Hann var svartur.

 

Auðvitað var hann sekur.

Eina furðan í málinu er að dómsstólinn skuli hafa talið sig þurfa að hafa vitni.

Til að réttlæta dauðadóm sinn.

Eins og samviskan væri sáttari ef hún gat notað vitnisburð 12 ára gamals barns til að réttlæta réttarmorðið.

 

En stóra furðan er að fréttin skuli snúast um að barnið hafi logið, og hafi núna iðrast á gamals aldri.

Segir eiginlega allt um sjúkleikann sem hefur lagst sem mara á vestræn samfélög eftir að frjálshyggjan fór að ríða þar röftum.

Fólk greinir ekki lengur villimennskuna sem felst í að dæma mann til dauða út frá vitnisburði barns.

 

Þekkt reyndar á miðöldum, sem voru kallaðar svartar, að fólk var brennt vegna slíkra ábendinga, ef sakarefnið snerti kukl eða villu, en ekki talið til eftirbreytni á síðari tímum.

Nema vera kynni í Norður Kóreu og viðlíka löndum.

En núna á 21. öldinni ekki talið fréttnæmt.

 

Það er af sem áður var.

Kveðja að austan.

 

 

 

Sat inni í 39 ár vegna lygi barns

Athugasemdir

[MT (IP-tala skráð) 21.11.2014 kl. 23:50]

Já, hann var svartur. Maðurinn sem hefði getað náðað hann er líka svartur, og ekki bara svartur heldur að hálfu leyti afkvæmi múslimsks manns úr fjölkvænisfjölskyldu. Já, hann er voldugasti maður í heimi, og já hann heitir Obama. Já, þú ert á villigötum. Já, ég er á móti dauðarefsingum. Nei, ég tel þig ekki vera að hjálpa, nema síður sé. 

[MT (IP-tala skráð) 21.11.2014 kl. 23:53]

Þetta vandamál þarna í Norður Kóreu er allt frjálshyggjunni að kenna. Bara eins og Isis. Já, ég þoli ekki frjálshyggju. Vil ég troða þeirri gremju inn í allar umræður um mun alvarlegri vandamál, morð og glæpi og gefa í skyn frjálshyggja og morð fari á einhvern hátt saman. Nei, veistu ég held bara ekki. Ég syrgi þessi mannslíf of mikið til að nýta þau sem tylliástæðu til að kasta skít í Sjálfstæðismenn. En þú? Á ég að mæta með ádeilu á Framsókn í jarðarför ástvina þinna? Nei? Slepptu því þá að mæta með skítkast á Sjálfstæðismenn í jarðarför annarra.

[Ómar Geirsson, 22.11.2014 kl. 01:33]

Ert þú bara ekki líka svartur MT, og heill múslimi??

Skýrir líklegast gremju þína út í Obama, fyrst að hann átti að nýta grunnskólaár sín til að náða dæmda menn.

En hvað koma Sjálfstæðismenn þessum pistli mínum við??

Kveðja að austan.