"Flokkur skynsemi og nýrra vinnubragða".

 

Er lýsing Guðmundar Steingrímssonar á Bjartri Framtíð.

Látum það vera milli hluta að Björt Framtíð er beint afsprengi Já hópsins um ICESave fjárkúgun og er það sem kallast "kostuð auglýsing" fyrir Evrópusambandið og skoðum innistæðuna á bak við þessa fullyrðingu Guðmundar.

Það er ljóst að hann hefur alveg rétt fyrir sér um "ný vinnubrögð", það er vissulega þekkt í heiminum að stórveldi geri út flokka til að vinna að hagsmunum sínum og jafnvel brjóta niður sjálfstæði ríkja, nærtækasta dæmið er kommúnistaflokkar Evrópu sem unnu leynt og ljóst að því að Sovétríkin næðu yfirráðum yfir löndum þeirra, en slíkt er í fjarlægðri fortíð.  Bretar gerðu til dæmis margt til að brjóta á aftur íslensku þjóðina í þorskastríðinu en þeim datt aldrei í hug að stofna til þess sérstakan flokk og kosta hann til að tala um álfa og tröll og la la og þá einu konkret tillögu að það þyrfti ekki að berjast fyrir landhelginni því alþjóðleg segðu að bretar mættu veiða uppí landgrunn.

Bretar mátu þetta sjálfsagt þannig að það myndi engin þjóð stuðla að sinni tortímingu enda var þetta fyrir daga Tómhyggju velmegunarinnar.

 

En skynsemi, það er umdeilanlegt, nema þá hjá þeim öfugsnúnu sem upphefja feigð fram yfir framtíð.

Það er margur vandinn sem blasir við á Íslandi í dag og á þeim hafa menn skoðanir, misgáfulegar.

En Björt Framtíð hefur enga skoðun, allavega hefur flokkurinn ekki kynnt þær, og sannarlega hefur hann hvergi sést þar fólk hefur verið að tala um vanda heilbrigðiskerfisins, um fátækt, um skuldavanda heimilanna, um ítök og yfirtöku amerísku vogunarsjóða á fjármálakerfinu, eða annað sem brennur á almenningi þessa lands og ógnar tilveru þjóðarinnar.

Og það getur ekki talist skynsemi.

 

Þegar farsótt herjar og ógnar tilveru samfélaga þá reyna menn að verjast henni með þeim ráðum sem þekkt er.  En að láta eins og hún sé ekki til, að það sé ekki Kúúlll að skipuleggja varnaraðgerðir því það er svo miklu skemmtilegra að leika sér eða segja gnarrara, það er þekkt en alltaf kennt við heimsku en ekki skynsemi.

Þegar ræningjar og ribbaldar herja á samfélög, þá reyna menn að verjast, byggja varnargarða, safna vopnum, mynda varnarhópa og svo framvegis.  Menn fela þeim ekki völdin sem segja. "hva er þetta maður, hví ertu að þessu, af hverju ferðu ekki bara á Gaukinn að spila á fiðlu" eða "hva er þetta maður, hví lokar þú borgarmúrunum, ég þarf að komast út, ég má hafa hliðið opið".

Menn auðvelda aldrei ribböldunum verkið en það er nákvæmlega sem Tómhyggja Bjartrar Framtíðar gerir, vörn hennar gegn amerísku vogunarsjóðunum er enginn enda öruggt að þeir eru í hópi kostunaraðila hennar.

Samfélagið okkar mun hrynja ef ekki er tekist á við þau vandamál sem blasa við, með skelfilegum afleiðingum fyrir allan almenning.

 

Tómið er því sjálfseyðing og þó lýðræðið banni ekki innri aðför að samfélaginu þá getur slík aðför seint talist til skynsemi.

Nema hugsanlega hjá þeim sem dýrka feigðina.

 

Ég vil líka minna á að alla sína hunds og kattartíð á síðasta kjörtímabili að þá hefur Guðmundur Steingrímsson aldrei gert ágreining við óhæfuverk ríkisstjórnarinnar, eini þekkti ágreiningur hans var við þá aðila sem stóðu fyrir málþófi gegn ICEsave ólögum ríkisstjórnarinnar.  

Samþingmaður hans, Róbert Marshall var gerandi í þessum óhæfuverkum.

Þeir félagar studdu aðförina að sjúkrahúsum landsbyggðarinnar, þeir styðja fjármagnseigendur í aðförinni að heimilum landsins, þeir hafa stutt alla þá krafta sem hafa dregið þrótt úr efnahagslífinu og þeir hafa stutt endurreisn fjármálakerfisins sem fól amerískum vogunarsjóðum eignarhald á fjármálakerfi landsins.

 

Skjaldborg auðmanna hefur verið þeirra skjaldborg.

Þar eru ræturnar, þaðan kemur þeirra lífskraftur.

 

Ný vinnubrögð, já, skynsemi, nei.

En markaðssetningin er vel heppnuð.

Kveðja að austan.

