti hluti þjóðarinnar verið neyddur með aðstoð lífeyrissjóðanna að fjármagna ávöxtun verðlítilla eigna hrægamma sem hafa verið lokaðar inni í hagkerfinu. Ávöxtunin í formi vaxta og verðtryggingar er hærri en nokkur samanburðarþjóð treystir sér til að standa undir. Evrópumetið í ávöxtun fjármagns hefur étið upp eignir skuldsettra heimila og fyrirtækja ásamt því að ræna lífsgæðum frá unga fólkinu okkar. Unga fólkið hefur því ekki haft sömu tækifæri til að fjárfesta í íbúðarhúsnæði og nýta menntun sína á vinnumarkaði eins og kynslóðarinar á undan henni. „Losun hafta“ nú mun ekki losa þjóðina undan vaxtaokrinu, þar sem lokka á hrægamma til að halda áfram að ávaxta fé sitt á Íslandi með evrópumeti í vaxtastigi – þökk sé Seðlabanka Íslands sem kann engin önnur ráð við efnahagsvanda. Auk þess þarf að tryggja lífeyrissjóðunum, sem ekki falla undir „losun hafta“, viðunandi ávöxtun eftir mikla rýrnun sjóðanna í hruninu. 

 

Losun aflandskróna út úr hagkerfinu er gleðiefni fyrir hrægamma sem keyptu aflandskrónueignir á brunaútsölu eftir hrun og íslenska fjárfesta sem hafa skráð eignarhaldið á erlend aflandsfélög. Þessir aðilar geta nú farið út úr hagkerfinu með „eignir sínar“ á meðan íslenskur almenningur, fyrirtæki og lífeyrissjóðir sitja eftir innan fjármagnshafta.

Hér er í raun verið að verðlauna þá Íslendinga sem nota aflandsfélög til að fela eignarhald sitt til að sniðganga lög og skatta. 

 

Í nýjasta frumvarpinu um losnun hafta er viðurkennt að ekki verði hægt að losa út allar aflandskrónueignir, þar sem íslenska þjóðin hefur ekki efni á að fjármagna útstreymi 319 milljarða og annarra krónueigna á leið úr landi. Það verður því áfram hætta á að seðlabankinn missi stjórn á útstreymi innistæðulausa bólufjármagnsins við losun hafta. Það mun leiða til lækkunar á gengi krónunnar, aukinnnar verðbólgu og þyngri vaxtabyrði skuldsettra heimila og fyrirtækja. Slíka áhættu hafa stjórnvöld ekkert umboð til að taka og eiga því að grípa til skattlagningar til að eyða vandanum.

[Dr. Símon Jónsson (IP-tala skráð) 23.5.2016 kl. 13:21]

Blessaður enn og aftur Ómar Geirsson

Hvert er þitt svar við því að ríkisstjórn Sigmundar Davíðs Gunnlaugssonar og Bjarna Benediktssonar

hefur nákvæmlega sama seðlabankastjóra og Jóhanna Sigurðardóttir og Steingrímur J. Sigfússon

handvöldu til starfans að undirlagi og skipan AGS og ESB, Má Guðmundsson?

Er það ekki undarlegt að fólk sem kennir sig við sjálfstæði og framsókn skuli vera ESB sinnar, á laun?

Virðingarfyllst

Dr. Símon Jónsson 

[Sigurður K Hjaltested (IP-tala skráð) 23.5.2016 kl. 13:22]

Hvar eru allir mótmælendur sem vildu SDG burt..??? Hvar eru allir mótmælendurnir sem ráku síðustu ríkisstjórn frá og hvers vegna getur BB og ON setið í ríkisstjórn og áttu líka aflandsfélög....?? Er ekki sama hver á hvað..?? Mega bara sumir og aðrir ekki..?? Hvers vegna er fólki alveg sama um sína framtíð og þeirra barna..?? Ætlar InDefence að bregðast við með SDG innanborðs...?? Ef svo yrði, fengi hann algjörlega uppreista æru, alla vega frá mér. Eitthvað verður að gerast. Ef ekkert verður að gert, munu þeir Íslendingar sem eftir verða á skerinu, lepja dauðan úr skel næstu áratugina vegna algjörs aumingjaskapar, svo vægt sé til orða tekið.

