Þekkir fréttastofa RUV orðið "siðaregla!?

 

Eða orðið "hlutleysi"?

 

Ber það vott um góðan sið að styðja fjárkúgun erlendra þjóða eins og fréttastofan gerði í ICEsave deilunni.

Og hefur aldrei beðið fórnarlömb fjárkúgunarinnar afsökunar þar á.  Þó eru þessi sömu fórnarlömb skyldug að borga nefskatt til stofnunarinnar.

 

Lýsir það hlutleysi í aðdraganda forsetakosninganna, að einn frambjóðandi hafi verið grillaður, bara vegna þess að hann ákvað að nýta sér lýðræðislegan rétt sinn og bjóða sig fram til embættis.

Eitt er að spyrja, annað er að þráspyrja.

Eins og þjóðin sé ekki sjálf dómbær á hvort hún telji viðkomandi frambjóðanda of gamlan, eða hann hafi þegar setið of lengi í embætti.

Hver gaf Ruv leyfi til réttarhalda og síðan tafarlausrar dómuppkvaðningar líkt og NKVD ástundaði á Stalínstímanum??

 

Allavega engin siðaregla.

Allavega ekkert ákvæði um hlutleysi.

 

Það þyrfti fyrst að kenna þessu fólki hvað felst í hugtakinu "siðaregla", áður er stórfé er eytt í sérfræðiaðstoð við að skrá slíkar reglur.

Það væri alveg eins gott að fá kínverskufræðing, að skrifa eitthvað niður á blað, á kínversku.

Starfmenn Ruv sæju engan mun, allt jafn óskiljanlegt í þeirra huga.  Nema náttúrulega að einhver þeirra hefði lært kínversku.

 

Siðarreglur Ruv.

Kanntu annan.

Kveðja að austan.

 

 

Siðareglur Rúv með aðstoð sérfræðinga

Athugasemdir

[bjarni (IP-tala skráð) 20.4.2016 kl. 23:20]

en er það ekki líka alvarlegt að stofnun taki þátt í 

aðför að forsætisráðherra? Það getur varla talist til 

hlutleysis, en annars er það landlægur kvilli í pólitík

að biðjast ekki afsökunar á nokkrum sköpuðum hlut, hvort

það er að hafa af mönnum æruna eða hundruðir milljarða af

þjóðinni, ég held ég hafi aldrei heyrt það a.m.k þau ár

sem ég hef fylgst með íslenskri pólitík.

[Jón Valur Jensson, 21.4.2016 kl. 02:23]

Góður Ómar -- gleymum aldrei Icesave- og ESB-svikum þeirra (einhliða áróðri: álitsgjafar hlutdrægir gegn þjóðinni endalaust kallaðir inn á Rúv-teppið til að vitna).

Góður Bjarni líka!

[Wilhelm Emilsson, 21.4.2016 kl. 04:06]

"Hver gaf Ruv leyfi til réttarhalda og síðan tafarlausrar dómuppkvaðningar líkt og NKVD ástundaði á Stalínstímanum??"

Smá ýkjur þarna, kannski. Það hefur enginn fengið hnakkaskot ennþá. Þekkir Ómar orðið "hystería"? 

[Ómar Geirsson, 21.4.2016 kl. 08:53]

Æ shit Wilhelm, alltaf að flækja málin fyrir þér.  Bæti úr því;

"RUV誰給了允許靠右，然後立即量刑為NKVD斯大林那樣??季"

Núna hlýtur þú að skilja einfalda myndlíkingu.

Kveðja að austan.

[Ómar Geirsson, 21.4.2016 kl. 08:54]

Takk fyrir innlitið félagar, barnir og Jón.

Kveðja að austan.

[Helgi (IP-tala skráð) 21.4.2016 kl. 09:30]

Sæll.

Tek undir með Ómari - framganga RUV í ansi mörgum málum á lítið skylt við fréttaflutning heldur er meira í ætt við áróður :-( Fyrir það vilja ansi margir ekki borga en geta ekkert í því gert :-(

Best væri auðvitað að leggja þessa stofnun niður með manni og mús. Féð mætti t.d. nýta í heilbrigðiskerfið eða skattalækkanir.

[Wilhelm Emilsson, 21.4.2016 kl. 10:12]

Þú ert NKVD kommissar=myndlíking.

Þú ert eins og NKVD kommissar=viðlíking.

[Ómar Geirsson, 21.4.2016 kl. 10:55]

Æ fyrirgefðu Wilhelm, kínverska letrið fór ekki alveg rétt inn.  En ég sé að þú skilur líka faxmál, svo þú hafðir þetta að lokum.

Kveðja að austan.

[Ómar Geirsson, 21.4.2016 kl. 10:55]

Takk fyrir innlitið Helgi.

Kveðja að austan.