Þjóðinni er ætlað að blæða - af­l­andskrónu­eig­end­um að græða

 

Í guðanna bænum, þið sem eigið börn og barnabörn, þið sem ætlið að eiga heima áfram í þessu landi forfeðra okkar.

Lesið þessa frétt, lesið feisbókarfærslu Lilju, og reynið að skilja rök hennar og þær forsendur sem leiða til orða hennar sem ég gerði að fyrirsögn þessa örpistils.

 

Sumt á maður ekki að þykjast vita betur.

Sum á maður aðeins að skilja.

 

Allavega ef maður á  líf sem þarf að verja.

Kveðja að austan.

„Sumir eru jafnari en aðrir“

Athugasemdir

[Anna Sigríður Guðmundsdóttir, 9.3.2015 kl. 01:24]

Í Morgunblaðinu föstudaginn 30 janúar 2015, er frétt sem skrifuð var af Benedikt Bóas.

   ,,Viðreisn er að viðra sína vængi"

• Ný stöð 25 miljóna króna verkefni.

Hringbraut heitir sú stöð. Framkvæmdarstjóri og aðaleigandi Hringbrautar er Guðmundur Örn Jóhannesson en hann var áður framkvæmdarstjóri ÍNN.

Guðmundur hefur fengið marga fjölmiðla- og stjórnmálamenn til liðs við sig. Í þeim hópi eru Þorsteinn Pálsson, Valgerður Sverrisdóttir, Þorgerður Katrín Gunnarsdóttir, Helgi Hjörvar, Ragnheiður Ríkharðsdóttir, Vilhjálmur Egilsson, Margrét Kristmannsdóttir, Daði Már Kristjánsson og Lilja Mósesdóttir.

Lilja Mósesdóttir hefur þverbrotið allt sem hún sagði kjósendum sínum fyrir kosningarnar árið 2009. Hún var víst líka virkur partur af stjórnarskrár-uppreisninni mótmælandi og jólatrjáabrennandi.

Einar Kárason, "rithöfundurinn Djúpi", í Vinstra Græna pokahorni ESB-sundrungarinnar Austurvallarskógabrennandi, kann líklega betur að útskýra þetta flokkaða svikarugl, heldur en ég.

Háskóla-lagaprófessors-Hæstaréttar-einokunarlandsstjórnarhjónin: Björg Thorarensen og Markús Sigurbjörnsson hafa löggjafaþingið í sinni alvaldskúgandi hendi.

LÍÚ-glæpabankar og ASÍ-glæpalífeyrissjóðir eru einræðis-Sádi-sjóðaræningjar þessara gjörspilltu lögbrjótandi og Hæstráðandi landsstjóraklíku Íslands.

Almættið algóða og alvitra hjálpi Lilju Mósesdóttur og öllum öðrum sem þessir siðblindu landsstjórar misnota og kúga líklega hindrunarlaust fram og til baka. Ég hvorki skil né þekki, hvers vegna Lilja Mósesdóttir hefur farið svona illa með sína sjálfsvirðingu/traust/trúverðugleika.

Vinstri Grænir lofuðu fyrir kosningarnar 2009, og sviku strax daginn eftir kosningarnar 2009. Lilja Mósesdóttir og Katrín Jakobsdóttir ásamt Ögmundi Jónassyni eru frekar ótraust, þegar kemur að því að standa við kosningaloforðin lýðræðissvikulu, árið 2009.

Landsstjórahjónin einráðu á Íslandi geta kannski útskýrt þetta rugl?

Kastljós-RÚV-ið skattpíndra-rekna gæti t.d. verið með Íslands-Einræðishjóna-Kastljós-andanna opinberunar þátt, með hjónakornunum: Markúsi Sigurbjörnssyni og Björgu Thorarensen?

Eða er sannleikurinn ekki í boði, hjá RÚV-365-Viðreisn á "sannleikans Kristna" Íslandi?

M.b.kv.