 

Athugasemdir

[Einar (IP-tala skráð) 2.12.2012 kl. 12:51]

Ekki að ég ætli að verja þennan nýjan flokk, en þá finnst mér að menn eigi að gefa honum séns á að koma fram með stefnuskrá sína. Þá ætti pistlahöfundur að spara stóru orðin, en svo virðist sem þeir sem ekki eru honum sammála í einu og öllu séu þ.a.l. fífl, illa þenkjandi EKKERT o.sv.frv.

[Björn Emilsson, 2.12.2012 kl. 15:47]

Guðmundur Steingrímsson er einn ákveðnasti innlimunarsinni Islands í ESB. Eins og nú horfir virðist draumur Jóhönnu vera að rætast, með stuðningi Vinstri Grænna og Bjartrar Framtíðar. Eða hitt þó heldur.

[Ómar Geirsson, 2.12.2012 kl. 18:43]

Er hann það Björn???, að hann sé þá kannski eitthvað meir en EKKERT.  En hefur hann einhvers staðar fært rök fyrir máli sínu sem halda vatni eða vindi.  Kjósendahópur hans bætir varla lífskjör sín með því að taka upp gríska ástandið eða það hefði maður ekki haldið.

En ég get ekki tekið afstöðu til þess á meðan ég þekki ekki rökin svo ég held mig við að innihald hans sem stjórnmálamanns sé EKKERT, og þar með er hann ekki einu sinni innlimunarsinni.

En sjálfsagt þráir hann að vera það.

Kveðja að austan.

[Ómar Geirsson, 2.12.2012 kl. 19:07]

Blessaður Einar.

Sjálfsagt væri alltí lagi að gefa honum séns ef framtíð barna minna væri ekki í húfi.

Þú elur ekki börnin þín uppí rændu og svívirtu þjóðfélagi, hafir þú vott af manndóm, þá snýst þú til varnar.

Hins vegar reikna ég ekki með að þú skiljir svo einfalda speki miðað við að þú lest stóryrði úr þessum pistli.

Og hér er ekki stunduð sú iðja að kalla þá sem eru mér ósammála  "fífl, illa þenkjandi EKKERT o.sv.frv.", eða kannt þú dæmi um annað??

Kveðja að austan,.

[Gunnar Heiðarsson, 2.12.2012 kl. 21:50]

Björt framtíð var ekki stofnuð í gær, Einar, heldur fyrir nokkrum mánuðum síðan. Því hefur flokkurinn haft nægann tíma til að koma fram með stefnumörkun í hellstu málum þjóðarinnar. Enn bólar þó lítið á því og sennilega mun slík stefna aldrei koma fram, enda hentar tækifærissinum best að vera óbundnir að einhverri stefnu.

Guðmundur segir flokkinn standa fyrir ný vinnubrögð og skynsemi. Í hverju felast þessi nýju vinnubrögð? Í hverju fólust nýju vinnubrögð möðurflokks Bjartrar framtíðar, Besta flokksins? Akkúrat engu! Sá flokkur hefur sýnt og sannað að þar eru sömu vinnubrögð uppi og hjá öðrum stjórnmálaöflum, fyrst hugsað um eiginn rass. Munirinn er að engin stefna er þó fyrir hendi og því fer þar flokkur án stefnu en stundar þau vinnubrögð sem helst ber að gagnrýna. Það er engin þörf á neinum sérstökum vinnubrögðum þegar engin stefna er til að fylgja eftir!

Skynsemin sem Guðmundur talar um er kannski að hafa enga stefnu, að hafa ekkert til að berjast fyrir. Flestir kalla slíkt þó heimsku!

En Björt framtíð hefur eitt sem aðra flokka skortir, það er að ná til fjöldans. Að hafa mælsku til að fylkja fólki bakvið ekkert er sárstök snilld. Sú snilld gagnast þó lítið á Alþingi, þar sem fólk þarf að taka ábyrgar ákvarðanir.

Það er illa komið fyrir þjóðinni þegar mælskulistin er dregin framfyrir ábyrga stefnu. Vandi heimilanna verður ekki leystur með mælskulist, heldur athöfnum. Því er svo nauðsynlegt fyrir fólk að vita að hvaða athöfnum hvert stjórnmálaafl stefnir, hver stefnumál þess eru.

[Ómar Geirsson, 3.12.2012 kl. 09:15]

Takk fyrir þitt góða innlegg Gunnar.

En þú þarft ekki að eyða orðum á Einar, hans hlutverk var að koma hér inn með örstutta athugasemd á stöðluðu formi um að það ætti ekki að segja satt um Bjarta Framtíð.

Náungar eins og hann eru ekki á rúntinum netheima til að ræða málin, þeir taka að sér varðgæslu fyrir málstaðinn, svona eins og hilmar vinur okkar gerir, nema að hilmar er fyndinn.  Og alltaf gaman að fá hann í heimsókn.

Það er illa komið fyrir þjóðinni, hún lét útsendara fjármálaþjófanna plata sig í aðdraganda Hrunsins, hún lætur þá líka plata sig núna svo ekki næst að mynda andstöðu gegn áformum þeirra um yfirtöku landsins uppí skuld útrásarinnar.

Því miður er heimskan fylgifiskur velmegunarinnar.

Kveðja að austan.