Hroðaleg skoðanakönnun.

 

Þriðjungur þjóðarinnar skammast sín ekki ennþá fyrir ICEsave svikin.

Forherðist aðeins í afneitun sinni.

 

Það sýnir enn og aftur að ICEsave málinu er ekki lokið, ekki á meðan fólkið sem beint sveik þjóðina hefur beinan aðgang að þjóðinni í lygum sínum og blekkingum.

Á meðan bretar og ESB stjórna fréttaflutningi Ruv mun undirróður og rangfærslur í þágu erlends valds grafa undan sjálfstæði þjóðarinnar.

Þess vegna hafa sjálfstæðar þjóðir lög um slíka háttsemi.

Og við þeim liggja þyngstu refsingar.

 

Nema á Íslandi.

Við erum svo ligeglad og eru meira að segja farin að trúa að ICEsave hafi verið peningagjöf frá bretum svo þjóðin næði sér fyrr eftir bankaránið mikla. 

En Ólafur hafi af hætti Bjarts frá Sumarhúsum hafnað slíkri hjálp, hafi viljað áfram hokra í eymd og volæði útrásarinnar.

Líklegast er skýring þess að Ólafur kom svona vel út þrátt fyrir allt að svo margri þekkja ekki til Bjarts í Sumarhúsum og tengja því ekki við níð bretaskálda.  Ef skáldin hefðu sagt hann leggja Jón Gnarr í einelti og að hann væri á móti Bjartri Framtíð, þá er ekki víst að Ólafur hefði slefað meirihlutann.

 

Eitthvað er það, þjóð sem á forseta sínum sjálfstæði sitt að þakka, því það væri búið að segja okkur til sveita Brussel ef áform stjórnmálastéttarinnar hefðu gengið eftir, tjáir ánægju sína með forsetann í næstu skoðanakönnun.

Það er ef allt er í lagi hjá viðkomandi þjóð.

Sem er ekki á Íslandi í dag.

 

Vogunarsjóðir og ESb eiga fjölmiðlana og markmiðið er skuldaþrælkun almennings líkt og i Grikklandi og víðar. 

Ólafur var þar óvænt hindrun og er því skotspónn hinna keyptu fjölmiðlamanna og álitsgjafa.

Og stór hluti þjóðarinnar lætur blekkjast.

 

Og sá hluti fer stækkandi með hverjum degi.

Ekki nema Ólafur ráðist á rót vandans, framkvæmdarvaldið sem seldi þjóð sína.

 

ICEsave stríðinu er nefnilega ekki lokið.

Það vannst aðeins orrusta, vissulega mikilvæg, en í stríði skiptir aðeins eitt máli, hver vinnur síðustu orrustuna.

 

Og hana ætla vogunarsjóðirnir sér að vinna.

Kveðja að austan,.

Icesave eykur vinsældir forsetans

Athugasemdir

[GB (IP-tala skráð) 11.2.2013 kl. 14:04]

Sami þriðjungur og vill draga okkur í esb. Stundum kallaður Háværi minnihlutinn.

[Haukur Kristinsson (IP-tala skráð) 11.2.2013 kl. 19:00]

Innbyggjarar dáðu Davið Oddsson svo mjög að honum var treyst fyrir flestum veigamestu störfum ríkis og sveitar. Það endaði með ríkisgjaldþroti, Davíðshruninu svokallaða. Samt virðist afglapinn enn eiga marga aðdáendur.

Ólafur Ragnar Grímsson var einn mesti stuðningsmaður útrásarþjófanna, kallaði þá "poets of enterprice", bar virðingu fyrir þeim, skreytti þá með orðum í bak og fyrir, hélt þeim veislur stórar og flaug með þeim í private jets. Dómgreindarleysi total.

Í öllum siðuðum löndum hefði verið búið að sparka honum úr forsetaembættinu. En ekki á klakanum. Tveir undirmálsmenn með skítlegt eðli og slaka menntun. En þetta vilja innbyggjarar, meðalmennsku í stíl Geirs Haarde.

"Kjarni málsins er, að stór hluti Íslendinga er alveg ófær um að sinna pólitískum skyldum sínum. Þeir eru pólitískir analfabetar eins og sést af stuðningi við fjórflokkinn". Þannig orðar Jónas það réttilega.

[Ómar Geirsson, 11.2.2013 kl. 19:55]

Vertu ekki svona hógvær Haukur, bættu við á afrekaskrá Davíðs, gjaldþroti Grikklands, Spánar og Portúgals.  

Og afglöp hans eru þar að auki megin skýring þess að evran hefur verið í öndunarvél í 2 ár og er ekki lengur hugað líf eftir að Frakkar sögðust fara á hausinn vegna reglna sem voru settar í ríkisstjórnartíð Davíðs Oddssonar.  

Hvað hétu reglurnar aftur???  Var það ekki reglur um frjálst flæði fjármagns og einhver Mastricht skilyrði, og eitthvað fleira sem er þá alveg lifandi að drepa.

Og það er satt, þetta var ljótt með Ólaf.

En hann er að koma til, afhjúpaði nú ICEsave  fjárkúgunina, og mun rekaendahnútinn á endurlausn sína þegar hann setur Alþingi af vegna hryðjuverkasamningsins kenndan við ICEsave.

Því eins og þú veist Haukur, þá er fjárkúgun sem beinist að einni þjóð, hryðjuverk.

Þannig að Jónas þarf ekki lengur að óttast um hann Ólaf, hans endurkoma er tryggð.

En það er verra með hann Jónas, beinn stuðningur við hryðjuverka varðar víst við lög.  Ef ég væri hann þá væri ég þegar byrjaður að mæra Ólaf, það er jú hann sem er með náðunarvaldið.

Og sannaðu, Jónas á eftir að fatta það fljótlega.

Kveðja að austan. 

[Ómar Geirsson, 11.2.2013 kl. 19:55]

Takk fyrir innlitið GB.

Þau mega alveg inní ESB mín vegna, en þau eiga nú samt að kunna að skammast sín.

Kveðja að austan.