[Pétur Örn Björnsson (IP-tala skráð) 23.5.2016 kl. 13:27]

Sigurður, Indefence hefur brugðist við,

en SDG hefur fyrir löngu snúið baki við Indefence, það sýndi atkvæðagreiðslan í gærkvöldi.  Meðfylgjandi er ályktunin frá Indefence:

Reykjavík, 21.maí 2016 Umsögn InDefence um frumvarp til laga um meðferð krónueigna sem háðar eru sérstökum takmörkunum Þann 8. júní 2015 kynntu íslensk stjórnvöld heildstæða áætlun um losun fjármagnshafta. Sú áætlun átti að vera grundvölluð „á hagsmunum heimila og fyrirtækja enda er það skilyrði aðgerðanna að raunhagkerfið taki ekki út frekari aðlögun en þegar er orðin". Heimilin bíða enn Fyrr á þessu ári hleyptu stjórnvöld kröfuhöfum gömlu bankanna út fyrir höftin og nú er verið að tryggja aflandskrónuhöfum greiða leið út úr þeim. Það er gert með aðferðafræði sem lýst er í 42 blaðsíðna skjali með frumvarpi sem InDefence hópurinn og aðrir umsagnaraðilar fá aðeins nokkrar klukkustundir til að meta. Enn bólar þó ekkert á áætlun fyrir almenning, fyrirtæki og lífeyrissjóði á Íslandi, sem bíða eftir því að heyra hvort greiðslujöfnuður þjóðarbúsins verði nægilega jákvæður til að losna líka úr fjármagnshöftum. Óþarfa áhætta Fyrri umsagnir InDefence hópsins um áætlun stjórnvalda um losun fjármagnshafta hafa bent á að forgangur kröfuhafa og aflandskrónuhafa út úr höftum sé bæði óþarfur og skaðlegur. Þótt gjaldeyrisinnflæði vegna ferðaþjónustunnar hafi gjörbreytt stöðu þjóðarbúsins á síðustu þremur árum er gjaldeyrisstaðan samt sem áður þröng og hætta á því að almenningur, fyrirtæki og lífeyrissjóðir á Íslandi verði eftir í höftum til langs tíma. Það er áhætta sem íslenska þjóðin ætti ekki að að þurfa að taka. Stjórnvöld lofuðu að verja kaupmátt almennings gegn því tjóni sem útstreymi gjaldeyris til kröfuhafa slitabúanna og aflandskrónuhafa veldur. Fyrirspurnum ekki svarað Þrátt fyrir ítrekaðar beiðnir InDefence hópsins, hafa stjórnvöld enn ekki svarað því hvenær þjóðin muni losna undan höftum. Upplýsingabeiðnir InDefence hópsins til Seðlabanka Íslands liggja eftir ósvaraðar og fjármálaráðherra svarar ekki einu sinni margítrekaðri beiðni um fund til að ræða áætlun stjórnvalda um losun fjármagnshafta. Niðurstaða Það er óásættanlegt að kröfuhafar slitabúanna og aflandskrónuhafar komist út úr fjármagnshöftum með stórar upphæðir í erlendum gjaldeyri, sem skerða varanlega lífskjör almennings, fyrirtækja og lífeyrissjóða á Íslandi. Enn er ekki ljóst hvenær Íslendingar munu losna úr höftunum, þótt öllum öðrum hefur verið hleypt út. 

[Sigurður K Hjaltested (IP-tala skráð) 23.5.2016 kl. 15:26]

Kærar þakkir fyrir þessar upplýsingar Pétur Örn.

M.b.kv.

[Guðjón E. Hreinberg, 23.5.2016 kl. 19:05]

Fínn pistill - ég skil samt ekki þetta fjármagnshafta og aflandskrónu dæmi. Mig vantar gott lesefni yfir þennan spuna. Það er fnykur af þessu en ég skil það ekki nægilega vel. Ennfremur; hvers vegna þurftu *þeir* að losna við Sigmund áður en þetta væri gert?

