Óheppni.

 

Framleiðsla snuffmynda á frjálsum grundvelli, það er að allir leikendur hafa skrifað undir samning um vilja sinn til að leika og fengið fyrir það greiðslur, er ekki viðurkennd í Bandaríkjunum.

Í landi hinna frjálsu viðskipta.

 

Forræðishyggjan er svo grimm, að þeir sem kaupa framleiðslu hinna frjálsu viðskipta, að þeir eru ákærðir í Bandaríkjunum.

Lögreglumaður sem lét sig dreyma um að steikja eiginkonu sína, yfir hægum eldi, hann er ofsóttur á grundvelli þess að hafa horft á hinar frjálsu myndatökur.

Vissulega er það ekki fallegt, að semja við fólk, að borga því pening fyrir að láta pynta sig og grilla, en það var samningur milli frjálsborinna manna eins og samningar um peningalán, svo ég vitni í mjög hneykslaðan vin ritstjóra Morgunblaðsins.  Sem skilur ekki að efast sé um frjálsa samninga. 

Getur siðferði rofið frjálsan samning???

Geta afleiðingar hins frjálsa samnings, hvort sem þær eru skuldaþrælkun þjóðar, eða fyrirfram samþykktar pyntingar á fólki, rofið frjálsan samning???

 

Af hverju voru menn að afnema bændaánauðina í gamla daga???, hún var samkvæmt lögum, og hún var frjálst val þeirra sem skrifuðu upp á ánauð sína.  Vissulega áttu þeir ekki völ á öðru, en undirskrift þeirra var frjáls, réttindabarátta þeirra, að kannast ekki við hinn frjálsa samning sem var á milli frjálsborinna manna, og að annar samningsaðilinn hafi haft allt um samninginn að gera en hinn þurfti að samþykkja, er klárt lýðskrum, svo ég vitni í Jón Steinar.

Samningurinn um ánauðina var frjáls, og átti  að standa.

 

Eins er  augljóst að kjósendur Sjálfstæðisflokksins eigi að standa við sína samninga, þeir tóku hin verðtryggðu lán, og þó það leiði til eignaupptöku, þá var það þeirra val, þó þeir hafi haldið að sjálfstætt fólk hafi stjórnað þjóðinni.  Sjálfstætt fólk sem sagði að það væri alltí lagi með efnahagsmál þjóðarinnar.

Lærdómurinn er að menn eiga ekki að trúa sjálfstæðu fólki.  Menn áttu ekki að trúa Geir Harde og Árna Matthíessyni.

Vissulega laug Jón Steinar þegar hann sagði að allt væri í lagi fyrir Hrun, en hann lýgur ekki þegar hann segir að samningur milli frjálsborinna manna eigi að standa.

 

Jón Steinar veit þetta, skipun hans í Hæstarétt byggðist á þessari vissu hans.

Að samningar eigi að standa.

Óheppni snuffmyndaframleiðanda er að Jón Steinar er ekki Hæstaréttardómari í USA.  Þess vegna eru kaupendur hinnar frjálsu framleiðslu þeirra lögsóttir í dag, fyrir að hafa það sem tómstundargaman að horfa á fólk steikt yfir eldi.  Frjálst fólk, sem samdi þar um gegn greiðslu.  

Bandaríkjamenn þykjast skilja frjálsan markað, en þeir skilja ekki samning frjálsborinna manna um peningalán og endurgreiðslur þeirra.

Þess vegna er mannætu löggan ákærð.  Hennar eini glæpur var að nýta sér niðurstöðu samninga frjálsborinna manna um peningalán, og endurgreiðslu þeirra.

 

Jón Steinar skilur slíka samninga. 

Jón Steinar hefði fyrirskipað að hin meinta mannæta hefði verið látin laus.

Jón Steinar skilur að þvingaðir samningar eru æðri mannhelgi, æðri hagsmunum samfélagsins.

Æðri en möguleikar fólks til að lifa mannsæmandi lífi.

 

Og forysta Sjálfstæðisflokksins skilur rök Jóns Steinars.

En hún skilur ekki að sjálfstæðismenn kjósi ekki stefnu hinna frjálsu samninga.

Hún skilur ekki að þjóðin hafi hafnað hinum frjálsu samningum.

