Telja, er uppáhaldsorð Steingríms.

 

Alveg eins og að skoða er í uppáhaldi hjá Jóhönnu.

Þau virðast aldrei vita neitt, telja aðeins, og þegar það reynist rangt, þá skoða, og skoða aftur.

Hvað skyldi Jóhanna vera búinn að skoða oft vanda heimilanna, útbúið síðan magnaðan aðgerðapakka, sem er kynntur með pomp og prakt, og þegar njótendur pakkans, hin skuldugu heimili spyrja í forundran, "hvað er þetta, hvernig á þetta að hjálpa?", þá svarar Steingrímur alltaf, ég tel að þetta muni ná að leysa vandann.

Sem það gerir ekki, þá er aftur haldið á stað í skoðunarferð, og síðan er lagst í talningu.

 

Steingrímur taldi hins vegar að bretar hefðu engan hag í að gera Ísland gjaldþrota, þess vegna var hann á móti vinnu þingsins sumarið 2009, þegar það var þó reynt að setja inn ákvæði sem hindruðu beint gjaldþrot landsins.

Steingrímur var nefnilega einn um það að telja að bretar hefðu ekki þann illvilja svona í ljósi fyrri samskipta.

 

Steingrímur taldi líka að það yrði auðvelt að greiða þessa hundruð milljarða, og gengið myndi styrkjast, það myndi líka styrkjast þegar ICEsave bréf LÍ kæmi til greiðslu.

Það myndi styrkjast, bara ef við greiddum nógu mikinn gjaldeyri úr landi.

En gengið sjálft taldi ekki neitt, það fer eftir þeim raunveruleika að veikjast þegar greiðslur á erlendum lánum leita úr landi.  Það samband var falið fyrst á meðan ekkert var flutt inn, en það kemur að því að landsmenn þurfa að endurnýja tól og tæki, og þá mun gengið lenda í frjálsu falli.

Þó ICEsave greiðslur komi ekki til, og þó það sé ekki farið að greiða að LÍ bréfinu.

 

Blaðamenn eiga því ekki lengur að láta Steingrím komast upp með talningu sína.

Þeir eiga að spyrja um staðreyndir, þeir eiga að sannreyna staðreyndir.

Ennþá búa þeir ekki í alræðisríki þar sem þeir væru skotnir fyrir að efast um hina meintu talningu.

 

Hvert er þetta eignasafn, er búið að greiða það upp???

Forsenda Steingríms um hina góðu afkomu er bábilja, aðstæður í sjávarútvegi hafa alltaf sveiflast, og núna er ein sveifla hafin, beint niður á við.  

 

Fáum staðreyndir uppá yfirborðið og ræðum málið út frá þeim.

Ekki því sem Steingrímur telur.

 

Ég tel að það sé tími til kominn.

Kveðja að austan.

Telja ekki reyna á ákvæðið

Athugasemdir

[Hrólfur Þ Hraundal, 25.1.2013 kl. 08:04]

Það er borin von Ómar að Íslenskir fréttamenn standi í lappirnar fyrir framan Steingrím J.S.  Það lítur útfyrir að hann sé í þeirra augum svo kynþokkafullur að þeir fá allir í hnén þá guð þursana talar. 

Nei fyrirgefðu Ómar þetta er vitlaust hjá mér því þursar voru einfaldir og kunnu ekki að segja ósatt.  Þetta er því guð hinnar klofnu tungu, enda skjálfa allir fyrir framan copra slöngu og Putin.    

   

[Ingibjörg Guðrún Magnúsdóttir, 25.1.2013 kl. 08:07]

þetta hangir allt á Sjávarútveginum eftir orðum Steingríms að ræða og hvað þýðir það annað en VEÐSETNING á framtíðarveiðum...

[Ómar Geirsson, 25.1.2013 kl. 13:44]

Guð hinnar klofnu tungu, eða þá að allir þjóna þeir Mammon Hrólfur, ítök þeirra peningaafla sem réðust á Ísland eru mikil.

Samt hefði ég talið að Morgunblaðið ætti að hafa burði til að sannreyna þessi orð Steingríms.

Kveðja að austan.

[Ómar Geirsson, 25.1.2013 kl. 13:47]

Nákvæmlega Ingibjörg.

Rykið í augun fólks er síðan innantómt röfl um ákvæði í stjórnarskrá um að allar auðlindir séu í þjóðareigu.

Blekking svo fólk verji ekki sig og sína, þjóð sína og sjálfstæði.

Kveðja að austan.

[Rakel Sigurgeirsdóttir, 25.1.2013 kl. 16:40]

Hafa fleiri tekið eftir þessu með talninguna hans Steingríms sem kemur þannig út að hann þykist ekkert vita en telur allt mögulegt!?!

[Guðmundur Ásgeirsson, 25.1.2013 kl. 19:34]

Og hví spyr enginn afhverju Steingrímur ætlar að láta Landsbankann "okkar" borga 3-400 milljarða í beinhörðum gjaldeyri fyrir safn gengistryggðra lána sem eru að öllum líkindum mörg ólögleg?

Og hvar ætlar Steingrímur að finna þennan gjaldeyri fyrir Landsbankann? Kannski á sama stað og hann geymir gjaldeyrinn sem hann ætlaði að nota til að borga Icesave-III? (Semsagt hvergi.)

[Ómar Geirsson, 26.1.2013 kl. 11:05]

Ég myndi allavega ekki ráða hann til að telja í búð Rakel, ekki ef ég vil geta treyst vörutalningunni.

Guðmundur, er svarið ekki augljóst, og má finna í góðri grein Michael Hudson. 

Ísland varð fyrir árás fjármálaafla, og þau hernámu landið.

Spurningin er, ætla allir að lyppast niður eins og lyddur.

Kveðja að austan.