 

 

[Ómar Geirsson, 9.3.2015 kl. 09:22]

Blessuð Anna.

Oft hafa baráttuglöð innslög þín glatt mig mjög, en núna verð ég að játa að ég er hugsi.

Ég skil ekki alveg hvað Lilja hefur gert á þinn hlut, og ég skil ekki alveg það samhengi sem þú setur málflutning hennar í.

En ég tek eftir að þú vitnar í Einar Kárason, manninn sem sveik þjóð sína fyrir örfáar krónur.  Og klapp á bakið frá hrægömmum og öðrum auðskrípum.

Hans líkar eru á fullu við sverta allt, sem á eftir að sverta hér á landi því núna er komið að útborgunardegi hjá vogunarsjóðunum.

Þess vegna er um að gera að skíta út og niða niður þá örfáu einstaklinga sem ennþá hafa döngun í sér að mótmæla landsölunni.

En ég er mjög miður að sjá þig í þessum félagsskap Anna.

Mjög miður.

Kveðja að austan.

[Anna Sigríður Guðmundsdóttir, 9.3.2015 kl. 18:04]

Sæll Ómar. Það verður að ganga út frá því að fólk sé almennt frætt opinberlega, um þessa svokölluðu landsölu. Sumir virðast þekkja þessa landsölu alveg nákvæmlega, og aðrir hafa ekki hugmynd um hvað er í gangi.

Lilja Mósesdóttir hefur ekkert gert á minn hlut, umfram aðra. Það var ekki mín meining að hún hefði gert eitthvað á minn hlut. Hún hefur frekar gert eitthvað á sinn eigin hlut. Sama gildir um svo fjölmarga aðra blekkta og dómsstólasvikna Íslendinga.

Ég skil hins vegar alls ekki hvers vegna Lilja Mósesdóttir sagðist vera á móti ESB fyrir kosningar 2009, og er nú talin upp með þeim sem styðja Viðreisnar-flokks-stöðina. Stöðina sem ekki hefur leynt þeirri áherslu opinberlega, að þar á stöð sé ESB óumdeilanlega rétta leiðin? Sem þjóðin fékk ekki að segja af eða á um, áður en farið var af stað í jafnvel ó-afturkræfa aðildarumsókn 2009!

Ég hef ekkert á móti Lilju Mósesdóttur, umfram fjölmarga aðra pólitískt villuráfandi og blekkjandi, (meðvitað eða ómeðvitað). En ég skil ekki þessa breytingu hennar á mikilvægum ESB-áherslumálum, frekar en ég skil ekki breytingu annarra á mikilvægum ESB-málum. 

Er fréttaflutningurinn í Morgunblaðinu kannski ekki réttur, sem ég vitnaði í? Ef svo er, þá verður að leiðrétta þá villu. Ásamt fjölmörgum öðrum villum út um alla fréttaflóruna.

Þetta með Einar Kárason var kaldhæðni og háðsglósa, sem mér væri líklega hollast að venja mig sem fyrst af. Veit ekkert um tengingu hans og annarra, við eitthvert kúgunar/blekkingar-klapp á bakið. Hann er ættaður úr Djúpinu, eftir því sem ég best veit, og þess vegna fékk sá ESB-drengur viðurnefnið "Djúpi" hjá mér. Ég er sem betur fer ekki gallalausari en aðrir, og síður en svo. Og ég hef ekki leyfi til að hæðast svona að öðrum. Ég þarf að venja mig af þessum gagnslausa og slæma kaldhæðni-ósið.

Þetta með félagsskapinn sem þú bendlar mig við, og ert miður þín yfir, þekki ég ekkert um. Ég er ekki í einhverjum félagsskap, sem þú talar um. Veit ekki hvað þú meinar. Það er líklega einn af mínum stærstu göllum, að kunna ekki að fylgja flokkum, klíkum, rétttrú, hefðum og hjarðhegðun.

