Hvernig getur sannleikurinn ráðist á fólk???

 

Ef einhver stelur, þá er hann þjófur, ef einhver reynir fjárkúgun, þá er hann fjárkúgari.

Gordon Brown er fjárkúgari, það er ekkert flókið við það.  Bresk lög eru skýr þar um.  Sá sem reynir að hafa fé af öðru fólki með hótunum eða ofbeldi, hann er fjárkúgari.  

Ef slík hótun beinist að samfélögum fólks eða sjálfstæðu stjórnvaldi, þá er um hryðjuverk að ræða.  Skýrt í alþjóðalögum, þarf ekki að deila.

 

Ólafur er  kurteis maður og sleppir því að tillitsemi við bresku þjóðina að benda á þessa staðreynd.

Líklegast er það þess vegna sem Mbl.is segir að Ólafur hafi ráðist að Gordon Brown, hann sleppti því að segja satt um hann.  Benti aðeins á hið augljósa að fjárkúgun væri ekki fyrirgefin. 

Sem er líka satt, og sannleikur ræðst ekki á fólk.  Líklegast ætlast þá blaðamaður Mbl.is að Ólafur hafi átt að tilkynna lögsókn, að Brown yrði sóttur til saka fyrir glæpi sína.  Sem er líka augljóst þegar fjárkúgari og hryðjuverkamaður á í hlut.  

Hin meinta árás er þá að taka slíkt ekki fram, að segja ekki alveg satt fyrir kurteisi sakir.

 

Reynar óvenjuleg nálgun já Morgunblaðinu, en rökrétt ef maður hugsar út í það.  

Vandinn er samt sá að svona fyrirsögnum á eftir að fjölga, því margur segir ekki alveg satt.  Til dæmis Bjarni Ben þegar hann ætlar að baka köku á meðan vogunarsjóðirnir leggja undir sig efnahagslíf landsins.  Segir að það þurfi ekki að hafa neinar áhyggjur af vogunarsjóðunum.  

Þar með er Bjarni að ráðast að vogunarsjóðunum með því að segja ekki satt um þá.  

Kannski verður stórfyrirsögn á morgun hjá Morgunblaðinu, "Bjarni ræðst að vogunarsjóðunum", segir að þeir ógni ekki efnahagslífinu.

 

Svo er það þegar Jóhanna segir frá efnahagsbatanum sem eru augljós ósannindi, þá verður þessi fyrirsögn, "Jóhanna ræðst að efnahagslífinu" og svo framvegis.

Og Steingrímur verður með stanslausar árásir því honum er fyrirmunað að segja satt orð eftir að hann varð ofurráðherra.

 

Þetta er fyndið hjá Mogganum.

Að lokum neyðast allir til að segja satt, annars verða þeir sífellt sakaðir um árásir.

 

Snilld ef maður hugsar út í það.

Kveðja að austan.

Forsetinn ræðst að Gordon Brown

Athugasemdir

[Elle_, 23.1.2013 kl. 22:00]

Ha, ha, hluti af ósjálfsráðu skrifunum, Ómar? 

Eðlilegir fréttamenn hafa ekki haft við að lesa í ofurskáldskap Jóhönnu og Steingríms (og Össurar) árum saman.  Ekkert vandamál fyrir Fréttablaðið (og ekki alltaf miðilinn sem við erum handrukkuð fyrir), þeir skrifa bara það sem passar fyrir óvininn, ríkisstjórnarflokkarnir meðtaldir.  

Verst samt að forsetinn skyldi ekki bara hafa látið allt vaða.  

[Ómar Geirsson, 23.1.2013 kl. 22:08]

Já Elle, það þýðir ekki annað en að gera grín að þessu.

Svona orðalag mótar mjög viðhorf fólks, er svona stjórntæki valdsins.

Og ICEsave liðið, sem bráðum mun upplifa sinn skapadóm, það gjammar í kór, en ég var hissa á Mogganum að taka þátt í leiknum.

Líklegast hefur Eurokratinn verið á vakt.

Kveðja að austan.

[Kolbrún Rósa (IP-tala skráð) 23.1.2013 kl. 22:54]

Það er ekki virðulegt að minnast á Bjarna Ben í sama pistli og forsetann.

Óli er einn mesti snillingur sem Ísland á í dag, og gott hjá honum að minna á þetta, ekki það að ég hafi verið búin að gleyma því að ég hafði verið sett undir sama hatt og hann Osama Bin Landen greinilega "félaga" minns ....... Að fólk sé búið að gleyma því er viðvörunarmerki um alzeimer

[Helga Kristjánsdóttir, 23.1.2013 kl. 22:55]

Heill forseta vorum og...Dorrit.

