Hálfkák ógnar þrotabúum.

 

En hálfkák ógnar líka þjóðinni.

Vil vísa í Feisbókarfærslu okkar hæfasta hagfræðings, Lilju Mósesdóttur;

"Ég er reyndar sammála Steinunni um að 35% skattur sé fullkomlega óraunhæf skattlagning en ekki vegna þess að slíkur skattur rýrir loftbólueignir hrægammasjóðanna. 35% útgönguskattur er ekki nógu hár til að koma í veg fyrir mikla gengislækkun krónunnar og verri lífskjör almennings á Íslandi.".

 

Froðukrónurnar urðu til við fjármálabrask, og eiga ekki nokkra skírskotun í verðmætasköpun þjóðarinnar.

Eru í raun Matadorpeningar og verða því aðeins verðmæti ef þeim er skipt í erlenda mynt, þar sem annað hvort er undir, útflutningstekjur þjóðarinnar, eða stórt erlent gjaldeyrislán, sem lendir að lokum á skattgreiðendum.

 

Fyrsti kafli leikritsins er hafinn, þrotabúin mótmæla hástöfum þessari málamyndaskattlagningu, en skellihlæja bak við tjöldin yfir trúgirni þjóðarinnar.

Þeirra menn í ráðgjafanefnd ríkisstjórnarinnar hafa unnið gott starf, sigurinn er algjör.

Og gjaldþrot þjóðarinnar líka.

 

Tími hinna stóru leikara er framundan.

Kveðja að austan.

 

 

Fullkomlega óraunhæf skattlagning

Athugasemdir

[Kalli (IP-tala skráð) 20.11.2014 kl. 11:08]

35% útgönguskattur á allar eignir þrotabúanna myndi þýða allar innlendar eignir þeirra(þ.e.a.s Arion og Íslandsbanki og gjaldeyrir þeirra) ásamt í kringum 100-200 milljarðar í gjaldeyri úr erlendum eignum.

[Ómar Geirsson, 20.11.2014 kl. 12:51]

Vá Kalli.

Ekki skal ég gera ágreining ef allar innlendar eignir þrotabúanna þurrkast út.

Ef svo er, þá höfum við báðir upplifað nýja tíma.

Tíma þar sem vonin á sjéns.

Veit ekki.

En ég veit þegar mál skýrast.

Kveðja að austan.