Þegar ekki er hægt að flokka mann á einhvern hátt, þá er eins og það verði hálfgert áhyggjuefni og vandamál, að ekki sé til skilgreindur staður fyrir mann í samfélaginu. Það er mjög umhugsunarvert. Eins og svo margt annað undarlegt og óútskýrt í flokkaða og sundraða þöggunarsamfélaginu dómsstólasvikna á Íslandi.

M.b.kv.

[Ómar Geirsson, 9.3.2015 kl. 18:32]

Þjóðaratkvæðagreiðslu um ESB umsóknina!

apríl 23, 2012 by liljam

Vorið 2009 samþykkti ég þingsályktunartillögu um að senda inn aðildarumsókn til ESB til að koma til móts við kjósendur sem þrýstu mjög á að farið yrði í þennan leiðangur til að kanna hver niðurstaðan yrði.  Ég var í hópi þeirra sem töldu að kanna þyrfti alla valkosti Íslands eftir hrun bæði bankakerfisins og gjaldmiðilsins.  Í umræðum um aðildarumsóknina á þingi var rætt um nauðsyn þess að fá aðstoð Evrópska Seðlabankans við að finna lausn á gjaldmiðilskreppu okkar. Auk þess voru bundnar vonir við að ljúka mætti aðildarviðræðunum á einu og hálfu ári, þar sem á Íslandi væri nú þegar búið að innleiða stóran hluta af regluverki ESB. 

Nú eru liðin nær þrjú ár og ekkert bólar á aðstoð Evrópska Seðlabankans og gjaldmiðilsvandinn eykst ár frá ári. Tilkynnt hefur verið að aðildarsamningur muni ekki liggja fyrir þegar gengið verður til kosninga á næsta ári. Enn á ný munu kosningar snúast um draumsýn þeirra sem vilja inn í ESB í stað lausna á efnahagsvandanum og framtíðarsýn okkar sem þjóðar. Seðlabankinn hér á landi vinnur eftir þeirri pólitísku stefnu að taka eigi upp evru og því er ekki verið að vinna að mótun sjálfstæðrar peningastefnu. Á sama tíma bendir allt til þess að aðildarumsóknarferlið muni dragast lengur en nú er viðurkennt, þar sem aðildarlönd ESB hafa lítinn áhuga á að taka inn nýtt aðildarland fyrr en búið er að leysa vanda evrusvæðisins. Vanda sem gæti tekið áratugi að vinda ofan af.

Ástæðan er sú að lausnir ESB magna upp vandann. Aðgerðirnar fela í sér niðurskurð velferðarkerfisins, skerðingu réttinda á vinnumarkaði, lækkun atvinnuleysisbóta og lífeyris og launalækkanir í ekki síst ríkisgeiranum. Lausnir í anda nýfrjálshyggjunnar, þar sem ráðist er á afleiðingar vandans en ekki rót hans. Rót vandans er ójafnvægi á viðskiptajöfnuði evrulandanna sem stafar af því að afgangur á viðskiptum Þjóðverja við umheiminni streymdi til m.a. Írlands, Spánar og Ítalíu í formi lána á lágum vöxtum sem mynduðu fasteignabólu en ekki verðmæti. Í stað þess að laga ójafnvægið þegar fasteignabólan sprakk og neyða þjóðverja til að afskrifa skuldir og skapa almenna eftirspurn voru skattgreiðendur neyddir til að bjarga bankakerfum í lausafjárvandræðum og lífskjör skert til að tryggja að þjóðverjar endurheimtu lán sín. Lausnir ESB á vanda evrusvæðisins staðfesta endanlega að búið er að ýta norrænum áherslum (félagsleg réttindi og velferð) út af borði framkvæmdastjórnar ESB. Tilraun Norðurlandanna til að móta stefnu ESB mistókst og val þeirra snýst því um að eyða öllum merkjum hins svokallaða norræna velferðarsamfélags og aðlagast ESB eða fara sína eigin leið.

