Að leika bjána svo vel sé er ekki öllum gefið.

 

Og sú gjöf hefur ekki verið gefin formanni Félags múslima á Íslandi.

Þekkir greinilega ekki til sagnarinnar um grænu baunirnar, sem er grundvallarsögn sem allir sem stunda bjánafræði þurfa að kunna skil á.

 

Hugsanleg skýring á vankunnáttu formannsins eru þeir silkihanskar sem ESB-fylkingin á Rúv notar þegar formaðurinn afhjúpar þekkingu sína í fréttaviðtölum stofnunarinnar.

"Liðsmenn Ríki Íslams eru að uppstöðu úr röðum fyrrum fylgismanna Saddam Husseins", sem er mjög athyglisverður fróðleikur í ljósi þess að Íslamistar voru aflífaðir hvar sem náðist til þeirra innan landamæra Íraks, og "örfáir geðsjúklingar standa að baki hryðjuverkum gegn almennum borgurum", sem hljóta þá að vera í bullandi yfirvinnu þar sem títuprjónarnir sem tákna hryðjuverk Íslamista þekja heilu landsvæðin á landakortum svo vart má sjá aðrar upplýsingar sem þar koma fram.

Rúv útvarpaði bullinu athugasemdarlaust, í stað þess að kveikja rauð aðvörunarljós hjá formanninum að hann gæti ekki sagt hvað sem er, án þess að rökleysa hans yrði afhjúpuð.

 

Núna er formaðurinn meint hissa, lætur eins og hann þekki ekki til að Saudar og Katar fjármagni útþenslu öfgatrúar sinnar í vestrænum löndum, sem og annars staðar þar sem Íslamsistar hafa skotið rótum.

Viti ekki að fyrst kemur fjármagn frá öfgum, svo kemur moskva, síðan koma öfgar, og lokastigið er stór hópur ungs fólks sem er tilbúið að myrða samborgara sína í nafni trúar sinnar.

Og það sem meira er, það er ekki um aðra utankomandi fjármögnun að ræða.

 

Yfirklórið er síðan algjört þegar formaðurinn játar að hafa rætt við Saudana, en skilji svo ekkert í að þeir hafi skilið það sem hann sagði, að örfáar hræður sem eiga ekki bót fyrir boruna á sér, hafi enga burði til að reisa byggingu sem sæmir trú þeirra.

Fátæklingar reistu ekki dómkirkjur Evrópu eða musteri Hindúa.

Og þeir reisa ekki mosku í Reykjavík, nema til komi utanaðkomandi fjármögnun.

Þegar niðurstaða samtalsins, árangurinn sjálfur, liggur fyrir, þá kannast formaðurinn ekki við eitt eða neitt.  Er steinhissa, og hefur vart haft tíma til að úthugsa upp skilyrðin svo hann náðarsamlega geti veitt hinum meintu óumbeðnu peningum viðtöku.

 

Og trúi því hver sem trúa vill.

Sumar lygar eru best ósagðar.

Kveðja að austan.

 

 

 

 

 

Vissi ekki af fjármagninu

Athugasemdir

[Helgi (IP-tala skráð) 5.3.2015 kl. 21:33]

Sæll.

Rakst á þetta myndband nýlega. Þar er hæstvirtur formaður félags múslima á Íslandi algerlega tekinn í bakaríið að mínu mati.

https://www.youtube.com/watch?v=2bgDXO6twKc

[Ómar Geirsson, 5.3.2015 kl. 22:37]

Já, hann er fyndinn Helgi.

En af einhverjum ástæðum þá smíðaði pólitíski rétttrúnaðurinn hlífðarskjöld handa formanninum, sem og fyrrverandi formanni félagsins, og þar geta þeir skýlt sér.

Til hvers er mér spurn.

Kveðja að austan.