Tveggja feisa Steingrímur.

 

Er svo klofinn persónuleiki að hann semur um óbreytt ástand gegn skaðabótum við fjárúlfa en rær á mið lýðskrumsins með vanhugsuðum árásum á sjávarútveginn.

Hvort skyldi vera hans raunverulega andlit??

Já, ég veit barnaleg spurning, hann væri ekki með tvö andlit ef svarið væri annað.

Steingrímur þjónar fjármálamafíunni en um leið kann hann ekki að afla sér fylgis nema með hávaða og látum.

 

En þetta er útidúr, fyrirsögnin og allt.

Sér enginn sjúkleikann við það að meta tæplegan 20% hlut í LÍ á yfir 90 milljarða.

Fyrir utan blóð heimilanna sem þarna er verðlagt dýrum dómi eins og almenningur sé sláturdýr þá blasir við í þessari einni tölu, 92 milljarðar, loftið sem ennþá er til staðar í sýndarfjármálakerfinu og er fjarri öllum verðmætum í raunhagkerfinu.

Sem er bein ávísun á annað hrun.

 

Ætlum við sem vitibornar manneskjur aldrei að skilja að fábjánar ráða för, fólk sem er ekki í neinum tengslum við raunveruleikann.  Og þá er ég ekki að tala um stjórnmálamennina, þeir eru keypt afleiðing.

Sýnd gervipeninganna er mesta ógnin við nútíma samfélög í dag.

Og það þarf að mæta þeirri ógn.

 

Og ekki með vettlingatökum.

Og ekki með mjálmi.

 

Hér dugar ekkert minna en alvöru klofbragð.

Kveðja að austan.

Óttuðust kvótabreytingar

Athugasemdir

[Seiken (IP-tala skráð) 24.1.2013 kl. 08:58]

Já, og hverjir voru kröfuhafar í gamla Landsbankann þegar samið var um þetta á þeim tíma þegar ekki var reiknað með fullum heimtum upp í Icesave kröfurnar? Það voru auðvitað engir aðrir virkir kröfuhafar en Hollendingar og Bretar því ekki var reiknað með að það fengist neitt upp í almennar kröfur.

Stofnun nýja Landsbankans verður að rannsakast sem sakamál. Það blasir við að á fundunum sem velferðarstjórnin átti með Hollendingum og Bretum um stofnun nýju bankana á vormánuðum 2009, var samið um að moka ætti þeim gjaldeyri sem íslensk sjávarútvegsfyrirtæki í viðskiptum við nýja Landsbankann væru að skaffa, inn í þrotabú gamla bankans. Með þeim hætti var hægt að koma Icesave kröfunum framhjá gjaldeyrishöftunum. Þrotabúið átti engan rétt á þessum gjaldeyri vegna þess að inn í nýja bankann voru fyrst og fremst flutt lánasöfn sem greitt er af í íslenskum krónum.

Og það segir sig sjálft að fléttan sem velferðarþingmenn settu á svið í mars 2012 þar sem gjaldeyrishöftin eru "löguð" svo að segja í skjóli nætur, hlýtur að vera gerð í þeim tilgangi að koma m.a. þessari inneign þrotabús Landsbankans út úr landinu. Sú laga- eða reglubreyting var seld almenningi með þeim orðum að verið væri að þétta varnir gegn gjaldeyrisleka, en á sama tíma fékk að fljóta með sú "minniháttar" lagfæring að kröfuhafarnir gæti labbað út úr landinu með eign sína á gjaldeyrisreikningum í SÍ. 

[Ómar Geirsson, 24.1.2013 kl. 09:19]

Það er margt sem þarf að rannsaka Seiken, en fyrst þarf að afhjúpa þessa menn, sýna fyrir hverja þeir í raun vinna.

Og það þarf að hrekja þá frá völdum, en ekki til að uppskera eitthvað annað útibú frá vogunarsjóðunum og innlendum samstarfsaðilum þeirra.

Með öðrum orðum, það er verk sem þarf að vinna.

Kveðja að austan.