Hæ ó jippí a jei, það eru að koma kosningar.

 

Ætli næsta frumvarp verði ekki um styrkingu sjúkrahúsa á landsbyggðinni.

Þar næsta frumvarp verði tekið beint uppúr frægri ræðu Jóhönnu Sigurðardóttir um Skjaldborg heimilanna.

Þar, þar næst verður frumvarp Steingríms Joð Sigfússonar um EKKI eignarhald ameríska vogunarsjóða á íslensku bönkunum.

Og þar, þar  þar næst verður eitthvað sem  mikið verður deilt um á næsta ríkisstjórnarfundi, hvað kemur næst undir liðnum "þar, þar, þar næst", það er úr svo mörgu að velja, listi hinna svikinna loforða er því sem næst ótæmandi.

Það er ef haft er í huga þeir örfáu mánuðir sem þessir leppar íslensku útrásarvíkingana hafa til ráðstöfunar.  Það er jú kosningar eftir nokkra mánuði.

 

En kannski, kannski er dularákvæði í komandi stjórnarskrárkosningum sem kveður á um að ef ríkisstjórn landsins mælist með áður óþekkt fylgi, og þá í neðri kantinum, að þá fái hún annað tækifæri.

Og þá með tilvísun í jafnréttisákvæði núverandi stjórnarskráar, að enginn megi vera of vondur við annan.

 

Ef svo er, þá Nei, það verða ekki rosa, rosa mörg jákvæð frumvörp um allt sem betur má fara, skilyrði hins annaðs tækifæris er eitt, og aðeins eitt.

Ríkisstjórnin má ekki ljúga lengur, sem þýðir, engin frumvörp, og málbann á Jóhönnu Sigurðardóttir.

En Steingrímur sleppur, hann kann ekki að ljúga, hann trúir.

Eða réttara sagt trúir sínum eigin orðum.

 

Sem þýðir að líklegast duga ekki 4 ár í viðbót.

En skiptir engu máli, skrípið næsta laugardag verður ekki kosið, þar með er úti um von ríkisstjórnar Jóhönnu Sigurðardóttir um second sjens.

Og "góðu" frumvörpin munu hellast yfir þjóðina.

 

Vonandi ekki í yfirvinnu þeirra starfsmanna sem þurfa að prenta svikatextann, það er of dýrt.

Það vantar pening í endurnýjun tækja á sjúkrahúsum.

 

Stjórnin þarf að springa í haust.

Kveðja að austan.

Skerðingar lækkaðar á 4 árum

Athugasemdir

[Ingibjörg Guðrún Magnúsdóttir, 17.10.2012 kl. 16:26]

Fer þessi Ríkisstjórn frá Ómar ef Þjóðin samþykkir ekki drögin að þessari nýju Stjórnarskrá...

[Ómar Geirsson, 17.10.2012 kl. 16:44]

Nei, hún gerir það ekki Ingibjörg.

Héðan er ljóst að enginn flokkur vill kosningar fyrr en í vor.

Siðferðislega varð þessi ríkisstjórn gjaldþrota eftir fyrri þjóðaratkvæðagreiðsluna um ICEsave, Sjálfstæðisflokkurinn varð það líka eftir þá seinni.

Og allt Alþingi varð gjaldþrota eftir dóm Hæstaréttar vegna vaxtaútreiknings gengislánana, í þeim dómi voru lög Alþingis úrskurðuð þjófnaður.  Sem Alþingi gerði svo ekkert með.

Og eftir því sem ég hugsa málið meira þá sé ég samhengi milli þessa dóms Hæstaréttar og stöðugra upphlaupa  á Alþingi um mál sem engin glóra er í. 

Þessi þjóðaratkvæðagreiðsla er af því meiði, um ekkert, þjónar engum tilgangi.

En stjórnar umræðunni þessa dagana, svo verður niðurstaða hennar rædd næstu vikurnar, svo kemur eitthvað annað upp.  

Og svo annað og annað.

Eftir stendur sú staðreynd að Alþingi samþykkti lög um stærsta þjófnað Íslandssögunar, og Hæstiréttur felldi úr gildi.

Samt fer enginn eftir þeim dómi Hæstaréttar, þjófarnir hafa sjálfdæmi um hvernig þeir túlka dóm Hæstaréttar.

Atburðarrás sem er algjörlega óþekkt meðal vestrænna lýðræðisríkja, og líklegast meðal flestra einræðisríkja líka.

Atburðarrás sem gæti ekki átt sér stað nema með þegjandi samþykki stjórnarandstöðunar.  

Og vegna þess að þjóðin lætur mata sig á tilbúnum ágreiningsefnum, trekk í trekk.

Þetta er meinið Ingibjörg, það er verið að plata okkur öll.

Kveðja að austan.

[Valgeir (IP-tala skráð) 17.10.2012 kl. 20:10]

Frétt um hækkun bóta er kölluð "Skerðingar lækkaðar..." en ekki "Lækkun skerðingar...". Gott að skerðingarnar verða ekki skertar.

[Ómar Geirsson, 17.10.2012 kl. 20:32]

Segðu, það er ekki allt skert.

Aðeins lífsgrundvöllur hins venjulega fólks.

Kveðja að austan.