[Anna Sigríður Guðmundsdóttir, 23.1.2013 kl. 23:53]

Óli Bessastaða-bóndi og Gordon (gervi-Brúnn) þurfa báðir að læra af fortíðar-mistökum sínum. Ekki síst þurfa þeir að læra þá auðmýkt og æðruleysi, sem felst í því að biðjast einlæglega fyrirgefningar á því sem þeir gerðu rangt. Bæði gagnvart sínum eigin þjóðar-þegnum og öðrum.

Það virðist ekki vera sterkasta hlið þessara uppstillingar-stráklinga, að skilja mikilvægi kærleika og fyrirgefningar. Hér hamrar Óli Bessastaðabóndi á mikilvægi langrækni og ó-fyrirgefningar? Hverjum þjónar slíkur vanþroska-áróður?

Ég bið almættið algóða að hjálpa þeim sem aldrei gleymir gölluðum verkum annarra, né fyrirgefur þau. Það er ekki í mannlegu valdi einu saman að hjálpa þessum toppfígúru-langrækni-upphrópunar-strákum (peðum) heimsmafíunnar.

Kærleikur og friður er eina færa leiðin að betra heims-samfélagi.

Og að sjálfsögðu er framlag hvers og eins samborgara, öflugasta lóðið á vogarskálina, til að bæta samfélagið, og á eigin hugsjóna-forsendum, en ekki á fjölmiðlahönnuðum og bankaræningja-keyptum forsendum.

M.b.kv.

[Guðni Karl Harðarson, 24.1.2013 kl. 02:50]

Hahahaha. Þú kemur við kaunin á einhverjum Ómar....................

[Ómar Geirsson, 24.1.2013 kl. 09:48]

Takk fyrir innlitið heiðurskallar og konur.

Anna, fyrirgefning snýst ekki um það að láta glæpamenn komast upp með glæpi sína, eða verjast ekki ásókn þeirra.

Fyrirgefning er annar eðlis.

Kolbrún, kaldhæðnin lítur öðrum lögmálum en þeim sem kennt er við virðingu.

Helga, mér finnst Dorrit per se flottari, en Ólafur er alltaf að koma meir og meir á óvart.  Hann er að verða betri en enginn, og betri en margir, í vörn hins venjulega manns gegn ógnarvaldi fjármálamafíunnar.

Guðni, veistu, ég held ekki, en það er smá von að einhver á Mogganum hafi lesið þetta, og kveikt á hvernig blaðinu er lögð orð í munn þegar það eltir fyrirsagnir ICEsave vina.

Kveðja að austan. 

Kveðja að austan.

[sigkja (IP-tala skráð) 24.1.2013 kl. 12:10]

Ef einhver stelur, þá er hann þjófur. Og allt benti til þess að góðvinir og ferðafélagar Ólafs Ragnars, rekstraraðilar bankanna, væru einmitt það. En vegna þess að bankarnir og útibú þeirra féllu undir íslensk lög og eftirlit áttu Bretar fáa úrkosti aðra, þegar grunur vaknaði um stórfelldar millifærslur úr útibúum á Bretlandi, en að beita lögum gegn hryðjuverkum og efnahagsvá til að frysta eignir íslenskra banka í Bretlandi. Enda virtust Íslensk stjórnvöld aðeins hafa áhuga á að yfirtaka eignir bankanna, beita blekkingum og bjarga eigin skinni á þeim tíma.

[Ómar Geirsson, 24.1.2013 kl. 14:44]

Sigkja, þú gerir í því að rugla mig.

Núna lætur þú eins og breska sendiráðið geri þig út??

Geturðu ekki tekið af skarið???

Kveðja að austan.

[Elle_, 24.1.2013 kl. 15:55]

Hann hefur alltaf verið svona, Ómar, hatrammur fyrir að verja kúgunina og heimtandi af okkur peninga fyrir ógeðinu. 

Það þýðir ekki að hann hafi enn, 4 árum seinna, farið að borga neitt sjálfur, frekar en hinir innheimtumenn breskra stjórnvalda.

[sigkja (IP-tala skráð) 24.1.2013 kl. 15:56]

Hvað finnst þér að Bretar hefðu átt að gera þegar þessi óskabörn þjóðarinnar stóðu ekki undir væntingum um heiðarleik og góða viðskiptahætti?

[Ómar Geirsson, 24.1.2013 kl. 16:17]

Sjálfsagt bara tekið þá og flengt þá sigkja, en þeir gerðu mistök með því að blanda mér í málið, ég er svo langrækinn.

Elle, þetta er svona en núna er ég allur í staðsetningartækninni, þess vegna lagði ég þessa spurningu fyrir sigkja, en hann er ekki svargóður.

Kveðja að austan.

[sigkja (IP-tala skráð) 24.1.2013 kl. 16:35]

Það getur verið snúið fyrir Breta að ætla sér að flengja einhvern sem situr ósnertanlegur undir verndarvæng Íslenskra stjórnvalda eins og Lockerby sprengjumaður í Libíu.

[Ómar Geirsson, 24.1.2013 kl. 16:52]

Nú, eiga þeir ekki allir heima í London???

