Er Sigmundur Davíð að blekkja??

 

Liggur hjarta hans í raun hjá kröfuhöfum???

Hið víðáttumikla gap á milli orða og efnda ætti að kveikja á rauðum ljósum.

 

Velferðarkerfi auðmanna í boði fyrrverandi og núverandi ríkisstjórnar Ísland, færir erlendum kröfuhöfum tugi milljarða í vexti svo þeir hafa engan hvata til að semja sig út úr stöðunni.  

Þeir eru fyrir löngu búnir að fá fyrir harkvirðið sem þeir keyptu kröfur sínar á, og fá núna árlega senda ávísun sem er hreinn gróði af hinni upphaflegu fjárfestingu.

Til hvers ættu þeir að semja??

 

Ef orð væri að marka Sigmund, þá hefði hann strax gripið til aðgerða gegn þessu velferðarkerfi.

En hans fyrsta verk var að siga Vigdísi Hauksdóttir á ríkisstarfsmenn undir merkjum hagræðingarstefnu Steingríms Joð Sigfússonar.

Hagræðingarstefnu sem Sigmundur Davíð gaf beina falleinkunn á meðan hann var í stjórnarandstöðu.

Hvað veldur??

 

Sigmundi Davíð mælist vel.

En það er það eina.

Kveðja að austan.

Búið of vel að kröfuhöfum bankanna

Athugasemdir

[Sigurður Haraldsson, 4.11.2013 kl. 18:55]

Þakka þér kæri samlandi, þú ert góður kostur í nýtt upphaf til framtíðar það vantar menn eins og þig á þingið.

[Ómar Geirsson, 4.11.2013 kl. 21:34]

Þú segir það Sigurður.

En ég er ekki stjórnmálamaður, ég er bara ég.

Hins vegar ákvað ég að styðja stjórnmálamann sem sameinaði bæði þann kost að vera heiðarlegur og góð manneskja.

Og hafði rétt fyrir sér um hvernig ætti að takast á við helstu vandamál þjóðarinnar.

Og átti þar með engan séns því þjóðin vil ekki slíkan stjórnmálamann.

Ekki að ég ætli að líka mér við Lilju Sigurður en ég er ekki búinn þeim eiginleikum sem þjóðin krefur stjórnmálamenn sína um.

Og yrði ekki kosinn á þing þó ég persónulega bæði hvern einasta Íslending að kjósa mig.

Sem er alltí lagi því ég á ekkert erindi þangað, sem og að stjórnmál eru ekki innan míns áhugasviðs.  

Það er annað sem knýr mig áfram. 

Takk samt Sigurður, svona orð frá alvöru baráttujöxlum eru mér mikill heiður.

Kveðja að austan.