Sagði Elliði af sér??

 

Eftir að hann undirritaði samninginn og játaði þar með ósigur Nýfrjálshyggju Sjálfstæðisflokksins.

Eru engin takmörk fyrir því hvað sjálfsæðismenn geta skitið á sig án þess að axla ábyrgð??

Hugmyndafræðileg heimska er ekki afsökun, fyrirfram var varað við henni.

 

Skatttekjur Vestamannabæjar voru gerða af féþúfu, og núna þegar mistökin eru staðfest, með ómældum kostnaði fyrir sveitarfélagið, þá er látið eins og ekkert hafi gerst.

Svona eitt stykki mislukkaður brandari.

Líkt og lokun skurðstofunnar á sjúkrahúsinu vegna sömu hugmyndafræðilegu heimskunnar.

Í boði sama flokks og Elliði tilheyrir.

 

Vestmannaeyingar töldu sig vera fólk.

En það er greinilegt að músagildrur hræða stóran hluta bæjarbúa.

Sem hlæja þar með að hinum mislukkaða brandara, og styðja sína menn. 

Fram yfir landamæri lífs og dauða.

 

Aumingja þeir.

Kveðja að austan.

 

PS.  Svarið við þessari spurningu er Nei, og skýringuna er að finna í athugasemd Elliða hér að neðan.

Ásamt afsökunarbeiðni minni.

Kveðja að austan.

 

Eyjamenn eignast aftur 9 fasteignir

Athugasemdir

[Elliði Vignisson (IP-tala skráð) 7.10.2013 kl. 13:59]

Sæll kæri Ómar Geirsson

 Bara svona góðfúslega að benda þér á að vinstrimenn voru við völd í Vestmannaeyjum þegar þessi samningur var gerður árið 2004.  Hann var undirritaður af þeirra bæjarstjóra.  Fulltrúar Sjálfstæðisflokksins, eða "fulltrúar Nýfrjálshyggju Sjálfstæðisflokksins" eins og þú kallar þá væntalega voru allir á móti gjörningnum.  Annars bara kjaryrt og gott hjá þér.

 Góðar stundir og kveðja austur

Elliði Vignisson

bæjarstjóri í Vestmannaeyjum.

[Heimir Lárusson Fjeldsted, 7.10.2013 kl. 15:25]

Jafnvel Ómar Geirsson hleypur á sig.

[Ómar Geirsson, 7.10.2013 kl. 15:35]

Já, ég á það jafnvel til Heimir.

Blessaður Elliði.

Þegar upp kemst um strákinn Tuma þá er fátt annað en að segja, en að biðjast forláts.

Það er ekki stórmannlegt að þurrka færsluna út en ég mun hnýta aftan við hana á þann hátt að hið rétta fari ekki á milli mála.

Kveðja að austan.

[Heimir Lárusson Fjeldsted, 7.10.2013 kl. 17:01]

Ómar er maður að meiri.

[Elliði Vignisson (IP-tala skráð) 8.10.2013 kl. 08:05]

Sæll Ómar

Það er bara ein leið til að gera ekki mistök, og það er að gera ekki neitt.  Stóla á að þú haldir aðhaldi þínu og skrifum áfram á þinn gjarnyrta máta.  Vildi að fleiri létu þá eftir sér að hafa skoðanir opinberlega, og þá ekki síður þeir sem eru mér yfirleitt ósammála.

Gangi þér allt í haginn

Elliði Vignisson

[Ómar Geirsson, 8.10.2013 kl. 11:12]

Takk fyrir huggun þína Elliði.

En mér varð á í framsetningu minni og persónugeringu, algjörlega óháð því hverjir sömdu um útvisutn eigna bæjarins á sínum tíma.

Á mér eiginlega enga afsökun.

Ég er vissulega í stríði, og stríði og áreiti, en við hugmyndafræði, ekki menn.  En jafnvel skemlar eins og ég verða að virða ákveðin takmörk, til dæmis að menn hafi eitthvað til saka unnið til að fá á sig ádrepuna, og þá meina ég hugmyndafræðilega, eða pólitískt, eitthvað sem snýr að "opinberu hlutverki" en ekki þeim persónlega.  Hvort það sem er ávirðingar, mistök, eða tengist gjörðum fjölskyldu viðkomandi og svo framvegis.

Og það var meinið, ég spann  út frá frétt sem var ekki um neitt annað en jákvætt skref fyrir framtíð Vestmannabæjar, bjó til andstæðing þar sem engan andstæðing var að finna.

Þetta voru ekki leiðinda mistök, maður á ekki að gera svona mistök.

En jú, jú, maður gerir þau samt, og þetta er ekki í fyrsta skiptið sem ég geri þau.

Og á örugglega eftir að gera þau aftur.

En tilgangurinn helgar ekki öll meðul, og þá reyni ég að biðjast afsökunar, og leiðrétta mig.

Takk fyrir að gefa mér tækifæri til þess.

Kveðja að austan.