Framboð knúið áfram af hatri og heift.

 

Fær mikla athygli Morgunblaðsins enda Mogginn í hinu vanheilagabandalagi með Baugsmiðlum um að koma Ólafi frá völdum.

Heiftin skýrist af því að báðir aðilar fengu á sig synjunarvald forsetans, ritstjóri Morgunblaðsins synjun á fjölmiðlalögunum, sem átti að koma böndum á eignarhald auðmannsins á fjölmiðlum, og auðmaðurinn sem hann vildi setja í bönd, fékk á sig ICEsave synjuna sem eyðilagði áform hans um að koma sínum verðlausa illa fengnu fé í evrur.

Sameiginlegur harmur sem þarf að hefna hefur síðan gert þessa fyrrum höfuðóvini að fóstbræðrum sem gera út á þekkt mið umræðustjórnunar á Íslandi.

Að kynda undir hatrið og heiftina sem sameinar andstæðinga Ólafs Ragnars.

 

Ólafur feldi drauminn um skuldaþrælkun þjóðarinnar, en af einhverjum annarlegum ástæðum sem enginn fær skilið sem ekki er innvinklaður í hinn sjúka hugarheim ICEsave stuðningsins, þá töldu Evrópusinnar að samþykkt fjárkúgunar breta væri forsenda þess að þjóðin kæmist í ESB.

Þetta er ekki fyrirgefið og verður ekki fyrirgefið.  Spurningin hvort hann verður ekki grafinn upp í skjóli nætur þegar þar að kemur.

 

Það er því viðeigandi að létt hafi verið yfir mönnum.

Nú sjá menn fram á fall Ólafs, ESB sinni sem tíðrætt er um þjóðrembu landans, til dæmis þegar landinn vildi ekki greiða skuldir auðmanna, verður forseti og draumur auðmanna um nýja stjórnarskrá sem gerir þá ósnertanlega, verður að veruleika.

Menn hafa hlegið af minna tilefni.

 

En þessir hatursmenn lýðræðis og sjálfstæðis vanmeta Ólaf illilega.

Hann er ekki dauður, hann er reiður.

Hann mun berjast. 

 

Til þess hefur hann styrk.

Hann er ekki fjölmiðlaímynd.

 

Og mikið eru ICEsave þjófarnir heimskir þegar þeir halda að allir hinir frambjóðendurnir lúffi og flýi af hólmi vegna þess að þeirra frambjóðandi er mættur.

Þeir mun mótmæla fjölmiðlamisnotkuninni.

Þeir munu mótmæla beinni mismun Ruv þar sem framboð Guðna fær alla athygli, en þeir heppnir ef það var minnst á framboð þeirra.

Það er ekki erindi ríkisstofnunar að þjóna einum frambjóðanda, það er hlutverk Baugsmiðla.  Þeir eru í eigu auðmannsins, en Ruv á að heita í þjóðareign.

 

Framboð Guðna hefur þegar skotið sig í fótinn.

Það er svo augljóslega kostað.

Tilgangur þess er ekki leyndur.

 

Ísland í Evrópusambandið.

Ný stjórnarskrá fyrir auðmenn.

 

Verði þjóðinni að góðu.

En ég held að hún fúlsi við hinum úldnu kræsingum.

 

Því Íslendingar hafa aldrei verið hrifnir af því að vera sagt fyrir verkum.

Hefur eitthvað með þjóðrembuna að gera.

Kveðja að austan.

Forsetinn á ekki að vera ópólitískur

Athugasemdir

[B.N. (IP-tala skráð) 6.5.2016 kl. 10:46]

Bingó!

Baldvin Nielsen

[Jónas Gunnlaugsson, 6.5.2016 kl. 11:29]

Þú er snjall, já, "ICESAVE FRAMBOÐ" ?