[Guðmundur Ásgeirsson, 23.5.2016 kl. 21:06]

Guðjón. Það eina sem þarf að skilja er að þetta er eins og hver önnur fjársvik. Eini munurinn er að hér eru svikamyllurnar umfangsmeiri og flóknari. Það þjónar ekkert endilega miklum tilgangi fyrir okkur venjulega fólkið að vera að reyna að greina þær niður í smáatriði, því það er svo auðvelt að týna sér í þeim. Þess vegna er það líka hluti af hönnunni á þessum svikamyllum að það sé erfitt og jafnvel ómögulegt að skilja þær út frá pappírunum og opinberum skrám eingöngu. Oft er ekki hægt að tengja saman þræðina nema á grundvelli vitneskju sem býr kannski bara í höfðinu á einum manni eða á handskrifuðu blaði sem hann geymir og hefur hvergi átt viðkomu á opinberum skrám eða internetinu. Það er eitt af grundvallaratriðum skipulagðrar glæpastarfsemi, að hún sé látin líta út á yfirborðinu eins og hún gæti allt eins verið lögleg, en um leið að fela alla ólöglegu hlutina langt á bakvið tjöldin. Þess vegna skaltu ekki hafa neinar áhyggjur þó þú skiljir fyrirbærið til hlítar, því það er einfaldlega ekki hægt að ætlast til þess af þér. Það sem er aðalatriðið í þessu er það er um að ræða flóknar fléttur sem eru hannaðar af þeim sem búa þær til þannig að þær skili einhverjum ávinningi, annars væru þeir ekki að því. Stundum tekst þeim jafnvel að útbúa svo vel heppnaðar leikfléttur að þær ganga alveg upp án þess að tæknilega séu nein lög brotin, og slíkar svikamyllur eiga það til festast í sessi því þá er hægt að komast upp með sjálftökuna um langa hríð.

[Dr. Símon Jónsson (IP-tala skráð) 23.5.2016 kl. 22:20]

Á sunnudagkvöld gáfu stjórnvöld lið 5 lagalegt gildi:

5. Þú bíður í nokkur ár en svo sérðu tilboð Seðlabankans um að taka þátt í gjaldeyrisútboði. Þú tekur því og færð þriðjungs ábót á "vinninginn" og átt allt í einu 1.200 milljónir. Seðlabankinn tryggir þèr nafnleynd svo ekki sé unnt að lesa saman nöfn þáttakenda við afskriftalistana.

Framhaldið er einfalt fyrir útrásarvíkinga og aðra þá sem eiga eignir á aflandseyjum, s.s. fjármálaráðherra og fyrrv. forsætisráðherra og aðra hrægamma, vini, fjölskyldur, ættmenni og aðra venslamenn þeirra:

6. Þú kaupir þér teinótt jakkaföt og gerist "fjárfestir". Ásamt félögum þínum kaupir þú banka af ríkinu, sem gleðst yfir vel heppnaðri einkavæðingu og lýsir yfir sigri og fagnar að samkeppni virðist komin í bankaþjónustu. 

[Dr. Símon Jónsson (IP-tala skráð) 23.5.2016 kl. 22:26]

Brynjar Níelsson, varaformaður efnahags- og viðskiptanefndar, tók það sérstaklega fram að eignirnar skiptu mestu máli,

en alls ekki nöfn eigendanna.  Þeim skyldi því haldið leyndum.  D-hópur, B-hópur, S-hópur, V-hópur?  

Engeyjar- eða Kögunar-hópur? 

[Ómar Geirsson, 23.5.2016 kl. 22:31]

Blessaður Dr. Símon.

Í sjálfu sér er stærðargráða þessa máls, ef það er skoðað í samhengi við Gjöfina einu, slíkt að venjulegt pólitískt dægurþras nær ekki að höndla það.  Bessastaðir, hvern fjórflokkinn á að kjósa, hver er ögn skárri en hinn og svo framvegis, þetta skiptir í raun ekki máli.

