Hvað vill Sjálfstæðisflokkurinn gera???

 

Ég bara spyr???

Hvenær ætlar hann að útskýra stefnu sína???

Hvernig getur flokkur verið með um 40% fylgi án þess að segja eitt orð um hvernig hann ætlar að takast á við snjóhengjuna??'

Samfylkingin reynir þó, hún vill taka upp evru svo allavega auðmennirnir sleppi með fé sitt úr landi.

 

En Sjálfstæðisflokkurinn???

Hann talar og malar, en segir ekki orð af viti, eða óviti heldur ef útí það er farið.  

Hann segir ekki neitt um efnisatriði málsins, lætur duga að gagnrýna og gagnrýna ríkisstjórnina fyrir að framkvæma stefnu AGS sem nota bene Sjálfstæðisflokkurinn samdi um á sínum tíma.

Og uppsker 40% fylgi fyrir vikið.

 

Hvað segir þetta um Sjálfstæðisflokkinn, hvað segir þetta um þjóðina????

Kveðja að austan.

Á að senda almenningi risareikning?

Athugasemdir

[Kalli (IP-tala skráð) 16.10.2012 kl. 11:18]

Mér skilst að Bjarni Ben. hafi talað um það að semja við kröfuhafana eða fara leið Lilju Móses. A.m.k er hann ekki hrifin af leið Samfylkingarinnar:

"Ef menn ætla að fara að leysa alla þessa fjárfesta eftir að við göngum í evruna, þá mun ekkert annað gerast, þrátt fyrir að Evrópusambandið ætli að verða ofsalega liðlegt við okkur, en að ríkissjóður eða seðlabankinn mun lenda í stórskuld við Evrópska seðlabankann. Mér finnst það nú ekkert sérstaklega spennandi framtíðarsýn fyrir þjóðina."

BB í Silfrinu.

[Ómar Geirsson, 16.10.2012 kl. 11:40]

Blessaður Kalli.

Þetta er eiginlega vandinn í hnotskurn, "Mér skilst".  

Það er hvergi sagt neitt áþreifanlegt og því er aðeins hægt að treysta á nef sitt.

Strax eftir fyrstu þjóðaratkvæðagreiðsluna um ICEsave, fékk ég það á tilfinninguna að Bjarni myndi koma út úr skápnum með stuðning sinn við ICEsave.  Fékk ákúrur harðar frá ICEsavesamherjum mínum úr röðum Sjálfstæðisflokksins.  Þegar upp var staðið þá voru þeir harðari við formann sinn en ég nokkurn tímann.  Þeir upplifðu svik, ég sá aðeins þann veruleika Bjarna að þora ekki gegn ógnvarvaldi fjármagnsins.  

Ég held að það sama sé að gerast núna og get fært fyrir því rök. En nenni ekki að pistla um það, rökstuðningur er ekki "inn", er alltof langur í lestri.  Ég skrifa aðeins slíka pistla mér sjálfum til minnis um mál sem ég ætla að hafa bak við eyrað seinna meir.  

Vil aðeins benda á að forfeður Bjarna í flokknum hefðu strax tekist á við þennan vanda með rökstuðningi og tillögum, þeir hefðu mótað stefnu, ekki fylgt vindi.

Og þeir hefðu varið þjóð sína.

En það var í den Kalli.  Fyrir tíma frjálshyggjunnar, fyrir tíma alþjóðavæðingarinnar.

Kveðja að austan.

[Jonsi (IP-tala skráð) 16.10.2012 kl. 13:47]

Guðlaugur Þór og FME-gate labbakútarnir.

Eru Heiðar Már og Ársæll Valfells þá ekki bara alveg óttengdir Guðlaugi, og hin bestu vitni í lögsókn gegn forstjóra FME?