Egilsstaðir, 06.05.2016  Jónas Gunnlaugsson

[Jónas Gunnlaugsson, 6.5.2016 kl. 11:31]

Þú ert snjall, já, "ICESAVE FRAMBOÐ" ?

Egilsstaðir, 06.05.2016  Jónas Gunnlaugsson

henda hinu

[Halldór Egill Guðnason, 6.5.2016 kl. 11:34]

Sem ómenntaður sjómaður, að springa úr þjóðernisembingi, segi ég nú bara amen á eftir efninu. Þakka skorinortan og kraftmikinn pistil.

 Góðar stundir, með kveðju að sunnan.

[Dr. Símon Jónsson (IP-tala skráð) 6.5.2016 kl. 12:17]

Blessaður Ómar Geirsson,

vert er að hafa í huga að aðförin að Ólafi Ragnari hefur lengi verið í gangi hjá fjölmiðlum og m.a. hefur þar Guðni ekki legið á liði sínu.

Í grein sem birtist á kjarninn.is og sagnfræðingurinn Guðni nefnir svo ósmekklega, Hvað er eiginlega að Ólafi Ragnari?,

segir hann m.a. og virðist þar lýsa sjálfum sér og fyrir hvað hann, Guðni Th. Jóhannesson, muni hins vegar standa, hálfvolgur og hikandi.  

Það er sem sjá má draumsýn og von Guðna að forsetinn skuli vera hálfvolgur og hikandi, hvorki né, strengjabrúða

og þeirri draumsýn deilir hann með mogganum og baugsmiðlum, því sem Ómar Geirsson nefnir réttilega, hinu vanheilaga bandalagi

um að koma til valda sameiningartákni þeirra um óréttlætið: 

Kannski gæti öðruvísi forseti um okkar daga samt náð að sætta fólk og lýsa betur hinum ólíkum skoðunum sem einkenna nútímasamfélög.  Kannski sumum þætti það veikari forseti, hálfvolgur og hikandi. Það yrði þá að hafa það og vissulega væri það synd ef hugmyndin um sameinandi þjóðhöfðingja, sem Íslendingar áttu sér við lýðveldisstofnun, heyrði nú sögunni til. Sameiningartákn þarf ekki að vera hnjóðsyrði, ekki frekar en umburðarlyndi svo annað dæmi sé tekið.

[Ómar Geirsson, 6.5.2016 kl. 15:17]

Takk fyrir innlegg ykkar félagar.

Það er kannski eitt sem ég þarf að taka fram, og það er útskýring þess að silkitungan er ekki notuð í þessum pistlum mínum um forsetaframboð Guðna Té.

Aflandseigandafélagið gaf tóninn með rógsherferð sinni.

Eitthvað sem Guðni gat svarið af sér, og frábeðið sér slík vinnubrögð leikstjóra sinna.

En gerði ekki og þar með er leikreglan einföld.

Hart á móti hörðu.

Kveðja að austan.

[Dr. Símon Jónsson (IP-tala skráð) 6.5.2016 kl. 16:38]

Blessaður Ómar Geirsson,

nú er svo komið að Guðni skammar aðra frambjóðendur fyrir að hafa skoðanir.  Sjálfur segist hann samt ætla að stunda jákvæða kosningabaráttu. Það er einhver undarleg þversögn í öllu hans tali, hálfvolgur og hikandi, hvorki né, en slæmir samt hendi að öðrum frambjóðendum  

Í dag á stundin.is er nú birt þessi frétt, eða hvað á nú að kalla þessi skrif á stundin.is um viðtal við Guðna í morgunútvarpi ríkisútvarpsins, en tilgangurinn virðist augljós, að fá alla aðra frambjóðendur til að hætta við framboð sitt svo Guðni verði einn í framboði:

forseti á að standa utan helstu átaka- og deilumála í samfélaginu og að þau baráttumál sem Andri Snær Magnason hefur sett á oddinn eigi frekar heima hjá þeim sem hugsa um framboð til Alþingis. „Nú vil ég ekkert taka hann sérstaklega fyrir, þetta gæti líka átt við um Sturlu Jónsson og Ástþór Magnússon,“ bætti hann við í viðtali viðMorgunútvarpið á Rás 2 í morgun. 