Glæpræðið eða þjófræðið er algjört.

Aðeins algjör úthreinsun hefðbundinna stjórnmála mun duga til að þjóðin, það er almenningur fái endurheimt lýðræðið eins og það var áður en fjórfrelsis gáttin var opnað.  Fólk veður að skilja að lýðræði þar sem ólíkir hagsmunahópar og hagsmunatengsl takast á um völdin, er þó ófullkomið sé, allt annar hlutur en það gerræði þar sem örfáir einstaklingar fá að stela öllu steini léttara, þar með talið stjórnmálunum og stjórnmálaflokkunum.

Í dag er þetta allt á sömu bókina lært, nema í bókinni er aðeins ein blaðsíða, og það þarf mjög skyggð flokksgleraugu til að sjá einhvern mismun eftir því hvaða flokkar fara með völd hverju sinni.  Bjarni í samstarfi við Má vin sinn er einfaldlega að vinna að sömu stefnu og ríkisstjórn Jóhönnu, stefnu sem aftur var mörkuð af ríkisstjórn Geirs Harde í samstarfi við AGS.

Þá stefnu að festa þjófræðið í sessi og hirða öll verðmæti úr landinu sem ekki voru naglföst.

Vissulega er góðæri í dag, það árar vel til sjávar og sveita, en þegar það góðæri þornar upp, eins og alltaf gerist, þá mun allt hrynja á ný, því undirstöðurnar eru feysknar.

Nú þegar er hluti lífskjaranna fenginn með innstreymi gjaldeyris vegna vaxtamunaviðskipta, líkt og var fyrir Hrun.  Og þegar ferðamannaiðnaðurinn höktir, sem hann mun gera sökum sívaxandi spennu í heiminum, þá er innistæðan tæmd, fjármagnsflótti mun bresta á þar til gjaldeyrissjóðir tæmast.

Óhjákvæmilegt kennir sagan.

Hjá þjóðum sem hafa ekkert lært.

Nei, það skiptir ekki máli hvað lepparnir heita, það skiptir öllu máli að þetta eru Leppar og Skreppar hins sístelandi fjármagns.

Og það þarf að skipta þeim öllum út.

Kveðja að austan.

[Dr. Símon Jónsson (IP-tala skráð) 23.5.2016 kl. 22:43]

Það var ekki nóg með að núverandi ríkisstjórn hrægamma og annarra vildarvina

gæfi þeim 500 milljarða með því að sleppa þeim við stöðugleikaskattinn/windfall skattinn

sem hann hefði veitt þjóðarbúinu í aðra hönd, umfram stöðugleikaframlagið.

Það var og mun áfram verða bætt um betur meðan á "losun" gjaldeyrishafta, fyrir sérvalda, á sér stað.  

Samtímis mun misréttið vaxa svo mjög hér á landi að þjóðin mun grátbæna um að fá inngöngu í ESB

og Guðni Thorlacius mun verða ljúflega við þeirri ósk.

Bjarni Benediktsson sem ætíð hefur verið veikur fyrir evrum mun þá fagna því.  Hið sama mun Sigmundur Davíð gera.

Ég ítreka:

Aflandseigna-stór-eignamennirnir Sigmundur Davíð Gunnlaugsson og Bjarni Benediktsson eru rýtingar í bak þjóðarinnar.

[Ómar Geirsson, 23.5.2016 kl. 22:48]

Blessaður Pétur Örn.

Hvaða fjölmiðill ætti að hafa áhuga á orðum Lilju??  Hún segir satt, sem er bölvaður ósiður í landi þar sem alræði Örfárra er bitur staðreynd.

Ég las þetta hjá Lilju, en ákvað að halda mig við það að fara allar leið, að kalla hlutina þeim nöfnum sem alþjóðleg sátt er um að kalla þá.

Hvernig sem á þetta er litið, þá er þetta peningaþvætti, það er verið að gera illa fengið fé löglegt, og það er gert með fjármunum þjóðarinnar.

Lilja kemur hins vegar vel inná hvernig hið verðlausa er gert að verðmætum fyrir atbeina Alþingis og Seðlabanka.  Sem er annar glæpur, ekki síður alvarlegur.