 

Forystan sem fékk sitt afskrifað, gegn því að frjálsir samningar annarra, standi, skilur ekki að það þarf atkvæði fólks en ekki hins dauða fjármagns.

Það er að lýðræðið flækist fyrir þessum augljósa skilningi.

 

Eina spurningin um þessa frétt Morgunblaðsins í þágu snuffmyndaframleiðanda, er hvort skilningur blaðamannsins, á rökum og skilningi Jóns Steinars, sé líka skilningur Davíðs Oddssonar.

Skilur hann sinn gamla vin, eða skilur hann baráttu Churchil gegn ómennsku þeirra sem fyrirlíta líf, en elska auð og völd.  

Davíðs er valið.  

 

Líf eða dauði.

Kveðja að austan.

 

 

Jón Steinar: Lýðskrum

Athugasemdir

[Litli landsímamaðurinn (IP-tala skráð) 5.3.2013 kl. 14:04]

Þegar Jón Steinar talar þá talar Davíð og þá talar Kjartan og þá talar Bjarni Ben og þá talar Hanna Birna og þau tala einum rómi með Jóni Steinari.  Til hvers heldur fólk að í Hæstarétt sé skipað?  Vegna vits?  Vegna réttlætis?

Ónei, vegna klíkubandalags gamalla klíkubræðra og snuðbarna þeirra, Bjarna Ben og Hönnu Birnu.

[Jóhann Kristinsson, 5.3.2013 kl. 14:18]

Ég get ekki séð að það sé verið að brjóta samninga þegar verðtrygging verður bönnuð á húsnæðislánum. Heldur er verið að breyta lögum sem eru að rústa heimilum landsins.

Hvernig verður staðið að því að koma heimilunum út úr gerðum húsnæðislánasamningum er hægt að semja um við lánadrottna.

Það er ekki brot á samning ef allir aðilar að samningnum eru sammála um breytinguna, er það nokkuð Herra Hæstaréttardómai Jón Steinar?

Það þarf enga háskóla gráðu í lögfræði að sjá að samkomulag samningsaðila um breytingu á samningi eru ekki lagabrot.

Spurningin er hvernig verður staðið að samningsbreytingum og eru allir aðilar tilbúnir í slíkar viðræður?

Það eru alskonar aðferðir til að bæta lánadrottnum upp skaða á samningsbreytingum ef það er einhver skaði , því að auðvitað verður að gera nýja samninga löglega.

Ég læt hugmyndaflug samningsaðila um að finna aðferð sem allir aðilar væru sammála um. Auðvitað þyrfti Ríkisstjórn að vera aðili að þessum nýju samningum.

Niðurstaða:

Herra Hæstaréttardómari Jón Steinar þú hefur rangt fyrir þér að ekki sé hægt að breyta frjálsum samningum lagalega.

Að hugsa sér að ég ólærður í lögum skuli geta séð þetta, háskóla genginn lögfræðingur sér þetta ekki, hvað kenna þeir í lagadeild Háskóla Íslands?

Á svona lögfræðingur að sitja í sæti dómara í Hæstarétti Íslands? Ég held ekki.

Kveðja frá Houston

[Ómar Geirsson, 5.3.2013 kl. 22:21]

Blessaður Jóhann.

Jón Steinar skilur þetta alveg.

Hann er aðeins að hjálpa flokknum, sem aftur þarf að þjóna eigendum verðtryggingarinnar.

Þetta er eins og í  ICEsave, rangt er sagt rétt, hvítt sagt svart.  Og svo er treyst á að fólk sjái ekki í gegnum blekkinguna.  

Fólk gerir það, en fólk hefur ekki valkost.

Ekki trúverðugan.

Kveðja að austan.

[Ómar Geirsson, 5.3.2013 kl. 22:25]

Blessaður Litli landsímamaður.

Jafnan er ekki svona einföld, Davíð fór gegn flokknum í ICEsave, og gegn samstarfinu við AGS.

Farðu nú að fatta það að það er Davíð að þakka að við erum ennþá sjálfstæð þjóð.

Og Davíð hefur ekki ennþá lagt blessun sína yfir harikari forystu flokksins.

Sjáum til.

Kveðja að austan.