Guðni segist sjálfur ekki hafa sett á oddin ákveðin baráttumál, því gerði hann það ætti hann frekar að hugsa til þingkosninga í haust. „Þar er átakavettvangurinn,“ útskýrir hann. „Alþingi er vettvangurinn fyrir þá sem vilja berjast fyrir betra heilbrigðiskerfi, auknum jöfnuði, lægri sköttum, hærri sköttum, náttúruvernd og svo framvegis. Ef við fáum á Bessastaði forseta sem hefur að markmiði að vera í öðru liðinu í átakamálunum þá missir stór hluti þjóðarinnar sinn málsvara. Forseti á að vera forseti þeirra sem er með aðild að Evrópusambandinu, ef það eru einhverjir ennþá til sem hugsa á þann veg, og hann á líka að vera forseti þeirra sem eru á móti aðild að Evrópusambandinu. Hann á að vera forseti þeirra sem óttast að við séum að eyðileggja íslenska náttúru og hann á líka að vera forseti þeirra sem segja að það sé allt í lagi að virkjun rísi á þessum stað. Forseti á að hlusta á alla.“

Guðni Th. tilkynnti um forsetaframboð sitt í gær. Ræðan sem hann hélt við tilefni hefur vakið talsverða athygli en margir töldu að hann væri beinlínis að beina orðum sínum að Ólafi Ragnari Grímssyni, sitjandi forseta, þegar hann sagði að forseti ætti að vera kappsamur án drambs, standa við orð sín og hafa ekkert að fela. Guðni segir aftur á móti að sitjandi forseti sé ekki þungamiðjan í sinni kosningabaráttu og að orðum sínum væri ekki beint til hans frekar en annars. Hann vilji reka jákvæða og skemmtilega kosningabaráttu. 

[Grímur Kjartansson (IP-tala skráð) 6.5.2016 kl. 19:53]

Ef maður hugsar að það er um mánuður í forsetakosningar

þá var heilsíðuumfjöllun MBL í gær um fjármaál Dorrit svo nákvæm að það væri smjatt á bragðalusum bita að birta fleiri greinar

svo var Davíð að gera Ólafi greiða í gær?

[Eygló (IP-tala skráð) 6.5.2016 kl. 20:20]

En hvað þið eruð fyndnir svona æstir strákar, bráðum fáið þið líka fótboltann til að æsa ykkur yfir. Ég ætla að kjósa Guðna og kveðja fortíðina. Ást og friður!

[Ómar Geirsson, 6.5.2016 kl. 20:26]

Blessaður Grímur.

Það er spurning.

Því Davíð er Steingeit, og steingeitur eru margt, en ekki illa gefnar.

Ég vísa í Davíð, en það er bara til að vísa í eitthvað sem fólk samsinnar sig við.  Því þessir pistlar mínir mega ekki vera dæmigerðir um þá pistla þar sem fólk meðtekur ekki alveg rök mín.

Því núna er það alvaran, við erum í stríði.

En ég tel að Davíð sé annað að tveggja, fíflaður til að láta stjórnast af gremju sinni, og ekki sá fyrsti sem lætur fíflast á þann hátt, eða það sem mig grunar, að gamli vinnumaður Jóns Ásgeirs, Óskar útgefandi eins og hann kallar sig en er í raun væ-orðið sem selur sig hæstbjóðanda, stjórni hinum ömurlegum skrifum Morgunblaðsins.

Sem passar, Davíð er ekki svo illa gefinn að gera Ólafi þann greiða að yfirkeyra níðið.

Það lægsta af hinum lágu, gín við þessu.  En það er kvikt fylgi, það fellur fyrir næstu skítabombu.

