Dómstóll götunnar hefur alltaf rétt fyrir sér.

 

Þess vegna er mikilvægt að hjálpa honum með því að gróðursetja há eikartré eða álm í nágrenni lögreglustöðvarinnar, sem og að hafa alltaf tiltæk góð reipi í gulum kassa, sérmerktum götudómstólnum.

Eins hafa gamlir hjólbarðar, fylltir bensíni virkað vel í fátækrahverfum Suður Afríku.  Spurning samt hvort slökkviliðið leyfi slíkan útbúnað, þekki það ekki.

 

Hins vegar verð ég að játa að ég misreiknaði hræðslukast Más Guðmundssonar í pistli mínum um Þagnarmúrinn, ég taldi að Már væri að vinna tíma fyrir þagnarbindingu mútfés.

En auðvitað eru hrægammarnir þróaðri í vinnubrögðum sínum.

Líkt og John Perkins benti á í bók sinni um Játningu efnahagaböðuls.

 

Ólga og upplausn uppúr engu er að sjálfsögðu miklu sterkari leið til að tryggja þöggun, hin hjáróma rödd hrópandans í Indefence mun ekki ná athygli fólks.

Fréttaflutningur næstu daga er tryggður.

Og nýtt upphlaup mun sjá um dagana þar á eftir.

 

Já, ég verð að játa að þetta eru fagmenn.

Þeir kunna að spila með fólk.

 

Skynsamleg fjárfesting hjá hrægömmunum.

Kveðja að austan.

Púað á lögreglustjórann

Athugasemdir

[Sigurður Haraldsson, 9.11.2015 kl. 23:03]

Flott innslag frá þér félagi.

[Anna Sigríður Guðmundsdóttir, 10.11.2015 kl. 00:30]

Ómar. Þú tjáir þig eins og þú sért ekki partur af heildinni fjölbreytilegu og lýðræðislegu?

Eru þetta virkilega ennþá: "við" og "þeir", hér á þessu fámenna, en þó tjáningarfrjálsa skeri? (Íslandi).

Sameinuð stöndum við og sundruð föllum við.

M.b.kv.

[jon (IP-tala skráð) 10.11.2015 kl. 02:11]

fólk ruglar stundum saman dómsvaldi og lögreglu. Sá fyrrnefndi dæmir. Sá síðarnefndi rannsakar. Og hefur til þess ýmis rannsóknarúrræði, s.s. gæsluvarðhald, sem er ekki dómur, heldur rannsóknarúrræði. OG takið eftir; rannsóknari á lögum samkvæmt að rannsaka líka þá þætti sem gætu hreinsað grun af grunuðum í sakamáli. Lögreglan er þegar búin að beita þeim valdbeitingarheimildum sem hún hefur, þ.e. handtaka og yfirheyra grunaða. Og þetta með að sleppa þeim, snýst ekki um að sleppa þeim við sök, því dómstóll mun síðar ákvarða sök eða sýknu. 

Á hvaða grundvelli átti að krefjast gæsluvarðhalds? Augljóslega ekki í þágu rannsóknar. Lögreglan hefur ekki talið rannsókn í hættu, gengju grunuðu lausir. Þá er sú forsenda farin. Hvað með almannahagsmuni. Mögulega hefur saksóknari spáð í það, en ekki náð nema 30-40% rökum til að sannfæra héraðsdóm og það dugar ekki til. Hann hefur möo. haft eitthvað til að undirbyggja kröfu um gæsluvh. á grundvelli almannahagsmuna en langt í frá nóg. Ef lögreglan myndi tjá sig um einstök mál, myndi hún sjálfsagt greina frá þesslags atriðum, en hún gerir það ekki, og má á meðan sæta hörðum viðbrögðum eins og skiljanlegt er. Það er síðan Fréttablaðsins að sanna staðhæfingar sínar varðandi sérútbúnað til nauðgana. 

[Ómar Geirsson, 10.11.2015 kl. 07:56]

Blessaður Sigurður, félagi úr baráttunni.

Það læðist að mér sá lúmski grunur að þú hafir misskilið satíru mína, en til að taka af öll tvímæli þá er skrílræði andstætt lífsskoðunum mínum að öllu leiti, og eins og mér er tamt þá geri ég grín að því eins og öðrum grafalvarlegum málum.

Þar sem ekkert fórnarlamb Nauðgunarinnar miklu á þjóðinni vill ræða Ránið eina, þá hef ég hugsað að pistla um skrílræði við einhverja af mörgum fréttum Mbl.is um þessa kostulegu uppákomu í gær, ætla svona að minna á hvað felst í kveðskapnum; "Skundum á Þingvöll og treystum vort heit".