Gætu Guðlaugur, Heiðar og Ársæll ekki allt eins haldist í hendur og gengið niður laugarveginn?

 http://www.visir.is/arsaell-og-heidar-vinna-ad-tilbodi-med-staerri-fjarfestum/article/2010193033749

  http://www.mbl.is/mm/mogginn/blad_dagsins/bl_grein.html?grein_id=1263237

 http://www.mbl.is/frettir/innlent/2012/03/12/bad_arsael_ad_koma_gognum_til_dv/

 http://www.mbl.is/frettir/innlent/2012/03/13/gert_ad_skila_greinargerd_til_rektors/

Jonsi (IP-tala skráð) 16.10.2012 kl. 13:45

[Ómar Geirsson, 16.10.2012 kl. 13:55]

Veit ekki Jonsi.

En það væri samt fyndið að sjá þá leiðast hönd í hönd niður Laugarveginn.

Kveðja að austan.

[Eggert Guðmundsson, 16.10.2012 kl. 21:32]

Stefna Sjálfstæðisflokksins er skýr í augum flokksbundinna sjálfstæðismanna. Þess vegna fær hann 40% fylgi. Það er einungis spurnirg hvænær hin 60% af þjóðinni vakna og þar á meðal okkar mætu Alþingismenn.

[Ómar Geirsson, 16.10.2012 kl. 21:56]

Helv. hafi það Eggert að 40% þjóðarinnar sé flokksbundið í flokknum eina. 

En ég hef það mikla trú á forsendum lífsins að ég held að flokkurinn muni rifja upp sínar gömlu rætur. 

Hann hefur áður barist gegn ógn og dauða, þá hafði hann forystumenn sem þekktu grunnforsendur lífs, frelsi, mannúð, mennsku.

En það er ekki félegt að 40% þjóðarinnar skuli fylkja sér um Dauðahagkerfið.

En á því eru skýringar sem fólkið sem vill breyta, þarf að fara að fatta.

Svo ég segi bara eins og Wham, "Wake me up, before ..." allt fer til helvítis.

Kveðja að austan.

[Eggert Guðmundsson, 16.10.2012 kl. 22:42]

Það má einnig minna fólk á Sjálfstæðisflokkinn og hvað hann stendur fyrir. Það má minna fólk á hvaða flokkur hefur byggt upp allt velferðarkerfi á Íslandi. Það má minna fólk á hverjir eyddu upp öllum uppsöfunuðum sjóðum þjóðarinnar á árunum 1974-1978. Það má minna fólk á hvaða flokkur sá til þess að ríkið var nánast skuldlaust þegar heimshrun banka skall á þjóðina. Það má minna fólk á hvaða flokkur kom á bjargræði fyrir þjóðina áður en VG kom þeim frá.

Það er margt að minnast, Ómar minn. Þögn flokksforustu Sjálfstæðisflokksins er áminning til okkar allra. Landsfundur flokksins náði eyrum sumra, en ekki fékk hann neina umfjöllun hjá ríkisfjölmiðlum, þótt skýr stefna hans gæti leitt okkur til lífsbjargar. Efnahagsillögur þeirra á Alþingi hafa ekki náð eyrum íslendinga enda kæfð í fæðingu af Forseta Alþingis. Mál þeirra flokka sem vilja þjóðinni framgang ná ekki fram. Þau stöðvast af  Forseta Alþingis.

Þögn er ekki stefna Sjálfsæðisflokksins, en það hefur verið reynt, leynt og ljóst, að kæfa  niður allt sem Sjálfstæðisflokkurinn hefur lagt fram til málanna.

Fólk er að sjá uppskeru þess er það sáði til fyrir tæplega 4 árum. Sundrun, sundurleysi,lygar, hræsni og svik við allt sem var lofað. Búið að eyðileggja Alþingisstofnun í augum almennings, allt traust farið. Brot á stjórnarskrá, brot á lögum, brot á óskrifuðum reglum okkar samfélags. Gjafir til Vogunarsjóða á skuldium heimila, þegar hægt var að láta fjölskyldur njóta afskrifta að helming. Vaxtastefnu Seðlabanka (nánast Landráð) til að greiða vexti til þeirra sem hnésettu okkar samfélag. Við fiskum ekki einu sinni upp í þessar vaxtagreiðslur. Breytingar á kjörum lána frá IMF.90-120. þúsund milljónir streyma úr landi í beinhörðum erlendum gjaldeyri til handa þeim sem reyndu að hnésetja okkar samfélag í VAXTAGREIÐISLUM. 

