Taglhnýtingur skattaskjólsmanna tjáir sig.

 

Sem þýðir að öllu er tjaldað til, jafnvel trúverðugleiki Brynjars Níelssonar er fórnað svo að skattaþjófar þurfi ekki að standa skil gjörða sinna.

Eitt hvað það er aumkunarvert að lesa pistla mætra íhaldsbloggara sem telja það ósvinnu að skattaundanskotsmenn séu felldir á sínu eigin bragði, með inside upplýsingum sem eðli málsins vegna geta aldrei verið löglegar fengnar.

Því stjórnmálamenn í vasa skattaglæpamanna, sem og annarra fjárglæpamanna setja lögin.

Frjálshyggjan varð ekki til úr engu, hún fjármagnaði sig ekki sjálf, ekki frekar en voðamennirnir í Ríki Íslams.

Aur og króna er þar alltaf að baki.

 

Brynjar naut þess þó að hafa koma nýr inn, líkt og sálufélagi hans Vilhjálmur Bjarnason, og þeir gegndu því hlutverki að láta svo líta út að Sjálfstæðisflokkurinn hefði lært af Hruninu, að tengsl hans við fjárglæframenn væru ekki normið, heldur væri pláss fyrir gagnrýna menn.

En þegar mikið liggur við, líkt og þekkt er úr glæpasögum Colins Forbes, þá afhjúpa sofandi eigentar sig þegar húsbóndinn sendir inn lykilorð.  Þekkt dæmi úr sögu sovéskrar árásarstefnu.

Og Brynjar kom í ljós.

 

Sagði að skattrannsóknarstjóri færi í fangelsi ef hann keypti gögnin um húsbændur sína.

Vissulega er aumt að vera stuðningsmaður Sjálfstæðisflokksins, þegar fjárglæpamenn stýra þingmönnum og ráherrum flokksins líkt og leikbrúður væru.

En samt, að kaupa þessi rök, það gerir aumingjagreyin í VinstriGrænum að englum í þessum samburði.

Illt er að vera hálfviti til að geta kosið valdaflokk.

 

Skattaglæpamenn, fjárglæpamenn eiga stjórnmálamenn, og ekki neitt sérstakt leyndarmál að þeir eiga þingmenn Sjálfstæðisflokksins, en þessir sömu þingmenn geta ekki hótað embættismönnum þjóðarinnar, að þeir verði ákærðir ef þeir ganga gegn glæpnum.

Hinir keyptu stjórnmálamenn geta sett lögin, þeir geta reynt að hindra framgang réttvísarinnar líkt og frægt var í lekamálinu, en þeir geta ekki keypt lýðræðið, allavega ekki ennþá.

Þegar lögin eru hliðholl fjárglæpamönnum, þegar endurskoðendur og lögfræðingar eru keyptir, þá ógnar ekkert starfsemi þeirra, nema eitt.

Það eitt að einhver sjái sér fjárvon í að koma upp um þá.

 

Sem er aldrei löglegt, þarf ekki að ræða það.

En virkar, bæði sem forvörn, sem og að láta fjárþjófa sæta ábyrgð gjörða sinna.

 

En virkar ekki til fulls, nema hinir keyptu þurfi líka að svara til saka.

Bjarni bar að sér sakir.

 

En aðrir tóku upp keflið.

Og Mogginn spilar með.

 

Sem aftur vekur upp spurningar um listann sem er til kaups.

Skyldi kvóti hafa slysast í skattaskjól??  

 

Veit ekki, en viðbrögð Moggans eru furðuleg.

Það stóð ekki í hausnum að hann væri blað undanskotsmanna og skattaþjófa.

 

En samt, fréttin talar.

Kveðja að austan.

Sætir það fangelsi að kaupa gögnin?

Athugasemdir

[Hilmar (IP-tala skráð) 12.2.2015 kl. 15:10]

Þannig að það er í lagi, bæði lagalega og siðferðilega, að ríkið kaupi stolinn varning af glæpamönnum?
Það er þá líka í lagi að stela upplýsingum í hagnaðarskyni?
Verðum við þá ekki að álykta sem svo, að ríkið geti ekki saksótt þá sem stela upplýsingum?
Hvernig á hið opinbera að saksækja einhvern sem stelur, ef það viðurkennir að það sé í lagi að stela?

