Verðtryggingin hefur stolið 480 milljörðum frá heimilum landsins.

 

Af þeim árangri er Steingrímur Joð Sigfússon stoltastur af.

Gjáin milli þeirra sem eiga og þeirra sem skulda er síðan rósin í hnappagatið.

Annað sem hann vitnar í eru stolnar fjaðrir.

Kveðja að austan.

Lagði áherslu á þann árangur sem náðst hefur

Athugasemdir

[Rafn Guðmundsson, 4.2.2013 kl. 17:39]

var það ekki krónan okkar sem 'stal' þessum milljörðum

[Ómar Geirsson, 4.2.2013 kl. 18:24]

Nei, Rafn, gengisfelling lækkar skuldir um leið og hún lækkar kaupmátt, það er tilgangur þeirra og eðli.

Verðtryggingin er eitt form fastgengisstefnu, líkt og evru eða dollaratenging.

Fastgengi gengur aldrei upp þegar hagkerfi verða fyrir miklu tekjutapi.

Allavega kann skráð saga síðustu 8.000 ára dæmi um slíkt.

Verðtrygging gjaldmiðla er líkt og ákvörðun um fastgengi, ákvörðun fjármagns til að tryggja að minnkun tekna lendi á öðrum aðilum hagkerfisins, og slíkt gengur aðeins að ákveðnum marki, eða alveg þar til hinir aðilarnir segja hingað og ekki lengra.  

Verðtrygging er tæki sem lýtur sínum eigin forsendum og er alveg óháð þeim gjaldmiðli sem hún er bundin við.  

Þjófnaðurinn sem ég vísa í er svo vegna rangra útreikninga á verðbólgu, eitthvað sem var mjög vel útskýrt í góðri grein eftir Sigurbjörn Svavarsson rekstrarhagfræðing.

Hún var það góð að þeir sem bera ábyrgð á þjófnaðinum,  hafa ekki gert tilraun til að  færa rök gegn rökum Sigurbjörns.

Þögnin segir allt sem segja þarf,.

Kveðja að austan.

[Guðmundur Ásgeirsson, 4.2.2013 kl. 19:29]

Þrátt fyrir að á Spáni sé ekki verðtrygging eru heimilin þar samt í miklum skuldavanda. Ástæðan er að bankar blésu upp eignverð á bólutímanum og veittu svo há lán út á veð í téðum eignum. (Markaðsmisnotkun?)

Núna þegar kreppir að er fasteignamarkaðurinn hruninn og fasteignaverð hefur sumstaðar lækkað um allt að helming. Þannig er hófleg 80% lántaka núna orðin að 160% veðsetningu á heimilinu.

Þetta sýnir glögglega hver "ávinningurinn" af því að vera í evrusvæðinu getur verið. Í stað þess að taka á sig skell með ytri leiðréttingu (gengisfalli) þá gerist það með svokallaðri "innri leiðréttingu" í staðinn.

Atvinnuleysi á Spáni er um 25% og meðal ungs fólks er það um 60% ! Þetta eru allt saman áhrif "innri leiðréttingar" því ekki geta þeir fellt gengið á pesetanum lengur. Spænsk heimili eru alls ekki vel sett.

Auðvitað er hægt að færa rök með og á móti og ég er ekki að segja að gengisfelling sé neitt skárri. Ég er einfaldlega að benda á að aðild að myntbandalagi er í raun engin töfralausn á efnahagsvanda.

Svona vandamál verða ekki leyst með gengisfellingum einnum saman, og verða heldur ekki leyst með aðild að myntbandalagi einu saman. Hvorugt þessara "úrræða" laga undirliggjandi vandann.

[Guðmundur Ásgeirsson, 4.2.2013 kl. 19:38]

P.S. Hvað hefur þetta með verðtrygginguna að gera? Svar:

Verðtrygging sem "úrræði" lagar ekki undirliggjandi vandann heldur. Reyndar eru að koma út á næstu dögum nýjar rannsóknir sem sýna að hún eykur í raun vandann með því að framleiða beinlínis verðbólgu!

Verðtryggingin er ekki sá "hitamælir" sem haldið hefur verið fram, heldur meira eins og hitamælir sem með innbyggða eldavélarhellu sem hækkar sjálkrafa hitann sem mælist. Svoleiðis eru hreinræktuð gervivísindi.

Af þessu leiðir að þar sem verðtryggingin er einn stærsti einstaki verðbólguvaldurinn. Þá er augljóst hvað þarf að gera til að lækka verðbólgu. Byrja á því að afnmema verðtrygginguna. Þá verður gjaldmiðillinn líka stöðugri, hagur heimilanna vænkast, og bankarnir eignast sameiginlega hagsmuni með almenningi um að halda verðbólgu í skefjum til að eignir þeirra brenni ekki upp eins og okkar.

Hvernig afnemum við verðtrygginguna? Á sama hátt og henni var komiðá, þ.e.a.s. með lagafrumvarpi. Svarið mun birtast á heimasíðu Hagsmunasamtaka heimilanna í kvöld.

Næsta skref væri svo að banna peningaprentun. Það er algjörlega nauðsynlegt að koma því á að peningamagn í umferð verði ákveðið með lögum til að tryggja gagnsæi og jafnræði í verðmyndun fjármagns.

[Ómar Geirsson, 4.2.2013 kl. 19:57]

Takk fyrir þín góðu innslög Guðmundur.

Aðeins tvennt. 

Gengisfelling er raunveruleiki þess að tekjur dragast saman og hagkerfið þarf að aðlaga sig minnkandi kaupmátt.  Gengisfelling gerir ekki mannamun, kaupmáttur allra skerðist jafnt.  

Við innri gengisfellingu er aðeins hluti samfélagsins látinn bera byrðarnar, hans skerðing er þá miklu meiri en hún þyrfti að vera.  Eins tekur hún ekki á vandanum sem er að kaupmáttur beinist út á við, það er í eftirspurn utan hagkerfisins.  Gengisfelling beinir honum hins vegar inná við.  

Gengisfelling sem slík skaðar engan, nema einn hóp. Og það er hópurinn sem á eignir í peningalegum eignum.  Verðtryggingin var náttúrlega hugsuð til að verja hagsmuni hans.  En hún má aldrei gera það umfram aðra hópa.  Að verðgildi peningaeigna skerðist minna en verðgildi launatekna, eða annar eigna sem áþreifanlegar, eins og til dæmis fasteignir, hlutabréf eða annað slíkt.  

Þá er komið misræmi sem er jafn slæmt og við innri gengisfellingu, byrðunum er ekki skipt jafnt.  En ójöfn skipting þeirra veldur alltaf ólgu sem magnast eftir því sem vandinn eykst.

En aðalatriðið er það að gengisfelling verður vegna ójafnvægis, og vilji menn ekki hana, þá ráðast menn á rót þess ójafnvægis.  En ófyrirséð tekjutap er ekki á valdi hagstjórnar að stöðva, og því verður alltaf sveigjanleiki að vera til staðar.  

Já og hitt atriðið, verðtrygging er tæki.  Í engu rökréttara eða órökréttara en að ákveða að allir sem fæðast á oddatölu, skuli einir bera tekjuskerðingu, eða aðeins megi viðhalda verðgildi sparifjár brúneygðra.  

Allt jafn órökrétt og með enga tilvísun í efnahagsleg rök.  

Vegna þess að þú getur ekki verðtryggt verðgildi þess sem rýrnar.  Slíkt er andstætt náttúrulögmálum.  Ef eitthvað rýrnar, þá þarftu að bæta það upp með því að taka af öðru.

Og það er kjarni málsins.

Kveðja að austan.