Kveðja að austan.

[sigkja (IP-tala skráð) 24.1.2013 kl. 17:21]

Ekki 2008. Og Bretar voru að koma í veg fyrir að þeir gætu brotið af sér með áframhaldandi aðstoð Íslenska ríkisins. Rannsóknir og kærur bæði hér og á Bretlandi komu síðar. Þessa fyrstu daga var áherslan á að bjarga því sem bjargað yrði og koma í veg fyrir frekara tjón. Bretar notuðu þau lög sem þeir höfðu, við bjuggum til ný lög og komumst að því í næstu viku hvort það hafi verið að pissa í skóinn.

[Ómar Geirsson, 24.1.2013 kl. 18:36]

Nú, hvar voru þeir þá Sigkja??

Sástu ekki Séð og heyrt??

En segðu mér, hefur þú eitthvað fyrir þér um þessi meintu brot, annað en efnið sem þú fékkst í breska sendiráðinu??

Rannsókn, sönnun á fjármagnsflutningum, leyniskjöl MI6, eitthvað???

Upplýstu mig, þá get ég kannski skúbbað á morgun þegar ég byrja ICEsave umfjöllun mína.

Kveðja að austan.

[sigkja (IP-tala skráð) 24.1.2013 kl. 21:43]

Þó fólk ferðist til Bretlands og jafnvel víðar, kaupi sér gull-ís og láti Elton John spila undir er ekki þar með sagt að það búi þar. Jafnvel þó mynd birtist í Séð og heyrt.  Auk þess sem fjöldi fólks hefur séð ástæðu til að breyta um heimilisfang síðan 2008, nokkrir Íslendingar þar á meðal. En ég er ekki viss um að það hafi komið fram í Séð og heyrt.

Úr skýrslu Rannsóknarnefndar Alþingis:"...Davíð Oddsson, formaður bankastjórnar Seðlabankans, lýsti því við skýrslutökur hjá nefndinni að það hefði fyrst verið þegar líða tók á árið 2008 sem bankastjórnin hefði gert sér grein fyrir að peningar sem komu inn á Icesave reikningana væru að einhverju marki fluttir heim...." --- Ég ætla ekki að draga neinar ályktanir, kannski lágu þessir peningar undir skemmdum og það var bara verið að bjarga þeim og óþarfi af Bretum að reyna að koma í veg fyrir það.

Það er nær óþekkt í bloggheimum en þú getur skúbbað helling alla daga ef þú kynnir þér það efni sem þú ætlar að fjalla um. Gömul minningabrot úr Séð og heyrt og bergmál þvoglumæltra samherja á þorrablótum fyrri ára eru frekar slappar heimildir.

[Ómar Geirsson, 24.1.2013 kl. 22:29]

Er þetta allt og sumt sem breska sendiráðið fóðrar þig á sigkja??

Tilvitnun í Davíð Oddsson???

Ekkert frá breska fjármálaeftirlitinu, magn þess sem flutt var á milli landa, og á hvaða hátt það braut á breskri reglugerð um fjármagnsflutninga??

Gleymdu þeir að láta þig vita að það væri frjálst flæði á vörum og þjónustu á evrópska efnahagssvæðinu, þar á meðal á fjármagni.  

Gleymdu þeir líka að segja þér að breska fjármálaeftirlitið hefur fulla heimild til að grípa inní starfsemi fyrirtækja sem starfa á breskum fjármálamarkaði ef grunsemdir vakna um eitthvað óeðlilegt, til dæmis að reglur séu brotnar eða það sé verið að skjóta peningum undan eða annað sem afskipti þarf að hafa af. 

Sem breska fjármálaeftirlitið gerði ekki þarna um mitt árið 2008.

Fattarðu ekki tímamismuninn sem kemur fram í tilvitnun þinni og tímasetningunni á hryðjuverkalögunum.  Sem voru sett til að hindra stórfelldar millifærslur að þú fullyrðir.  

Þannig að tilvitnun þín passar ekki.  Og ef þú væri læs á gögn þín þá kemur ekkert annað fram í þeim en að SÍ hafi fylgst illa með.  Þessari innlánssöfnun á ICEsave var hrósað í skýrslu OECD svo varla hefur hún verið leyndarmál, eða ólögleg, eða er OECD einhver skipulögð glæpasamtök í þínum huga.

Farðu svo inná heimsíðu FSA og lestu þér til um þau úrræði sem sú stofnun hefur til að grípa inní starfsemi sem henni hugnast ekki.  Til dæmis getur hún mætt og lokað, eitt tveir og þrír.

En það er hvergi minnst á hryðjuverkalög.  

Svo með fullri virðingu fyrir heimildarmönnum þínum sigkja, þeir eru annaðhvort bjánar, eða eru að spila með þig.

En ef þú færð góða borgun fyrir að leika bjána, þá ætti það ekki að skipta máli.

Kveðja að austan.