En ég vil benda þér á, sem félaga úr baráttunni, að pistill minn kom inná eina af grafalvarlegustu meinsemd skrílræðisins, sem er það trend ráðandi stétta eða sérhagsmunahópa, kúgara, ræningja eða annars óþjóðalýðs, að nýta það í sína þágu.

Á einhverjum tímapunkti þarf almenningur að skilja af hverju hann fer alltaf halloka, svo hægt er að tala um hlutfallið 99 á móti hundrað, fyrir þeim skríl.

Skrílnum sem kúgar hann, arðrænir, þjakar hann.

Og tímaglasið er að renna út.

Kveðja að austan.

[Ómar Geirsson, 10.11.2015 kl. 07:57]

Blessuð Anna.

Ég er hluti af þeim hópi sem kallast Homo sapiens, eða hinn vitiborni maður.

Og mér finnst hann ekkert sérstaklega áberandi eða sameinaður þessa stundina.

Kveðja að austan.

[Ómar Geirsson, 10.11.2015 kl. 08:01]

Takk fyrir innlitið jon.

Ég held að flestum sé sama um skynsemina í þessu máli.

Eða dýpri rök tilverunnar.

Læddist allavega að mér sá grunur þegar ég las viðtalið við yfirlögmann lögreglunnar.

Gat ekki betur skilið hana en að henni hefði dauðlangað að kasta eggjum í stöðina.

En gat það ekki svona prinsippsins vegna.

Kveðja að austan.

[Kjartan (IP-tala skráð) 10.11.2015 kl. 13:50]

Í Fréttablaðinu var sagt "búnaður til nauðgunar" , í myndbandi sem verjandi annars ákærða setti á netið mátti sjá uppbúið rúm. Telst það búnaður til nauðgunar.Á nánast öllum heimilum er rúm, þáu eru væntanlega í mörgum tilfella notuð til samfara og hljóta því að skilgreinast sem búnaður til nauðgunar. Það er vissulega vandlifað í heimi þar sem gölulýður og netheimskir dæma menn án sannana. Það er rétt að þessir tveir menn voru handteknir og yfirheyrðir, síðan slept. Samkvæmr laganna hljóðan þá eru þeir saklausir uns dómur fellur. Og þá endanlega í hæstarétti.

[Ómar Geirsson, 10.11.2015 kl. 14:59]

Ég les það einhvernveginn út úr þessum orðum þínum Kjartan að þú ætlir ekki að bjóða þig fram í gróðursetningu á nothæfum trjám handa dómstól götunnar.

En rúm eru stórhættulleg tæki.

Löngu tímabært að banna þau.

Kveðja að austan.

[Anna Sigríður Guðmundsdóttir, 10.11.2015 kl. 16:34]

Ómar. Homo sapiens er grimmasta skepna jarðarinnar.

Ég og þú erum þessar skepnur, sem eru líklega grimmari en sjálfur minkurinn í hænsnakofanum.

Þess vegna þurfum við að fá raunverulega siðmenntun til að ráða við að stjórna sjálfum okkur, og okkar verkum.

Siðmenntuð uppeldisfræðsla hefur ekki fengið neitt pláss, í skólasamfélagi láglaunaþrælandi og bankarænds samfélagsins!

Horfumst bara í augu við staðreyndirnar!

M.b.kv.

[Ómar Geirsson, 10.11.2015 kl. 18:09]

Blessuð Anna.

Ég held að þú sért að falla í þá gryfju að dæma fjöldann eftir fáum.

Hinn siðmenntaði maður hefur ekkert með þessa grimmd að gera, hana á að mestu rekja til annarrar manntegundar, Homo  Dinosauria, það er skriðdýrið í mannsmynd.  Homo getur ekki flúið þróun sína, því miður þá er dýpsti hluti heila okkar frá sameiginlegum forföður okkar og risaeðlanna.  Og sá hluti stjórnar þessari undirtegund Homo.

Hugsaðu þetta bara nánar Anna.

Af hverju heldurðu að heimurinn sé þrátt fyrir allt það góður sem hann er þrátt fyrir öll grimmdarverkin?

Svarið er einfalt, fólk er í eðli sínu gott.

Líttu í kringum þig, flestir sem þú þekkir eru örugglega góðar manneskjur.

Ég hef lítið rekist á hið ofbeldisfulla skriðdýr, en einhverja svona millitegund, sem maður þekkir þegar frjálshyggjuvaðall vellur uppúr henni.

Trúin að við séum bara villidýr, og að samfélagið sé frumskógur.

Hugsanlega er þetta líka veirusýking, því frjálshyggjan spratt þvi sem næst ekki upp úr engu.

Og hið besta fólk hefur sýkst.

Veit það ekki, en allavega er þetta ekki mannlegt.

Ekkert vitiborið.

Kveðja að austan.