Reyndu nú að festa puttann á málefninu, svona einu sinni.

[Ómar Geirsson, 12.2.2015 kl. 19:29]

Þó seint sé þá er loksins komin skýring þess að Stalín hundsaði upplýsingar njósnara síns í Toyko, sem sendi honum nákvæmt yfirlit yfir Barbarossa áætlun Þjóðverja.

Upplýsingunum var náttúrulega aflað á ólöglegan hátt, þeim var stolið.

Prinsippmaður Stalín.

Góður Hilmar.

Kveðja að austan.

[Hilmar (IP-tala skráð) 12.2.2015 kl. 21:04]

Þú taldir þig komast hjá því að svara spurningunum með því að svara út í hött, en það gerðir þú ekki.
Við lærðum ýmislegt af þessum ekki svörum. T.d. því að þú gerir þér grein fyrir því, að það gangi gegn réttarríkinu ef ríkið kaupir stolnar vörur og þjónustu af þjófum.
Hitt stóra sem við lærðum, er að þér er bara nákvæmlega sama um réttarríkið. Það hringja engar bjöllur í kollinum á þér um lagalega hlið, hvað þá siðferðilega, þegar ríkið gengur fram fyrir skjöldu og verslar við glæpamenn.

Í þessu ljósi er náttúrulega eðlilegt að þú kallir til fjöldamorðingjann og siðleysingjann Stalín þínu máli til styrktar.
Sá kauði var náttúrulega í stríði við eigin þjóð.
Ég vissi að þú vart svartasta vinstra afturhald, en að þú sért alræðissinni kom mér á óvart.

[Ómar Geirsson, 12.2.2015 kl. 22:30]

Góður Hilmar, góður.

Þér tókst næstum því orðrétt að endursegja ræðu eins ágætis bandarísks þingmanns þegar hann tjáði sig um glæpi þeirra Mannings og Snowden.

Nema þetta með Stalín, þar innspíraði ég þig.

Segðu svo að ég hafi ekki góð áhrif á þig.

Kveðja að austan.

[Guðmundur meinhorn (IP-tala skráð) 12.2.2015 kl. 23:17]

Það verður fróðlegt að fylgjast með framgangi þessa máls. Er í lagi kaupa hjól sem stolið er í Norðfirði ef kaupandi finnst á Seyðisfirði? Er þetta spurning um siðferði eða ekki? Er þetta spurning um landslög eður ei? Er þetta kannski hluti af nýrri framtíðarsýn fyrir íslenska réttarfarskerfið? Eigi veit ég en vandi er um slíkt að spá. Ómar hver er þín framtíðarsýn í þessum málum?

Guðmundur

Ps. þú og Hilmar ættuð að fá þátt í útvarpi.

[Ómar Geirsson, 13.2.2015 kl. 08:31]

Betri Mummi meinhorn, betri.

Kveðja að austan.

PS. Hvað er að Moggablogginu?

[Guðmundur (IP-tala skráð) 13.2.2015 kl. 22:24]

Sæll Ómar.

Lífið gengur sinn vanagang. Það heldur áfram, tíminn eyrir engu. Gildir einu hvort það er í hegningarhúsinu á Skólavörðustíg eða á Kvíabryggju, Reykjavík eða (í) Neskaupstað. Hæstiréttur hefur talað og réttlætið hefur verið á torg borið. ,,Hvað er sannleikur? Er hann það sem gerðist, hvernig atburðurinn er túlkaður eða hvernig við munum hann?'', segir á Vísindavef HÍ. Ekki ætla ég að deila við réttlætið. ,,Guðs miskunn er það fyrsta sem deyr í vondu ári.'' segir í lesbók Morgunblaðsins í samantekt Eiríks Jónssonar þegar verið er að ræða nóbelsskáldið og verk hans um Jón Hreggviðsson.

Guðs miskunn er það fyrsta sem að deyr í vondu ári!

Kveðjur úr sæluríkinu.

Ps. Það væri gaman að vera kominn á sal á VMA og fá gamla segulbandstækið lánað eins og í den.