Vitiborið fólk sér hinsvegar í gegnum svona síbylju, það fer að spá í hvað að baki býr.

Sem er greiði fyrir Ólaf.

Hins vegar þarf Ólafur ekki greiða.

Vit hans og manndómur  mun fela Guðna í brjóstvasa Ólafs.

Og gamlir baráttufélagar í ICEsave andstöðunni munu fylkja sér um hann.

Við erum sigurvegarar, en ICEsave þjófarnir eru margdæmdir lúserar.

Og það mun engin breyting verða þar á.

Jafnvel þó fyndna fólkið á móti hlaupi í skjól Jóns Ásgeirs.

Það er eins og vindurinn, það blæs, en vindurinn byggði aldrei hús. 

Spyrjið bara Grísina þrjá.

Kveðja að austan.

[Ómar Geirsson, 6.5.2016 kl. 20:30]

Love Eygló,.

Þú hlýtur að vera barnlaus í marga ættliði.

Og það er ekkert til að æsa sig yfir.

United vinnur bikarinn, Fjarðabyggð fellur ekki, og Atletico vinnur meistaradeildina.

Hvert er þá málið?

Kveðja að austan.

[Dr. Símon Jónsson (IP-tala skráð) 6.5.2016 kl. 20:59]

Blessaður Ómar Geirsson,

nú er það svo að skörð eru nú þegar byrjuð að myndast í skjaldborgina um sagnfræðinginn.  Enda mátti það vera ljóst að hann gæti ekki borið kápufeld sinn á báðum öxlum og vonast til að virðing hans ykist við það.  Hálfvelgjan er nú þegar orðin hans akkilesarhæll.  Hræðsla hans undir feldinum var löng og sýndi að bara það að koma undan feldi og ákveða um sitt eigið mál olli honum vandkvæðum, hvað þá að hann muni geta sýnt alvöru manndóm þegar til alvöru mála kæmi, er varða heill og framtíð lands og þjóðar.  Þar er hann sem Gnarrinn, fígúra sem dansar með og fíflast.

Það er nú og þegar byrjað að kvisast út á minni fjölmiðlum að Jónas kranablaðamaður gefi nú frat í sagnfræðinginn og styðji nú Andra Snæ.  Rauðvínið sullast nú út um allt hjá vinstra liðinu meðan það froðufellir um það hvor eigi að lúffa og draga framboð Andra Snæs eða Guðna til baka.  Hégómagirndin gerir það að verkum að hvorugur vill lúffa og munu því tæta hvorn annan í sig þegar brigslyðrin byrja að fjúka sem hnútur um borð og storð.  Það er hlálegt að verða svo einnig vitni að því að gamlir sjálfstæðismenn eru nú einnig komnir í hirðfífla dansinn með 365 og Gnarrinum og sagnfræðingnum. 

[Elle_, 6.5.2016 kl. 22:38]

Ómar mér fannst nú svarið í númer 9 vera það æstasta og óþroskaðasta með mestu öfugmælin.  Kannski hún viti ekki að Ólafur er enn sigurvegarinn hvað sem hinu vanheilaga bandalagi og öfugmælaskrifum líður.

[Skúli (IP-tala skráð) 6.5.2016 kl. 23:34]

Jæja, hér er Guðni sjálfur búinn að hrekja það að hann sé ESB sinni eins og þið segið hann vera: http://www.visir.is/gudni-ef-rikisstjorn-reynir-ad-keyra-i-gegn-esb-adild-an-adkomu-thjodar-verdur-honum-ad-maeta-a-bessastodum/article/2016160509236

Þá er hægt að fara að hugsa um eitthvað annað...

[B.N. (IP-tala skráð) 7.5.2016 kl. 00:19]

Sæll Skúli

Eg var að lesa þessa frétt á visir.is sem þú ert að vísa í en þar segir Guðni m.a. ,,Ef gengið yrði til kosninga um ESB-aðild sagðist Guðni glaður segja nei við slíkri aðild.''