Þetta er það sem við íslendingar hafa upplifað sl. 4 ár. 

Sem betur fer fyrir okkur er þetta  stundarglas að renna út.

Við íslendingar eigum betra skilið. Það sér amk.  40% þjóðarinnar.  Ég er hissa á að það skuli eki vera fleiri.

[Ómar Geirsson, 17.10.2012 kl. 20:28]

Eggert, þegar hið góða er talið upp þá vil ég alltaf halda til haga leiðréttingu lífeyrisréttinda ríkisstarfsmanna, það var gjörð sem ég sá gjörbreyta efri árum föður míns.

Og ég líka halda þeirri skoðun minni til haga að það þaggi enginn niður í Sjálfstæðisflokknum, flokki atvinnurekanda og peningaafla.  Ef Sjálfstæðismenn telja lítið heyrast í flokki sínum þá ættu þeir að spá í af hverju það stafi, til dæmis styrk forystunnar, eða hvort hún sé í hjarta sínu sammála því sem er að gerast.

Minni á að forysta flokksins hefur alltaf skorið Jóhönnu úr snörunni þegar engin önnur bjargráð hafa verið sýnileg.  Gerðist bæði í ICEsave og varðandi skuldamál heimilanna.

Ég hef alltaf gert skýran greinarmun á kjarna sjálfstæðisstefnunnar og þeirra skrýmslakenninga sem flokkurinn hefur hallast að síðustu árin.  Og ég hef hvergi haldið fram að hann sé einn um aðhyllast þær, "svarta veikin" hefur yfirtekið hugmyndaheim hagfræðinnar og bæði flokkar til hægri og vinstri hafa sýkst alvarlega af henni.

Dauðahagkerfið er hugmyndafræði sem tengist hvorki hægri eða vinstri, útbreiðsla þess var stýrð þróun örfárra auðmanna í bandaríkjunum upp úr 1970, með þeim eina tilgangi að gera hina öfurríku ennþá ríkari, ásamt því að vera gagnsókn ultrahægrisins gegn þjóðfélagssátt 20. aldarinnar sem við köllum velferðarkerfið, en sú sátt batt enda á um stéttarátökin miklu sem hófust á 18 öld.

Sjálfstæðisflokkurinn hefur aldrei tekið upp siðleysi dauðspekinnar sem dags daglega kallast frjálshyggja eða nýfrjálshyggja en innan flokksins hafa sterk öfl haldið henni bligðunarlaust fram.

En flokkurinn tók upp efnahagsstefnu hans, að aflétta regluverkið kringum fjármagnið, að leyfa því að leika lausum hala yfir lönd og landamæri, og ýta í alla staði undir einokun og auðsöfnun.  Stærsta ógæfusporið var upptaka ESB reglna um frjálsa flæðið, en annars var um hægfara samdaunun að ræða.  Sést best í þeirri staðreynd að hálf ungliðahreyfing flokksins var komin í vinnu hjá bönkunum, sérstaklega undir handleiðslu Sigurjóns Þ. Árnasonar.

Hrunið varð vegna stefnu flokksins, og flokkurinn gerði ekkert til að hindra það.

Hann vildi ekki hrunið, en hann var samdauna þeim kröftum, jafnt innlendum sem erlendum sem leiddu til þess.

Eftir Hrunið þá voru sem betur fer öfl innan flokksins sem náðu að hindra að bankakerfið væri sett á almenning, og þar með séð til þess að þjóðin missti sjálfstæði sitt og fjárhag.  Og mér er til efs að ef ekki hefði komið til harðfylgi Davíðs Oddssonar þá hefðu þessi öfl ekki orðið ofaná þegar ákvarðanir voru teknar á ögurstundu.