Gæsagangurinn vitnar í hagvöxtinn og velmegun hluta þjóðarinnar.  Það er rétt eins langt og það nær.  Það var líka mikill hagvöxtur í Sovéska hagkerfinu á dögum Stalíns, og eftir stríðið vænkaðist hagur fólks. 

En hvorki hagvöxturinn og velmegun sumra breytti samt ekki þeirri staðreynd að Sovétið var glæpamannasamfélag, þar sem fjöldinn var bæði kúgaður, og arðrændur af Örfáum.  Og þó gæsagangur kommúnista hafi talið sér í trú um að forsenda hagvaxtar og velmegunar væri glæpræði undir stjórn glæpamanna, þá var það nú bara svo að hagvöxtur var líka mikill í vestrænum löndum, lífskjör til lengdar mun betri, og þar var lýðræði, ekki glæpræði.

Furðulegur heilaþvottur að telja sjálfum sér í trú um að hér væri allt í kalda koli, ef þjóðin hindraði Örfáa fjárglæpamenn í að stela hér öllu steini léttara.

Svo furðulegur að Dúdú fuglinn virkar ofsagáfaður í samanburðinum.

Hvað er að lýðræði??, hvað er að réttlátri skiptingu gæðanna???

Hvað er að velmegun og velsæld fjöldans??

Hví treysta menn sér ekki í að byggja upp samfélag sem er laust við ægivald hinna Örfáu??

Er 10.000 ára arðrán ekki nóg??

Ég bara spyr.

Kveðja að austan.

[Ómar Geirsson, 23.5.2016 kl. 22:59]

Takk fyrir innlitið félagar, Sigurður, Guðjón og Guðmundur.

Vil ítreka orð Guðmundar, maður þarf ekki að skilja allt sem þessir fjárglæpamenn gera, ekki frekar maður þarf að skilja hvernig nútímabankaræningjar fara að í ránsskap sínum.  Það dugar að vita, að rán er rán, þjófnaður er þjófnaður, og maður á að vita að flokkslitur eða þjóðfélagstaða gerandanna á ekki að skipta máli þegar tekist er á við ránsskap og glæpi.

Og ólög, sett af gjörspilltum stjórnmálamönnum, sem gera suma fjárglæpi löglega, skipta heldur ekki máli.

Rán er rán, þjófnaður er þjófnaður.

Og þeir sem ólögin setja, eru aðeins sekir um hlutdeild, ekkert annað.  Verknaðurinn er alltaf jafn ólöglegur fyrir það.

Morð eru morð, jafnvel þó ólög alræðisstjórna gera þau lögleg. 

Eftir Nurnbergréttarhöldin þarf ekki að deila um það.

Og fjárglæpamenn nútímans munu fá sín Nurbergréttarhöld áður en yfir líkur.

Þessir glæpir er aðeins geymdir, ekki firndir.

Og réttlætið mun hafa sinn gang.

Að lokum.

Kveðja að austan.

[Dr. Símon Jónsson (IP-tala skráð) 23.5.2016 kl. 23:20]

Blessaður Ómar Geirsson

það er augljóst, þökk sé ýmsum samfélagsmiðlum, að jafnvel hinu dagfarsprúðasta fólki blöskrar nú viðurstyggðin.

En með haustinu munu stjórnvöld kasta nokkrum aurum til þess og það mun koma jarmandi til slátrunar, þakklátt brauðmylsnunni.

En strax að afloknum þingkosningum, mun Guðni Thorlacius Jóhannesson taka við mótmælum á undirskriftalistunum

og vegna verka Bjarna Benediktssonar og Sigmundar Davíðs Gunnlaugssonar mun þjóðin segja já, þrautpínd, við inngöngu í ESB.

Það verða hörmuleg örlög íslensku þjóðarinnar, en græðgi og siðrof stjórnarherranna gagnvart þjóðinni gerir það að verkum

að þjóðin mun sjá sig nauðbeygða til þess.  Nema, já nema heiðarlegir íhaldsmenn innan Sjálfstæðisflokksins losi sig við Icehot 1.