Guðni og hans fréttamenn verða að skilja að forsetinn hefur ekki neitunarvald hann getur aðeins frestað aðgerðum með því að senda samþykkt lög á alþingi í þjóðaratkvæðagreiðslu þar er neitunarvaldið hjá þjóðinni ekki forsetanum.

Ef Guðni verður forseti tapar hann ekki kosningarétti sínum og ef ESB aðild yrði vísað í þjóðaratkvæði af Guðna sem forseta sem dæmi getur hann kosið í leynilegri kosningu eins og þú og ég með eða á móti ESB aðild. Guðni er búinn að opinbera í þessari frétt í dag sem þú talaðir um í visir.is að hann ætli að kjósa persónulega á móti ESB ef forsetinn Guðni,Ólafur eða einhver annar sendið málið í þjóðaratkvæðagreiðslu

Baldvin Nielsen

[Arnór Baldvinsson, 7.5.2016 kl. 00:20]

Sæll Ómar,

Hvað sem öllu öðru líður þá finnst mér að Ólafur eigi ekki að fara aftur í framboð.  Hann er búinn að sitja í 20 ár og það er miklu meira en nóg.  Hann þarf ekki að verða ellidauður í þessu og það er hellingur af góðu fólki sem getur tekið þetta að sér.  Veitt ekkert um aðra sem eru í framboði enda flutti ég frá Íslandi árið sem Óli var kosinn;)

Kveðja,

[Skúli (IP-tala skráð) 7.5.2016 kl. 00:29]

B.N

"Guðni og hans fréttamenn verða að skilja að forsetinn hefur ekki neitunarvald hann getur aðeins frestað aðgerðum með því að senda samþykkt lög á alþingi í þjóðaratkvæðagreiðslu þar er neitunarvaldið hjá þjóðinni ekki forsetanum."

Ég held að Guðni viti það fullkomlega, líklega betur en flestir. Enda hef ég ekki séð hann halda öðru fram.

[Elle_, 7.5.2016 kl. 00:44]

Nei, Arnór, það er ekki hellingur af fólki sem getur verið forseti.  Ólafur er einn af fáum.  20 ár eða 70 ár skipta ekki máli þessvegna.

En af hverju alhæfir Skúli næstum alltaf þegar hann skrifar?  Eins og þarna í no. 14 skrifaði hann: " - -  eins og þið segið hann vera".  Hvaða ÞIÐ?

[Dr. Símon Jónsson (IP-tala skráð) 7.5.2016 kl. 00:50]

Guðni hefur sagt svo margt að undanförnu og margt af því er þversögn.  Hann hefur til dæmis sagt einn daginn um málskotsréttinn að hann vilji nýja og breytta stjórnarskrá svo fólk þurfi ekki að koma með blys í annarri hendi og undirskriftir í hinni.  Næsta dag lætur hann sem svo að hann ætli að beita málskotsréttinum.  Með hvaða stjórnarskrá ætlar hann að beita málskotsréttinum, þeirri sem hann vill í fyrra dæminu?  Nýja og breytta þar sem málskotsrétturinn yrði afnuminn, eða að taka á móti fólki með blys í annarri hönd og undirskriftir í hinni og segja svo við fólkið að hann sem forseti ráði þar engu. En auðvitað styðji hann persónulega kröfu undirskriftanna, hann geti bara ekkert gert, hann hafi jú alltaf viljað vera forseti allr, og því án valda, bara toppfígúran á Bessastöðum.  Nei, Guðni verður að gera betur til að sannfæra fólk um að hann sé ekki sá loðseppi sem hann hefur hingað til sýnt sig vers, en geðþekkur svo sem og ætti að halda sig bara áfram sem álitsgjafi á visir.is og ríkisútvarpinu.   