Aðildarumsókn okkar er komin í sjálfheldu og það sem verra er hún er orðin dragbítur á lausn efnahagsvandans, þar sem alltaf er verið að ræða óraunhæfar lausnir eins og upptöku evrunnar sem lausn á skuldavanda heimilanna (lægri vextir og afnám verðtryggingar) og snjóhengjunni sem nú nemur um 1.000 milljörðum og leyfa á að streyma út úr hagkerfinu með rándýru risaláni frá ESB.  ESB á jafnframt í deilum við okkur vegna makrílveiða og ákvörðunar Íslendinga að semja ekki um greiðslu á Icesave skuldbindingu gamla Landsbankans. Deilur sem Íslendingar munu þurfa að gefa mikið eftir í til að liðka fyrir aðildarsamningi. Aðildarumsóknin er farin að tefja uppbygginguna eftir hrun og því verður að leyfa kjósendum að taka ákvörðun um hvort draga eigi umsóknina til baka. Ég tek undir áskorun stjórnar SAMSTÖÐU-Reykjavík um nauðsyn þess að halda þjóðaratkvæðagreiðslu um umsóknina fyrir árslok!

[Ómar Geirsson, 9.3.2015 kl. 18:39]

Blessuð Anna.

Ég held að ég skilji þig núna aðeins betur því ég veit að þú ert einörð í andstöðu þinni við Evrópusambandið.

En ég skil hinsvegar ekki tengingu þína um að Lilja hafi starfað með Viðreisn.  Ekki það að ég veit ekkert um þennan félagsskap.

Ég spurði Googel frænda um þessa tengingu, en fékk ekki upp neinar greinar eða fréttir þar sem minnst er á Lilju í þessum félagsskap.  Fann hinsvegar þessa grein í greinasafni Lilju, og peistaði hana hér að ofan.

Hún útskýrði af hverju hún vildi sækja um á sínum tíma, og útskýrði líka af hverju hún teldi að ESB aðild myndi gera illt verra. 

Ég myndi ráðleggja þér Anna að senda Lilju persónulegan póst og spyrja hana hreint út um hennar afstöðu.  Lilja er mæt kona, virkilega mæt kona og ég ef ekki að hún gæfi sér tíma til að svara þér og útskýra sína sjónarmið, og leiðrétta misskilning ef um einhvern misskilning er að ræða.

En ég sé ekki Lilju í þessum félagsskap, þetta er fólkið sem hún barðist við til bjarga Íslandi.

Hún er okkar ötulasta baráttukona og sú sem kom með raunhæfar lausnir á vanda þjóðarinnar.

Gefðu henni tækifæri.

Kveðja, Ómar.

[Anna Sigríður Guðmundsdóttir, 9.3.2015 kl. 20:17]

Ómar. Ekkert er einfalt í þessu samfélagi, fyrir neinn. En þegar ég óttast skyndilega skipulagt og jafnvel meðvitað undirferli og svik, þá tapa ég mér of oft út í reiðilestur, sem ekki bætir neitt né neinn. Þar þarf ég svo sannarlega að bæta mig mikið.

Það var bara tilviljun að ég fletti Morgunblaðinu í bakaríi þennan dag, meðan ég beið eftir viðgerð á bílnum mínum á verkstæði. þar sá ég þessa grein, sem ég sagði lítillega frá hér að ofan. Og það fauk óvenjulega mikið í mig. Lilja Mósesdóttir? Hvað er í gangi? Það var það fyrsta sem ég hugsaði.

Ég útvegaði mér þetta Moggablað, og klippti þessa grein út, og á hana hérna heima, í safnmöppunni minni.

Bæði skap og réttlætiskennd er gott að hafa, ef maður kann að virkja og nota hvorutveggja rétt og til góðs.

Lilja er án efa fórnarlamb klíkurekinna fjölmiðla og jafnvel banka/lífeyrissjóðakúgara, svipað og allir aðrir eru í raun líka. Bara á mismunandi tímabilsstigum skipulagðra fjölmiðlablekkinganna.

