Hvað ætlar Ólafur Darri að leika lengi hirðfífl evrunnar???

 

Að hætti Pontíusar þvær hann hendur sínar af óraunhæfum kjarasamningum sem gerðu ráð fyrir hagvexti sem var aldrei í kortunum.  

Kennir krónunni um.  Undirliggjandi áróður að þetta hefði ekki gerst ef við hefðum draumamyntina sjálfa, evruna.

Hvert geta krónuhækkanir umfram kaupmátt þjóðarbúsins leitað annað en útí verðlag???

Hvernig getur gengið annað en lækkað þegar saminn kaupmáttur krónunnar helst ekki í hendur við aukningu á tekjum þjóðarbúsins???

 

Jú ef við höfum evru, þá helst gengið stöðugt segir Ólafur að hætti hirðfífla miðalda sem sögðu það sem húsbændur þeirra vildu heyra.

Og það er rétt, evran myndi ekki falla þó ASÍ semji eins og fífl.  Evran myndi ekki falla þó vogunarsjóðir fari með hávaxtagróða sinn (ASÍ studdi samkomulagið við AGS sem kvað á um hávaxtavelferð krónubréfseiganda) úr landi, evran fyndi ekki fyrir hinni íslensku heimsku.

En þjóðarbúið myndi gera það í formi fjárskorts og síðan gjaldþrots.

Launþegar myndu gera það þegar eina úrræði stjórnvalda væri að fyrirskipa launlækkun líkt og gert var á Írlandi, Grikklandi og Portúgal.  Auk hinnar opinberu launalækkunar myndu þeir horfast í augun á uppsögn og endurráðningu á ennþá lægri kjörum.  

Að ekki sé minnst á hina endanlegu launlækkun, atvinnuleysið sem ryki upp úr öllu valdi.

 

Þetta veit Ólafur Darri, hann hefur menntun til að skilja þetta einfalda samhengi og er þar að auki enginn bjáni.  Enda voru bjánar sjaldnast ráðnir í stöðu hirðfífls hjá konungum sem eitthvað áttu undir sér.

En hann segir þetta samt því húsbóndi hans krefur hann um áróðurinn.

Húsbóndi hans vill upphefð og fremd í Brussel og til þess þarf að plata þjóðina í ESB.

 

Það er illa komið fyrir góðum dreng, hugsjónamanni að enda ævi sína sem hirðfífl evrunnar á Íslandi.

Og það er illa komið fyrir verkalýðshreyfingunni að styðja hel og örbirgð íslensk launafólks.

Skuldaþrælkun og erlenda ánauð.

 

Og það er illa komið fyrir þjóðinni að hirðfífl skuli eiga hina opinberu umræðu.

Slíkt endar aðeins á einn veg.

 

Í svarthol ameríska vogunarsjóða.

Þaðan sem enginn á afturkvæmt.

Kveðja að austan.

 

Hagfræðingur ASÍ: Mikil vonbrigði

Athugasemdir

[Jonsi (IP-tala skráð) 28.11.2012 kl. 13:03]

Krónan hefur ekkert verið að falla svona 4.5% í vöruviðskiptum við útlönd.

Hvar er þá sökudólgurinn, heimsmarkaðsverða á vörum að bólgna út 4.5%...það er heldur ekki rétt ...

Hvar er þá sökudólgurinn að öllu er virðist óbreyttu undanfarna mánuði?

Jæja, innflytjendur á vörum og seljendur meiga auðvitað smyrja meira ofan á, ef þeim svo sýnist ... Þeir þurfa jú að borga alls konar lán og laun.  Er einhver sem telur að hér á landi sé mikil samkeppni um innflutning?  Goðsagnir sem eiga við í einstaka tilvikum.

Jonsi.

[Magnús Sigurðsson, 28.11.2012 kl. 14:50]

Hann mun leika hirðfífl svo lengi sem hann fær borgað fyrir það Ómar.  Það er allt morandi í fábjánum gegn greiðslu.

[Ómar Geirsson, 28.11.2012 kl. 15:14]

Já, það er hægt að kaupa ýmislegt fyrir peninga Magnús.

Jonsi, veikings gjaldmiðils er óhjákvæmileg afleiðing af óraunhæfum kjarasamningum líkt og það flæðir fyrir þegar þú bætir vatni í þegar fulla fötu.

Og ofurskuldsett þjóð er alltaf með veikt gengi, upptaka annarrar myntar fær því aldrei breytt.

Kveðja að austan.

[Jonsi (IP-tala skráð) 28.11.2012 kl. 16:27]

Já veikt gengi eins og það hefur verið fest síðustu mánuði af Seðlabankanum.

Ef þú skoðar gengisþróun miðað við evruna, þá hefur lítið net breyst undanfarið ár.

Þegar innlendar og innfluttar afurðir eru að aukast í verði, hver er þá að biðja um meira fyrir störf sín, fyrst ástæðan er ekki gengismunurinn?

[Ómar Geirsson, 28.11.2012 kl. 17:51]

Veit ég það Jonsi en ef þú væri með sterkara gengi og þar með ódýrari innflutning ef þjóðin væri ekki svona skuldsett.

Verðbólgan skýrist af tvennu, kjarasamningum umfram tekjuaukningu þjóðarbúsins og háum vöxtum.

Reyndar hélt ég að matvæli væru að hækka útí hinum stóra heimi, það er þróun sem hefur átt sér stað í töluverðan tíma, en hvernig það mál stendur ákkúrat núna, veit ég ekki.  

Þó veit ég að aðföng í landbúnaði hafa hækkað mikið.

Ef maður fer að hugsa út í það, þá er reyndar ótrúlegt hvað verðbólgan er lítil.

Kveðja að austan.