[Anna Sigríður Guðmundsdóttir, 7.5.2016 kl. 00:51]

Guðni Th. hefur víst með sér í klappstýruliði, háskólaprófessor í lagaklækjum, og þá væntanlega, eða kannski, forseta hæstaréttar Íslands (sem er eiginmaður háskólaprófessorsins, og semur lögin fyrir kúgað alþingi).

Glæsilegt réttarríki "lýðræðisins"?

M.b.kv.

[Elle_, 7.5.2016 kl. 01:03]

Forseti Hæstaréttar semur engin lög í landinu.

[Ómar Geirsson, 7.5.2016 kl. 01:18]

Takk fyrir innlitið kæra fólk.

Svona rétt fyrir svefninn, og pistill býður mín í morgunsárið um hið fyndna fólk í andstöðunni, þá verð ég að takmarka mig núna.

Vil aðeins segja um athugasemd nr 14, að aumt er framboð Guðna ef verjendur hans eiga sér ekki betri málsvörn.

Það er eins og maður sé að ræða við börn eða unglinga.

Sem hafa sér þó æskuna sér til afsökunar.

En það sem byggt er úr aumu, það verður aldrei sterkt.

Jafnvel þó það þurfi engu að halda.

Til dæmis skoðunum sem og fortíð þess sem aflandsfjármunirnir kusu að kosta.

Hvað er að því að segja, hann sveik í ICEsave, hann vill í ESB, og hann vill stjórnarskrá auðmanna, svo þeir þurfi ekki að óttast uppreisn Alþingis?

Hvað er að því að segja satt?

Hvað er að því að kannast við það sem maður styður?

Hví þessar blekkingar, hví þetta fals?

Hvað er að óttast þegar Baugsmiðlar, Morgunblaðið og Ruv eru í einni vanheilagri sæng?  Jafnvel PappírsPési myndi sigra með þann stuðning,.

Eins og það sé óttast að Guðni sé ekki jafnoki hans.

Að hann sé ekkert, ekkert sem þoli raunveruleikann.

Þó hann sé ímynd, þá er þetta tú much.

Kveðja að austan.

[Skúli (IP-tala skráð) 7.5.2016 kl. 23:18]

Hér er fjör:)

Sæl Elle.

"En af hverju alhæfir Skúli næstum alltaf þegar hann skrifar?  Eins og þarna í no. 14 skrifaði hann: " - -  eins og þið segið hann vera".  Hvaða ÞIÐ?"

Hmm, ég viðurkenni að ég veit ekki alveg um hvaða alhæfingar þú ert að tala hér, hér einfaldlega benti ég á mjög nýlegt viðtal við forsetaframbjóðandann til að færa rök fyrir því að sumt sem hér er skrifað (mögulega alhæft) sé ekki endilega rétt. Eflaust alhæfi ég stundum eins og aðrir, en ég held að það teljist alhæfing að ég alhæfi næstum alltaf þegar ég skrifa:) Þessir ÞIÐ eru semsagt þeir sem hafa hér verið að halda því fram að Guðni sé ESB-sinni sem mér heyrist á viðtalinu við hann að hann sé ekki, en annars þekki ég manninn ekki persónulega.

Sæll Ómar.

Nú þykir mér nokkuð fyndið að vera kallaður "verjandi" Guðna Th. þar sem ég þekki hann ekki nema úr fjölmiðlum en líst ágætlega á hann sem forsetaframbjóðanda. Þess vegna hef ég ekki áhuga á að vera með einhverja sérstaka "málsvörn" fyrir hann, læt hann sjálfan og hans raunverulegu "verjendur" um það, ef þeir eru til. En gaman að vera kallaður barn eða unglingur þó það sé ekki alveg þannig lengur:) En ég viðurkenni að ég skil ekki alveg þetta svar þitt. Hér segir þú t.d.: 

"Hvað er að því að segja, hann sveik í ICEsave, hann vill í ESB, og hann vill stjórnarskrá auðmanna, svo þeir þurfi ekki að óttast uppreisn Alþingis?