Ég reiðist börnunum mínum þegar mér sýnist þau fara beint í veiðinet svikula blekkingarkerfisins, og ég reiðist líka öllum öðrum sem mér sýnist fara beint í veiðinet svikula blekkingarkerfisins. Það er sárt að horfa uppá hvernig fólk er blekkt, og síðan svikið, af opinbera kerfinu.

Ég hata sem betur fer ekki nokkra manneskju, heldur vil öllum vel. Og almættinu sé þökk fyrir að sleppa mér við þungan og skaðlegan kross valda/peningagræðgi, haturs, öfundar og hefndarþorsta.

Það dugar hvorki mér né Lilju Mósesdóttur, að við tvær tölum saman um málin. Það þarf heilt samfélags-samtal til að skapa gott samfélag. 

M.b.kv. 

[Ómar Geirsson, 9.3.2015 kl. 22:58]

Blessuð Anna.

Ég veit ekki meir, ég sé ekki Lilju fyrir mér í þessum félagsskap.

Ég er alinn uppí gömlum kommabæ, þar sem menn sögðu, "Alltaf lýgur Mogginn", svo ég sagði alltaf, "aldrei lýgur Mogginn".

Því við Vaðlvíkingar erum aldrei sammála síðasta ræðumanni, það er ef við finnum einhvern flöt á að vera ósammála honum.

Þekki ekki fréttina, eða forsendur hennar, en ég játa það hér og nú, ég trúi henni ekki.

Ítreka samt að þú hefðir gott af því að fá skýringar Lilju.

Kveðja að austan.

[Anna Sigríður Guðmundsdóttir, 10.3.2015 kl. 13:12]

Ómar. Ég veit ekki hvað er satt eða logið í þessu máli. Spurning hvort Mogginn hafi logið í þessu tilfelli?

Allir fréttamiðlar ljúga stundum og segja satt stundum. Erfiðast að geta engum fjölmiðli treyst, vegna klækja og blekkinga þeirra sem eiga þá.

Líklega reiddist ég svona mikið út af þessari frétt, vegna þess að ég hefði síðast af öllu trúað því að hún hefði sjálfviljug svikið sína kjósendur.

Það fer of lítið fyrir þeirri hlið ESB, að illa statt verkafólk fer verst út úr því spillingarbatteríi. Konur í láglaunastörfum missa fyrstar allra vinnuna að hluta eða alveg. Slíkt óréttlætisbandalag er og verður aldrei til að bæta þennan heim.

Þessi skoðun mín snýst í raun ekki um einhverja blekkta pólitíkusa á Íslandi, heldur stærstu svik ESB-valdaklíkunnar spilltu og stjórnlausu.

Hvorki sú ágæta kona Lilja Mósesdóttir, né nokkur annar getur réttlætt einhverja aðferðarfræði, sem réttlætir slíkan ESB-félagsskap og spillingarstjórnsýslu.

Það hefur ekki verið hlustað á þær fjölmörgu konur sem hafa hætt störfum í Brussel, vegna þess að þeim ofbauð stjórnleysið og spillingin í efsta valdapíramída Brussel-embættisbáknsins. Þær neituðu að taka við kauphækkunum fyrir að taka þátt í eftirlitslausa, svíkjandi og stjórnlausa blekkingarleik Brussel-báknsins.

Um þetta snýst risamálið ESB.

Marklaus falleg orð á blaði, og enginn fylgist með löglega framkvæmdum úthlutunum allra þessara lokkunarstyrkja. Styrkja sem fátækir launalitlir þrælar eru látnir borga.

Hvorki ég né Lilja getum leyst þennan stjórnlausa spillingarhnút, heldur verður almenningur í Evrópu að vakna.

M.b.kv.

[Ómar Geirsson, 10.3.2015 kl. 13:29]

Anna, þú getur svarað efa mínum.

Við gagnrýnum ekki aðra fyrir að leysa ekki hnúta, ef við látum lykkjuna óleysta.

Sterkum orðum fylgir ábyrgð.

Kveðja að austan.