Og heiðarlegir Hriflungar losi sig við Kögunarbarnið.  Kannski þannig, já, kannski þannig er enn von.

Virðingarfyllst

Dr. Símon Jónsson

[Pétur Örn Björnsson (IP-tala skráð) 24.5.2016 kl. 09:59]

Tek undir orð þín Ómar að það er ótrúlegt að almenningur skuli láta örfáa ræna sig aftur og aftur og aftur.

Það mætti halda að íslenska þjóðin væri svo forlagatrúar að hún héldi að það væru svo mörg líf eftir dauðann að henni finnist allt í lagi að láta ræna sig aftur og aftur og aftur í þessu lífi.  Kannski hún sé orðin múslimatrúar og haldi að hennar bíði sægur af kærustum í næsta lífi ... eða þarnæsta eða einhvers staðar í langtíburtistan landi?  Eða kannski er það bara þrælsóttinn og höfðingjasleikjuhátturinn, rakka-vesaældómurinn? 

[Bjarne Örn Hansen (IP-tala skráð) 24.5.2016 kl. 10:12]

Þessi "mynd" af undankomu manna við hrunið 2008, gildir ekki í dag.  Ekki ætla ég að segja um það, hvort það hafi gilt þá ... dreg það þó stórlega í efa. Og sú ímyndun að þetta sé innihald "panama" skjalana, er alveg út í hróa-hött. Panama skjölin voru gefin út, vegna þess að ákveðin ríki vildu koma á fót breitingum, en höfðu ekki til þess neinn lagalega fót ... svo skjölunum var varpað í kjöltu almennings, sem hafði ekki einu sinn vit til að athuga út á hvað þetta gekk.

Ekki fremur en 2008.

Hitt hefurðu svo rétt í, að til landsins koma erlendir aðilar með fé ... sem þeir síðan setja inn í Íslenskt kerfi og fá ókeypis "laxaveiði" í staðin, og klapp á bakið ... og lykilinn að borgarhliðinu líka.  Fiskvinnslan á Íslandi, er ekki lengur "hágæða" vara eins og áður var, enda að mestu leiti í höndum erlendra aðila sem láta sig "gæði" littlu skipta.

En þetta er Íslendingum sjálfum að kenna jú ... þessu leiti hefurðu rétt fyrir þér líka.  Það er engin samstaða í landinu, um eitt eða neitt ... annað en að fara á fyllerí um helgar, og spila stórlaxa.

[Ómar Geirsson, 24.5.2016 kl. 12:08]

Blessaður Bjarne.

Það eru góðir punktar hjá þér að ofan, en kjarninn er sá að þú áttar þig ekki á að þú kóar með þjófum og ræningjum, sem í raun eru með sama eðli og þeir sem misþyrmdum Rússum í 70 ár eða svo.

Alræði Örfárra stjórnar gæsagangi hægri manna í dag.

Þið fáið ykkar brauð og leika, eitthvað múslímskt eða innflytjanda eitthvað, og jafnvel frétt um þau Steingrím og Jóhönnu, og þið haldið takti um leið.

Sírænd, og ekkert lát þar á.

En ekki að mér sé ekki sama.

Ég skrifaði þennan pistil að skyldu, og er mjög hissa að sjá einhvern úr hópi gæsagangara birtast hér.

En gaman að sjá þig Bjarne, megir þú halda taktinum lengi og vel.

Kveðja að austan.

[Helgi (IP-tala skráð) 23.6.2016 kl. 22:25]

Ef menn hér telja þetta vera peningaþvætti eða annað slíkt ólöglegt ætti að vera einfalt að kæra þetta til lögreglunnar eða annarra yfirvalda s.s. ríkissaksóknara.

Það mun hins vegar enginn hér gera.

[Helgi (IP-tala skráð) 23.6.2016 kl. 22:28]

@16:

Ágæti doktor: Braut SDG einhver lög? Hefur verið sýnt fram á að hann hafi brotið lög?

Er málið kannski hatur vinstri manna á Framsókn?