Hvað er að því að segja satt?

Hvað er að því að kannast við það sem maður styður?

Hví þessar blekkingar, hví þetta fals?"

Af hverju heldurðu að Guðni sé að ljúga því sem hann segir í viðtalinu, sem ég benti sakleysislega á? Mér heyrðist hann segja þar að í störfum sínum fyrir þennan samráðshóp sem hann var í hafi hann orðið afhuga því að ganga í ESB. Og ekki eru allir ESB-sinnar landsins ánægðir með hann fyrir það! Um Icesave hefur Guðni talað og getur eflaust útskýrt sína hlið þar frekar, þó ég þykist vita að það breytir skoðun þinni, og fleiri, ekki. Sjórnarskrárbreytingar heyrist mér Guðni vera til í að einhverju marki, t.d. varðandi þjóðaratkvæðagreiðslur. Hins vegar verður þú að útskýra hvað þú átt við með "stjórnarskrá auðmanna".

[Pétur D. (IP-tala skráð) 8.5.2016 kl. 01:14]

Ómar, "Þú hlýtur að vera barnlaus í marga ættliði" er eitt bezta kjarnyrði sem ég hef séð lengi.

Ég er viss um að þessi Eygló hafi legið andvaka í alla nótt við að reyna að fatta hvað það merkir.

[Ómar Geirsson, 8.5.2016 kl. 07:27]

Já, finnst þér það ekki Pétur. 

Nokkuð ánægður með þetta og ekki síður viðbrögð Eyglóar.

Kveðja að austan.

[Ómar Geirsson, 8.5.2016 kl. 07:35]

Skúli, af gjörðum skulið þekkja þá. 

En ekki orðum.

Þá væri Norður Kórea sæluríki á jörðu.

Annað hefur verið rætt, nenni ekki að endurtaka efni pistla minna, þú ræður alveg hverju þú vilt trúa, ég díla ekki með trúgirni fólks.  Svo er líka gott að þú þekkir ekki Guðna, það væri líka ágætt ef þú þekktir hann.  Persóna hans er mér alveg að meinalausu.

Stjórnarskrá auðmanna er fullyrðing út frá staðreyndum mála, hef fjallað um það þegar hún var í umræðunni.

Fjalla kannski um hana aftur, ef hún kemst í umræðuna að því marki að ærlegt fólk í Andstöðunni lætur blekkjast.

Þangað til skaltu spá í hverjir standa að baki þeim aðilum sem gjamma mest um hana, þú getur til dæmis spáð í eignarhaldi fjölmiðlanna, og þú getur spurt þig hvað hagsmuni þeir eru að hugsa um, og spáðu síðan í hverjir hafa efni á þeim lögfræðingaher sem snýr útúr stjórnarskránni svo lög og regla nái ekki yfir þá.

Þér til hjálpar get ég bent á ágæta grein eftir Ögmund Jónasson.

Dugi þetta ekki, þá verður þú bara að bíða þar til umræðan kviknar.

Kveðja að austan.

[Már Elíson, 8.5.2016 kl. 13:36]

Stund hefndarinnar er runnin upp. Davíð ætlar sér ekki að verða forseti, hann ætlar að fella þann sitjandi. Þeir sem til þekkja, segja DO ákaflega langrækinn mann.

[Ómar Geirsson, 8.5.2016 kl. 18:08]

Sama hugsaði ég í dag þegar ég fékk fréttir af þessu framboði Davíðs.

Hann vill frekar að fulltrúi Samfylkingarinnar, þekktur ICEsave sinni, nái kjöri, en að Ólafur sitji áfram.

Þetta skýrir lika Reykjavíkurbréf hans.

En það er ekki lognmolla kringum Davíð.

Þjóðin mun ekki þurfa aðrar skemmtanir næstu vikurnar.

Kveðja að austan.