Það er líka staðreynd að eftir hrun þá samdi ríkisstjórn Íslands, undir forystu Sjálfstæðisflokksins við AGS um efnahagsáætlun sem leiddi beint til gjaldþrots þjóðarinnar.  Ekkert sjálstætt ríki hefði getað staðið undir þeirri greiðslubyrði sem samið var um.  Á þetta benti Ívar Páll Jónsson, blaðamaður viðskiptakálfs Moggans strax á, og færði rök fyrir máli sínu sem ekki var hægt að hrekja. 

Enda voru þau ekki hrakin, það var þagað.

Frá þessum samningi hefur ekkert það komið fram hjá forystu Sjálfstæðisflokksins sem tekst á við efnahagsvanda þjóðarinnar eða önnur þau mál sem brenna á henni.  Ég er að tala um raunverulegar tillögur, ekki orðagjálfur sem ætlað er að afla fylgis eða róa stuðningsmenn flokksins.

Í raun hefur flokkurinn, eða flokksforystan, haldið sig við aðgerðarplan AGS, og er því í raun stuðningsflokkur núverandi ríkisstjórnar, sem hefur það staðfest hjá AGS að hafa framfylgt efnahagsstefnu sjóðsins.

Það er ekki rök í málinu að benda á virkjanatillögur flokksins þegar ljóst er að gjaldþrota orkufyrirtæki hafa ekki getað fjármagnað nýjar virkjanir.  

Ég fullyrði að Bjarni Benediktsson eldri, eða Geir Hallgrímsson hefðu aldrei lagt nafn sitt við slíkt lýðskrum.  Og ég tel líka að þeir hefðu aldrei stutt aðgerðarplan AGS, eða annað það sem gerir þjóðina sjálfkrafa gjaldþrota.

Þeir hefðu stutt Davíð Oddsson.

En það er mín skoðun.

Málið er Eggert, og það útskýrir þetta langa mál mitt, að hinn almenni flokksmaður Sjálfstæðisflokksins þarf að opna augun og horfast í augun á raunveruleikanum eins og hann er.

Bæði að skilja að eina sök VG er að hafa farið í ríkisstjórn með þegar markaða efnahagsstefnu AGS, og framfylgt henni.  Það var flokkur þeirra sem samdi um hana og það er flokkur þeirra sem styður hana.

Og að það skiptir ekki máli hvaða flokkur er í stjórn, á meðan meginlínur þess kerfis sem hefur komið Vesturlöndum í þrot á örfáum árum, gerði það sem Stalín tókst aldrei, móta áfram efnahagsstefnuna og þær leiðir sem farnar eru.  

Og það sem meira er að hann þarf að horfast í augun á þeirri staðreynd að hugmyndafræði alþjóðavæðingarinnar er ekki hægri stefna eða frjálslyndi, þetta er siðlaus réttlæting á þrælahagkerfum fornaldar og mun leiða til endaloka siðmenningarinnar innan ekki svo margra ára.

Hinn almenni sjálfstæðismaður verður að horfast í augun á sjálfum sér og viðurkenna að hann hefur verið afvegleiddur, að hann var blekktur af auðmönnum, að hann bar ekki gæfu til að segja Nei við öfgum ómennskunnar líkt og forverar hans gerðu á fjórða áratug síðustu aldar þegar þeir létu ekki ómennsku nasismans blekkja sig.

Hann verður að gera það því í rótum sjálfstæðisstefnunnar eru fræin sem munu fella ómennskuna og endurreisa kapítalismann.  Allt sem þarf að gera er að lesa ræður og rit gömlu mannanna og skilja þær.  Skilja hugsun þeira og tilgang.

Sjálfstæðismenn þurfa ekki að skammast sín fyrir fortíð sína, þeir þurfa að skammast sín fyrir sjálfa sig.

Framtíð barna þeirra er í húfi.

Kveðja að austan.